جهاز المشي مفيد اذا انتي مو متبعه رجيم ؟

جلكسيــه

New member
إنضم
17 مايو 2011
المشاركات
152
مستوى التفاعل
0
النقاط
0
بنات شلونكم شريت جهاز المشي وما قدرت استمر على الرجيم :bbbiu:
تبي تضحكون الحمدلله آكل باليوم ثلاث وجبات :rerrerek: وهذا طبيعي صح لان الجسم يحرق بالاكل والنظام معاي ....... لكن المشكله بين هذي الوجبات الشاي والقهوة ويمعتنا المغرب :D ولاتخلو من الحلو والمعجنات وهذا حال كل بيت كويتي صح؟ هههههههههه ونبي نضعف بعد :eh_s(7):
ههههه المهم قلت دام ماكو اراده بمشي بالجهاز يمكن يحرق اللي كليته والحين ابي مشورتكم يا اخواتي العزيزات وابي تقولي منو جربت تمشي من غير اتباع نظام دايت يعني اكل طبيعي وحركه هل تضعف ؟

وفي سؤال مهم كم يحرق الجهاز اذا ربع ساعه ونص ساعه وساعه من السعرات الحراريه ؟
وشكرا وهذي للي ترد:eh_s(7):
 

جلكسيــه

New member
إنضم
17 مايو 2011
المشاركات
152
مستوى التفاعل
0
النقاط
0
مشكوره حبيبتي انا والله ما تحمل ساعه امل ازهق هههههههههههه
 
إنضم
29 يناير 2012
المشاركات
592
مستوى التفاعل
0
النقاط
0
حبيبتي زين المشي حتى لو دون رجيم وبتنحفين ان شاء الله ابتدي ب نص ساعه وكل مرا زيدي الوقت شوي وتوصلين للساعه وما تحسين ...
ترى عادي تشربين قهوة وشاي بين الوجبات او الصباح بسسس المهم يكون بدون سكر او سكر رجيم
و دام انك مو مسوية رجيييم اختاري اكل صحي اقصد بدل المقلي خذي مشوي او مسلوق وانتبهي لا تاكلين الجلد اللي على الدجاج وكل ما تجوعين كل خس وخيار موب حلى وشوكلاته

دعواااتك
 

3oosh <3 MJ

New member
إنضم
9 فبراير 2011
المشاركات
838
مستوى التفاعل
0
النقاط
0
الإقامة
Qtr
جوفي حبيبتي اذا كنتي تخربطين ماراح تنزلين الا يمكن كيلو فالشهر
بس جسمج بينشد
لاتسوين رجيم بس خففي اكل عشان تتعودين على هالشي طول عمرج
 
إنضم
13 أكتوبر 2010
المشاركات
9,118
مستوى التفاعل
2
النقاط
0
الإقامة
في قلب زوجي ♥
طبعا حبيبتي مفيد ااساليني انا صرلي الحمدلله يارب سنه بالزبط بمشي على جهاز المشي يوميا بس هالفتره بلشت اخربط

جهاز المشي بنسق جسمك وبشد جسمك وبنحت جسمك ، وحتى لو بدون رجيم ، بس انتي حاولي خففي وجبه العشاا

وبالنسبه للسعرات حبيبتي ، على حسب المشي والسرعه

ب 10 دقايق ممكن تحرقي 50 سعره اذا كنتي ماشيه على مستوى 6

وب 10 دقايق ممكن تحرقي 25 اذا كنتي ماشيه على مستوى 4

والنص ساعه ممكن 150 على مستوى 6 او 6 ونص


انا بمشي ساعه بحرق 300 سرعه الحمدلله ، الله لا يغير علي الا للاحسن يارب العالمين

وتقريبا هلا صرلي شهر مخربطه ما بمشي كل يوم ومتل اول بس محافظه على الاكل
 

قطوووة

*مساعدة مشرفات قسم السمنة والنحافة*
إنضم
8 فبراير 2009
المشاركات
21,526
مستوى التفاعل
3
النقاط
0
الإقامة
الكويت اغلى بلد
حبيبتي اول نص ساعه ماتحرق

بعد النص ساعه يبدا الحرق

انا كنت اروح الممشى اول الايام مااتحمل امشي الا نص ساعه

بالتدريج صرت امشي ساعه

وخف وزني مع الالتزام برجيم طبعا
 
إنضم
25 أكتوبر 2009
المشاركات
8,321
مستوى التفاعل
12
النقاط
0
الإقامة
بين زحمة كتبي واوراقي
المشي مفيد حتى بدون رجيم
بس اذا تبين تضعفين لازم حميه ورياضه مع بعض
اما اذا رياضه بدون رجيم ماتنفع
ورجيم بدون رياضه ماتنفع
وان حصل تغيير بيكون بطيء
 

اخت خالتهم

*مساعدة مشرفات قسم الحمل والولاده&تأخر الانجاب*
إنضم
25 مايو 2010
المشاركات
10,231
مستوى التفاعل
13
النقاط
38
الإقامة
الكويت حبيبتي
انصحج بجهاز الاوربتراك



تحركين ريولج بشكل دائري جنج راكبة قـاري " دراجه " و بنفس الوقت تحرقين الايدين و الزنود

و الربع ساعه تعادل نص الى ساعه الا ربع مشي
و النص ساعه تعادل ساعه الى ساعه وربع مشي

و تقسم الجسم
وصج تضعف
 

اخت خالتهم

*مساعدة مشرفات قسم الحمل والولاده&تأخر الانجاب*
إنضم
25 مايو 2010
المشاركات
10,231
مستوى التفاعل
13
النقاط
38
الإقامة
الكويت حبيبتي
و آنـا توني شاريته الجهـاز استعملته مرة يهد الحييييل :p وحيل حلو
واليوم بتمرن عليه ان شاءالله
 

( المـلاك )

New member
إنضم
27 أغسطس 2009
المشاركات
32,479
مستوى التفاعل
4
النقاط
0
شوفي حبيبتي

انا جهاز المشي عندي بالبيت من سنة تقريبا
خليني اقولج تجربتي و استفيدي

قبل سنة متنت شوي و كنت بضعف
فاللي سويته ( ريجيم + مشي بالجهاز لمده ساعه كاملة يوميا ) و بهالساعه بالجهاز كنت البس حزام حراري على البطن
و النتيجه
كل يوم انقص نص كيلو بالميزان

عقبها مليت من المشي بالجهاز و صرت بس اسوي ريجيم بروحه
والنتيجه
كل يوم انقص ربع كيلو بالميزان

فـ هني عرفت انه المشي ساعه كامله باليوم له فايده واااايد كبيرة وحيييل يأثر على سرعة نزول الوزن

طبعا صرت فار تجارب
رديت ثاني يوم سويت ريجيمي مع المشي ساعه كاملة
و ثاني يوم عالميزان
فعلا نزلت نص كيلو مثل قبل

ف عرفت انه السبب من جهاز المشي
حيييييل يساعد وقت الريجيم

و بعد مممممممممممممم

اي ترى كل يوم نص كيلو لا تستغربون
بس كان ريجيمي قااااااااااااااتل على قولت امي ريجيم ميانين

وقتها كان وزني 68 و وصلت لي 59 والحمدلله وصلت للوزن اللي ابيه و اللي يتناسب ومتناسق مع طولي و جسمي بشكل عام
يعني نقصت وقتها 9 كيلوووو

بس شوفي
انا اقولج
اول الايام مستحييييييييييل تقدرين ساعه كاملة
لانه ريلج بتعورج ولما تقعدين من النوم ثاني يوم هم عظام فخوذج شاده عليج
سوي مثلي
اول يومين نص سااعه ( ترى نص ساعه سهالات والله )
ثاني يومين ساعه الا ربع ( هذي تحسين بصعوبه شوية لانج بالبدايه )
عقبها خليج على السااااعه ( اول يومين بتتعبين بعدين عادي )
والمشكله انج تزهقين ، فسوي نفسي وخلي الجهازمجابل التلفزيون او حطيلج سماعه او خلي يمج احد يقرق ههههه
و يضيع الوقت

و بعد بقولج عن الجهاز بشكل عام بدون الريجيم
اهو ينقص من السعرات الحراريه
بالساعه الكاملة 400 سعر حراري تقريبا اذا كانت سرعتج متوسطة لي عاليه

انا هذا حساب جهازي لانه فيه شاشه تحسب

و ايي خل اقولج عن السرعه
لما تبلشين ساعه كاملة
خليج اول ربع ساعه سرعه 52 و ثاني ربع ساعه سرعه 54 و ثالث ربع ساعه 56
انا مرات كل عشر دقايق ازيد السرعه لين اوصل 60 و ترى 60 تعتبر جري فتصير اخر عشر دقايق ..

و اذا انتي ماتسوين ريجيم بس جهاز مشي
واايد مفيييييد
لاني تميت اسوي جذي شهر كامل
شوفي الفرق اللي صار
اول شي احس نفسي خفييييييييييييفه بصعده ونزله الدري دايما احس بثقل مع انه وزني وصل 59 بس احس بثقل
ومن جابلت الجهاز كل يوم مشي احس نفسي خفيفه حتى عالمشي بالمجمعات ولا الركض بشكل عام واحس فيني طاقه
ثاني شي جسمي مشدود ولا فيه اي ترهل من بعد الكيلوات اللي طيحتهم
واكثر شي احس بشد بعضلات فخذي صايره مقصوصه وحلوة

و بسسس
انشالله اكون فدتج =)
 

جلكسيــه

New member
إنضم
17 مايو 2011
المشاركات
152
مستوى التفاعل
0
النقاط
0
مشكورين بنات ماقصرتو ثانكس للكل خلاص بمشي على الجهاز يوميا وبشوف الميزان كل اسبوع وابلغكم