تقدملــــــي فنان مشهور وكلكم تعرفونه ..

[غمزه وإبتسامه]

الله يكتب لج الي فيه الخير

 

[سأكون يوما ما أريد]

استغفر الله واتوب اليه يكفي ممثل والتمثيل والاختلاط حرام

باجر بيجونج عيال ولازم الاب يكون قدوه لهم في صلاته في عمل الخير مو التمثيل


استخيري وانا اختج

 

[رنيم q8]

انا بصراحه ما اقدر اقول الا الله يوفقج
سوا تزوجتي او لا

 

[بسمــ(ツ)ــه]

مادري انا عاجبني منصور حسين المنصوور يهبببل

ههههه

<< حتى اختي قالتلي نفس كلامچ هههههههه

 

[حبي حبيبي]

رد : تقدملــــــي فنان مشهور وكلكم تعرفونه ..

لازن تتحملين السفرات لما يكون عته تصوير والا عرض برا الكويت

ولازم تتحملين انن يكون مخصص وقت للمعجبين يعني في ناس يسونلهم منتديات وتواصلون مع معجبينهم

وفي بالايميل

فكونه مشهور راح يكون ملفت للنظر :/

انتي استخيري امثر من مره


وانا جني عرفته

عاد رفيجة بنت خالتي صارلها نفس الشي ليكون انتي
وهم نفس المواصفات

بس منووووووووو ؟؟؟ عشان اتاكد

 

[حبي حبيبي]

رد : تقدملــــــي فنان مشهور وكلكم تعرفونه ..

ومااتوقع حمد العماني

صج تنطبق علي المواصفات

بس اهوا خاطب رفيجتي واهيا نفس عمره ومعاه بالمعهد قسم ديكور

 

[Marymary]

ودي اعرف منو. لوول فيني دوده
بالنسبه لي اانا لو تقدملي واحد من الوسط الفني احس صعب لان للاسف سمعة الي يشتغلون بالوسط الفني كل بالحضيض والمشكلة ان الشين فيهم قاعد يخرب على سمعة الزين فيهم وكلام الناس وايد والقيل والقال بس انتي اذا تحسينه زين الله لا يوفقج مالج شغل بالناس والقيل والقال انتي بتعيشين وياه مو احنا

 

[غنوة ستايل]

الله يكون بعونج ياقلبي

 

[شخبوطه]

وحدة من رفيجاتي متزوجة لاعب كرة معروف بس جيكر طبعا متزوجته عن حب وكانت تقول قبل الزواج انا واثقة من نفسي ومالي شغل بالمعجبات ومن هالكلام والحين والله العظيم تلعن اليوم اللي تزوجته فيه تقول اهو خلوق بس المعجبات لاعبين فيه اشكال والوان معن البنت جميلة وماعليها قاصر بس الريال مفتون بالبنات اللي مايخافون الله

فكري ترا هذا زواج سنين وبنين وموفقة خير

 

[اهواك بلا امل]

اممم انا مايد الزواج من ممثل
باجر بنات يحذفون علية ويكلمونة والريال خلقة عينة زايغة فمابالج واحد يتحذوفون علية
والى تيب رقمة والى تتحدي تبي تطيحة
مادرى انا موغيورة بس ماخذ ممثل لو شنو
اتوقع منصور المنصور اهو عادي بس فى ناس تشوفة حلو
تنحت ومابقى احد ماقتلة توقعي منو لووووووووووووووووووووووووووووووول

 

[مندوبة ام بندر]

الله يوفقج...
وعاد بشرينا اذا وافقوا اهلج

 

[حبي حبيبي]

رد : رد: تقدملــــــي فنان مشهور وكلكم تعرفونه ..

أنا بقولج تجربتي:
من زمان قبل لا أتزوج طبعا تقدملي مخرج بالتلفون أمه خطبتني كانت شايفتني واخطبتني من أمي وانا قلت لأ لأني ما أحب أحد من هالوسط وأمه تقول مصلي مسمي وأهما بدو متحضريييييييييييين وأنا حضريه واهو يبي حضريه! المهم ما صار النصيب ؛وتقدملي عقب هم مخرج كان مبتدأ وعقب انشهر {جنه ما له حس بالفتره الأخيره} مع إن إحنا من عايله محافظه وملتزمه ولله الحمد بس مادري من وين إيون؟ المهم ورفضته ودقت الأم 3 مرات بالتلفون وأنا أرفض وكانت تقنعنا فيه إن مصلي وخوش ولد ووو المهم تزوجت وهالمخرج انشهر بس للأسف تغير يعني صار خفيف وما عجبني عاد أنا قايله حق زوجي عن اللي تقدموا لي ولا يشوف المخرج بالتلفزين جان يقول لي هذا اللي كنتي بتاخذينه؟؟ مع إني رفضته!!
الزبده عن نفسي أنا بصراحه عندي الزواج مشاركه بكل شي و ما أقدر عالزواج بروحي،يعني الجمعيه مع بعض اليهال لي مرضوا لازم أهوا ياخذهم الطبيب والسفر والسوق والولاده ومراجعات الطبب وغيره وغيره وما أتحمل أشيل كل هالمسئوليات بروحي !! طبعا مو كل شي بالصج عاد أهو بيكون معاي! مرات قليله جدا يكون مسافر للضروره مثل الحج ولا العمره إهني طبعا أنا أشيل عنه ، عشان بس أكون واقعيه وما أطلع نفسي مثاليه ومرات يكون بالدوام!! بس اللي بالوسط الفني سواء مخرج ولا غيره بيكون بالأشهر بره الديره إذا عندهم تصوير مسلسل ولا مهرجان ولا غيره--- يعني أنا شفت نفسي ما أقدر ،مرات الياهل بنص الليل يصيح من عوار ولا شي وريلج مو عندج ؟! أول سنين زواجج ممكن تقعدين عند أهلج بس باجر اليهال بيزيدون وبيكبرون ما أعتقد الوحده بيكون لها خلق تشيل أغراضهم كل شوي والمدارس ووو ---.
عموما أنا مابي أخرعج بس حبيت أذكرج بالواقع لأنج ما مريتي بهالظروف كلها.
والله يوفقج ويستر عليج ويكتب لج اللي فيه الخير.

:tek:

صح كلامج اكبر دليل

 

[G!RLooNa]

اذا انتي قد الشهره و الاعجاب والبنات وانتو ماشين يوقفونكم يصورون معاه وياخذون توقيعه ... واذا انتي مرتاحه,,, توكلي على الله و عالاهل يقتنعون انشالله و بالنهايه اهوا مو اول ولا اخر فنان يتزوج

 

[تـــــوتـــــة]

توكلي على الله يبا :rerrerek:
ولاتنسيني بالتذاكر ​

 

[عذوب79]

مستحيل اتزوج من الوسط الفني


حبيبتي اشتري راحت بالج

 

[ba6boo6ah]

الله يوفقج ويكتب لج اللي فية الخير
استخيري وفكري زززززين لآن هذا زوآج واسرة يعني مو لعبة
عشرة عمررر

 

[اخت خالتهم]

الله يخليج علميني ما اعلم احد
بس ان شاءالله موثنيان ماخذته من ناديه هههههههههههههههههههه اتغشمر

بس اذا بتعلميني الخاص مفتوح ههههههههههههه


اولا اهم شي الصلاه والدين
و دام شاريج خلاص توكلي على الله

والفن في الزين وفي الشين ودامه زين مافيها شي

 

[Whisper ~]

رد : تقدملــــــي فنان مشهور وكلكم تعرفونه ..

إذا حمد العماني صج يا ويلج !
هذا حقي بروحي :$ < متولعه فيه البنت

عموماً الله يوفقج حبوبه
وهالله هالله بـ صلاة الاستخاره وان شاءالله تتسهل امورج

 

[Maxcikya]

السلام عليكم جميعااااااا حبايب قلبي
اشهد انكم كفيتو ووفيتو والله كل راي خذيته بعين الاعتبار ةفكرت فيه ومن الكلام الي اثر فيني وغايب عن بالي ان حتى الي مو مشهورين ماا قصروا البنات ولا اهما قصروا بالمغازل طبعا البعض مو الكل وهاذا اثر فيني حييييييييل ومن بعض الكلام عن الفلوس الحرام والله اني بجتهد عشان يوخر وابشركم وعن ناحيت الغيره كلنا عندنا الكنترول تأكدوو بالسيطره على نفوسنا دام اهوا ما يغلط اتحمل ماكو مشاكل بعدين دام مشهور في شي مريح واحد لوووووول اي احد يدري اني مرته ويصيده بشي يقولي يعني يقض علي انه بمكان ويشوفونه بمكان ثاني هاذي الشهره الي يبيها راح يكرها بأذن الله قولو اميين
والله والله اني ارتاح من اقرا دعاء لي منكم يالغالين صج محتاجه كل دعاء منكم عسى الله يريحكم ويوفقكم بكل خطوه يارب

وبعيدين مو حمد العماني ولا المنصور والله حرام عليكم لا تبلشوني فيهم ادري اثرت فضولكم وانا مابي هالشي بس ابي رايكم لما اخذ قرار وان خذيته والله لكم اول خبر مني منو اهوا لان اخاف اقول ومايصير نصيب واكون شوشت على ولد الناااس كثرولي من ادعيتكم الحلوه وراح احطلكم اخر التطورات من كل النواحي
استودكم الله الذي لا تضيع ودائعه ..

 

[soso.cute]

انا ما أأيد الزواج من واحد مشهور:/


بس وددي اعرف منوو !!

ذابحتني اللقافه خخخخخ

قوليلي ع الخاص اشدعوا