تنصحوني بالخطوط القطرية وإلا لأ ؟؟؟

[سياسية]

القطرية عجيبة...

وخصوصاً لا صارت رحلتج على الفرست.. نظافة و راحة و اللاونج عجيب..وسوقهم الحرة أعجب و أعجب

<--- صار أدمان التمر و اللبن عندي من سبتهم

عموماً القطرية بالنسبة لي صكت على الاماراتية بعد..

نصيحة سافري و إنتي مغمضة عليها..

وبالنسبة لمقارنة القطرية مع الكويتية... القطرية تحط الكويتية تحت أباطها و تشفط عليها بعد ههههههههههههه :dddds:

 

[mathmatics]

والله عجيبة أصلا سافرت عليها وشفت الفرق بينها وبين الكويتية و غيرها والله أنصحج فيها والله
راح تحسين براحه مو طبيعية والله والخدمة على طول السفرة
الله يسهل عليج أمورج وتسافرين عليها
موفقه انشاء الله

 

[أحلى همبه كويتية]

القطرية عجيبة...

وخصوصاً لا صارت رحلتج على الفرست.. نظافة و راحة و اللاونج عجيب..وسوقهم الحرة أعجب و أعجب

<--- صار أدمان التمر و اللبن عندي من سبتهم

عموماً القطرية بالنسبة لي صكت على الاماراتية بعد..

نصيحة سافري و إنتي مغمضة عليها..

وبالنسبة لمقارنة القطرية مع الكويتية... القطرية تحط الكويتية تحت أباطها و تشفط عليها بعد ههههههههههههه :dddds:

أصلا الكويتية أنا ما أفكر فيها
رحت فيها الأردن سنة 2004 وبصراحة تعاملهم بنفس خايسة المضيفات والشباب أحسن منهم


شوركم وهداية الله

 

[أحلى همبه كويتية]

والله عجيبة أصلا سافرت عليها وشفت الفرق بينها وبين الكويتية و غيرها والله أنصحج فيها والله
راح تحسين براحه مو طبيعية والله والخدمة على طول السفرة
الله يسهل عليج أمورج وتسافرين عليها
موفقه انشاء الله

تسلمين يا عمري على هالدعوة الحلوة

 

[أمانيQ8]

وعلى فكره ترا اسعارها مقارنة بالخطوط الباجي ارخص لان انا حجزت عالفتانزا اول بس شفنا الفرق حولنا عالقطريه تذكرة البالغين ب270واليهال الصغار 220 تدرين حصلناها عالاماراتيه ب340اول شي حتى الفتانزا 270بعدين زادت من 15_مايو -ارتفعت الاسعار وبعد بتزيد...

واتصدقين لو ان حاجزين من شهر 4او3جان ارخص بس الحجي الله يهداه مارضى يحجز بسرعه...
انا قاعده اتحجي عن تذاكر كويت ميونخ كويت

 

[manoola]

ياحلو قطر واهل قطر واااااااااااااااااي
ماعندي شي اقوله لاني ماسافرت عليها رحت على الاماراتيه وعاديه ماعجبتني ماتفرق عن الكويتيه الا طاقمها احسن من المصيفات اللي عندنا بس يخززون قطيعه مااواطنهم عمه بعينهم وايد مصدقين مضيفات الكويتيه وعايشين الدور
لووووووووووول بس هذا اللي بضيفه ادري ماله شغل في سؤالج

 

[vooom]

جربتا وايد حلوه وراقيه

 

[afesa]

بصراحه عجيبه ونظيفه انا رحت معاهم لندن وصادف عالرحله تاخيرونزلونا بفندق درجه اولى وكل شي كان على حسابهم والله وناسه بس خوش طيران واسعارهم معقوله انا كنت باحجز حق لندن بس المشكله معاي يهال واهيه لازم تنزل ترانزيت بالدوحه بس لاتترددين توكلي على الله وحجزي

 

[nice smile]

انا جربتها يوم اروح ماليزيا صج خدمتهم اتينن والحمدلله ماصادفنا تاخير وبالرده كنا ترانزيت 6 ساعات عطونا فندق والاكل والمواصلات كللللللللله عليهم


بس عيبها الوحيد مافيها تلفزيون والرحله كانت طويله فصار ملل ..

 

[أم حمني المزيون]

لحظة ...صج مافيها تلفزيون؟؟؟؟؟معقولة؟؟

 

[أحلى همبه كويتية]

بعد جبدي كلكم
ما قصرتوا بالردود
عساكم على القوة

 

[أساور]

سافرت فيها وكانت اوووكي

 

[أم^هيوني]

السلام حبايبي شلونكم يابنات الكويت انا بتكلم عن القطرية وبقول رايي الصراحه طيران حلووو و واااو مب امدحه لاني انا قطرية وابي ابين انه زين لا للامانه الصراحه فظيع لان يريحج انا مرة رحت فيها وكانت ريلي مكسوره وحطوني جدام واهتموا فيني ولما سافرت لبنان كانت رحلتنا دوحه بيروت ثلاث ساعات بس وناسه عندج تلفزيون خاص فيج وكل شوي يمرون يشوفون شنو تبين تشربين ويعطونج كيك او بسكوت وبالنسبه للوزن كل خطوط تاخذ وزن بالنهاية انشاء الله تنبسطين وهذا طيران ديرتج الثانيه واذا ماشالج نشيلج بعيونا

 

[ام الشيخه]

انا جربتها يوم اروح ماليزيا صج خدمتهم اتينن والحمدلله ماصادفنا تاخير وبالرده كنا ترانزيت 6 ساعات عطونا فندق والاكل والمواصلات كللللللللله عليهم


بس عيبها الوحيد مافيها تلفزيون والرحله كانت طويله فصار ملل ..

اخ مافيها تلفزيون؟؟؟؟؟؟؟؟؟؟؟؟؟؟؟
حدها مو شي من غير تلفزيون شصير فينا

 

[BaiTotia]

رووووووووووووووووعة القطرية

رحت فيها من سنتين

بس كان عليها تأخير هذا العيب اللي كان فيها

ولا كل شي فيها زين

الكويتية ويييييييييييع

 

[ام-حمودي]

القطريه تههههببببل
سافرت فيها مصر السنه اللي طافت واللي قبلها بعد
بصراحه روعه وسمعت انها طيران فايف ستار خمس نجوم
بس مشكلتها ترانزيت وتتأخر وايد

 

[a7la tooota]

حلوه احسن من الكويتيه بوااايد ..

بس الناس اذواق رفيجتي واهلها سافروا فيها وماعجبتهم بس احنا الحمدلله ارتحنا منها صارلنا سنتين مجربينها

وهالسنه بعد بنسافر فيها ...

بس حلوه لاتطوفج

 

[doll2008]

اختي El-hamba elbutamba انا سافرت عليها سنة 2002 رحت ماليزيا كانت وايد زينه . فما بالج هالسنة وهي مغيره جميع اسطولها .

على فكرة انا بجربها هالسنة والصراحة سنة عن سنة المديح يزيد فيها .

بسافر عليها من (كويت - قطر - واشنطن ) ومعاي عيالي والاسعار تختلف على حسب عمر اليهال
من مولود لي سنتين - ومن سنتين لي 12 سنة - ومن 12 سنه لي 0000 لكم طولت العمر

وا شاء الله اكون فدتج

أنا مومجربتها بس السنه بجربها ونفس خط سيرك.. بس صج مافيها تلفزيون؟؟ :0bee2e8d89:خط الرحلة طويييييييييييل 14ساعة لما واشنطن وقبلها ترانزيت قطر، أمبيه شلون بيطوف الوقت اذا مافيها تلفزيون؟؟
بنات اللي مجربتها تفيدنا صج ماكو تلفزيون ضاق خلقي

 

[كرزاية]

مرحبا خواتي ..
فيها تلفزيون ...في الأول كان فيها شاشات كبيره ..
بس الحين غيروهم وجددوهم وكل كرسي له تلفزيون خاص ..

اتمنى للجميع رحلة سعيدة على متن الطائرة القطرية ...لووووول

 

[أحلى همبه كويتية]

السلام حبايبي شلونكم يابنات الكويت انا بتكلم عن القطرية وبقول رايي الصراحه طيران حلووو و واااو مب امدحه لاني انا قطرية وابي ابين انه زين لا للامانه الصراحه فظيع لان يريحج انا مرة رحت فيها وكانت ريلي مكسوره وحطوني جدام واهتموا فيني ولما سافرت لبنان كانت رحلتنا دوحه بيروت ثلاث ساعات بس وناسه عندج تلفزيون خاص فيج وكل شوي يمرون يشوفون شنو تبين تشربين ويعطونج كيك او بسكوت وبالنسبه للوزن كل خطوط تاخذ وزن بالنهاية انشاء الله تنبسطين وهذا طيران ديرتج الثانيه واذا ماشالج نشيلج بعيونا

على راسي والله يا حلاتج

ما عندي خيار ثاني كل الخطوط فل أو نار بالسعر هذا اهي الوحيدة اللي حجزنا مؤكد فيها
توكلنا على الله

مشكورة