تـــجــــمع لبنات التقويم (اللي حاطين تقوووووويم اسنان)

[حسايف*]

مرحبا بنات انا سالفة ساااااااااالفة
من تقريبا 2003رحت بسوي تقويم ووسويت تنضيف وكل شي جاهز بس يوم جيت خلاص بشلع 4ضروس اللةلا يراويكم انحشت
قلت نووووووي اشييييل حدي اخاااااااااااااف احس روحي بتطلع اذا دكتور بس ينظف او يشيل عصب صج تعذبت عاد شلون اشيل 4 ضروس
مهم طنشت وحلا لت اسناني تسوء بعد 3سنوات ونص رحت هادي هم نفس الشي تنضيف وخرابيط يا وقت الصج انحشت ماقدرت يما خفت
عاد بعد سنة رحت العدان وقالو اسنان ماتحتاج مع انها واللة وااااااايد تحتاج بس اهم عشان الزحمة قاعدوة ماياخذون الا الحالات العسسروااااااايد
قالوتعالي بعد سنة عاد استانست تعرفون ودي اركب بس خااااااااايفة رديت ع قب سنة قامو يخربططو يبون يبردون كل اسناني وعفسون
صج ماعنددهم ضمير عاد خفت لانهم بالاساس خربو اسنان بنات واايد
الحين بعد ماطلعت العقل 4 انعفسسسسست اسناني زياااااااادة وتقدمت وصارت تضايقني الحين خلااااااااااص نويييييت انشاللة ويارب اكمل واركب
فبغيت رايكم انا ودي اركب بلهادي شرايكم انا ابي دكتور شغلة نظييييييييف وممتاز وعندة ضمييييييييييير مو اهم شي ياخذ فلوس واهم شي مايكون دفش يعني يذبحني بالعوار وقولولي عن الشلع وخز الابر يعووووووووور

 

[احلى حلوه]

مراااحب نهاية حبنا
ياويلي من الشد انا قبل يومين شديت ومو اي شد يشلع القلب اسناني الي ورا تعورني
:krkrkr:

حسايف
من قلب حسايف لو انج مسويته من 2003 جان الحين تتمتعين بابتسامه لؤلؤيه
انا مثل حالتج من كان عمري 14 وانا رايحه راده من هالعيادات ولا اسوي شي قهر:0bee2e8d89:
بس ما عليه ان شاء الله كل تأخيره فيها خيره.. لونج مسويته قبل ضرس العقل جان عفس اسنانج مره ثانيه
اشوه انج نطرتي عشان تسوينه مره وحده .

ما عندي فكره عن عيادة مستشفى الهادي ان شاء الله يفيدونج البنات ما يقصرون .

وبالنسبه للخلع ترا ما تحسين قوليله يزيدلج البنج اذا كنتي خوافه بس بتحسين بعوار خفييييف اذا راح مفعول البنج ذيج الساعه اشربي ماي بارد او اكليلج حبة بندول

والابره وخزه بسيطه وخلاص وفي دكاتره يخدرون المكان الي بيغزه بالابره ,, انتي قوليله خدرلي مكان الابره قبل

ونصيحه لكل البنات الخوافات مثلي اذا الدكتور يشتغل بسنانج غمضي عيونيج لا تشوفين شنو يسوي عشان ما تخافين من شكل الادوات الي يستعملها .. واحلمي فكري بأي شي حلو وانسي انج بالعياده

 

[نهاية حبنا]

حسااايف

لووووول انتي نفس قصتي انا من 2003 كنت اعالج (( حكومة طبعا )):cxxxp:
بس انا ماكنت اخاف مشالله يعني كل شي عادي وماشي حاله .. بس موعيدهم كانت تأزمني ...

يعني تخيلي يقولولي روحي بنيد القار بعدين تعالي هني بعدين روحي الاميري ... ولاحظي سنتين وانا اسمع كلامهم .. ومع العلاج خربولي ضرسين وتغير لونهم .. :jumpon:

والخاص شالوهم قالو مامنهم فايده خلاص ...:eh_s(1):
واحترمتهم وظليت اعالج .. وطريقه مواعيدهم تحسسج جنهم مايبونج اتيين مرا ثانيه ..

لما اخر مرا رحت الاميري وموعدي كان 7 الصبح وناطرة ودخلوني الساعه 10 .. شاف اسناني الدكتور وقالي بسويلج جذي وجذي وجذي .. وروحي وتعالي بعد دهر ... وانا لا تعليق

هالشغله سواها معاي تقريبا اذا ماخاب ظني 4 مرات يعني روحه ورده عالطل .. :0bee2e8d89:


قلت حق امي لو ايون اهم لي عندي مابي اعالج عندهم ... :eh_s(14):

ولله الحمد رحت خاص والله والله والله خلصت شغلي بشهر واقل بعد ...

وبالنسبه حق الشلاع اهون شي عندي بصراحه كللللللللللللللللش ما يعور كلللللش كلللللش بس الدم يضايق وهذا اللي سوالي ازمه :denya:

 

[نهاية حبنا]

احلى حلوة

وااي احسهم شدو مخي .. :0bee2e8d89:

لا والدكتور معطيني سيور .. احطه فوق واوصله مع ضرسين تحت حددددده ازمة :eh_s(1):




حسايف تبين نصيحتي روحي ابها التقويم اقساط .. وشغلهم لا يعلى عليه .. :eh_s(15):

 

[احلى حلوه]

اي اي حتى انا معطيني السيور من ثلاث شهور وانا اركبهم حده ازمه..
اركبهم من فوق لتحت وما اقدر ابطل حلجي ضعفت منهم
بس يعدلون الاسنان والفك بشكل ملحوظ

 

[نهاية حبنا]

اركبهم من فوق لتحت وما اقدر ابطل حلجي

لووووووول عاى ساللفه ماقدر ابطل حلجي .. امس رحت البنك باخذ كرتي الموظف يسالني وانا بس اظحك واطالع اختي يعني ردي بدالي

ضعفت منهم

لوول وناسه رجيم اجباري ..

بس يعدلون الاسنان والفك بشكل ملحوظ

هذا المطلوب .. وانا حمدلله بس لمده اسبوعين ..

 

[احلى حلوه]

لووووووووول اتخيل شكلج بالبنك
فشله فشله يفشلون خاصه اذا كنتي بمطعم او عزيمه وناسيتهم
تقعدين تشيلينهم جدام الناس احراااااااااااج

 

[نهاية حبنا]

لووووووول اووف حده :eh_s(1):

الحين قمت احطهم بس بالبيت ...

انتي اي عياده حاطه تقويمج ؟؟

 

[شذى2007]

ابقعد معاكم :gathering:عندي اسئله والله لو اعرف شي كان علمتكن .............

بنات بليز ابي تردون على الله يسعد من تجاوبني :dddds:

ابي دكتوره تكون مجربه عدل تسوي تقويم شفاف باي مستشفى ياليت اذا تعرفون رقم تلفون؟؟؟

كم سعر التقويم الشفاف ؟؟

المستشفى الحكومي يسون تقويم شفاف ولا لا؟؟

انتظر ردكن حبيباتي:bbbiu:

 

[نهاية حبنا]

الحكومة مايسوون شفاف على ما اظن ...

وبعدين ماعرف دكتورة .. مانصحج بدكتورة الدكتور احسن وايده اخف ...

سوري ماعندي معلومات وايد عن الشفاف

 

[احلى حلوه]

شزى2007
حياج الله حبيبتي معانا
للاسف ما اعرف دكتورات ... وبالنسبه لسعر التقويم الشفاف يكون اغلى من العادي بـ 100 دينار تقريبا وكل حاله لها سعر
الحكومه ما اظن يسون شفاف !!
واتمنى البنات يساعدونج اكثر

نهاية حبنا
انا حاطته بعيادة الحكمه

بنات اي وحده عندها سؤال سواء كانت مركبه او بتركب لا يردها الا لسانها
لان البنات ما يقصرون بيفيدونها

 

[.MiNi.]

احلى حلوه

:

مشكوورهـ على هالموضوع .. بقوولكم قصه اسنـاني اللي للحين اعاني منهـا

الله يسلمكم .. من زمان يمكن من 5 او 8 سنين نا ركبت تقويم في الحكوومـه .. اقل وحده انا من اهلي ركبوا لي اياه سنه بالضبط

و بعدها المتحرك .. والحمد لله اسناني تعدلت وووايد .. وبعد المتحرك ضاع مني جم مره .. انكسر جم مره و اخر مره طردووني لووول

قالولي خلاص ماراح نسويلج وااحد يديد .. المهم بعد فتره .. صار بين اسناني فتحات وشوي رجعوا نفس اول اللي جدام اللي فوق يمكن 3 و اللي تحت بس بالنص

ماحبيت المنظر .. ومن السنه اللي طـافت وانا اراكض من حكومه لي خـاص الكل يقوولي مو زين تركبين تقويم مره ثـانيه اسنانج الداخليه مافيهم شي ..! .. اذا ركبتي راح يختربون اسنانج كلهم .. وقلت لهم انا بس ابي المتحرك محد راضي يفهمني ..!

المهم .. عاد انا قلت برووح الحكمه اللي في بلازا حولي الكل مدح لي هالعيـاده وبعدين حولي قريب يمي *_*

عاد اتصلت باخذ موعد قالت لي اذا اول مره وماعندج ملف .. قالت لي

تقدرين تيين في اي وقت .. فـ قلت برووح يووم الاحد بشووف شنو يقولون لي .. لاعت جبدي والله

اني طولت عليكم .. بس ابيكم تحسوون فيني .. ولي رجعه بقوولكم شصـار معاي ..!

عاد مادري عن الاسعار .. وشنو راح يسوون لي .. الله كريم

 

[Anastasia]

أنا حاطة ريتيرنر يعني تقويم متحرك .. لانه ضروسي زينة بس مشكلتها الفجة اللي بالضروس العلوية الي جدام (فلجة مثل ما يسمونها )..
.
سويتها عند مركز الطب التخصصي الفروانية (حكومة) عند الدكتور ابراهيم الجزاف .. والله خوش واحد .. بس مارضى يركبلي التقويم العادي يقول ان ضروسي زينة واذا مصرة روحي خاص مادري ليش النحاسة ..
.
وركبته من شهر مارس اللي طاف يعني تقريبا صارلي امم 8 اشهر .. البسه اربع وعشرين ساعة ماعدا الاكل اقطه .. وبين كل فترة وفترة يبدلولي ياه بواحد اصغر .. او ساعات مايبدولنه اهوه نفسه بس يضيجونه ..
.
والحمدلله اينن واكسلنت ريزلت على قولة الدكتور .. صج فرقت حيل وملامحي تغيرت .. صج كنت ظالمة نفسي قبل ..

 

[احلى حلوه]

ميني
يا حياتي صج صج صج اكتأبت لما قلتي ان اسنانج رجعت نفس اول
الله يعينج وقوليلنا شيصير عليج

جوجو
حبيبتي الدكتور اخبر اذا كنتي تحتاجين العادي او المتحرك
وصح كلامج يغير الملامح حيييل
وعقبال ما يعطوني المتحرك
والله يهنيج وتشوفين النتيجه الي ترضيج اهم شي خلج محافظه عليه ولا تهملينه

 

[Lamar]

السلام عليكم
يعطيكم العافيه على هلموضوع المفييييد
بغيت اسالكم عن عياده ابها اشوفكم تمدحونها وين مكانها؟؟
وياخذون اقساط؟ ومنو في دكتور شاطر عندهم ؟؟
واذا عندهم زحمه ولا لأ؟
انا بصراحه كنت بسوي تقويمي في عياده الثريا بس ماشوفكم تمدحونها
أممممممم وبس

 

[احلى حلوه]

اهلين عنود
عيادة ابها ممتازه مع اني مو مسويه تقويمي عندهم بس رفيجاتي ثنتين مركبات التقويم عندهم
حيييل يمدحون شغلهم ..
.اي ياخذون اقساط وزحمه عندهم بس مواعيدهم ممتازه حسب ما سمعت

 

[نهاية حبنا]

السلام عليكم
يعطيكم العافيه على هلموضوع المفييييد
بغيت اسالكم عن عياده ابها اشوفكم تمدحونها وين مكانها؟؟
وياخذون اقساط؟ ومنو في دكتور شاطر عندهم ؟؟
واذا عندهم زحمه ولا لأ؟
انا بصراحه كنت بسوي تقويمي في عياده الثريا بس ماشوفكم تمدحونها
أممممممم وبس

هلا حبيبتي انا حاطته هناك ...

شغلهم بصراحه تووووب ...

ودكاترتهم كل واحد احسن من الثاني ... وياخذون اقساط ....

ومايعرفون شي اسمه زحمه !! يعني قالولج موعدج الساعه كذا تروحين يدخلونج على طول ...

 

[نهاية حبنا]

8
8
8
8


مكانها الشعب البحري عماره كبيرة

 

[نهاية حبنا]

كل اللي راحو حكومة تاذو .. بنت خالي ركبته سنه وبعدين اعتفسو اسنانها راحت خاص قالولها عندج عصب ومادري شنو .. فشالو وبدت من اول بالخاص ...

 

[Lamar]

مشكورين بنات ماقصرتوا
أن شاء الله بحط عندهم بس عندنا عرس خل يخلص
واروح اسويه
واضعف عليه بعد يكون اثنين في واحد