هلا سما
مع اني صارلي سنين امر على هالمنتدى, اشتركت اليوم بس علشان ارد و اوضحلج شي.
ال "بين كيلر" الله يسلمج اهوة اسم عام ل مسكنات و الادوية المخففه للألم, يعني مافي دوا واحد اسمه pain killer.
في انواع كثيرة, توافي جميع انواع الألام و الاجسام. لأن مثل ما تعرفين في وايد ناس عندهم حساسيه من انواع من الادويه. في انواع تساعد على تخفيف الالم في اماكن معينة و في انواع لها مدى اطول من الثانية.
الجهاز الي يعطونة للمريض الي مسوي عمليه غاليا يكون المورفين (يتركب على الدرب و يعطونج نفس شي تضغطين علية كل ما حسيتي بالالم), هذا موجود من اسنيييييييين. ولا شلون الناس متحملين العمليات الله يهداج
و سالفة البنات ما يقولون مو نحاسة, بس اتوقع الكل يحسب الكل عارف, و اتوقع لأنه انتي تسألين عن جهاز و الناس ما تدري شنو تقصدين.
بس مثل ما قتلج, ال pain killers فيهم وايد انواع, و الجهاز هذا واحد منهم. في حبوب, في ابر و جذي.
البنادول يعتبر pain killer, لأنة في باراسيمتول و هذا يعتبر مسكن للألم خفيف.
بالنسبه لل Vaser فأتوقع موجود, بس لأنه الجهاز و الطريقة يديده, للحين قاعدين يتدربون عليه بالكويت قبل لا يحطوله اعلان, او ممكن موجود اصلا. دقي على العيادات المتخصصة بالشفط و سألي عنه, بس لا تقولينها با فاء, اسمه Vaser. سألي عن ال vaser lipo. اتوقع اذا قلتي بالفاْ يحسبون شي ثاني.
بعدي عن الضن, و سألي!
و اهم شي تسوين بحث و اتدقين و تسألين.
و بقولج بعد, ترى كل شي موجود بالكويت, قبل كنت احسب انة بس حجي, بس صج. كل شي موجود.
