صباح الخير يا حلوين طبعا لا يخفا عليكم شلون البنت لا سألتيها قالت عادي حمامات مغربيه ولا صنفره وفرت راسج لا والمشكله تقولج اي حمام مغربي وعند منوووو ولا اسم السنفره واحنا ماغير نجرب ونخسر ونستمر وماكو فايده بالذمه جم قطيتو حق كريمات التبييض؟ وحمامات المغربيه والسنفرات؟ والعيااادات والصالونات؟ انا وربي فوقي الحمدلله وايد اهتم وجربت وايد اشياء تطري ومتطري عالبال وشي خرطي وشي يبيله عباله وطولة بال وعوار راس ونتيجته زينه بس الاستمرار وووووو...الخ طبعا الاهتمام اذا كان من داخل وبرا زين على زين واذا كان برا يبيله متابعه مثله مثل السياره كل يوم غسيل خخخخخ انا انصدمت من وايد بنات المشكله وايد يستخدمون هالشي ولا يعلمون ليش ياربي النحاسه؟؟؟ :eh_s(10): وربي يشهد اي احد يبي مني شغله اذا ما شريته لها اقولها واصورلها اشيائي بعد وحبي لغيرج ماحبين لرووحج وللأمانه انا والصيدليه ربع شغل حواويج اخاف اللهم زيوت ولا اعشاب غيره اخذ ملوت الصيدليات كعنايه للبشره والجسم اضمن ومرخص وماركات عالميه وسعرها فيها والاحلى طبيه ومالها اعراض جني طولتها واهيا قصيره المهم انا كنت رايحه اخذ كذا شغله من الصيدليه ولا الصيدلاني للأمانه فاهم وواعي ووراه كان حبوب التبيض قلت له هذيل شنوصج عاد تبيض؟ مثل مايكل جاكسون قعد يضحك يقول لا شكو مايكل جكسون خذا ملوت الله يكفينا الشر البرص وجذي ماده تغير اللون والصبغه كلها قلت عيل هذيلا شنو قال هذيلا قصتهم قصه قال هالحبوب تكون فيها ماده مادري شسماها نسيت قال هالماده مثل فيتامين يوصفونه لمريض الكبد لانه مريض الكبد ياخذ حبوب قويه وتخلي ويهه شاحب وسواد داير مدار عيونه ووييه شاحب فقال نعطي هالماده تريح ويهه وتعطي فيتامين ومامنها اي مضره بأذن الله يقول بعد فتره نلاحظ مريض الكبد الويهه يتوحد لونه وهم الجسم ويقول من غيرنا اسمها وخليناهم حبوب التبيض مشا سوقهم ولا اول بس مريض الكبد ويا مريض الجهاز الهضمي وجذي نعطيه هالفيتامين يعطي اشراقه وفيتامين يعكس على ويهه ولاحطنا الجسم يتوحد والويه يصير فيه اشراق للعلم للتوحيد يعني لونج مثل ما اهوا ويا شويه اشراقه يعني لون واحد وخصوصا الحريم فتحت اماكنهم الحساسه والاكواع والركب وقال للعلم اول ماطلعو بيسون فيهم تسويق ونزلوهم على هيئة ابر وتوصل الابره ب1000 دينار شدعوه خخخخخخخخخخ يقول تكسبو العيادات فمن صاروا حبوب وبسعر معقول يعني 35 دينار ولا 40 وتكفي لشهر ونفس النتيجه توحيد لون واشراقه للبشره ولا لها اي تاثير جانبي وقال ماتبين النتيجه الا من بعد شهرين يعني لا تتوقعين تاخذين خلال شهر تقولين مابين اكيد مايبين شهرين اقل شي وبتلاحظين الشي وبقوه يصير لون الجسم لون واحد وقال افضل هالحبوب تكون صناعه امريكيه وممتازه ومدحلي هذي وقال فيها 60 حبه تكفي لين شهرين حبه وحده بليل ورا العشا للعلم ترا ريحتها ريحة فيتامينااااااااااااات وانا امس كان رابع يوم اخذهاااا
هااا فيه احد جرب ؟؟لاتبخلون علينااااا انا خوااااااااااااااااافه حيل بس والله قال مامنهم خوف واذا ماتفيد ماتضر لانها حبوب فيتامين واصلا توصف هالماده لمريض الكبد عشان يخلي بشرته وييه بأشراق ولا جان ما وصفوه له وقال لي الصيدلاني اصلا من زمان سنتين جذي صاروا منتشرين بين النساء وسوقهم ماشي ومستغرب ليش ماعندج هالخلفيه عنهم ولا حتا سمعني فيهم قال صارلهم سنتين بالخليج منتشرين بقوه وبامريكا لهم سنين
هذي صورتهااااااااا
وان شاء الله اشوف نتيجه وياهم
هااا فيه احد جرب ؟؟لاتبخلون علينااااا انا خوااااااااااااااااافه حيل بس والله قال مامنهم خوف واذا ماتفيد ماتضر لانها حبوب فيتامين واصلا توصف هالماده لمريض الكبد عشان يخلي بشرته وييه بأشراق ولا جان ما وصفوه له وقال لي الصيدلاني اصلا من زمان سنتين جذي صاروا منتشرين بين النساء وسوقهم ماشي ومستغرب ليش ماعندج هالخلفيه عنهم ولا حتا سمعني فيهم قال صارلهم سنتين بالخليج منتشرين بقوه وبامريكا لهم سنين
هذي صورتهااااااااا
وان شاء الله اشوف نتيجه وياهم
التعديل الأخير:
