تفريز الاطعمة

[ملامح بريئة]

مبارك عليكم الشهر مقدما



ياليت تساعدونا بافكاركم عن الاطعمة اللي ممكن اخزنها بالفريزر مثل البقدونس

و البصل المحمش و الثوم لا تبخلون بالافكار يابنات و يعطيكم العافية:denya:

 

[أنفاسي دخون]

انا اذا عندي كميه من الجزر اقشرها وابشرها واقسمها واحطها باكياس صغار والليمون كذلك اعصره كله واعبيه باكياس الثلج عشان ما يتعرض لهوا الفريزر وياخذ ريحته واستخدمه للصلصات والعيش والصواني

اذا عندي خضره مشكله اقصص الجزر مكعبات صغاااااار حيل والفليفله والباذنجان والزهره انتفها صغار بعد واخلصهم واكيسهم للشوربه

وبعد افوح العدس واطحنه واحطه باكياس للشوربه والباقي من الطماط اطحنه واخليه للدقوس او صلصه الحمسه للباستا

وبعد شنو ؟؟

ايه الباميا انظفها واقص راسها وبالفريزر والملوخيه انتفها واغسلها عددددددددل واطحنها وباكياس على طول للفريزر والجبن الموزريلا اذا شاريه قطعه كبيره ابشرها واقسمها بعد للمعكرونه والبيتزا

 

[ملامح بريئة]

يعطيك العافية

 

[اطياب طيبه.أم عبدالله]

بقولج عن شغلات بتدعين لي عليهم
تعلمتهم من امي وعلمتهم رفيجاتي

الثوم اتييبين كميه خيشتين مثلا وتقشرينهم كلللللللللهم وتحطينهم بالخلاط وفوقهم زيت وتخرنينهم بغراش زجاجيه كبار ويقعدون اسنين بالثلاجه

السمبوسه احشيها جبن مالح وبقدونس ديري بالج من النعناع ترا يحمض مع التحزين وحليها بالفريزر ببايركس بلاستيك وحمريهم على الطلب

المحاشي ما انصحج تحشين وتحطينهم بالفريزر مع الايام العيش بيتكسر جربتها وتحسفت

البهارات حمسي بهار حب فريش بمقلايه تيفال بدون زيت ولا شي بس سخنيهم وسيده حطيهم بالمطحنه وطحني بس حاولي كل مره تسوين كميه بسيطه على اساس لا تروح الريحه والطعم

الزنجبيل برشيه وحفظيه بنايلون بالفريزر يقعد سنين فريش

والباجي نسيتهم كنت حاطتهم بموضوع قديم

 

[ملامح بريئة]

بقولج عن شغلات بتدعين لي عليهم
تعلمتهم من امي وعلمتهم رفيجاتي

الثوم اتييبين كميه خيشتين مثلا وتقشرينهم كلللللللللهم وتحطينهم بالخلاط وفوقهم زيت وتخرنينهم بغراش زجاجيه كبار ويقعدون اسنين بالثلاجه

السمبوسه احشيها جبن مالح وبقدونس ديري بالج من النعناع ترا يحمض مع التحزين وحليها بالفريزر ببايركس بلاستيك وحمريهم على الطلب

المحاشي ما انصحج تحشين وتحطينهم بالفريزر مع الايام العيش بيتكسر جربتها وتحسفت

البهارات حمسي بهار حب فريش بمقلايه تيفال بدون زيت ولا شي بس سخنيهم وسيده حطيهم بالمطحنه وطحني بس حاولي كل مره تسوين كميه بسيطه على اساس لا تروح الريحه والطعم

الزنجبيل برشيه وحفظيه بنايلون بالفريزر يقعد سنين فريش

والباجي نسيتهم كنت حاطتهم بموضوع قديم

الله يوسعلل دنيا واخره انا اللي ابيه الثوم خدامتي لليهال اكثر شيئ و ما احب اطلبها تدق الثوم بسبة الريجة جزاكم الله خير و اللي عندها شيئ تفيدنا و يكون بميزان اعمالها انشاالل:dddds:ه

 

[@شمس الضحى@]

ماقصرت ام عبدالله على طيقه الثوم ويصير تجمدينه بدون زيت
انا برمضان اجيب كميه من الكزبره والبقدونس والشبنت وافرمهم واحطه باكياس بالفريزر لان برمضان ادورهم بسرعه يطيرون

 

[قمر2009]

حبوبه بصراحه انا ماافرزن اجيب علب قزاز وافرم البصل واحطه بالثلاجه تقريبا يقعد 11يوم والشبنت والكزبره والبقدونس بعد مايخربون بالثلاجه كل 10قصصي الحين ارتحت اذا عندي عشاء او زوجي يبي اكله بسرعه اطل البصل واطبخ ومشكوره ام عبدالله على الثوم بسويها لاني سويته دق مو بالخلاط وحطيته بالغرشه القزاز وخرب