تــــجـــمــع عـــرآآآآيــس شـــــهــر 1

[تبطي عظم!]

صبااح الطاعـه ~

شلونكم بنات ؟

 

[تبطي عظم!]

هلا وغلا قلامور

بخير انتي شلوونج ..؟

 

[vanity_lady]

مرحباا بنوتات

انا صاير فيني كسل مو طبيعي من توظفت ارد انام لليل اقوم ازهب شغلي لثاني يوم وارد انام

مادري شفيني صج حتى تجهيز على حطت ايدكم من قبل رمضان ما سويت شي ماااالي خلق

حتى الصالون رحت سويت اشتراك قبل شهر وما رحت الا مرتين صج حدي متكيسله شسوي

 

[تبطي عظم!]

^

شلوونج انا اموت واعرف انتي وين تغطيين هع هع

عاد انتي الي شاده حيلج وفاتحه التجمع هههههههههههههههه

الكسل والله كلنا جذي دوامات حووسه

بس التجهيز لازم نخلص والله ماكو وقت

 

[glamour-girl]

رد : تــــجـــمــع عـــرآآآآيــس شـــــهــر 1

صباااااحووووو بنوتات

شلونكم؟؟ شخباركم؟؟

بغيت أسأل عن الحنه الحمره و الكثيره حق الشعر؟؟

شنو لون الحنه يصير؟؟ والكثيره حق شنو؟؟

 

[تبطي عظم!]

^

الكثيره تقوي بصيلات الشعر وتعطيه لمعه وتكثره

مع الحنه حلووه بس انا ما احط حنه امي تحطها مع الحنه بس تحط الكثيره

الي معاها دم الغزال ( قرمز ) انا احط الشفافه

اممممم الحنه مااحطها حالياً وقفتها استعمل الكثيره بروحها احطها ساعتين واغسلها وبث ~

 

[vanity_lady]

لووووووووووووووول اي والله شاده حيلي ع الفاضي

من الكسل ما اروح ولا ارد بس بداري وماسكه الفون :$

سافرت دبي قالولي تهبل وتهبل بس ع الطل شريت جنطه وعزكم الله نعال وبخور من انفاسك دخون موو صج


انا شايله هم الدراريع حدي احس ما راح القى شي رحت عند 2 ماعجبوني انا احب الناعم وشيفونات وحراير

واممممم بدلة ثاني يوم والطلاعه والحوسه واااي باجي وايد اشياااء مالي خلق

 

[تبطي عظم!]

هههههههههههه

الدراريع اكثر شيء كنت متأززمه منه بس بما اني احب الناعم ماتعبت حيييل لقيت واجد ناعميين

بالبلوكات فوق صوب التراث الهندي وهم بالعربيد الناعمين حلوين حييييييييييييل ورخاص على 13 وعلى 15

اغلى وحده كان فيها تطريز من ورا ومن تحت خذيته بـ 25

وتقدرين تغيرين بالموديل اذا مو حابه انا غيرت بالموديلات شلت شغلات وفي بعضهم غير الخامه

 

[vanity_lady]

مادري انا العربيد شايلته من بالي كلللش مع ان فيه اشياء حلوه

بس ابي اشياء غير مابي نفسهم الاغلبيه عندنا لبسهم منه

بشوف اللي بالبلوكات قلتي عنه بس عاد شوفي متى بعد سنه لووووولز

 

[تبطي عظم!]

موفقه حبوبه ~

انا مخلصه واجد اشياء بس لاني مابلشت بالبدل حاسه نفسي مو مسويه شيء

مع ان غرفتي ماتقدرين تدخلينها من كثر الاغرااض

حتى التناتيف بعضهم بديت فيهم

 

[glamour-girl]

رد : رد: تــــجـــمــع عـــرآآآآيــس شـــــهــر 1

^

الكثيره تقوي بصيلات الشعر وتعطيه لمعه وتكثره

مع الحنه حلووه بس انا ما احط حنه امي تحطها مع الحنه بس تحط الكثيره

الي معاها دم الغزال ( قرمز ) انا احط الشفافه

اممممم الحنه مااحطها حالياً وقفتها استعمل الكثيره بروحها احطها ساعتين واغسلها وبث ~

مشكووره تبطي عظم

يعطيج العافيه

 

[vanity_lady]

تسلمين قلبوو

اجمعين انزين شنو تناتيف انا مخلصه القمصان والبجايم ولبس البيت والبخور والعطور

 

[تبطي عظم!]

^
^

glamour-girl

يعاافيج حبيبتي ~


vanity_lady


التناتيف ( الشموع / علاليق للملابس / اكياس تغليف الملابس نفس مالوت الاتيليهات / عزج الله ارفف حق الجواتي/ دلاغات شفافه
بيج واسود / لوشنات / اكسسوارات للبجايم وللقمصان / شبابيص وفيونكات وربطات / صبغ اظافر بألوان مختلفه / امممممممم واجد اشياء

ناسيه بس تقريبا التناتيف خالصه منهم بس باقي المباخر والفواحه الكهربائيه والزيوت العطريه وهيك )

 

[vanity_lady]

يوووووووووووووووه هففففف ماااالي خلق حووووسه وااايد


بشوف بس مو كل الاشياء انا اييبها خو اهو بيحط كبت جواتي ليش ارفف بعد

والعلاقات توني اذكرهم



يسلموووو ان شاء الله ببلش بعد عيد الضحيه مالي خلق شي الحين

 

[تبطي عظم!]

هههههههه

شدراج يمكن مايحط !!!

واذا حط يمكن يكون مايكفي او شكله مو حلوو

انا شريت الي يكون ملبس قطعة خام وفيه سحاب يتسكر لونه بني شكله ذرب !

اكيد مو كل شيء تجيبينه بس لازم لمساتج تكون موجوده حق شغلج

علشان الترتيب بس

شفتي سلة الملابس انا بشتريها لان ناويه اشتري طقم كامل حق الحمام عزج الله


بالنهايه هذي شقتي وهذي اغراضي بعد الرياجيل بذمتج شعرفهم بهالسوالف بياخذ اي شيء

بس انا ابي طقم كامل وغريب وبفس الوقت ذرب علشان اعرف احط اغراضي فيه ..!!

انتي عرسج اي تاريخ !!

وحدج متأخره بعد العيد ماراح يكون وقت وااجد !!

 

[vanity_lady]

انا عرسي 21_1

بعدين اهو شاري طقم الحمام وكبت الجواتي بيشتري 2 ويمكن يفصل

وبعدين انا اروح معاه مرات نختار للشقه يعني عادي

 

[تبطي عظم!]

اها

اذا جذي اووك جان زين ياخذني معاه ههههههههههههههههه

يوم اقنعت ابوي عيا هو يقول حدج اتفلسفييييييييييين هههههههههههههههههههههههههههههههههههههههه


موفقه حبيبتي ~

 

[الدميـــرة]

رد : تــــجـــمــع عـــرآآآآيــس شـــــهــر 1

هااي بنوتات شمسوين ؟

يااحلى عرايس

الله يعينا والله بالي مشغوووول و احاتي و ضفااااانة مع اني مخلصة اغلب شغلي بس شسوي احاتي الفاضي

ما ادري شفيني احس بقالي اشياء واجد وانا والله خالصة

واحس جني مو شارية شي ؟ ليش ياربي هالأحساس

 

[الدميـــرة]

رد : تــــجـــمــع عـــرآآآآيــس شـــــهــر 1

وااي تبطي دشيتي بالشهرين يمااا

امبي شهر 10 خلص مابقى منة الا شوي

والحين وقت عرايس شهر 11

الخطر صج لما يدش شهر 12 يمااا الله يعينا صج

 

[تبطي عظم!]

دم دم هلا وغلا منوره عاش من شاافج ~

كلنا معانا هاالاحساس نحس ان ماسوينا شيء

انا تدرين كل يوم ابطل شغلي واعيد وازيد واشوف ناسيه شيء مو ناسيه

ههههههههههه

مع اني نفسج مخلصه واااجد اشياء ماباقيلي الا البدل + بدل الاستقبال +بدلة سهره لمناسبات المفاجئه

بس لازم المحاتاة ولا مانصير بنات

هع مو بس انا دخلت بالشهرين في بنات كم يوم وراح يدخلون بالشهر وشيء

سبحان الله احس الوقت يمشي بسرعه حييييييييل