السلام عليكم شلونكم كويتيات بقولكم سالفة صارت لي أمس ومحتاجة أسمع ردودكم لاهنتو
أمس كانت جمعتنا صات هوشة بيني وبين مرت أخوي بسبب اليهالوه تخيلواآآ
الله يسلمكم الي صار ولد أخوي طق ولد أختي وقام يبجي
رحت كلمت ولد أخوي قلت له حبيبي ليش طقيت عبدالله؟
جان تطلع مرت أخوي وتعصب وتقول ولدي ما طق أحد
وراحت قالت لأخوي أختك زفت ولدي يه أخوي وكلمني قال ليش زفيتي ولدي
قله له مازفيته آنا اليهال كلهم أحبهم وما أقدر أهاوش واحد منهم وقلت له أنا كلمته بهدوء ونزلت لمستواه ما هاوشته
راح قالها هالكلام جان تقول أختك هذي نفسيتها خايسة وجذابة ختولي زين آنا ماقدر أتحملها ومن هالكلام الي يغث
طبعا آنا سمعتها لكن سويت روحي ماسمعت ماحبيت أكبر الموضوع
لكن اهي يتني معصبة ومرفعة جمومها وتصارخ وقالت لي أقول ترى الدنيا دوارة وكل شي تسوينه بيرجع عليج
قلت لها عارفة حبيبتي الدنيا دوارة وكل شي تسوينه بيرجع عليج عايدي
قالت سكتي سكتي لاتسوين روحج كلش لاتسوين روحج اسكت وتخيلوا بنات والله شوي وتقوم تطقني
المهم آنا بكل هدوء قلت لها اسمحيلي آنا ما أقدر أتفاهم معاج دام هذا أسلوبج وخليتها وطلعت رحت الصالة
لحقتني وقالت وهي تصارخ بجنون يلا يلا روحي ذلفي ودزتني
سمعها أبوي قام وطردها قالها لاعاد تيين مرة ثانية إنتي راعية مشاكل وحاطة دوبج دوب بنتي
( أبوي طردها لأنه صار لها سنين واهي تهينا وتدوسنا واحنا مانرد عليها وطبعا خلاص كل شي لازم يوقف عند حده
واليوم الي قالت عنه رجع عليها خلال ثواني وقالها انتي لاتيين إذا ولدي بيي يجي بروحه احان مو ناقصين مشاكل )
وطبعا اهي خذت أغراضها واطلعت وهي اتحلطم
بنات حبايبي صحيح أبوي أخذ حقي لكن أحس آنا واآآيد مضايقة أحس ما أعرف أعصب وآخذ حقي :eh_s(10):
يعني تخيلو أهانتني واغلطت علي في بيتنا شي يحر :eh_s(14): ويعور القلب والله وأنا ردودي كانت عادية
آنا صحيح ما أعصب لكن بصراحة أشيل بقلبي وبعدها لايمكن أتقبل الشخص الي أهاني وجرحني لأن ماطلعت الي بقلبي
بنات لو انتو مكاني شنو راح تكون ردة فعلكم؟
التعديل الأخير:
