توني راده من المستشفى شوفوا شقالولي :(

[LiPss]

السلام عليكم ورحمة الله وبركاته.....



شلونكم بنات




انا يا بنات الحين دخلت التاسع لي 3 ايام فيه

وتوني سويت سونار الا تقوللي الدكتوره

البيبي معترض!!!!!!


يعني شنو دكتوره؟


يعني قاعد متربع يا ليبس !! يعني ولادتج لازم تكون عمليه!!:eh_s(16)::eh_s(16):


قتلها دكتوره في حريم حزة الولاده يقلب الببيبي معاهم قالتلي انتي وضعج صعب شوي لان البيبي كبر والماي مو كافي حق ان يساعد البيبي يقلب


راسه فووق وريوله متربع

على فكره اهو من السابع وانا اسوي سونارات والبيبي مازال على نفس الوضع....


شسوي يا بنات فيدوني الله يخليكم

والله خايفه من العمليه مابي اولد بعمليه

وهذا اول حمل لي
شنو اللي اقدر اسويه ويخلي البيبي يقلب

طلبتكم ادعولي وفيدوني:eh_s(11):

 

[um_yoyo]

نصيحه سمعي كلام الدكتوره تراها ابخص لا تجازفين ترى الطلق يتعب البيبي و يضعف دقات قلبه و اخر شي يحولونج عمليه اذا ما في فايده اختصري الوضع و سوي عمليه اضمن لج و للبيبي و لا تخافين من العمليه ترى سهالات ( انا 2 قيصريه و ثالثه بالطريج ) لا تهولين الموضوع و اتوكلي على الله

 

[حرم_طيار]

دام مستحيل يلف سلمي امرج لرب العالمين
واولدي قيصري لا اتخافين ترى سهالات حبوبه
اذا شاكه بالموضوع روحي دكتور ثاني
الله يهون عليج

 

[LiPss]

والله خايفه يا ام يويو

من حملت وانا اتخيل ولادتي طبيعي وشلون اشوف البيبي اول ما يطلعونه ماهقيييت انه عمليه
:eh_s(11)::eh_s(11)::eh_s(11):

زين المشي مايفيد!!!..؟؟

 

[mrs.perfect]

نذري وروحي عرضي نفسج على جم دكتوره اذا كلهم قالو نفس الشي
لا تعندين سوي اللي يقولولج عليه

 

[LiPss]

دام مستحيل يلف سلمي امرج لرب العالمين
واولدي قيصري لا اتخافين ترى سهالات حبوبه
اذا شاكه بالموضوع روحي دكتور ثاني
الله يهون عليج

حبيبتي ماكو شي مستحيل على رب العالمين

وهذي مو اول دكتووره ثالث دكتوره تقووللي

مايصير يلفون اللبيبي حزة الولادة؟؟

 

[^noonaa^]

عادي حبيبتي ترا صج العمليه ماتخوف واايد واذا كلش خاايفه طلبي بنج كاامل عشان ماتحسين بشي والله يسهل عليج

 

[ملكه الحطب]

والله ماعندي فكره

بس ان شاء الله تولدين طبيعي يارب

 

[mrs.perfect]

اي جربي المعاشره كذا مره لانها تحرك البيبي

 

[LiPss]

بنات من ردودكم احس انه خلاااص قرار نهائي هذا

اقصد ماكو خيار ثاني

هنونه شنو اللي مايخوف

هذي عمليه
يشقون بطني يعني

 

[أم يوسف وأمونة]

انا اقول سمعي كلام الدكتورة احسن لانها ادرى من اي احد

وسلمي امرج لله هذا قدرج تولدين قيصيريه عادي خلج طبيعيه وتوكلي على الله

 

[LiPss]

اي جربي المعاشره كذا مره لانها تحرك البيبي

زوووجي مسافر مابي اقوله

 

[هيونه.المزيونه]

دام مستحيل يلف سلمي امرج لرب العالمين
واولدي قيصري لا اتخافين ترى سهالات حبوبه
اذا شاكه بالموضوع روحي دكتور ثاني
الله يهون عليج

انا رايي من راي اختي حرم طيار

و الله يسهل عليج

 

[فيلجاويه_عسل]

حبيييييييبتي أولدي قيصرية وتوكلي على الله ولا تخافين خليها على رب العالمين لأنه الحين وضعه صعب البيبي كبر في بطنج وخذا قعدته وماراح يفتر لانه ريله مو عدله بس عادي الوضع طبيعي 100% لا تحاتين


اولدي قيصرية وقرري من الحين ولا باجر يلعبون فيج وطلق صناعي وحالتج حالة وحده اعرفها ولدت بنتها قيصرية بجر ونفس حالتج بالضبط وبعدها يابت بنت وولد واثنينهم طبيعي

 

[LiPss]

والله ماعندي فكره

بس ان شاء الله تولدين طبيعي يارب

مشكوووووره حبيبتي الله يسمع منج

 

[LiPss]

ام يوسف وهيون

هنونه المزيونه

فيلجاويه عسل

مشكووورين حبيباتي


افهم من كلامكم ان المشي مايفيد؟
او الرياضه او الحبو او الاطاله بالسجوود؟؟

 

[عيش و ملاس]

ميخالف لا تحاتين الطب تطور تقدرين تاخذين ابرة الظهر وتشوفين البيبي يطلع بالقيصريه بعدين الياهل ما يغير وضعه كونه من الشهر السابع بهالوضعيه الدكتوره ما تلفه الا اذا كان وضعه طبيعي طول الحمل وبالشهر الأخير لف اهني يحاولون ولاده طبيعيه

 

[LiPss]

ميخالف لا تحاتين الطب تطور تقدرين تاخذين ابرة الظهر وتشوفين البيبي يطلع بالقيصريه بعدين الياهل ما يغير وضعه كونه من الشهر السابع بهالوضعيه الدكتوره ما تلفه الا اذا كان وضعه طبيعي طول الحمل وبالشهر الأخير لف اهني يحاولون ولاده طبيعيه

الله كريييييييم
ادعوووولي

 

[لومية]

شوفي وايد ناس كان راس البيبي تحت بس حزة الولادة قلب تغيرت وضعيته
انتي انشاءالله تتغير وضعية البيبي حاولي تمشين وانشاءالله تتغير وضعيته

 

[twinsmam]

انا مع عيش و ملاس اخذي ابرة ظهر عشان تشوفين البيبي لمن يطلعونه لأن البنج الكامل يأذي شوي و لا تخافين من القيصرية سهالات انشالله انا كنت والد اول مرة قيصرية