تمنيتي جنس جنين معين ودعيتي ربج بالحاح ان السونار يكون غلط ... شنو ولدتي ؟؟؟

[سلسبيل]

رفع

 

[حبيبة اهلهاا]

لو سمحتي الحريم الي يتاففون حرام عليكم

في حريم تتمنا ولد مو كرها للبنت لا

لان في بعض الريال عقليتهم جذي يا تيبين لي ولد و لا اتزوج عليج

و لا ما ترتاحين من النفاس الا وانتي حامل عشان غصب اتيبين لي ولد

ما يصير تتطنزون و تتشمتون ع البنات الي يتمنون الولد

اذا الله رزقكم بالولد الصالح حمدو ربكم ترا لو كان بجركم بنت و عندكم رياييل عقليتهم صغيره بتحاتون وااااايد وااايد

خلاص ماله داعي كل وحده تجرح الثانيه

اذ الله رزقكم بالرياييل الي عقولهم متفتحه و ماعندهم فرق بين البنت و الولد حمدو ربكم غيركم متزوجين رياييل عقولهم صغيره

و مهما صاار و مهما كان الريال كان عقله متفتح صدقووني كل ريال يتمنا ييله ولد يسنده لي كبر

بس سبحان الله في رياييل يحبون البنات اكثر او في رياييل ينطرون و يصبرون

خلاص عاد ماله داعي كل شوي اتقولون اشوه ان عقولنا متفتحه و الي ام البنات و تتمناولد هاذي معقده ( الي ايده بالماي مو نفس الي ايده بالنار )



<<<< ادرو بتقولون شفيها هاذي اكيد لانها عندها بنت ووتمنا الولد مثلهم

لا حبابيبي انا عندي اغلا ما املك عيالي ربي يخليهم لي بس حبيت اوضح لكم شكثر انتو تجرحون بدون لا تحسون

 

[سلسبيل]

الموضوع حلو أنا أكدوا لي جنسه بس بكل وقت أدعي يكون كلامهم غلط وإن ربي مايرد دعاي

 

[سعادة قلبي وياه]

الله يرزقنا باللي تتمناه ياربي

 

[سبحآن الله"]

مع كل احترامي لكم
.. اغلبكم يبون الولد عشان زوجها مايزعل !!
يزعل!! يزعل على ايش ابي افهم ..؟
ليه يحملك شيء موب بيدك !!
على فكره إذا جبتي بنات كثييير ف هذا مو منك ! منه هو ف ليش نتحمل مشاكلهم اذا هم يشوفونها مشاكل
معليش ما اتخيل زوجي يجي يقول لي جيبي ولد ولا بتزوج عليك هذا دليل ان انا ولا شيء واني مكينه اضغط زر الولد واولد ههههه
وين عايشين ؟
زوجي لازم يحترمني ويعرف ان المشكله من عنده قولوا لازواجكم انا مالي خص اذا انت ابتلشت بافكارك
مستحيل اسمح له يفتح الموضوع هذا معي لان مرفوض تماما اذا هو يحب الاولاد ليش يتزوج (بننننننننننننننننننننننننننننننننت )
ولا البنت تسليه والولد مستقبل
تخلف تخلف تخلف
هذا منطق مرفوض والحمد الله الي كرمنا بالاسلام الي زكانا من هالافكار الجاهليه
بنت ولا ولد .. كلهم (واحد) في هذا الزمان .. ياليت نتطور شوي بفكرنا ونرتقي

 

[M!Ss Smart]

اقرا ردود بعض البنات تبي ولد عشان اكيييييد زوجها يستانس والله طقاق يطقه موراضي بكتبه ربه ربه مو راضي برزقه تبين تراضينه ؟؟؟؟؟؟؟ امبييييه جد جد الله يعين تفكيركم وبعدين مافكرتوو وحده محرومه من الضنى تقرا ردوكم اهيا تتمنى اي شي ماتفرق وانتو تشرطون صج ذكرتوني بعصر وئد البنات ترى النعمه زواله ولاتقولون غصب عنا مو بكيفنا انتو جذي تعترضون على حكمه ربكم

 

[اريـ الكويت ـاف]

السلام عليكم بصراحة انا سويت سونار في بداية السابع و الدكتورة اكدتلي انها بنت بنسبة 100بالمية و مع هذا الشي كنت ادعي ربي دايما لان كنت ابي ولد و بعد ام زوجي كانت دايما تدعيلي و الحمد الله يبت ولد بس للاسف يدته كانت تعبانة و ما فرحنا في وايد لانه انشغلنا بمرضها و ضاعت فرحتنا بس الحمد الله ادعولها يا بنات بالشفا و انشالله تطيب و ترجع مثل قبل و تفرح فيه يا رب

 

[سلسبيل]

الله يفرحكم بعافية أم زوجج أرياف الكويت
وين سويتي السونار؟؟؟

 

[نونا**]

الله يرزق الجميع باللي ودهم فيه بس حبيت اضيف شغله منو يقول البنت تتبع امها وتنفع امها انا خالتي ام ريلي بناتها احسهم شر عليها مانفعها الا عيالها وحريمهم والله حريمهم احسن من بناتها بارينها واحسن الهدايا لها والسفرات اما بناتها ولايدرون عن هوا دارها كل وخده لاهيه مع ريلها بس صج اللع رزقها بجنات يبردون الجبد

 

[سلسبيل]

رفعععععع

 

[حنووونه25]

والله ماادعي إلا بالذرية الصالحة سواء بنت او ولد
الله يهديهم ويبارك فيهم كلهم حلوين

 

[حبيبي مالكني]

الله يرزق الجميع باللي ودهم فيه بس حبيت اضيف شغله منو يقول البنت تتبع امها وتنفع امها انا خالتي ام ريلي بناتها احسهم شر عليها مانفعها الا عيالها وحريمهم والله حريمهم احسن من بناتها بارينها واحسن الهدايا لها والسفرات اما بناتها ولايدرون عن هوا دارها كل وخده لاهيه مع ريلها بس صج اللع رزقها بجنات يبردون الجبد

لكل قاعده شواذ
بس اغلب البنات يشيلون امهم وابوهم واحن عليهم
من الاولاد
ونادراً تحصلين جنات يبرون باهل الريل
واذا حصلتي جنات سنعات يكونون اهل الريل مب كفو
يعني باختصار
مافي شي عام بس نحن نتكلم عن الاغلبية
والبنت حلوة و الولد حلو
بس اهم شي ان الوحدة ترضا بعطية رب العالمين

اللهم اني رضيت فرضني

 

[ام ريتال 4]

لك الحمد يارب اهم شي الصحه والعافيه انا حامل توني دخلت السادس سويت اشعه قالت لي بنت ونا نفسي بولد من احلامي والاحساس

 

[انصاريه قمره]

ويع في رد نرفزني تقول تمنيت ولد وللاسف جبت بنت جهل يا ربيي جههههههههل انا لله الحمد عني ٣ بناات الله يبلغني فيهم والحين حامل ما اقولكم ما اتمنى الولد لكن شي طبيعي ما راح اتأكد انه بالسونار بنت واقعد ادعي يارب تقلب ولد ترا عصر الجاهليه راح على فكره وللاسف ليلحين في ناس مخهم متحجر ربي لا تبلانا

 

[Australia girl]

كان بخاطري ولد والحمدالله على عطية الرحمن عندي ثلاث بنات فديتهم وانشالله نخاويهم

 

[Aloe Vera]

كنت ادعي ربي يكون في بطني ولد بحملتين بس كنت بنفس الوقت احس اني ناقمة للنعمة و قليلة ادب لاني قاعدة اتشرط عند ربي

شعور مو حلو و حسيت ان غلط اطلب بنت او ولد و الحمدلله ربي عطاني بنتين ما اتخيل حياتي بدونهم و احس اني كنت اغبى انسانة بالدنيا لمن تمنين اولاد

و بعدها حملت بدون تخطيط و مادعيت ربي ان يعطيني ولد نفس كل مرة قلت اهم شي الصحة و الصلاح و خليتها عالله الله راح يعطيني اللي فيه الخير سواء بنت او ولد و هالمرة ماراح ادعي ربي بشي غير الصحة و الصلاح و ان يكون الجنس اللي فيه الخير لي دنيا و اخرة
و طلع بالسونار ولد و ناطرة اولد و اتاكد لمن اشوفه &#55357;&#56842;

 

[سلسبيل]

Aloevera
الله يتمم لج ويفرحج بشوفة وليدج

 

[انصاريه قمره]

بعد عمري استراليا قيرل يا حلوها ام البنات ومن ربى ٣ بنات تربيه صالحه بني له قصر بالجنه وانا قبل لا اتزوج كنت اتمنى بجري يكون بنت وربي انعم علي وعطاني بدال البنت ٣ ربي لك الحمد ، الله يقدرنا على تربيتهم تربيه صالحه :**

 

[راحيل العبدلي]

ي حلوووو البنااااااات ?
و الله يرزق كل من تتمناه .
و يرزق كل من تبي الضنى ..

.

 

[كويتية تكفي مية]

آنـا اول حمل كان احساسي ولد وطلع بنت وعادي حدي استانست والحين بحملي هذا كان عادب بنت او ولد لان اذا بنت اخت لبنيتي قريبه لعمرها وترافجها واذا ولد عزوه وهم كان احساسي ولد وطلعت بنت والحمدالله الحين اقول يارب الثالث ولد باذن الله ويرزقني له اخو وبوقف ادعولي يرزقني فيهم سليمين معافين وصالحين ينفعون الاسلام والمسلمين