تكفون يالسنعات الي تضبط القهوة تتفضل

[~الامبراطـورة~]

يالله حييهم


يالغاليات ودي تساعدوني
زوجي دايم يقول ماتعرفين ماتعرفين
تسوين القهوة العربيه ~> القهوة العاديه
والله يالغاليات عجزت اضبطها
ابيييها شقرررا ابيها كانها كوفي لاتقولون حطي كوفي ميت بالدله حطيت وماصارت صفرة صارة برتقاليه كذا
ترا انا لكم علي بالمطبخ توني عروس ؛"(

الي عندها طريقه ععسى ربي يجزاها الجنة
*

 

[✿¸3ώẪṧĤ»]

أخذت الطريقه من أمي

الطريقه :

تحطين 3 قلآصات ماي

و فنجآلين قهوه

و خليهآ تفوووووح و اذا بتنكت القهوه بعديهآ عن النآر و رديهآ مره ثانيه ..

و بعدين حطيهآ ع صوب النآر مو بالنص لآ ع صوب و خليهآ ترتآح شوي ..

و بعدين جيبي دلـّه ثآنيه و حطي قفشه وسط هيل

و صبي فوقهآ القهوه و حطيهآ ع النآآر ليمآ تفوووح ..

و بس ​

 

[جارة القمر]

✿¸3ώẪṧĤ»



مشكووووووره



http://www.q8yat.com/t1052807.html

 

[شذى الدعوه]

أول شىء القهوه مو على ألى يسويها لا على ألى يحمسها
يعنى تصير القهوه حلوه على الحمسه اذا حمستيها عدل تضبط معاج
أنا مااشتريها جاهزه انا احمسها واطحنها
والمقدار تحددينه حسب كبر الدله او دفايه القهوه

اذا غلى الماى حطى القهوه فنجان ونص اذا الدله كبيره وخليها تفور لها عشر دقايق
وحطى الهيل بالدفايه ولما تطفين على القهوه خليها تهبط شوى وحطيها بالدله
بس اذا صبيتيها صبيها بالدفايه مره وحده مو تحطينها وتوقفين وتردين تحطينها فهمت
وحطى زعفران اذا حابه
وسلامتج

 

[Mjnont '3lay]

طريقتي
احط بالغوري ماي واحط معه حليب كورنيش وهيل ناعم و زعفران بس شوووي ما ازيد عشان مايقلب برتقالي واخليه لييين ما يفور الماي احط فنجالين قهوه واسكر على الغوري واخليه على نار هاديه واخليه يطبخ من 5 لي 10 دقايق وكل مازدت كل ماركز طعم القهوه وتصير اروع
واحط بالدله كسره صغيييره حيل دارسين ما اكثر عشان مايقلب الطعم مر واحط حليب كورنيش قفشتين كبار بس واحط 3 حبات هيل وقفشه صغيره جاي زعفران و قفشه ثانيه جاي ماي ورد وبس اسكر على النار بعدها واصب القهوه بالدله
وهذي طريقتي المعتمده تهببببببل كل من يشربها يدمن عليها

 

[حكايةروح]

صراحه بقولك تجربتي وانتي الله يعينك عليه <<فديتك
حطي مقدار المويه اللي تريحك في براد القهوه
بعدين حطي البن وخلي تفور المويه والبن بعدين حطي بمقدار فنجال القهوه حليب لونا وحطيها بالبراد
بعدين خذي قرفه وحده بس وكم حبة هيل واذا عندك شيبه حطي وحده بس وحطي مستكه<<تعطيكي نكهه حلوه تبخرلك القهوه
حطي شوي زعفران مو زعفران ريحه لا زعفران مطحون لون <<مكتوب زعفران لون
وخليها تغلي شوي

وعواااااافي ي قلبي هذي قهوتي فديتك