تـــجــــمع لبنات التقويم (اللي حاطين تقوووووويم اسنان)

[dream]

بنات ..

شنو احسن عيادة اتسوي تقويم ..؟

احسن دكتور ..؟

 

[المزيونه@@]

مشكوره حياتى انشاء الله كل وحده حاطه تقويم تخلص منه باسرع وقت الله يعين

احسن عياده عياده البيان فى ليلى جاليرى والدكتور الهندى

 

[محاميه كويتيه]

هاي بنات
شكلي بنضم لكم
طبعا انا سالفتي اتضحك واتبجي
انا كنت امص المصاصه لي عمري10 سنين وطبعا هالشي اثر على اسناني والحين عمري23 وماسويت شي بس من اسبوعين اتخذت قرار اني لااااااااااااازم اعالجهم وخصوصا ان بنتي قامت تعيب علي وتفشلني جدام الناس طبعا قاعده اراجع مركزبنيد القار التخصصي وبشوف اذا طولوا بروح خاص واذا خلصوا الموضوع بسرعه والله بكمل معاهم وانشالله اول ما احط التقويم بقوللكم
بس بغيت اسألكم قالوا لي ان لازم يشيلون جم سن من اسناني عشان يصير في مجال الاسنان تتوزع صج هالكلام؟ واي اسنان بيشيلون؟؟؟حدي خايفه
واي وناااااااااااااااااسه في تجمع حق اللي مثل حلاتي

 

[SAMSAMA]

مرحبا اخت دريم آنا انصحج بمركز تيجان عند دكتور محمد شغله واايد حلو وصارلي اربع شهور وقاعدة اشوف نتيجة حلوة ايده واايد خفيفة
هلا فيج اخت محامية بالنسبة حق الأسنان على حسب كل حالة بالنسبة لي آنا بس شالو ضروس العقل وناس الضرس الي يم الناب كل واحد على حسب حالته

 

[koosa]

هاااااي بنات شلونكم؟؟؟ بنااات بليييز فيدوني
انا مو حاطة تقويييم وحديييي جبااااانة اخااف من الأبر.. المهم ضروسي الحمد لله مافيهم عيوب يعني لمن أبتسم تطلع حلوة بس أسناني اللي تحت شوي مو مرتبين أحس يبيلهم تقويم ما أدري بنات حبيت أسأل يصير أحط بس تحت؟؟ يعني بدون ما أجيس الي فوق؟؟
و بالنسبة للبرد (تبريد) أي وحدة عندها فكرة أذا يصير نسوي برد أو لا؟

 

[.MiNi.]

محـاميـه

للحين نــاطره .. ركظي على عمرج .. وسهالات ان شاء الله ماكو الا كل الخير ..!

وكلنا اثار المصاصه طلعت علينا .. بس جنج طولتي 10 سنين واااااااااااايد احنا سنتين ويفطموونا *_*

:

كووســا

لازم تراجعين دكتور اسنان .. اهو يقوولج اذا يصلح لج تقويم او لا

وانا واايد اشووف ناس يركبوون بس تحت او بس فووق .. على حسب الاسنان عرفتي ..؟

في واايد عيادات تسوي برد للاسنان .. بس بيني و بينج حرام برد الاسنان ؟؟

واهلا فيج في تجمعنــا *_*

 

[koosa]

مشكووووورة ميني حبيبتي

 

[محاميه كويتيه]

سمسمه مشكوره حبيبتي على الرد وانشالله مايشيلون ولا ضرس لأن انا اساسا ماعندي الاسنان اللي اخر شي اغلبهم شلتهم من زمان يمكن مايشيلونه اللي بعد الناب على اساس ان في مجال لأن اغلب الطواحين عندي شايلتهم
نينا حبيبتي انا بدعت 10 نسين وتخيلي قطعت المصاصه بس عشان قالوا انها تفطر برمضان هههههههههههههه وكنت اتعب مع الصيام بدونها ههههههههههه
وبتلاحق على عمري وبحط تقويم بسرعه

ادعولي يا بنات اليوم عندي جراحه بشيل ضرس مندعس تحت اللثه انشالله ما يعورني
ولي عوده انشالله

 

[وصرت غايب]

ادعولي يا بنات اليوم عندي جراحه بشيل ضرس مندعس تحت اللثه انشالله ما يعورني
ولي عوده انشالله

ياقلبي انا

سلامتك والله حاسه فيك والله

كان عندي تحت الثه وسويتها وتعورت وفي الاخير ماطلع

ان شاء الله تقومين بالسلامه ويطلع السن وتسوين تقويم بدون الم

 

[00دوخة00]

طبعا انا حاطته من سنة تقريبا الصراحة التقويم مايخلي الوحدة تتكلم عدل يبط الجبد ودج تشيلينة بس شنو انسوي بعد لازم نصبر عشان النتيجة ترضينا

 

[smailey]

هاي بنات ان بنضم معاكم بعد فترة قصيرة..........
بس عندي سوؤال هل في كل الحالات يشلون اسنان ومن شالت ضروس العقل قبل لايطلعون قبل التقويم ؟؟؟

 

[محاميه كويتيه]

حبيبتي وصرت غايب الله يسلمج يا عمري ماسوولي جراحه كنت خايفه حيل وبجيت اجل الدكتور لي يوم الاحد حدي افشل ههههههههههههههههههه

 

[SAMSAMA]

مرحبا أخت ROsE التلبيس الي تقصدين يكون مثل العدسة بدون لا يحكون الضرس 250 تأكدي عفية الاني مرة سالتهم قالولي بـ450 وسألت المركز الي آنا حاطه ويه تقويم نفس السعر ؟؟ فا اذا 250 زين اهون من 450

 

[نووووونا]

اهلين بناااااااااااااااااااااات

اشلونكم ,, عشان نحافظ على هالتجمع الحلو من اى خلل يرجى الاطلاع على الرابط


http://q8yat.net/showthread.php?t=274275


ومشكوووووووووووورين مقدماااااااا:klhfl:

 

[محاميه كويتيه]

باركولي بنات شلت ضرسي جراحه اليوم واخيرااااااااااااا تغلبت على خوفي
والله ما يعولا ولا شي
الفال حق باجي ضروسي لووووووووووووول
ويالله مابقى شي واحط التقويم

 

[احلى حلوه]

الف مبروك حبيبتي وعقبال ما تركبين و تشيلين التقويم وتبشرينا

الحمد لله انج سويتيها وشلتي الخوف من بالج

اذكر قبل لا اركب التقويم سمعت عنه انه يذبح والكل يقولي الله يعينج عالعذاب
والي اشوفه الحين انه عادي ما يعور بس وقت الشد ضغط خفيف
الناس تبالغ بالموضوع..

 

[احلى حلوه]

هاي بنات ان بنضم معاكم بعد فترة قصيرة..........
بس عندي سوؤال هل في كل الحالات يشلون اسنان ومن شالت ضروس العقل قبل لايطلعون قبل التقويم ؟؟؟

حياج الله معانا :68_asmilies-com:

اي في حالات يشيلون لهم جم ضرس عشان يصير في مجال تتحرك الاسنان .

انا ماشلت ولا ضرس لاني ما احتاج وعلى حسب كل حاله لازم يشوفج الدكتور وهو يعرف اذا تحتاجين خلع او لا.

 

[حنطاااويه]

بنات ..

شنو احسن عيادة اتسوي تقويم ..؟

احسن دكتور ..؟

عياده الحكمه بحولي
دكتور هندي نسيت اسمه والله
بس وااااااايد زيين

 

[^^اليتيمه^^]

انا امسويه تقويم بالهادي عند الدكتور الهندي ويعووووووور القلب

وصارلي شهرين مو رايحه

 

[** جنان **]

بنات واذا الفك العلوي متراجع شوي

التقويم يعدله امانه إلي تعرف ترد