تنصحون اصير معلمه ??? !!!!

[Zaina-al-zaina]

​

السلام حبيباتي ،،،،


?????

انا اداريه وفي مجال اذا كملت وشاء رب العالمين اصير معلمه !


بس الاداريااااات اللي معاي حيل حبطوني


وكلهم رفضوا اني احول مدرسه !!!


وانا ابي احول عشان استفيد من الاجازات ومن زمان الفكره بالي ...!


انتوا اشراااايكم ! هل بالفعل مهنة التدريس متعبة وهالدرجه مهنه طارده ؟؟؟


بليز ابي تفاعلكم بالموضووووع ????

 

[PuPa^^SWeeT]

التدريس صعب اقوولج حلوو و صعب اقولج مرر


التدريس يبيله وحدة قوية الشخصية و اتعرف تاخذ حقها ومحد يغلطها

او يغلط عليها

 

[Zaina-al-zaina]

ووواااااايد طلعولي عيوب بالتدريس مع اني ودي اكمل ��������

احس احبااااط مع اني ودي ابدي بالدراسه ��

 

[عادت ذكرياتي]

كمممممملي صيري مدرسة إذا إنتي تحبين التدريس مو عشان المعاش أو الإجازات وصدقيني كل وظيفة فيها تعب وآنا أشوف التدريس ممتع غير الأجر اللي تاخذينه وطالباتج يذكرونج بالخير بإذن الله طول العمر ^-*

 

[جيتك تعال]

انتي الي تقررين هالشي

مهنة التدريس مهنة سامية وصح منعبة بس راقية

لو تحبين الشغل والتدريس صيري معلمة لو ما تبين الشغل وبس تبين الاجازة حولي ادارية بمدرسة وتاخذين الاجازات

لازم تصارحين نفسج بالرغبة الحقيقية لج تالي تقررين

والله يوفقج

 

[المـــــها]

اي فعلا
مهنه شاقه و متعبه و مجهده و حتى لو كنتي بمدرسة و ادارة زينه المهنه نفسها شااااقه
يعني مكدووووده مكدوده
و انا قبل فكرت احول ادارية لكن تميت لان ادارتي زيييييييينه و قسمي و رئيسة قسمي عس الحمدلله
و لكن ضاعفت مجهودي لان التوجيه و الادارة مو اي شي يعجبهم في وجود تميز من باقي المعلمات شكليا طبعا
اهم شي تذبحين عمرج بالشرح و الطلبة مايدرسون ولا يحفظون هني احباااااط
لكن انا اعطي ضميري و الحمدلله ملتزمة بكللللل شي
لكن من حملت تدرين الحمل ما يبيله اجهاد و تعلين صوتج بالشرح و المشي بسرعه و لا طول الوقفة
هني خففت شوي على نفسي و طبعا المناوبات اغث شي للحامل
اغث شي الحمل مع التدريس
بس انا مستمرة لاني احبببب التدريس و ادارتي زينه رغم الكرف و امنافسة هاذي ميولي
و من ناحية المعاش طبعا لازم مو اقل من 100 شهريا تروح للمدرسة للوسائل و غير نشاط ولا اذاعه ولا انجاز ولا نادي تقطين عليه بعد من عندج و ماتقدرين تطوفين و تقولين مو مجبورة لان ماراح تاخذين درجة نفس اللي تهول و تقط فلوووس على انجازها !

 

[Zaina-al-zaina]

الله يزاكم كل خير ع ردوودكم

ويوفقكم يارب بوظايفكم

ويسهل ع كل وحده يارب

 

[فتاة أعمال]

اي مهمه شاقه و لا بطيخ .... عبال لا تكملين تكونين ساااله البنات و مخلصه و بالنسبه للشرح ...يا اختي شرحي بطاالي و طلعي مو لازم اللي كلش كلش

 

[أحلى^حياه]

لا والف لا

 

[Vous jamais]

اي مهمه شاقه و لا بطيخ .... عبال لا تكملين تكونين ساااله البنات و مخلصه و بالنسبه للشرح ...يا اختي شرحي بطاالي و طلعي مو لازم اللي كلش كلش

عفوا أنتِ مدرسة ؟

شنو شرحي بطالي , احنا مسؤلين أمام الله عن كل طالب أمامنا

و نخاف الله فيهم

بالنسبة لصاحبة الموضوع , حبيبتي على حسب تقبلج للمادة و حبج للتدريس

و قدرتج على التفاعل مع الطالبات

التدريس مهنة سامية و ممتعة للي يحبها فقط

 

[بنفسج ..~]

ما عليج من اللي يحبطونج
لو انهن صج صاجات شالله حادهن على التدريس ؟
يروحن يحولن أدراريات وترا وزارات الدولة تقبلهن
لكن يقولن جذي عشان يحسسن الكل انهن عظيمات وكذلك سياسة النحاسة عند الحريم
بشكل عام من ناحية الراتب = جداً مريح
من ناحية الإجازة = عطل كثيرة وأجازات مع الطلاب
من ناحية الكرف = على حسب أدارة الدرسة وعلى حسب شخصيتج
يعني اللي شخصيتها ضعيفة الكل بيركبها ويكدها حتى بالوزارات واللي شخصيتها قويه راح
تكون مرتاحة
من ناحية التدريس والماده = إذا حابه التدريس والتخصص حقج راح تكونين أسعد أنسانه وانتي تعطين وتشاركين
باختصار احسن وظيفة وأوقر وظيفة للمرأة أنها تكون معلمة ومربية أجيال ..
أما اللي مو حابه هالشغلة بسلبياتها وأيجابياتها محد جابرها وتنحش خلق الله
كلنا قبل لا ندخل كلية التربية عارفين شنو يعني أبله وشنو السلبيات والأيجابيات
يعني محد جبرنا نصير أبلات !!!!
يعني انتي عارفه كل شيء وعقلج براسج وقيمي الامور وشوفي أستطاعج وما عليج من كلام الناس


بالتوفيق

 

[M!SS.LOBY]

مهنة التعليم حلوة وظيفة مرحة ومثمرة للوطن تطلعين لنا اجيال وفوق كل هذا مأجورة عليه

بالعكس اسم معلمة شئ كبير بمجتمعنا.

 

[ناتشوو]

بنفسج
يا انج مو كويتيه
او مو مدرسة
التدريس متعب ومجهد بالكويت
خاصة الحريم
طلباتهم كثيرة
بالعكس داخل الصف وناسة ومتعه اللي تحب
طالباتها ومادتها
والاجازات مو حيل كثيرة
خاصة مع تمديد
الدوامات
بس الحلو المدرسة الام تعطل مع عيالها
وبالعكس
ماعرفنا شنو تدريس
الا
بعد الممارسة
واصلا موقفين نقل وندب المدرسين
للوزارات
وقف نهائي
بس الوحدة
اذا كملت ١٠ سنوات
ممكن يقبلون لها تنقل ادارية
والله يوفق الحميع
وفعلا استشعار دورج
واحتساب الاجر
من الشغلات اللي تهون
تعبها
ووجود قسم ممتع وطريف وع قلب واحد
فعلا يخفف التعب
ويخلي الدوام ممتع

 

[(حكاية قلب )]

لآ وة مانصح تععععب همممم

 

[randomy]

مهنة شاااقه

فكري مليون مرة قبل لاتدخلينها


ونصيحه فكري بالمواد السهله والحلوه ...الاجتماعيات الاسلاميه الاقتصاد والمواد العملية

 

[ميـريام]

عمرج شفتي ناس تشجع؟؟

بس حق التحبيط وكسر المياديف جاهزين

كملي ولاعليج من احد دام الشي دااش بالج لاباجر تتحسفين على عمرج اللي ضاع مثلي

 

[yam_yam]

عمرج شفتي ناس تشجع؟؟

بس حق التحبيط وكسر المياديف جاهزين

كملي ولاعليج من احد دام الشي دااش بالج لاباجر تتحسفين على عمرج اللي ضاع مثلي

صاجه و الله و تلقين اللي تذم هي اصلا مدرسة

حبيبتي يكفي الاجر اللي بتاخذينه و كل مهنه صعبة

 

[!الجادل الصعب!]

كنت نفسج والحين اكمل الكل يحبط بس انا حابه اكون مدرسة
خصوصا اني ادرس بتخصص احبه وماخذة على جو المدرسة لاني اداريه كنت ..

الدولة م تقصر تشجع وتعطي تفرغ دراسي .. والباجي علينا نشد حيلنا ونكمل ..
وحطي فبالج ان التدريس مهنة سامية .. تحاسبين عليها بحال التقصير من رب العالمين


ادعي لي بالتوفيق والتخرج باسرع وقت

 

[¤§ زيتونة §¤]

حبيبتي

اذا انتي متحمسه ومتشجعه للتدريس توكلي على الله

التدريس فيه تعب لكن حلو وممتع وخصوصا لما يحبونج الطالبات وتكونين قريبه منهم تلاقينهم ينتظرون حصتج بشوق ويحترمونج


شوفي المادة اللي تحسين انج تعطين فيها وكملي ودخلي مجال التدريس وصدقيني دامج متحمسة وبخاطرج راح تستانسين

 

[love love]

اهو صج التدريس وايد اسمع تعب بس طبعا الي تكون تشتغل بضمير وتخاف ربها.......انصح تكملين دراستج ومافي احد بالدنيا يقول هالشي مو بصالحج ،،،، توكلي على الله وكملي تلقينهم يتمنون يكملون او مايقدرون ومايبون احد احسن منهم



ليش ماتفكرين تدرسين وتشتغلين شغله غير تدريس؟؟؟

او اذا حابه التدريس نقي اقسام السهله الي جداولها مو يوميه حق الصف الواحد مثلا ابله حاسوب او اقتصاد