ثقب بقلب طفل رضيع .. شنو هالمرض احد سامع عنه ؟ :(

[! بنت العاشره !]

بنات واذا ما تسكرت خطر

طيب بسال شنو الاشياء اللي موزينه لهم يعني العصبيه المجهود والا عادي

 

[حنين]

عادي لا تاحتي لما تكمل سنه خليه تفحص البنت لان مره واحد من قارب صار في نفس الحاله كلما تمت الام راح عند دكتور وفحصه عاد قاله ذكتور نطري عليه سنه بريد طبيعي

 

[حنين]

لا تخليه تبجي

 

[amooon82]

حبيبتي لاتحاتين ولا شي ماعليها شر ان شاءالله

هالشي عادي عند الاطفال ترا

في منهم الفتحه تتسكر من نفسها يعني كل سنه يقيسونها ويشوفووونها تتسكر

او بعملييه

انتوا لا تحاتوووووون ولاتضايقون نفسكم

وديها عند سلفيا شحيبر وايد شاطره بنفس العياده معاها زوجها هاني شحيبر جراحه قلب يشوفها بعد

بالسالميه عماره السلام

تصير بالسوق ورا مصور بوشهري شكلها دائري لونها اخضر العماره​

 

[مهناز]

شكرا حبيباتي ويعطيكم ألف عافيه
والله يحفظكم ويطمن قلبكم دنيا وآخره ..

 

[ليالي نجد]

حبوبه اغلب الاطفال يجون بفتحه بالقلب بس الاهل ماينتبهون ومع الوقت بتسكر باذن الله

لا تحاتي رفيجتي جذي قالوا ننطر عليه لما يكبر ونشوف واذا ماتحسن انسوي له عمليه

بس كبر وسكرت لله الحمد وماتشوفون شر

المهم لاتحاتون حبوبه

 

[أمواج البحر]

امر طبيعي حبيبتي

اختي فيها ثقب بالقلب والحين عمرها 25 سنه و عندها بنوته كتكوته ^_^

الله يطمن قلبكم عليها و يخليها لكم

 

[كويتيه بالرياض]

حبيبتي لا تحاتين
رفيجتي ولدها نفس الشئ طلع فيه وبعد فتره راح منه
والحمدلله الحين عمره سنتين وما فيه الا العافيه

 

[مهناز]

amooon82 - ام عدنان 1 - نوف الكويت
ليالي نجد - كويتيه بالرياض - امواج البحر


شكرا حبيباتي ويعطيكم ألف عافيه
والله يحفظكم ويطمن قلبكم دنيا وآخره

 

[ام هباش]

حبيبتى ما سويت شى وان شاء الله تسمعون الاخبار الزينه عنها

 

[@شمس الضحى@]

الله يشفيها ويخليها لكم بس خل تنتبه لها لاتزرق لونها ولاتختنق
وفيه فتحات لازم تدخل جراحي شنو قال لكم الطبيب؟؟​

 

[Q8stylle]

الله يشفيها ياارب ويمسح على قلب امها

 

[أم منصور]

شصار على الصغيرة وديتوها الطبيب شقال طمنيني

 

[رمانة حمرا]

الف سلامه عليها
بس حبيت اقولج بشريها ما كو شي انا بنت خالتي ولدها في بس قالها الدكتور كل ما يكبر الفتحه تتسكر اهوا كان في ثلاث فتحات وراح الحين عمرة 11 سنه وعندي حماي بنته هم جذي وقاعدين يودونها بين مده ومده يسوولها سونار ويشوفون حالتها اما اذا تتبين عند اي دكتور اكيد اخصائي القلب

 

[~memo q8~]

حبيبتي لا تحاتين انا عندي اعيال عمي اثنين فيهم فتحه بالقلب من لما انولدوا وسولهم العملية لما اكبروا

والحين الحمد الله ما فيهم شي واحد عمره 10 والثاني 13 سنه

والف سلامه عليها

 

[سااشا]

ما تشووووف شر انشالله

انا اخوووي الله يخليه اول ما انولد كان فيه ثقب بالقلب اول ما انولد

عاااد مع العلاااج قال الدكتوور كل ما يكبر كل ما تصغر لين تختفي


وماااااااتشوف شر انشالله ولا تحاتي

 

[sweeta77]

طمنينا عليها .....
تدرون انا الدكتور شنو قال لي
قال لي ان التطور في العلم والاجهزه الجديده قامت تكشف هذي الاشياء
وهو برفسور كبير....قال لي يعني التطور في الاجهزه خلانا نكتشف امراض ما نعرفها قبل....والله صاج
ناطرينك تطمنينا؟

 

[أم منصور]

طمنينا مهناااااااااااااز حبي

 

[مهناز]

حبيبتى ما سويت شى وان شاء الله تسمعون الاخبار الزينه عنها

تسلمين يالغاليه ..

الله يشفيها ويخليها لكم بس خل تنتبه لها لاتزرق لونها ولاتختنق
وفيه فتحات لازم تدخل جراحي شنو قال لكم الطبيب؟؟​

هلا ياقلبي مشكوووووره وماقصرتي على هالدعوه الحلوه
والله يالغاليه قال الثقب بالاذينين ..
وتحاول امها انها ماتخليها تبجي وايد
وماقصرتي حبيبتي الله يحفظ لج كل غالي ومن يعز عليج ..

 

[مهناز]

الله يشفيها ياارب ويمسح على قلب امها

آمين ياقلبي ماتقصرين يالله ربي يحفظ لج احبابج وكل من يعز عليج ..

شصار على الصغيرة وديتوها الطبيب شقال طمنيني

ان شالله خير ياقلبي الدكتور طمنا بس يقول الحين سنها صغير مايقدر يسوي شي

الف سلامه عليها
بس حبيت اقولج بشريها ما كو شي انا بنت خالتي ولدها في بس قالها الدكتور كل ما يكبر الفتحه تتسكر اهوا كان في ثلاث فتحات وراح الحين عمرة 11 سنه وعندي حماي بنته هم جذي وقاعدين يودونها بين مده ومده يسوولها سونار ويشوفون حالتها اما اذا تتبين عند اي دكتور اكيد اخصائي القلب

حبيبتي والله ماتقصرين .. الله يسلمج يارب ويخلي لج احبابج