تـــجــــمع لبنات التقويم (اللي حاطين تقوووووويم اسنان)

[احلى حلوه]

بنات انا ضروسي ترقل واذا ضغط على ضرس احسه يدخل داخل اللثه او يتحرك
هذا عادي ؟ ولا بس ضروسي؟
والله قمت احاتي اخاف ضروسي بتطيح

ههههههههه لا لا تحاتين هذا شي عادي لان الاسنان تتحرك من مكانها
فلازم تحسين انها ترقل او جنها بطيح بسبب التقويم ضاغط عليهم ..

 

[جاكليت]

أنا توني مركبه تقويم عند د أحمد العنزي في المركز الكويتي

الحين ركبت تحت و باقي فوق

 

[بحر العيون]

[[COLOR="Red" ( بسم الله الرحمن الرحيم)

شلونج زززززززززززززهقانه انا حااطه تقويم عند الدكتور ميشيل بعيادده الثرررررررررررررررريه الصراحه شغل روعه ومايطول انا الحمدالله 7شـــــــــــــــهور واسناني الحمدالله سكرت بس باقي بعد كذاااااااااااااا شغله وبلغت الدكتورررررررررر عنج وعن المدح له اسسسسسسسسسسسسسستانس حيل :ومشكوره على المشاركه المفيده وربي صج فرحتني وطمنتيني اكثرررررررررررررررررررررررررررررررررررررررررررررر

 

[eng.jacvara]

قوة يا جماعه شلونكم
توني ادري ان في تجمع لبنات التقويم
ابي انظم لكم اذا ممكن
شوفو سالفتي

انا ركبت التقويم بعيادة الفوزان بالمهلب عنددكتور هندي اسمه كريشنا بتاريخ 28\3\2007
اول شي ركبت للفك الي تحت وسافر الدكتور تالي رد وركيت بتاريخ 28\5\2007 للفك اللي فوق
طبعا انا مشكلتي شويه بروز على جم ضرس عوي بالفك العلوي
واللي تحت هم في جم ضرس عوي
طبعا قبل ما احطه كل مرة اقول خل احط وبعدين ابطل وانا مايندرى يمكن اتزوج وشكلي مو حلو بالتقويم لاني ما كنت صغيرة حزتها عمري 22
ولما رحت الدكتور اقتنعت من كلامه الحمدلله وقالي تتعبين سنتين ولا تتعبين العمر كله وابتسامتج العمر كله موحلوة
قلت شورتك وهداية الله وفعلا ركبته
اول فترة تعبت منه حيل ولما اضحك اغطي شفايفي مفتشله منه مع ان تقويمي شفافي
ولا تصدقون اللي يقولكم ان التقويم الشفافي بطيئ بالعكس نفس الشي وماكو فرق كلش
طبعا عقب 4 شهور من التقويم حمدت ربي شكثر اني حطيت تقويم لان بديت احس بالفرق وتغير شكلي الحمدلله وتحسفت اني ما حطيته من زمان
طبعا انا للحين ما شلته ومو باجيلي شي انشالله على شهر 6 اكون مخلصه ادعولي اخلص قبل عرس اختي
يا بنات نصيحه للي اسنانها مو حلوة وللحين مو حاطه تقويم تحط صج فترة وتعدي لا تخافون اهم شي بالبنت ابتسامتها تكون حلوة
واي استفسار انا حاضرة لاني صرت خبرة بالتقويم
ومشكورة صاحبة فكرة التجمع ​

 

[احلى حلوه]

أنا توني مركبه تقويم عند د أحمد العنزي في المركز الكويتي

الحين ركبت تحت و باقي فوق

عقبال ما تبشرينا بشيلته


eng.jacvara


حياج الله حبيبتي يشرفنا انظمامج لنا :ggdw:

يا بنات نصيحه للي اسنانها مو حلوة وللحين مو حاطه تقويم تحط صج فترة وتعدي لا تخافون اهم شي بالبنت ابتسامتها تكون حلوة

اي والله صاجه اهم شي بالبنت ابتسامتها :eh_s(6):

نبيج معانا:friends:

 

[eng.jacvara]

تسلمين احلى حلاوةبنات انا بعرف شلون شكل الريتيرنر؟
ما شفته ولا مرة
اهو شفافي؟
الي عندها صورته تحطه اذا سمحتو

 

[المحامية العسولة]

صبااااااااااااح العسل والقشطه.. على البنات اللي حاطين تقويم واللي تفكر انها تحطه..

بصراحة انا توني حاطه التقويم لاسناني صارلي23
يوم بالضبط وطبعا بعد معاناة طويلة,يعني ما اقولكم أسناني متراكبة كلها فوق بعض لاحرام بالفك اللي فوق الضرسين اللي جدام واحد مرتفع على الثاني والفك اللي تحت واحد وعلى فكره دكتوري طمني وقالي الحمدلله ترى انتي مو اللي يبيلج شغل وايد مشكلتي شي واحد ان عندي open biteيعني فكي اللي فوق مايسكر على اللي تحت ممممممم يعني تظل في فتحه بين الفكين الفوقي والتحتي لكن ان شاءالله تسكر مع التقويم ((ادعووووووووووولي)) دكتوري هندي اسمه فيجي باسوا في عيادة أبها وموعدي الثاني ان شاء الله بعد أسبوع مع العلم انه راح يكون اول موعد للشد الله يعيني..أحس ان التقويم أحسن شي سويته لنفسي بصرااحه شخباري اللي تقعد على اسنانها ماتسويهم الحين كل شي له اهتمامه وقدره والوحده مستعده تسوي كل شي بس عشان برستيجها وانا وحده منهم يالله خلونا نهتم بنفسنا شورانا بنات وصغار وشحليلاتنا واللي مو متزوجه اكيد بسن الزواج عسى الله يرزقنا..

بس صج صج صج ماتتصورون شلون متشفقه اشوف شكل اسناني بعد التقويم تتوقعون بيتغيرووووون حييييييييييل؟؟!!

 

[الجآدل ~]

السلام عليكوم ياحلوييين



بنآت انا بسوي تقويم بالفرآونيه شرايكم ززييين .؟

وابي صج يشيلون جم ضرس لان حدي خاايفه .؟

 

[حسايف*]

صبااااااااااااح العسل والقشطه.. على البنات اللي حاطين تقويم واللي تفكر انها تحطه..

بصراحة انا توني حاطه التقويم لاسناني صارلي23
يوم بالضبط وطبعا بعد معاناة طويلة,يعني ما اقولكم أسناني متراكبة كلها فوق بعض لاحرام بالفك اللي فوق الضرسين اللي جدام واحد مرتفع على الثاني والفك اللي تحت واحد وعلى فكره دكتوري طمني وقالي الحمدلله ترى انتي مو اللي يبيلج شغل وايد مشكلتي شي واحد ان عندي open biteيعني فكي اللي فوق مايسكر على اللي تحت ممممممم يعني تظل في فتحه بين الفكين الفوقي والتحتي لكن ان شاءالله تسكر مع التقويم ((ادعووووووووووولي)) دكتوري هندي اسمه فيجي باسوا في عيادة أبها وموعدي الثاني ان شاء الله بعد أسبوع مع العلم انه راح يكون اول موعد للشد الله يعيني..أحس ان التقويم أحسن شي سويته لنفسي بصرااحه شخباري اللي تقعد على اسنانها ماتسويهم الحين كل شي له اهتمامه وقدره والوحده مستعده تسوي كل شي بس عشان برستيجها وانا وحده منهم يالله خلونا نهتم بنفسنا شورانا بنات وصغار وشحليلاتنا واللي مو متزوجه اكيد بسن الزواج عسى الله يرزقنا..

بس صج صج صج ماتتصورون شلون متشفقه اشوف شكل اسناني بعد التقويم تتوقعون بيتغيرووووون حييييييييييل؟؟!!

مرحبا اختي
بغيت اسألج انتي شلتي شي من اسنانج قبل التقويم ؟؟اذا اي اي دكتور شالج اهو نفسة فيجي ولا غيرة؟؟
_2-شنو الخطوات اللي سواها لج فيجي يعني سوالج تنظيف او طلب بس تنظيف السوس وعند منو سويتية التنظيف؟؟
وبجم سويتية؟؟
ومشكوورة

 

[om-ghazl]

بنات د.خالد الخياط أختصاصي تقويم حده رهيب معامله و ذوق و شطاره ومعروف عنه الحين أنه أحسن أختصاصي تقويم بالكويت
و عيادته أسمها أسنان بالسالمية و أسعاره وايد حلوه وطريقة الدفع عندهم حيل معقولة

 

[احلى حلوه]

هذي صورة التقويم المتحرك


^^
^
هذا تقدرين تشيلينه وقت الاكل ووقت تنظيف الاسنان


وهذا ما ينشال وينحط بالاسنان من ورا
يعني ما يبين

 

[احلى حلوه]

المحامية العسولة

حياج الله حبيبتي وان شالله تتسكر الفتحه وتصير اسنانج صفت لولو

واذا عن بيتغيرون اكيد بيتغيرون للاحسن وبتحسين من ثالث شهر او رابع شهر بالفرق

انا بعد ما ركبته بربع شهور لاحضت الفرق والكل لاحظ حتى شكل الوجه تغير طلعتلي خدود لان الفك اللي فوق كان ضيق عندي وتوسع بالتقويم وشفايفي صارت احلى وان شاء الله النتيجه النهائيه احلى واحلى بعد ما نشيله :eh_s(6):



الجآدل ~
:68_asmilies-com:
ما عندي فكره عن الفروانيه ان شاالله البنات يفيدونج

صج يشيلون جم ضرس لان حدي خاايفه .؟

حسب كل حاله انا ما شالولي ولا ضرس:ggdw:


om-ghazl
مشكوووره حبيبتي:tek:

 

[eng.jacvara]

قوة بنات شلونكم زميلات التقويم
لووووووووووول
احلى حلوة جنه اللي بنحط ورا الاسنان الدائم احسن
شكلي لي خلصت تقويمي بقول حق دكتوري يحطلي الدائم

بنات صج صج صج احسن شي سويته بحياتي اني حطيت تقويم
وتحسين بهالاحساس لما تشوفين اسنانج تعدلت وانا الحين الحمدلله مرريت بهالمرحله مو باجيلي شي واخلص انشالله
المحاميه عسولة
لا تخافين وزين سويتي حطيتي تقويم ولا يهمج لا تخافين من العوار يومين ثلاثه وتنسين العوار بكبره
لووووووووووووول
واكيد راح يتغير شكلج وبتحسين بالفرق بنفسج
انا اول ما حطيت تقويم كنت 24 ساعه مجابلة المنظرة واشوف شنو صار وشنو تغير
اوف اذكر كنت حدي حنانه واحن متى اخلص واشوف النتيجه تبين وياي والحمدلله بينت
وينكم يا بنات؟

 

[algatwa]

ها بنات شلونكم

انا بعد حاطه تقويم مثلكم

حطيت للي فوق شهر 3 واللي تحت حطيته برمضان

بس والله احس بفرق

اسناني صج يبيلهم تعديل ووايد تعدل الحمد لله

 

[eng.jacvara]

القطوة
هلا فييييييييييج
وانشالله تتعدل اسنانج اكثر واكثر

 

[algatwa]

ان شاء الله



تسلمين ياعمري

 

[nfesha]

هاي بنات انا صارلي شهرين مركبه تقويم اووو ابعياده خاصه اسمها فيرجينيا
ومركبه كله تقويم ثابت الا الاربع ضروس الي جدام قالي اربكبهم بعد هالشهرين

 

[eng.jacvara]

هلا فيج نفيشه
شنو يعني قصدج الا الاربع ضروس اللي جدام؟
يعني شنو موثابت؟
انا اول امس كان موعدي اشد تقويمي وشديته والحين طبعا ما اقدر اكل على راحتي طبعا هالشي مؤقت تدرون يومين ثلاثه ويروح الشد
وطبعا من طلعت من العياده واشوف اسناني الحمدلله احس الفتحه تصكرت اكثر ومو باجيلي شي انشالله
بس المشكله ان عطاني موعد متاخر موعدي الياي اول شهر 3
احس وايد بعيد ولما سألت الدكتور ليش بعيد قالي احسن عشان اعطي مجال لضروسج يتحركون اسرع

ابي اخلص ملليت

 

[احلى حلوه]

احلى حلوة جنه اللي بنحط ورا الاسنان الدائم احسن
شكلي لي خلصت تقويمي بقول حق دكتوري يحطلي الدائم

اي انا اشوفه احسن بعد لانه ما يبين والاهم لانج ما تقدرين تشيلينه وتهملينه ,
واجد بنات اهملو التقويم المتحرك اللي تقول شلته وانكسر وعطيته طااااف وبالاخر رجعت اسنانهم مثل ما كانت:0bee2e8d89:


algatwa و nfesha
حياكم الله معانا :68_asmilies-com: :68_asmilies-com::68_asmilies-com:
قولولنا التطورات اللي تصير معاكم :ggdw:


بعد شوي موعدي للشد الله يعين
اخر مره عورني:0bee2e8d89: والله يستر من هالمره :krkrkr:

 

[.MiNi.]

بـــآآآك

:

شلووونكمـ بنــات التقويم .. وشخبــاركمـ

اليوم كـان عندي موعد للشد .. ااااخ اسناني تعورني .. احس هالمره وااايد لعب فيهم وشدهم

ومادري هالمره ووايد ركب لي سيوور .. عاد انا من اخر مره خلاص تعود يركب شفاف .. صج احس انه ارقى من الالوان

وللحين اسناني ذابحتني