تنصحون اصير معلمه ??? !!!!

[انوار2010]

أنا إدارية وأكملت دراستي وهذا أنا الحين أنتظر أوراق تعييني معلمة..أختي ماعليج من الناس اللي يحبطون الإنسان لازم يسعى ويطور من نفسه

 

[مرمر الدياحين]

حبيبتي انا داخله تخصص رياض اطفال مع انه الكل قال ليش ومتعب واذية جهال بس الحمدلله ماخذيت بكلامهم وكملت وحبيت هالمجال ودراسته سهله وممتعه كله عن الاطفال والله ماكنت حابه هالمجال بس دخلته لانه كان بخاطر ابوي ويقول والله سهل عليج وبسرعه تخلصين وفعلا طلع سهل .. انا من رايي ادخلي رياض اطفال بس مسكر بالتربية الاساسيه سجلي بالجامعه اذا تقدرين والحين الكل يبي مدرسه معاش حلو واجازه مع الناس .. نصيحتي ادخلي ولا تسمعين كلام اي احد وسوي اللي مقتنعه عليه انتي والله راح تندمين بعدين واستخيري .. تحياتي ❤

 

[Moi belle]

صج شلون انا ودي امل شنو تخصص بالدشينا بالماستر

 

[أميره بلا قصور]

تعب هذا الي اقدر اقوله

اذا كملت ١٠ سنين سجن راح اقدر احول اداريه لولا الاقساط الي علي جان مستقيله

راحة بالي تنشراااااا والله ولا اقعد اراكض بالمكتبات واقص والزق واحضر وافكر حتا ع مخدتي منبه ومسابقات وبطيخ

سوالف خرابيط مالها داعي

رياض الاطفال ووووع

 

[ام رينـاد]

صراحة ماحب هالوظيفه

من عمري كارهه مهنة التدريس بس سبحان الله صرت مدرسة لان نسبتي اللي دخلتني ولو دار الزمن جاان مغيره ههههه

تخصصي رياض اطفال

 

[جـمـان]

لااااااااااااااااااااااااااااااااااااااااااااااااااااااااااااااااااااااااااااااااااااااااااااااا

صيــــــري اي شي الا معلمه .. بهالزمن مايبون معلمات و مدرسات
يبون مـطاريش و مهرجين .
تتعبين و تكرفين طول السنه و تييج ناظره ماتستحي على ويهها تقط عليج حجي يسم البدن
و تستحقرج طول السنه بس اذا تبي منج شي تسوي روحها تحبج و تموت علي ,

و بالاخر بالتقييم على تعبج طول السنه تساوييج بالابله الي شاكه غياب و صايره لها مطراش المدرسه .

لا تصيرين مدرسه وخري عن عوار الراس و رفع الضغط .

 

[طيشن على جديه]

حبوبه دام عندج طموح كملي والحين صارت حتى الاداريه مكروفه
اقول استخيري وتوكلي ع الله ..​

 

[أميرة-]

اقول ستندمون هههههههههههههههههه


بنات محد يحس إلا اللي جرب

صح معاش المدرسه حلو والإجازات حلوة ما ننكر فيه ميزات .. بس تعب وشغلج تاخذينه بالبيت تحضير وتصحيح وأنشطة ومناوبات ومراقبة مو بس تقدمين درسج وتمشين لا الشغل ما يخلص

اللي داخله التدريس وحاطه ببالها المعاش والعطلة راح تنصدم بالواقع لما تنزل الميدان وتشوف الضغط والشغل

أنا اعرف وحده خريجة شريعة وصارت مدرسه ماكملت سنه وانحاشت بس لانها مو تربية تقدر تنقل بس التربوية خريجة التربية مالها الا التدريس تندفن فيه ماعندج مجال غيره الا بصعوبة .. انا حلفت على بنات أخوي ولا وحده تدش التربية

 

[#الخشف#]

التدريس بحد ذاته حلوو مثل ماقالت ناتشووو من تدشين صفج تستانسين

لاكن للاسف اللي مخرب عليه الامور الثانيه ومثل ماقالوا البعض اللي ماجرب مايدري

تظلين مكروفه طووول الكورس بهالسوالف اللي مالها داعي وفايدتها الوحيده انها تصرف جهد المعلم لغير الطالب

مثل الورش والفعاليات وغيرررره

هذي تنهك المعلم وتشتته اثناء قيامه بدوره..

مع هذا اقولج اذا حابه تعطين من وقتج وجهدج وميزانيتج حياج معانا معلمه..

 

[Moi belle]

شنو التخصص اللي بالدرسات العليا يخليج مدرسه ماجوبتي علي

 

[أخت خالد]

اولا مبارك عليكم الشهر ثانيا انا معلمه وتحسفت اني صرت معلمه لاسباب اول شي الاداره مرات يعاملونا كآن نشتغل عندهم حيل يظلمون اللي عندها لسان يخافون منها ويتحاشونها ثاني شي المجتمع دايما مجتمع المدارس مجتمع القيل والقال والهوشات ثالثا تخيلي فوق راسج مديره ومديره مساعده ومشرفه وموجهه وكل وحده تامر وتتشرط بس اذا انتي حابه المهنه وشخصيتج قويه ادخلي المجال والله يوفقج♥♡

 

[كارينا]

لا لا لا مهنة متعبة وشاااااقة وأكثر من مسؤولة فوق راسج