تـــجـــمع مســـافـــــــــــlondonـــــــرات في عيد الأضحى 2010

[بشوشه]

رد: رد : تـــجـــمع مســـافـــــــــــlondonـــــــرات في عيد الأضحى 2010

اليوم سعر الباوند عند المزيني 450 ونص.. عند بنك برقان 445 و800 ..عند الصرافين 446 ونسيت كم..

هل يفرق وايد ؟
و لا احسن اخلي فلوسي بالكي نت ؟

 

[هاديهـ&مطيعهـ]

رد : تـــجـــمع مســـافـــــــــــlondonـــــــرات في عيد الأضحى 2010

بنات شنو في ملاهي غير ثورب بارك وتكون قريبة من لندن لان ثورب بارك تصكر شهر 11

 

[mr000]

رد: رد : تـــجـــمع مســـافـــــــــــlondonـــــــرات في عيد الأضحى 2010

هل يفرق وايد ؟
و لا احسن اخلي فلوسي بالكي نت ؟

والله اعتقد فيه فرق بالصرف..بعدين آنا مريت بكم موقف خلاني ماأحب أعتمد عالكي نت..يعني السفره اللي طافت بعيد الفطر الكي نت مااشتغلت هناك بالمره ولا بأي جهاز :eh_s(2):وكانت يديده ولما رجعت من السفر وبلغت البنك طلع فيها خلل ماتشتغل بره الكويت...وولدي هم العام صارت معاه ان الفيزا مااشتغلت هناك..ومره الجهاز هناك سحب بطاقتي وعباله تعالي نطري لما يفتح البنك ثاني يوم وقدمي طلب وتستلمينها بعد يومين..فأفضل تكون فلوسي أغلبها معاي..

 

[هاديهـ&مطيعهـ]

رد : تـــجـــمع مســـافـــــــــــlondonـــــــرات في عيد الأضحى 2010

بنات فيزا اليهال بجم ودي أخذ بنتي عمرها 3 سنين شرايكم

 

[بسمه الم]

السلااام عليكم بنااااات اشلووونكم
انااا بلندن اي سؤال من اعيوووني

 

[بسمه الم]

رد: رد : تـــجـــمع مســـافـــــــــــlondonـــــــرات في عيد الأضحى 2010

بنات شنو في ملاهي غير ثورب بارك وتكون قريبة من لندن لان ثورب بارك تصكر شهر 11

حبووبه كل الملااهي يسكرون بشهر 11

 

[بشوشه]

رد: رد : تـــجـــمع مســـافـــــــــــlondonـــــــرات في عيد الأضحى 2010

حبووبه كل الملااهي يسكرون بشهر 11

نفس السؤال
و قالولي التن تاور ؟

 

[cheese cake 84]

ايييي والله على قولة مرووو انا ما احب الكي نت كلششش اخاف توهقني كلللشه اشيل كااااااش وترا بنات لايطوووفكم الجووو برررررد ويبيله جاكيييت جذي وكوووفي ياسلاااااااااااااااااااااااااااااام بس ليش الملاهي تسكر شهر 11

 

[هاديهـ&مطيعهـ]

رد : رد: تـــجـــمع مســـافـــــــــــlondonـــــــرات في عيد الأضحى 2010

ايييي والله على قولة مرووو انا ما احب الكي نت كلششش اخاف توهقني كلللشه اشيل كااااااش وترا بنات لايطوووفكم الجووو برررررد ويبيله جاكيييت جذي وكوووفي ياسلاااااااااااااااااااااااااااااام بس ليش الملاهي تسكر شهر 11

نفس مزاجي أموت على البرررررد وألبس جاكيت وأشرب كوفي حاااار يا سلاااام
مادري ليش تصكر الملاهي ضاق خلقي

 

[هاديهـ&مطيعهـ]

رد : تـــجـــمع مســـافـــــــــــlondonـــــــرات في عيد الأضحى 2010

بنات وين صاير سوق الأحد

 

[بشوشه]

اليوم البنات بالدوام قالولي شبردبوش ما يسوى الروحه السوق وايد ارقى و احلى ما تلاقين الا اشياء بسيطه ما تحتاجينها هناك

 

[mr000]

اليوم البنات بالدوام قالولي شبردبوش ما يسوى الروحه السوق وايد ارقى و احلى ما تلاقين الا اشياء بسيطه ما تحتاجينها هناك

بشوشه آنا صارلي 20 سنه اروح لندن..ماقط رحت سوق شوبربوش..ولا أفكر أروحله..مادري الناس أذواق بس هم ماأحب أتعنى حق اماكن من هالنوع..مره رحت سوق السبت حدي 5 دقايق وطلعت جنه سوق اليمعه ماحبيته كلش..يعني احنا مو رايحين لندن علشان نشتري خرابيط وندفع فلوس وزن وشحن على ملابس موجود مثلها بالاسواق العاديه بالكويت..بس لاتطوفون مجمع ويستفيلد مول في شوبربوش..أكبر وأحلى من الافنيوز بوايد وراح يعجبكم وتستانسون فيه وتروحون له أكثر من مره :RoadRunner:

 

[بشوشه]

حبيت اشوقكم هذي اغراضي السنه بالصيف اول ما وصلت لندن اول يوم ههههههههههههههههه ما اعطل على طول من المطار الى السوق

 

[وافية*]

رد : تـــجـــمع مســـافـــــــــــlondonـــــــرات في عيد الأضحى 2010

مرحباااااااااااااا بنات شخباركم
الله يعطيكم العافيه على هالتجمع الحلو
انا بنضم لكم اذا ممكن؟؟؟
انا ان شاء الله مسافره لندن تاريخ 10/11 وبنرد ان شاء الله تاريخ 18/11 مارحنا هالصيف قلنا نخليها بهالاجازه حلوه 8 ايام
بس اللي متخووفه منه ان عيالي معاي انا من قبل رايحه لندن بس انا وزوجي بس هالمره باخذ عيالي 8 سنوات و6 سنوات و2ونص يعني احاتي الجو اخاف برد حييييييييل يعني لازم نشتري اندرويرات ولا لبس جم طويل وبس يكفي؟؟؟تكفون انقذوني للحين مومجهزه شي محتاره
وعيالي انا خذيتهم بالصيف المانيا والنمسا وحييييييييييييل استانسو فيها لان يوميا نوديهم نلعبهم وحدايق وجذيه بس مادري احصل اماكن حلوه لهم بلندن انا مابي متحف الشمع ولا لندن اي ولا هالسوالف لاني رايحتلهم وشبعاااااااااااانه منهم ابي مكان يستانسون فيه العيال
والله يعطيكم العافيه ومشكورين
اي نسيت شنو اهم الفناتق اللي ممكن اشتريها من لندن؟؟؟
اي صج خنسويلنا قروب هناك للتسوق نطلع من الصبح ونخلي العيال والسي سيد نايمين نفتر على راحتنا بالسوق صراحه انا ماحب اتسوق لامع زوجي ولاعيالي يأذوني زوجي يمل من السوق لانه مايبي شي وعيالي يحوسون وبس عيني عليهم لايضيعون اخاف
بس اللي ماخذين عيالهم صغار بقولكم قبل لاتروحون سوو كرنيهات حق هناك لاسمح الله يضيع واحد ولاشي الا مسجل ارقامكم وفندقكم واسمه وكل شي والله انا وحده قالتلي جذيه بس ماسويتها لما خذيتهم المانيه لان بسيارتنا يعني احس مانحتاج مونفس لندن حوسه ومشي وزحمه​

 

[وافية*]

رد : تـــجـــمع مســـافـــــــــــlondonـــــــرات في عيد الأضحى 2010

بنات ماتعرفون حضانات هناك للاطفال بالساعات يعني مثلا اودي عيالي 4 ساعات او 5 وادفع كل يوم بيومه يلعبون ويستانسون بمكان آمن احسن من حوستنا وياهم بالاسواق؟؟؟شرايكم تهقون يصير؟؟؟

 

[mr000]

رد: رد : تـــجـــمع مســـافـــــــــــlondonـــــــرات في عيد الأضحى 2010

بشوشه هذي صور أغراض بنتي ثاني يوم السفر رحنا بستر فيليج ورجعنا كملنا في سيلفريجز

 

[بشوشه]

وافيه يا ريت بس ترى اليهال اذا غيرو مكانهم نومتهم بتكون مبعفسه يعني اتوقع بيقومون قبلنا ههههههههه ما يمدي نتسوق بدونهم
بالنسبه للحضانات ما سمعت بس اخاف اهليهم بروحهم و اذا لقيتي مكان امان خبريني
ترى فكره حلوه شلون نلتقي ؟ هل بتاخذون موبايلاتكم
انا راح اشتري خط من هناك شلون اعطيكم اياه ؟

مرو
يا حلاتج و يا حلاة اضافاتج كلها تشوق و صورج تهبل و لندن سوووووووووووووووووووووووووق و شوية سياحه يعني عياره اللي تقول غير هالكلام صح ؟

 

[وافية*]

رد : تـــجـــمع مســـافـــــــــــlondonـــــــرات في عيد الأضحى 2010

اي ان شاء الله انا بعد باخذلي خط هناك لازم بس والله انا افكر بسالفه الحضانه حيييييييييييييل اريح نخليهم بالحضانه يلعبون ويستانسون ويتعلمون احسن من الفراره والاذيه بالشوارع انا عيالي يتعبون من المشي مايحبون كلش السوق بدور حضانه واذا لقيت ببلغكم

 

[سـعـاد]

الله يعطيكم العافية

بصراحة تشوقون على السفر

انا في مشروع للسفر لـ لندن بالعيد.. بس مو أكيد

ان شاء الله تتيسر اموري واروح .. وبتكون اول مرة اروحلها .. لان بالصيف يقولونكلش ما تصلح من السواح .. واكيد بالعيد يكونون اقول

 

[mr000]

رد: رد : تـــجـــمع مســـافـــــــــــlondonـــــــرات في عيد الأضحى 2010

اي ان شاء الله انا بعد باخذلي خط هناك لازم بس والله انا افكر بسالفه الحضانه حيييييييييييييل اريح نخليهم بالحضانه يلعبون ويستانسون ويتعلمون احسن من الفراره والاذيه بالشوارع انا عيالي يتعبون من المشي مايحبون كلش السوق بدور حضانه واذا لقيت ببلغكم

وافيه احسن خط هناك ليبارا..وايد أوفر من فودافون أو o2 ... الليبارا تتكلمين مع خط ليبارا ثاني ابلاش ,,يعني انتي وزوجج مثلا..وفيه عدد من المسجات ابلاش,,بس لما تكلمين الكويت يخلص اسرع..بس فودافون والانواع الثانيه حتى المكالمات بينكم داخل لندن يخلص الرصيد بسرعه