تلاحقو عمركم, "زين" واخر حركاتهم الاستفزايزية..

[mllon]

السلام عليكم

الموضوع عن شركه زين
اللي باطه جبد العالم :eh_s(14):



الله يسلمكم انا مشتركه معاهم بخدمه انترنت من سنه 2009
الى الان

وكان وقتها ماخذة عرض اعلى سرعة للنت

والحين صارلي فتره واعتقد الاغلب ملاحظ ان سرعتهم تقل..وكل شوي يفصل الجهاز
وارجع اشبك من جديد..
بالاول عقبالي الخلل من جهازي!

الى ان صارت سرعتهم بطيييئه وما اتحملها كلش

واليوم توني فرش راجعت فرع زين القريب من دوامي
لان جهازي مو راضي يشبك!
بغيت ادفع فاتوره شهر 7 مبجر..حسبت اذا دفعتها مبجر السرعه ترد طبيعيه
كل مره تصير جذي


فقالي الموظف ان المشكله مو بالدفع
احنا(شركه زين) سوينا نظام يديد ان اذا بتزيدون سرعتكم لازم تدفعون زياده
فرديت عليه: عدل..عشان جذي قام تقللون السرعه وكل شوي يفصل الجهاز؟:rgewrg:

اهو هني سكت
ومد البوز


نعم ..هم يبوقونا وهم متضايق..يا اخي انت تشتغل بشركه نصب واحتيال عالعميل


بنات خل احطلكم اللي بالبروشور

سعه الاستخدام
السعر شهريا
السرعه
2 GB
7 د.ك
معتدلة
8 GB
12 د.ك
عاليه
15 GB
13.5 د.ك
معتدله
30 GB
21 د.ك
عاليه
​

شفتو السرعات


انا ادفع شهريا من 2009 لي الحين..ادفع 13.5 د.ك وسرعتي قالي 1 GB

يعني سرعتي اقل من المعتدله..!!!:eh_s(14):

اهو جذي قالي..انا هني وصلت حدي ...

قلت له: كل الشركات جذي نفسكم؟
قال: والله ما عندي خبر بباجي الشركات بس هذا نظام يديد

قلتله ليش ما بلغتونا؟؟:jumpon:

قال هذا مو شغلنا , شغل قسم متابعه العملاء!

(يا سلاام)

قلت: زين اللي قلتلي عساس ابلغ الكل..:rerrerek:


وانا اللي اول بأول ادفع وعمري ما قطعت الاشتراك!

قلت ابلغكم..لان شركه زين وااااااايد تمادو ومصخوها...بوق عيني عينك...


فأنا اول وحده راح اقطع اشتراكي معاهم..

لو كل واحد جذي نفسي وقطع اشتراكه معاهم..جان تأدبوا وحشموا العملاء

بدور لي اشتراك بشركه ثانيه...

هالمره ماراح اسكت..بنشر بكل مكان..وببلغ الكل..خل ينتبهون:eh_s(14):




بنات انتو اشرايكم..مو ظلم بحق العميل..
مو بوق اشكره؟

و لكم المايك

 

[جنون العاطفه]

انا كنت خمس سنين ما يبطل ولا صفحة الى بعد عشر دقايق
غير اليوتيوب الي شوي وربع ساعه يوقف
بطيئ بشكل كبيررر
وكل ما ادق عليهم يقولون صيانة


وشهريآآ ادفع 15

اخر شي مليت عقب شنووا


رحت فرعهم قلت بفصل الخط قال لاا عاد خدمة النت عندج خطيره مميزاتها
قلت ما استفيد منها بولا شيء

قال اي منطقتكم الشارع الي انتوا فيه الشبكة فيه معدومه
يعني خمس سنين ما استفدت ولا شئ ولا بلغوني وانا دووم ادق عليهم



الله يعينا ي ليت يكون في رقابة ​

 

[سندس 90]

ماأدري هالشركات كللللها بواوقه ،،


أختي وطنيه تخيلو دفعة خدمة الآيفون ب ١١ د.ك والله شغلوها لها يوميين وفصلوها دقينا على خدمة العملاء قامو يخربطون دشي الإعدادات روحي لشبكه وماأدري شنو ،، يوم سويناها والله ولا أشتغلت ،، راحت لهم قالو خلاص باجر تلقينها مشتغله عندج ، وانطرت أنطرت ولا أشتغلت لييييين زهقت قالت خلاص فلووسي عليها العوض ووالله ماأحللهم حسبي الله عليهم ،، قعدت عقبها بأسبوع شغلوها لها أتوقع ٨ ساعات وأفصلوها " لـــــعــــبـــــه صرنا بإيدهم "


كل الشركات أهني زفت ، ويبوقون أشكره
ماردى من شين " زين " غير شيفا " فيفا " ،، وماردى منهم كللهم غير حراميه " وطنيه "
الله المستعان

 

[طموح دائم]

من زمان قطت زين وافتكييييييييييت حطيت ايجو الوطنيه شحلاته صارلي سنتين

 

[عادت ذكرياتي]

لا تسكتون على حقكم حتى لو وصل الأمر إنكم تغيرون خط الفون لشركة ثانية ^_^ عشان يتأدبون %%

 

[مكحوله العين]

اا انا فيقا ع الواي فاي بصراحه اوكي اما الـ3g لا والله ما انصح هم نهبوني ��

 

[ملاك ^ الحب]

انا وطنيه وايد زين

 

[[ نور عيني ]]

-



يا حلااااااات الفيفاااااا
والله كل شيء يفتح سرررريع
حتى اليوتيوب يحمل بسرعه
انصحكم فيهااا الحين صارلي سنه وزياده على الفيفا ..

 

[** باربي **]

كل الشركات قاعدين ينصبون علينا
كلهم
لازم نوقف وقفه لهم خلاص ترى مصخت وصارت مصخرة
يكفي ترى اغلى اتصالات بالعالم الكويت !!

 

[mllon]

انا كنت خمس سنين ما يبطل ولا صفحة الى بعد عشر دقايق

غير اليوتيوب الي شوي وربع ساعه يوقف
بطيئ بشكل كبيررر
وكل ما ادق عليهم يقولون صيانة ​

وشهريآآ ادفع 15​

اخر شي مليت عقب شنووا ​

رحت فرعهم قلت بفصل الخط قال لاا عاد خدمة النت عندج خطيره مميزاتها
قلت ما استفيد منها بولا شيء​

قال اي منطقتكم الشارع الي انتوا فيه الشبكة فيه معدومه
يعني خمس سنين ما استفدت ولا شئ ولا بلغوني وانا دووم ادق عليهم ​

الله يعينا ي ليت يكون في رقابة ​

الله يعينج..5 سنين متحمله نت بطيء


هذا عذرهم اللي كل مره يستخدمونه..على طول صيانه..!
غير شركه !

 

[mllon]

ماأدري هالشركات كللللها بواوقه ،،


أختي وطنيه تخيلو دفعة خدمة الآيفون ب ١١ د.ك والله شغلوها لها يوميين وفصلوها دقينا على خدمة العملاء قامو يخربطون دشي الإعدادات روحي لشبكه وماأدري شنو ،، يوم سويناها والله ولا أشتغلت ،، راحت لهم قالو خلاص باجر تلقينها مشتغله عندج ، وانطرت أنطرت ولا أشتغلت لييييين زهقت قالت خلاص فلووسي عليها العوض ووالله ماأحللهم حسبي الله عليهم ،، قعدت عقبها بأسبوع شغلوها لها أتوقع ٨ ساعات وأفصلوها " لـــــعــــبـــــه صرنا بإيدهم "


كل الشركات أهني زفت ، ويبوقون أشكره
ماردى من شين " زين " غير شيفا " فيفا " ،، وماردى منهم كللهم غير حراميه " وطنيه "
الله المستعان

لوول شيفا..عاد يمدحون النت عند شركه شيفا....


الكل جذي..وحده تقولي هذول القطاع الخاص..بوق ب بوق

يختج حقوق الناس برقابهم لي يوم الدين..وين يروحون من رب العالمين

 

[mllon]

من زمان قطت زين وافتكييييييييييت حطيت ايجو الوطنيه شحلاته صارلي سنتين

زين تسوين..انا لاني مشغوله حدي..ومالي خلق امرهم وانطر دور سنه ويزرعوني..
بس خلاص..بروحلهم من صباح الله خير يوم السبت..واقطع اشتراكي
لا باركت فيهم


مع اني دقيت على خدمه العملاء وقلت بقدم شكوى...والموظف بكل احترام كلمني وفهمني نفس السالفه
وقال ان بطيء عندي لاني بس استخدمه حق وتس اب وهالسوالف..

حتى لو...انا نفس الاجهزه قام استخدمها من بديت اشترك معاهم..وهذا مو عذر يقللون سرعتي..وانا ادفع نفس المبلغ..


بعض المرات ودج تقدين وتزفين..بس اشذنب الموظف ..!..

 

[mllon]

لا تسكتون على حقكم حتى لو وصل الأمر إنكم تغيرون خط الفون لشركة ثانية ^_^ عشان يتأدبون %%

بروحلهم واودي كل فواتيري..عساس اذا قالو عليج استحقاقات ما دفعتيها اطلع الفواتير والتواريخ..
والغي اشتراكي:rerrerek:

 

[mllon]

اا انا فيقا ع الواي فاي بصراحه اوكي اما الـ3g لا والله ما انصح هم نهبوني ?

عندي جهاز ماي فاي..بس ابي خط نت..نسيت شيسمونه.

3g قصدج اشتراك نت عالفون!
معروف اشتراك نت عالفون يكلف..الافضل واي فاي حق كل الاجهزه

 

[mllon]

-



يا حلااااااات الفيفاااااا
والله كل شيء يفتح سرررريع
حتى اليوتيوب يحمل بسرعه
انصحكم فيهااا الحين صارلي سنه وزياده على الفيفا ..

الكل يمدح..شكل بروحلهم

 

[mllon]

كل الشركات قاعدين ينصبون علينا
كلهم
لازم نوقف وقفه لهم خلاص ترى مصخت وصارت مصخرة
يكفي ترى اغلى اتصالات بالعالم الكويت !!

والله ما تمادو اله لان احنا سكتنا عنهم..
هذا اهو

"الظلم يحيى بالسكوت"

 

[فطوم 84]

صاجه والله يااختي انا. بعد زين. مو بس. بطي. عسي مادشيت اليوتيوب. يفتح. مقطع واحد. ماكو دقيقه. ولا دازين. رساله. لي

تم تقليل السرعه. ادفع. مبلغ .....عشان تزيد السرعه

وبوق. والله شنقول وشنخلي

الواحد ينجبر عليهم. لانه انا مجربه الوطنيه العن والعن انردت لزين. تهووون. عن الوطنيه. الوطنيه حراميه علي مستوي ههههههه



اتوقع احسن شي فيفا. كذا بنت امدحتها. لي


الله يعينا بس

 

[أحلى بنوووته]

اهااااااا جذي يعني حتى انا وصلني مسج من زين بيقللون السرعه
مشكوره يا صاحبة الموضوع نبهتينا بغيت ادق عليهم وعبي مره ثانيه وخدمتي لحد الحين ماخلصت
امبي شهالبوووق مايخافون ربهم خلاص من يوم ورايح بشبك ع واي فاي

 

[قاهره عذالي]

اخواني وطنيه ومرتاحين

وانا نفسج بالضبط

صارله كم شهر النت مو شي

وزهقت منه

الشهر الجاي بروح اشترك وطنيه

انا من 2008 مع زين

مالت عليهم

 

[mllon]

انا منزله الموضوع اول شي بهالقسم..وما نزل..
فنزلته بقسم الموبايل..
وهذي مشاركه وحده

العضوه كويتيه شماليه
( هلا اختي بقولج للتوضيح وانا حاسه فيج بس مالقيتي الموظف اللي يقنعج بالتفصيل ..

قبل النت كان يستخدم فقط باجهزة الحاسوب بس عن طريق وايرلس الشركات
الحين كل من هب ودب صار عنده نت بكل مكان بـ هالاجهزة الجديدة
وصار ضغط عالشبكة
علشان جذي انتي اشتراكج ماتغير ولا السرعه تغيرت اللي تغير الضغط على الشبكة
والشركة تتطور وتزيد السرعه وكل مازادت السرعه زاد السعر وهذا من حق اي شركة الربح ورضا العميل باللي يناسبه

انا مالي اي صلة بالشركة ولا حتى عميلة معاهم انا من واقع دراستي وخبرتي بالشبكات والاجهزة

اعطيج مثال:
عندج 4000 طالب بجامعه معينه وهالجامعه عندها موقع رسمي
اطلعت النتائج اليوم مثلا
الطلبه عندهم النت بسرعات مختلفه
احتمال يتعطل الموقع بسبب الضغط عليه 4000 جهة اتصال عالشبكة

سوت الجامعه مواقع مختلفه كل 1000 طالب يدخل بموقع راح يخف الضغط عالموقع ويشتغل عادي لكل الطلبه وبسرعات مختلفه حسب كل طالب مايملكه من سرعه ولكن النتيجه اوصلت لكل طالب

لذلك انتي لمن كنتي تدفعين 13 دينار على سرعه معتدله كانت هي العاليه سابقا ب 2009
والشركة من كثر ماصار الضغط والاستخدام الكبير عالشبكة تطورت و اصبحت تقدم سرعة اعلى وكل مازادت السرعه يزيد السعر وهذي قاعده لابد منها
واحتمال الشركة تنزل سرعه قيمتها 25 دينار والسرعه تكون اعلى

هذي سياسه التكنولوجيا
مثل الاجهزة شريتي مثلا ايفون 3 ولمن نزل ايفون 4 نزل سعر الايفون 3
وصار ايفون4 اهو الاعلى

هذا قانون كل الشركات بس عروضها للزباين يختلف..

وبالتوفيق،، )


ما قصرت..وظحتلي الموضوع عدل

وهذا قانون بكل الشركات..
بس هم من حقنا , من المفروض قسم متابعه العميل يبلغنا..مو كل شوي ينقطع النت

وغير هذا ..عساس نكون حقانيين..في بند بالعقد بهالخصوص...بس احنا من نوقع ما نقرا 3 صفحات

وحطيتلكم مشاركتها عشان نفهم لمن يقولون ضغط عالشبكه