تفخت خدودي بالدهون ... تعالي فيديي لاي وحده تفخت ...

[بناتي غير]

بنات انا امس تفخت خدودي بالدهون وقبل لا يتفخهم الدكتور قلت ابي طبيعي ... بعد ماخلص الحقن ... طلعووو تافخين حييل ... اليوم ثاني يوم ماخف ...
كلمت السكرتيره وقالت هاذا مو تفخ ورم نطري عليه جم يوم .. وانا اقولها مافي ورم ااشوف تفخ ...

بناتي يزاكم الله خير اللي تعرف تكتب تجربتها ....

 

[مدّهره !]

الحمد لله ع سلاامتك ^^

إن شااء الله يفيدوونك البناات ..~

 

[أسرار الجمال]

حبيبتي بعد اسبوع يمكن تقولين جني مؤ نافخة نطري راح يتغير حيل

 

[بناتي غير]

يعني هالتفخ هو التورم لانها قالت نطري خل يخف التورم .. بعرف شنو تورم

 

[ام طلال22]

اي حبيبتي والدهون غير عن الفيلرز لانها تقعد فترة حتى تتشكل وجزء كبير منها يروح بس عندي سؤال انتي شفطتي وحقنتي بنفس الوقت او شفطتي واحتفظ فيها الدكتور؟

 

[أسرار الجمال]

لان من الحقن تصير مثل كدمات عادي يتورم الويه بعدين تروح التورمات ويبقى الويه عطبيعتا لا تحاتين

 

[بناتي غير]

حبيبتي ام طلال انا شفطت وصفو الدهون وحقنت بنفس الوقت ...

اسرار الجمال انا مبين كورتين عالوجنتين يعني ما اقدر اقول اني موتافخه حيييل واضح اليوم ثاني يوم لي وماخف ...

 

[أسرار الجمال]

حبيبتي ما يخف يبيله على الاقل اسبوع لان انت لما تتفخي تلعبين بنسيج الويه جنج مطقوقة اجباري يورم

 

[بناتي غير]

شنو قصدج بالتورم

 

[أسرار الجمال]

يعني مثل لما تنطقين على ايدج مؤ تنتفخ نفس الشي ويهج الحين في تورم

 

[بناتي غير]

مشكوره ياسرار الجمال ... باجر موعدي بقولهم يسحبونها .... له اضرار السحب علموني ....

 

[بناتي غير]

بنات ردووو علي عفيه اي وحده مجربه تحط تجربتها

 

[**mariah**]

لا لا وش تسحبين الله يهديك ..

من تجربة وشفتها قدام عيني كانت حاقنه قعدت اسبوع ونص وجهها مرعب .. كله ورم والدهن اصلاً حار عكس الفيلر

لكن بعد اسبوع كله بيروح لدرجه انك بتضطرين تسوين رتوش ..

انسى وجهك تماماً هالاسبوع وراح تعجبك النتيجه ..

 

[بناتي غير]

صج ماريا عاد انا مومتقبله شكلي اخواني يمرون ويعطوني هالبتسامه الساخره وخواتي ميتين ضحك علي وانا حدي تضايقت
ابي وحده مجربه بحقن الدهون تقول تجربتها

 

[الكادي 1981]

حبيبتي وين حقتني اي دكتور واحنا متابعينج وان شالله بعد اسبوع نتابع والله يفرح قلبج

 

[بناتي غير]

انا الحين لي ثالث يوم وما خف متى يخف ...

 

[بناتي غير]

بنات وينكم قلبي قاعد ياكلني ... للرفع ..

 

[عجينه]

لاتحاتين أختي مثلج لمن تفخت صار وجهها يخرع كلنا نضحك عليها

والله اسبوع وراح كل شي تعالي شوفيها الحين رووووعه.

 

[بناتي غير]

حبيبتي عجينه طمنتيني ... انا رحتله اليوم وقال ماعليج بعد شهر بتشوفين النتيجه حسيت جهة اليمين نزلت واليسار بعدهم طلع الشكل كلش مومتساوي ...
قالي انتي تنامين بجهة اليمين قلت اي قال بجذيه نزلت بس مو مشكله بعد شهر بعدلهم قلت اشلون قال بشفط منج واعبي ... ا

 

[بناتي غير]

بنات اليوم لي اربع ايام ومبين علي اني طاقه