جلسة التصوير الاولية... الموضوع الاول لحملة نيولوك أنثى الصيفية الرمضانية

[الكيكه دندن]

ماشاء الله تبارك الله اهدافكم حلـــــــــــــوة وايد ونا راح اكتب اهدافي الحين اما قشي والمنتجات اللي راح استخدمهم راح انزلهم بعد شوي لان يبيلهم تصغير .

اهــــــــدافي في هذي الحمــــــلة

الجانب الديني

قرآة ورد كل يوم من القرآن
قيام الليل
سماع القرآن
ذكـر الله
دهن الجسم بزيت زيتون مقـري
وشرب ماء مقري

تحسين القوام

ناويه انزل تقريبا 7 كيلو بالحمله السابقه نزلت 3 كيلو
وان شاء الله اوصل عالاقل ل60 كيلو

العنايـه بالشعر

ابي شعري يطـول وان شاء الله راح اعمل عنايه مكثفة

العناية ببشرة الوجه والجسم
راح اهتم ببشرتي وارطب جسمي حتى احصل على بشره ناعمه وصافيه مثل بشرة الأطفال​

بالنسبة لاهدافي طرا تغيير عالوزن وزنت نفسي يوم اليمعه وماشاء الله نزلت 2 كيلو صار وزني 65 وجسمي ماشاء الله حلو بس مو مشكله راح انزل 4 كيلو واحافظ على الوزن:ggdw: برافوووووو عليي:eh_s(22):

​

 

[الكيكه دندن]

الذين تشاهدون محتوى الموضوع الآن : 11 ( العضوات 5 والزائرات 6)
‏الكيكه دندن, ‏مجرد اسم عابر, ‏اذكروا ربكم, ‏احلى دبه, ‏طـالبة

 

[الدلـــع كله]

لييييش محد رحبببببببببببببببب فيني ):
زعلانه انا

 

[الكيكه دندن]

هلا والله حياتووووووووو انا كاني رحبت فيج

 

[M!Ss Un!VerSe]

انا طولي 159 ووزن 78

بس جسمي مرتب الحمدلله يعني امس قالولي حيادر بس متنانة بتنفجرين لووووول لان اول كنت اضعف شوي

بس هم ماتوقعوا ان هذا وزني لان شكله اقل

الحمدلله الحمدلله الله لايغير على تركيبة جسمي لووووول

بس يااااارب اصير كيم

غلطانه حيدوره

كيم طولها 157 انا حافظته لإنها نفس طولي واهي قايله بموقعها

وهذا قياساتها اذا تبين تستنسخينها

Height: 5′2” and 1/2 (157 cm)

Weight: 117 lbs. (53 kg)

Jeans size: 27

Bust: 34 (86 cm)

Waist: 26 (66 cm)

Hips: 39 (99 cm

انا عندي نفس طولها ومقاس جينزها وتقريبا الباجي مثلي والحمدلله
حيدوره احسج تشبهيني انا نفس قصة جسم كيم خصري ضعيف والويست نفسها بس مو مثل طنتها هههههه
والله والله ما جذب بس عالاقل انا اذرب منها وعاجبني جذي ماحب الأوفر الأوادم كلها تطالع بالله وين اصرفها :krkrkr:
أنا صحيح البس نفس قياسها بس اهي ماشاء الله يعني ماعندي مثل مالتها بعد تعطوني عين عبالكم مثل مالتها
لإنها قالت بموقعها انها تلبس الجينز اللي يصير سترج .. ماشاء الله لا إله إلا الله... اذكروا ربكم
لا تحسدوني بنات بروحي محسووده.. والله.. :tomato2:

حيدووره شكلي بييلج المعرض اتحدااج هههههههه :dddds:


انزين بنات انا اليوم قريت لصفحه 35 خلاص بسكم هذره حطوا جداولكم وطلعوا:eh_s(1):
حدي تعبت اقرا وكلها القى طايفني وايد وهذا انا ادش اكثر من مره باليوم بسبب تعليق المنتدى
وماالحق .. ماشاء الله عليكم لاحول ولا قوة إلا بالله.:klhfl:

 

[M!Ss Un!VerSe]

يونيفيرسٍ يآقلبيٍ ،
هذإ تقشير آحماض آلفواكهَ للبشره آلحسآسهَ ، تسوينه جلسه وحده بسٍ ..
بعدين تشترينٍ كريمآت تقشير إحمآض آلفوآكه .. وسورسيرآَت ~
وتستمرين عليهآ لآنها تعمل عمل آلتقشير بآلضبط
وهيدروكسيد بيلٍ آللي حطيت صورته هو حمض تقشير فوآكه




ونآسه ..
نفس طولي

،،

،،

الذين تشاهدون محتوى الموضوع الآن : 3 ( العضوات 3 والزائرات 0)
‏غلآيُ, ‏eng.samora, ‏طـالبة

يآ حلآتنا بس 3
حيآكم الله

مشكوره يا قلبي عالتوضيح انا عموما بروح حق عياده واخذ اللي يناسبني واسأل عن اللي قلتي عليه..
ناويه على تقشير بس مو عارفه شنو الأنسب للجسم كله واخاف العيادات يستغلوني !؟

 

[*ماي ورداسم يستحق الثقه*]

فديتج حيادر ياغاليه ياعسل

الله يبارك فيج ويباركلج

حبايبي انا امس مريت المعرض وشفت حيادر وام عفاف

والله يابنات اللي ماتمر حدها خسرانه

اسم الله عليهم قعدتهم ماتنمل والله،،وتكلمنا عن الحملات وقررت بما انه حملتي انتهت

والضغط اللي علي فج شوي قررت اني انضم لحملة حيادر واهتم بنفسي:ggdw:

مو بس ادلع زبوناتي هم ادلع نفسي وبإذن الله راح انزل صور عنايتي لا تطوفكم

واهدافي اهي اهتم بتغذيتي وشعري وجسمي كرشتي لان هالشهر طحت له معجنات وبطني انتفخ بشكل رهيب

وصور الاغراض مع الجدول راح انزلهم اليووووووووووم:eh_s(6):​

 

[الدلـــع كله]

هلا والله حياتووووووووو انا كاني رحبت فيج

هلا فيج كيكه :wqedqw:
فديتج

 

[M!Ss Un!VerSe]

اخيرا خلصت قراءة ..


يعطيكم العافيه بنات وموفقين ان شاء الله بالحملة..

وماشاء الله لا قوة إلا بالله

تصبحون على خير

 

[خجل انثى]

ياحلوين اليوم برتب الجدول تبعي وبكره راح انزله مع الصور :eh_s(6):
طحت لكم ع سنفره وربي روعه فتحت السواد الي بالاصابع _03BA:
بحط صورتها مع الاغراض لاني مستحيل استغنى عنها ​

 

[طـالبة]

طلوبه اغراااضج اتينننننن ماشاء الله

وانتي نفس حالتي انا عندي ميداني بالصيف علشان جذي خففت العناية بس هم والله اييبون نتيجه هالخفايف

يعطييج العااافيه وعقبال مانفرح فيك عرووس يختي <<<<علشان تقرص فيج حته حته لووووووول

تسلمين يا روحي
اي والله حده زحمة بالصيف وصح اهم شي الاهتمام وانشالله كل شي نبيه يصير
بس عاد عروس مرة وحدة لووووووووول
انشالله ما تخلص الحملة الا كل البنات عرايس سواء ماديا او معنويا :krkrkr:

طآلبه
اغراااضك تونس ~
والرول حق غارينيه نفع معاك أو لآ ؟ :eh_s(10):




:eh_s(7):

تسلمين يا قلبي
غارنييه اللي عندي كريم مو رول
شريته على بالي رول لما رديت البيت ولا كريم
بس ماشي حاله يرطب المكان عدل وهذا اهم شي

طالبه ماشاء الله حلوين وايد اغراضج تتهنين فيهم يارب

ثانكس كيكة فديتج والله

 

[ReRez]

السلااااااااام علييييكم

قبل لا ابدي عندي بقووولكم شي :× اذا تكرر اسم ورده سلفر وايد بهالمشاركه ميخالف اعذرووني لأن انا مو تبع حملات واهي اقنعتني اشترك بالحمله معاكم .. وكل شي تقريبا اهي سوته و علمتني عليه .. فلااازم اذكر المصدر عشان اللي عندها استفسار حق اي خلطه او شي اهي مسويته تروحون تسألووونها اهي انا مااا عندي اي فكره المهم اهي تسوي وانا ألووص على قولتها :$:$
---

بسم الله

اولا : (( الوجه ))

1 - غسول كلين اند كلير
( اول ما اقوم اغسل فيه ويهي كل يوم الصبح بس .. لأن اهو مايصير نغسل فيه اكثر من مره باليوم .. بس وايد حبيته حسيت سوه فرق بويهي )

2 - صابونة المره والكركم
( اغسل فيها ويهي اذا كنت طالعه وراده من بره أو قبل لا انام )

3 - ( معجون EMAIL الأخضر ) .. اهو في منه احمر و اخضر ومادري اذا في انواع ثانيه بس هالمعجون تستخدمه ورده وانا قلدتها وحسيت ان حلو وايد

4 - قوالب ( ماي الورد ) ,, طبعا حبيبتي اختي عودتني عليهم والله جد رهيبين بعد ما اغسل ويهي امسك ثلجه وامشيها على ويهي كلله لين تذوب ولو انج تحسين انه احد ماعطيج كفوووف .. بس كفووف تخليج احلى عادي يمشي حالها :dddds:

5 - ( مغلي نعناع ) .. بعد ماينشف ماي الثلجه عن ويهي امسك قطنه من اللي موجودين بالصوره

6 - ( مغلي بابونج و الخزامى ) .. هم من نصايح اختي الحلوه :$ .. المهم امسك قطنه و قبل لا انام احط منه على ويهي واخليه ينشف بروحه

7 - اذا احتاج ويهي ترطيب .. ارطبه ( بسائل الجمال من اولاي )

8 - عند الحاجه استخدم ( لصقات الانف من بيوريه )

وفي اشياء نسيت اصورها .. ماي ورد ( حاطته ب مرش ) و ارش منه على ويهي اي وقت ابي يعني باليوم اكثر من مره .. حاطته بالثلاجه و حده يهبل باارد :×

و بعد سنفرة ويه بكل امانه مادري شنو مكوناتها بس اللي اعرفه ان ورده مسويتها وقالتلي اسنفر فيها ويهي عالخفيييف .. بس انا للحين ماستخدمتها اول ما تبدي الحمله بستخدمها واكتب باليوميات
----


ثانيا : (( الشاور ))

1 - شامبو ايفا بالصبار .. للأمانه ماجربته ببدي اجربه اول يوم بالحمله وخذيته على ضمانها اهي قالتلي وايد حلو << طبعا عرفتو عن منو اتكلم ماله داعي اعيد :$

2 - حمام زيت فاتيكا .. سامعه ان وااايد رهيب حتى مره شفت هنديه بصالون والله ماشاءالله تبارك الرحمن شعرها كثيييف وطويل سألتها شنو تستخدم قالت فاتيكا اخضر .. اتوقع تقصد هذا بعد منو غيره :×

3 - صابونيه من صنع اختي ورده .. اهي مسويتها وحاطه فيها زيوت و اشياء وفيتامينات وهالسوالف

4 - سنفرة الفانيلا .. هم صنع ورده :$ وماعرف سالفتها بس اللي اعرفه انها تنعم واااايد و تفتح بعد

5 - زيت بارشوت ( سر الشعر الهندي ) .. انا سامعه ان بارشوت زين فقلت احط منه مرتين بالاسبوع .. اخليه على راسي نص ساعه بعدها ادش اخذ شاور
---

ثالثا : (( بعد الشاور ))

1 - لوشن المفعول الثلاثي من نيفيا ( للبشره الجافه )

2 - قطن اذون

3 - سيروم ( دلع البنات ) رهييييييييييييييييييب واايد احبه ريحته تيينن وتمسك بالراااس عددددل و صج تحسين احساس حلووو اذا حطيتيه و بعدها نمتي المخده كلها تصير ريحته معني احط منه حبه صغيييره يعني ( قد حبة البندق )

حق اللي بيسأل تره شريته من محل الرصاصي ( بخور وسوالف دهن عود وجذي ) من سيتي سنتر السالميه ب3 دنانير سعره

4 - زبدة الشيا وااايد سمعت انها توخر الخطوط البيضه اللي بالفخذ و رحت شريتها ب 13 وربع واستخدمتها حوالي 20 يوم وتفاجأت بالحبووب الصغاار اللي اطلعت بفخذي .. عاد هديتها و ماراح استعملها اقين << عيل شكو حاطتها ؟؟ :× لا بس قلت افيدكم بتجربتي لول
---

رابعا : (( حمام مغربي ))

الخيمه خيمة ( وردة ):$ .. واللي بحطه وقت الحمام المغربي كله خلطاتها وسوالفها اهي راح تسويهم لي و باليوميات اكتب شنو سويت وشنو حطيت :×
وبيكون مره بالاسبوع ( كل سبت .. ان شاءالله )
---

خامسا : (( العناية الليلية ))

1- كريم لونا .. رهييييب يخلي الايد نااااعمه بشكل خياالي

2 - فازلين مرطب للقدمين

3 - خروع مركز نقي 100 % .. انا جربت الخلطات وكانت تحرق عيني وماتحملها .. فقررت استخدم هذا الخروع اهو راسه مثل رول احركه رايح راد على رموشي وبعدها انام .. وايد حبيت نتيجته والله صرت اغمض عيني اشوف رموش بدت تنبت عالاطراف

<< بتقولون اشلون تغمضين وتشوفين ؟؟ بعد مايبيلها كلام ابطل عين وافتح عين اهي فيزيا ؟؟

4 - لابيلو كرز .. جد عجيييييب كل يوم احط منه والله حيييل تعدلو شفايفي قبل كانو ناشفين الحين احسهم طرييين يوونس و ريحته ولونه عجيبين
---

سادسا : (( العناية الشخصية ))

1 - غسول فيم فريش .. الحلو فيه ان عادي استخدمه بشكل يومي لأن (( للاستعمال اليومي و لا يسبب الحساسية ))

2 - مناديل كير فري

3 - مناديل ديتول (( انا وسوااااسيه خصوووصا بالنسبه للأشياء اللي يمسكها العموم بالأماكن العامه .. مثل مقضب الباب سواء باب وزاره او باب حمام عزكم الله او اي باب يمسكه الكل .. عرابانات الجمعيات والسلال .. حتى زر الاصنصير ماحب اضغطه .. اتييني تخيلات عجييبه اتخيل واحد حاط ايده بمادري وين وماسك هالشي وانا امسكه من وراه جد تلوع جبدي فلاااازم معاي هالمنااادييييل .. ادري قرقت وايد بس كنت بشرح موقفي :tomato2: ))
---

سابعا : (( النظام الغذائي ))

1 - ماي زعتر البحريني ( علبة كبيره داخلها غراش صغار .. بعد كل وجبه اشرب غرشه .. عادي ماتحسون بطعمها بس اسكر خشمي واشربها ثانيه وحده الا الغرشه بالمعده تحرق الاككككككككككككلللللللللل )

اهو مثل ماي الزعتر البطل العود .. بس هذا احسن لي واسرع بس اشرب غرشه بعد كل وجبه وخلاص

2 - ( شاي اخضر بالنعناع ) .. اشربه كل يوم كوب قبل النوم او بعد العشى
---

وفي شي حابه اسويه مره بالاسبوع بخصوص الهالات السوده .. و هالشي انا جربته من قبل و سويت عنه موضوع

اهني للي حابه تشوف الموضوع كامل

http://www.q8yat.net/showthread.php?t=476977

اما للي تبي المفيد .. فاهو ناخذ شرايح بطاط و نقصهم ضعااف و نحطهم على مكان الهالات

و بنفس الوقت بتشوفون فرق عجييب

و كا الصور اللي كنت مسويتهم برد احطهم اهني

ملاحظه : (( النك اللي عالصور نكي سابقا .. يوم نزلت الموضوع كان نكي جذي :$ .. الحين بتقولووون يا دي الورده اللي بكل سطر اطلعت لنا :krkrkr: ادري والله علشان جذي غيرت النك قلت عيييب ولازم يكون عندي كيان و غيرت النك .. اوله اشكثر اقرق :× المهم تفضلو الصور :$ ))

بهالطريقة انحط البطاط :
V
V
V

و بعد ماتنشف الشريحة وتصير يابسه .. راح نشيلها ونشوف الفرق بنفس اللحظه

اهني قبل لا احط البطاط (( السهر ومايسوي لاحظو كان احمر ومبين تعبانه ))
V
V
V

واهني بعد ما انشفت الشريحه وشلتها
V
V
V

واللي تبي تفاصيل اكثر عن الطريقه والبطاط .. تشوف الموضوع لأن كل شي فيه وماقدر اكتب كل شي اهني
---

وووو بس شكرا لحسن المتابعه :ggdw:

 

[طـالبة]

ReRez

واي واخيرا حنة وردة سلفر يابت نتيجة وخلتج تشتركين معانا لوووول

مااشالله حلوين اغراضج تتهنين فيهم انشالله

 

[هلا فيني]

دووووووووووووووري

جايبتلكم قشي اللي جهزته مخصوص للحملة

خسرت فلوس شكثر عاد إن شاء الله يفيد فيني لووووووووول

بحط لكم الصور والجدول مع بعض

سموا بالرحمن

اسكينول بابايا واسكينول الخيار مالقيت الليمون مخلص لوووول طبعا لتنظيف الوجه والرقبة بشكل يومي

زيت الجلسرين وزيت اللوز المر استخدمتهم لخلطة التبييض اللي بتشوفونها بعد شوي

وناوية أسوي فيهم خلطة زيوت مع جنين القمح إذا قررت أسويها بحطها باليوميات

ماي ورد نفس الشي استخدمته للخلطة الصابونية ولخلطة التبييض بعد وبشتري بطل ثاني

عشان ارش منه على وجهي كل يوم

كركم الجسم استخدمت منه للخلطات

شامبو نونو للأطفال عرض لووووووول ناوية استخدمه بدال بانتين وفركتز اللي عدموا فروة راسي

تونك فازلين بعد السشوار

بلسم هربل ماراح استخدمه إلا نادر

صابونة غار بغسل فيها شعري إذا حطيت زيت قبل الشامبو لأن شامبو الأطفال ماينظف زين

حمام زيت فاتيكا روعه بستخدمه عقب الشامبو مرتيت بالاسبوع كافي

أول واحد هذا سائل استحمام ريحته حلوة بستخدمه أحيانا مو دائما

ملح الحليب وملح البابايا هذا ماراح استغني عنه في كل ترويشه

غسول يومي للتقشير من كلين آند كلير بستخدم اللي باقي منه لأنه مو حيل حلو

صنفرة استيفز للجسم والوجه وصنفرة ثانية من الحواج بنوع بينهم

والصنفرات يوم اي ويوم لأ

عناية الأسنان بنوع بين المعجونين فلور وايميل

وغسولي اكوافرش بستخدمه قبل التفريش

رول غارنييه للهالات السوداء والسمار تحت العين مدحه لي الصيدلاني بس يقول مايشيل الخطوط اللي تحت العين

لأنها تتكون من نقص الفيتامين

بحط منه مرتين باليوم مره بالنهار ومره بالليل قبل النوم

أحلى اختراع بالدنيا زبدة الكاكاو << شدعوه

زبدة الكاكاو هذا شي أنا حدددي معجبة فيه إذا حطيت منها ريحتي تصير كاكاو ودي آكل نفسي لوووووووول

بحط منها ليديني وزنودي وحتى وجهي مو كل يوم طبعا بس بعض الأيام بالاسبوع بدون تحديد

والعلبة الثانية هذي زبدة الشيا الخام روووووعه لا تقل روعتها عن زبدة الكاكاو وترطيبها عااالي

استخدمها للوجه كل يوم أو يومين بالكثير

والعلبة الثالثة هذي أنا خالطة فيها زبدة الشيا مع زيت الزيتون للسترج مارك اللي بزنودي

استخدمها مرتين باليوم وبستمر بالحملة لين يخفون بعد شسوي

كريم جلسرين ما أستغني عنه ليديني كل يوم طبعا

اللي وراه هذا لوشن من نينا ريتشي استخدمه لا بغيت أطلع لأن ريحته شيييي

معقم يدين معاي بالشنطة وين ما أروح

كيلي ماادري ليش شريته بس بجربه لووول

شرائح واكس فيت الصغيرة للوجه والكبيرة للجسم للأسف وجهي مايتحملها ما أدري شسوي لهالوجه مايتحمل شي

مقشر ألو فيرا روووعه وخفيف ع الوجه غالي حبتين بس عجبني وبيخلص مابقى شي

بستخدم اللي باقي منه بالحملة مرة بالاسبوع كافي

البرتقالي هذا لوشن ترطيب للجسم بعد السبوح من زهور الريف بعد روعه وترطيبه عالي بستخدمه مرتين بالاسبوع

وباقي الأيام بستخدم جونسون بعد شوي بحط صورته

جلسرين استخدمت منه لخلطة التبييض وباقي فيه بستخدمه لرجولي وايديني كل يوم

هذا الشي لا تحسبون من أهميته صورته بروحه ترى نسيت اصوره معاهم لووووول

هذا طبعا حسافة فلوسه سعره ميتين ريال بس ماسوى شي

كنت استخدمه لآثار الحبووب مع مقشر وتركته بس بالحملة بكمل اللي باقي منه مره باليوم

صابونة الكركم وصابونة الغار وصابونة البابايا الثالثة استخدمتهم للخلطات

صابونة الطاووس وصابوة البابايا الأخيرة بستخدمهم لجسمي

يتبع ..

 

[هلا فيني]

نرجع للشعر

حمام زيت فاشكول بالثوم بنوع بينه وبين فاتيكا اللي بالصورة الأولى

زيت جدايل من عبد الصمد القرشي الأخضر لتقوية الشعر والأحمر لتطويل الشعر واثنينهم خرطي خخخخخخخخ

بس بكملهم يرطبون الشعر صراحة بنوع بينهم مرتين بالاسبوع

زيت الخروع طلع مو أصلي بس بخلطه مع جنين القمح وزيت النارجيل وأحطهم بعد مرتين بالاسبوع

عناية الحواجب

أول كريمين هي للتشقير تشقيرهم مو زين حيل بس يأدون غرض

أعواد أذن للتشقير

أوكسيجن استخدمه مع مشقر ويلا اللي بجنبه تشقيره فظييييع ومع صبغة الحواجب

علبة فازلين بعد التشقير واثناء الصبغة

صبغة كلستون بني غامق لصبغ الحواجب بعد التشقير

بعد لتشقير الحواجب ماجربتهم للحين

وطبعا عناية الحواجب كل اسبوع

للمنطقة الحساسة

بودرة سائلة للجسم عند اللزوم

بودرة جونسون بعد للزوم

رتن اي للركب والاكواع ترى مو للمنطقة الحساسة لووووووول مرتين باليوم

الدوكين لتبيييض المناطق الداكنة مره باليوم

بيبانثين لترطيب المنطقة مره باليوم

سوسكن حلوو للتفتيح مره باليوم

فيت مع أمواس بس ماصورتهم

صابونة فرجنتي كغسول مرتين باليوم

متفرقات

موس حواجب

عدة الأظافر

وعناية الأظافر مره كل اسبوعين

حجر لتفريك القدم طبعا مع سنفرة القدم وكل يومين أو ثلاثة وترطيبها بجلسرين

قطن ضروري مع الاسكينول ومع منقوع المره لآثار الحبوب

شاي أخضر من وادي النحل للتخفيف بشرب كل يوم كوب واحد مع رياضة مشي على جهاز المشي نص ساعة باليوم

وبالنسبة للأكل بقطع الرز نهائيا وبنتبه لأكلي قدر الإمكان بس ماراح أسوي رجيم لأني ما ألتزم اففففففف مني

طبعا تنزيل الوزن هو هدفي الأول من هالحملة

ألحين وزني 79 ماصورته لكم كنت ناوية إن شاءالله اصوره المرات الجاية << شيبون فيه

وأبي أخفف قدر الإمكان ع الأقل 5 كيلو بالعطلة وعاد بالدوام بينزل أكثر مع الحركة كل يوم


يتبع ..

 

[هلا فيني]

متفرقات

سبراي للجسم من زهور الريف رووعه ريحته ومنعش بعد السبوح

ديودرنت للأندر آرم كل يوم

والطويل اللي ورى تونك للجسم بالخوخ بعد السبوح

جلسوليد لليدين

ماسك الطين المغربي بخلطه مع ماي الورد واستخدمه يومين بالاسبوع مع ماسكات ثانية مثل الروب والخميرة

والنشا والحليب بصورها يوم بيومه

لوشن جونسون بعد كل ترويشه

العصاره من كولستون للمعان المكثف للشعر

للتعطير

بودرة للجسم من دبنهامز روووعه ريحتها خياال

مسك الطهارة من عبد الصمد القرشي بعد غني عن التعريف وريحته تهبل

مكعبات المسك من القرشي بعد بستخدمها لجسمي وملابسي الداخلية

مناديل معطرة عندي منها كذا علبة رووعه ريحتها عوود من القرشي بعد

للشفايف

مرطب شفايف بالخوخ وزبدة الشيا من زهور الريف روعه فظيع

زبدة الكاكاو حلوة للشفايف

فازلين بعد حلو للشفايف

طبعا بنوع بينهم مرتين باليوم لشفايفي

سودو للحالات الطارئة

الشي البرتقالي هذا فيتامين سي للوجه من بودي شوب بحط منه مرتين باليوم

واللي تحت ليفة بودي شوب غنية عن التعريف

وترى جديدة خاصة بالحملة لوووووووووووووول حيادر خسرت على هالحملة لازم تفوزيني لووووووووووووول

طبعا اتغشمر الفايدة لي أولا وأخيرا

عدة الحمام المغربي واللي بسويه مرة كل اسبوع

ليفة وبعد جديدة خخخخخخخخخخخخخ << طلعي برا

علبتين صابون الطاووس المغربي

والصابونتين بعد من الطاووس المغربي


وآخر شي خلطاتي

برشت صابونة الكركم

وبرشت صابونة البابايا بالحبة السودا

وبرشت صابونة الغار

وصبيت عليهم ماي ورد وملعقة كركم وملعقة ملح يوكو وملعقة نشا

وكانت النتيجة

العلبة اللي ع اليسار هي خلطة الصابونات

وللأمانة يا بنات أنا ما أدري هي لأي عضوة قريتها بواحد من المواضيع يعني مو اختراعي

لذلك تعذرني صاحبة الخلطة ماني متذكرة اسمها

ويبيلي أجيب علبة ثانية وأصب جزء منها بالعلبة الثانية وأصب على كل وحده منهم ماي ورد لين تصير سايلة أكثر

لأن هذي حددها ناشفة ومتكتلة


والخلطة الثانية خلطة الزيوت للتبييض

ومقاديرها قريتها بالورقة اللي تجي مع كركم الجسم

وهي : صابونة غار نبرشها ونذوبها يوم كامل بماي الورد

بعدين نضيف عليها ملعقتين كركم جسم وعلبة جلسرين سائل وعلبتين جليسوليد أحمر صغير

وفنجان قهوة من زيت الزيتون وزيت اللوز المر وزيت الخروع وعلبة فكس صغيرة

وأنا ما أضفت صراحة لا زيت خروع ولا فكس ومع ذلك ريحتها قووية بس نتحمل شنسوي

وطبعا هالخلطتين مع كل سبوح

خلطة التبييض بخليها ساعتين قبل السبوح والصابونات مع السبوح بتفرك فيها

وبس خلاص تعبت

ان شاءالله عجبكم برنامجي وعساكم ع القوة

 

[nono93]

ياحلوين اليوم برتب الجدول تبعي وبكره راح انزله مع الصور :eh_s(6):
طحت لكم ع سنفره وربي روعه فتحت السواد الي بالاصابع _03ba:
بحط صورتها مع الاغراض لاني مستحيل استغنى عنها ​

لووووول
يلا وينها الحقينا فيهاااااااااا

محنتاجينهاااااااااااااااااااااااا

 

[nono93]

هلا فييني

ماشالله اغراضضضضضضضج رووووووووووعه
وعليج بالعافيه

 

[nono93]

[/URL][/IMG]

 

[nono93]

[/URL][/IMG]