تـــجــــمع لبنات التقويم (اللي حاطين تقوووووويم اسنان)

[احلى حلوه]

السلام عليكم ورحمة الله وبركاته

مساء التقويم والشد

شخباركم حبيباتي وشخبار التقويم معكم

بنات انا شايفه هالموضوع بمنتدى ثاني وحبيت نسوي التجمع اهني بعد

عشان نشجع بعض بنخليه خااااااص سبيشل بالتقويم فقط

وطبعا هالموضوع بيفيدنا كلنا ونستفيد من خبرات بعض

يللا نبدا :n2006107:

اول شي كل وحده تقول بجم حطته :080402ask_prv:

ثاني شي لمدة جم

وشنو نوعه ؟(عادي ولا شفاف)

والحين جم صار لها ؟؟ وين وصلت ؟؟

وماهي مشكلة اسنانها:eh_s(10):

ومتى موعدها الجاي ومتى اخر موعد

وشنو سوت بالموعد الاخير

واللي وصلوا للتقويم المتحرك يقولون لنا متى يحطونه ولمدة جم ؟؟

وماهي ماركة فرشة التقويم والعاديه ؟؟ وبالمره معجون الاسنان

ونبي احسن فرشه جربتوها وتنظف زين:icon30:

واذا عورتكم اسنانكم من الشد وشنو تستخدمون مسكن :eh_s(16):

و وشنو تاكلون :botetoo:

واللي خلصت تقويم اسنان اوت برا الموضوع :eh_s(13):

لالا امزح علمونا بتجاربكم عشان نستفيد :friends:

يللا انتظر تفاعلكم:gathering:

وان شاء الله بكتب لكم تجربتي بعد ماشوف تفاعلكم

تحياتي لكم يا احلى متقومات :tek:

 

[A7la 7la]

والله انا ماعندي خبره ... بس مفكره أسوي حق اسناني اللي تحت ...!! جنه عندي ضرس مسوي تمرد وقام و غير مكانه؟؟؟؟ يبيله تقويم يربطه بمكااانه ويتأدب ....!! لوووووووووووووووووووووووووول

يالله انا بتابع الموضوع وبستفيد منكم ...

 

[soo_soo]

همممممممم انا ماسؤيت بس دشيت اسال

انا اسناني الحمدالله معدلين بس الي فؤق احسهم شؤؤي نتفه يعني مقدميين ؤدي ارجعهم شؤي ؤرا

بس سمعت انه عقب تقؤيم بفتره اسناان بعدين تفرق صج هالكلام ؤلا !!

 

["محارة"]

سلام انا قريت موضوعكم وحبيت اشارك معاكم واقول تجربتي .. انا مركبة تقويم عند عيادة الميدان عند دكتورة ريم الشطي .. وصارلي في سنة وعشرة شهور وانا بس مشكلتي مو في اسناني بس انا عندي الفك بعد فتقويمي حق الاثنين .. وتقويمي الحديد مو الشفاف لان احسن واقوى والشفاف مع الوقت وفي بعض انواع الاكل يتغير لونة يعني ياخذ صبغت الاكل ... وقيمت التقويم من 1500 الى 2000 دينار ....واذا عادي بس تعديل اسنان تقريبا يكون 1500 دينار وانا تقويمي لانة جراحي كلفني 1800 دينار هذا من غير الاشعة وجم شغلة سويتها عندهم مثل التنظيف قبل لا اركب وضرس العقل شلعتة عندهم عند دكتور نائل الهزيم يعني كله تقريبا للحين وصل 2500 دينار ... وعندي عملية نهاية الشهر الي اهي للفك تكلفتها بعد 5500 دينار بس سعر التقويم تقدرين تقسطينة يعني كل شهر تدفعين 50 دينار اقل شي وعندهم التقويم المتحرك بس يصير ثابت من داخل الاسنان يعني ماينشال ويتم معاج مدة طويلة احسن من المتحرك الي ساعه ضايع ساعة بالزبالة تلقينة واذا صرتي بمطعم تستحين تشيلينة بس عموما انا للحين وايد مرتاحة حق هذه العياده ومواعيدها وحتى الدكاترة الي فيها وايد زينين يعني مو اي شي لان لعلمكم ترى انا كنت مركبة في الحكومة 4 سنين تقويم بس مافاد دكاترتهم خرطي ومواعيدهم هم على الطل ... وعلى الفرشة وانتي هناك بس تخلصين من تركيب التقويم تعطيج اورقة فيها نوع الفرشة واهيا عادة ماتكون oral-b ومعاها هم فرشة ثانية نفس الماركة يكون لها راس يتبدل نفس شكل فرشة مميات الياهل المخروطية عشان التنظيف بين الاسنان وبين الحديد وهم غسول للفم من نفس الماركة عشان مايتراكم الجير عندج .. وللعوار انا اخذ cataflam احسن مسكن وسريع والمعجون ماكو فرق الي انتي تحبينة تستخدمينة عادي .... وانشالله اكون فدتكم

 

[احلى حلوه]

هلا المملوحه
انشاءالله تصير عندج خبره من تجارب البنات وتستفيدين معانا ..
لازم تأدبين ضرسج وترجعينه مكانه لوووووول

soo-soo
هلا فيج حبيبتي معانا ..اذا ركبتي تقويم بترجع اسنانج
وبيتغير شكل الوجه كله:icon30:
واذا عن يرجعون بعد التقويم لامو شرط لان بعد التقويم الثابت يعطيج متحرك
تشيلينه وقت الاكل والتنظيف واذا حافضتي عليه عدل ما ترجع ولا تتحرك اسنانج .
توكلي على الله وركبيه وصيري من ذوات الابتسامه الحديديه لووووول

محاره
مشكوره حياتي لعرض تجربتج والمعلومات الي قلتيها ,, بس الله يعينج جنه كلف عليج مبالغ وطولتي بالتقويم
عمليتج اخر الشهر الله يقومج بالسلامه وترجعين لنا بأبتسامه هوليوديه وتحرينا :dddds:

:ggdw:يلا بنات بعد بعد نبي مشاركاتكم:ggdw:

 

[احلى حلوه]

:الحين دوري بقولكم تجربتي اسناني كانت جنها البخت اتهبل هذا قبل يوم كنت صغيره
بعد ما بلغت اعتفست مادري شكو الاسنان بالبلوغ!!! صار ضرس فوق الثاني يعني زحمه شوي
اما الفك الي تحت مافيه شي ما تغير ...ومن كان عمري 14 امي وابوي يحنون ركبي تقويم وانا اعاند لاني كنت خايفه يعورني وانا ما اواطن
عيادات الاسنان من ادخلها ادوخ وتلوع جبدي من ريحة البنج:cxxxp:
المهم بعد ما صك عمري 19 قلت خلاص عاد جني مصختها بالدلع لازم اركب واعدل ابتسامتي
وفعلا توكلت على الله ورحت عيادة الحكمه الي بالفحيحيل عند دكتور هندي طق عصي عنده زحمه
وركبته تاريخ 1-10-2007 يعني صارلي سنه الا شوي حطيته بألف واميه لانه شفاف زاد اميه لو عادي بالف ..وقالي بيخليه لمدة سنه ونص راحت سن والله يعيني عالنص:yaaaaaarb:..موعدي الجاي بعد العيد عشان يششششششششد:krkrkr:
بالنسبه للفرش عندي الفرشه العاديه من سانسوداين اتهبل وتصلح للتقويم لان راسها صغير وناعمه ,وفرشة التقويم اهي اورال بس الي تكون محفوره شوي بالنص هذي خاصه للتقويم وهم الفرشه الصغيره حدها مهمه للتقويم وعجيبه في التنظيف يكون لها راسين شكل الفرشه مخروطي وتقدرين ادخلينها بين الاسنان وحدايد التقويم وتنظفين عدل مدل ..اما المعجون عادي اي شي
اذا عورتني اسناني من الشد مالي غير بندول
بالنسبه للاكل كان عذاب لي في بدايت التقويم ما اقدر اكل بس اشرب واذا ابي اكل اكل اي شي ذايب مثل اكل الاطفال او اقطعه الف قطعه واكله حبه حبه يعني باختصار ممتاز حق الي تسوي رجيم وتبي تضعف :0bee2e8d89:بس انا ابي امتن..بس الحين بعد ما تعودت عليه صرت اكل الاخضر واليابس :botetoo: عادي:dddds:

 

[طماشه]

سلام انا قريت موضوعكم وحبيت اشارك معاكم واقول تجربتي .. انا مركبة تقويم عند عيادة الميدان عند دكتورة ريم الشطي .. وصارلي في سنة وعشرة شهور وانا بس مشكلتي مو في اسناني بس انا عندي الفك بعد فتقويمي حق الاثنين .. وتقويمي الحديد مو الشفاف لان احسن واقوى والشفاف مع الوقت وفي بعض انواع الاكل يتغير لونة يعني ياخذ صبغت الاكل ... وقيمت التقويم من 1500 الى 2000 دينار ....واذا عادي بس تعديل اسنان تقريبا يكون 1500 دينار وانا تقويمي لانة جراحي كلفني 1800 دينار هذا من غير الاشعة وجم شغلة سويتها عندهم مثل التنظيف قبل لا اركب وضرس العقل شلعتة عندهم عند دكتور نائل الهزيم يعني كله تقريبا للحين وصل 2500 دينار ... وعندي عملية نهاية الشهر الي اهي للفك تكلفتها بعد 5500 دينار بس سعر التقويم تقدرين تقسطينة يعني كل شهر تدفعين 50 دينار اقل شي وعندهم التقويم المتحرك بس يصير ثابت من داخل الاسنان يعني ماينشال ويتم معاج مدة طويلة احسن من المتحرك الي ساعه ضايع ساعة بالزبالة تلقينة واذا صرتي بمطعم تستحين تشيلينة بس عموما انا للحين وايد مرتاحة حق هذه العياده ومواعيدها وحتى الدكاترة الي فيها وايد زينين يعني مو اي شي لان لعلمكم ترى انا كنت مركبة في الحكومة 4 سنين تقويم بس مافاد دكاترتهم خرطي ومواعيدهم هم على الطل ... وعلى الفرشة وانتي هناك بس تخلصين من تركيب التقويم تعطيج اورقة فيها نوع الفرشة واهيا عادة ماتكون oral-b ومعاها هم فرشة ثانية نفس الماركة يكون لها راس يتبدل نفس شكل فرشة مميات الياهل المخروطية عشان التنظيف بين الاسنان وبين الحديد وهم غسول للفم من نفس الماركة عشان مايتراكم الجير عندج .. وللعوار انا اخذ cataflam احسن مسكن وسريع والمعجون ماكو فرق الي انتي تحبينة تستخدمينة عادي .... وانشالله اكون فدتكم

ممكن رقمهم ؟؟
ووين مكانهم بليز ؟؟

 

[soo_soo]

لااا مؤ قصدي يتحركؤؤن

لاا انا سمعت انه الاسناان بمكاانهاااا مرتبه بس انه يتفررق شؤي يصير بين كل سن ؤسن فراااغ حتى مع المتحرك !!


ؤبسأل عن عؤااار الشد يعؤر حددده ؤلا خفييف ؟

 

[DALALEY]

واااي جان زين اسي تقويم وافتك

اول كانو اسناني حلوين بس من طلعتلي ضروس العقل واسنانس تخربطو اللي فوق جدام طلعو شوي والناب ماادري شفيه رد قري

قوليلي شنو احسن عياده؟؟ ويصير اسوي تقويم بس فوق؟؟وجم السعر؟؟ ابي سعر مناسب بس مو الف لان وايد

 

[ام حمدان]

هلااااااااااا حبي


انا مسويته صار لى سنتين و10 شهور كلفني 1700دولار عشان تعرفون حدود 7 الاف 8 المهم

مشكلتيه اسناني لى تحت كل واحد فصوب والحين الحمد الله صفه كانهم حب لولو وعندي لى فوق شوي شي بصيط متقدمات

وعشان جي ركبت وباقي شهرين وبفكه وبيعطوني الجهاز المثبت شفايفي كبرن ما عرفليش وحنجي تغير للاحسن

 

[احلى حلوه]

يا مرحبا فيكم بنات
سوسو والله مادري اول مره اسمع انه يصير بينهم فراغ يمكن حسب كل حاله
وبالنسبه لعوار الشد اول جم يوم يعور شوي بس تقدرين تتحملينه عادي ومع الايام يخف

هلا فيج that’s it !
اذا اسنانج تحتاج سوي الحين احسن لان كل ما كبرتي تصعب السالفه ..ومو عافسنا الا ضرس العقل
والعيادات الي اسمع عنها ويمدحونها اهي ابها والميدان والحكمه عيادات خاصه اما الحكومه الاميري اشكثر بنات اعرفهم مسوين عندهم شغلهم عجيب بالتقويم وزحمه عندهم ...
في حالات يسونلهم بس الي فوق حسب كل حاله لازم يشوفج الدكتور ويقولج حسب حالتج..
السعر هم حسب كل حاله في بنات 600 وتحت لانه حالتهم بسيط وماتحتاج واذا تبين سعر زين روحي الاميري حلو وبلاش بس مواعيدهم اطول كل الي عليج انج تشترين جهاز التقويم والاشياء الي يطلبونها منج واهم يركبونها لج ببلاش,, هذا ا
لي اعرفه ان شاء الله اكون فدتج واذا في بنات مسوين عند الاميري ان شاء الله يفيدونا بعد

ام حمدان حياج الله حبيبتي
واااااااااااي حمستيني متى اشيله وافتك ودي اشوف شكل اسناني بدون تقويم .. ان شاء الله تشيلين الي فوق بعد وتقولين لنا شكل اسنانج شلون صار حمسينا اكثر .. ههههههه حتى انا شفايفي كبرت جني مسويه تفخ ونااااسه :dddds:

 

[بنت عطا]

ان شاء تعدل ضروووسكم<<<وتصير تهبل ونفس اللولو

دااشه عرض بينكم<<<هههههه

 

[A7la 7la]

بناات شنو سالفة الاسنان اللي ترد و تخترب اذا خلصتي فترة التقويم؟؟ يقولون عقب ماتشيلينه بفتره يردون ويتغير مكانهم ؟؟؟ منو عندها تجربة شخصيه ؟؟؟

 

[GoDDeSs]

قووه بنوتااات بتكلم عن تجربتني .._03ba:

انا مشكلتي عندي بروز شوي بالفك العلوي .. رحت عيااده ابهاااا خااص .. سواالي اشعه وكل شي وشلعت ضرس وااحد بالفك العلوي على اساس مع التقوييم يردووون ... وفتره العلاج كانت سنه ونص والحمدالله تعدلووا البرووز اختفى واتعدلت اسناني .. وكان عادي مو شفاف وحاليا انا احط المتحرك
طبعا فووق المتحرك العاادي اللي تركبينه وتشيلييينه وقت الاكل بس يعني مو ثاابت لانه الدكتور مانصحني فييه قالي اقدر احطلج واغلى بس مو زين الاسنان ترد بسرعه .. بس حق الفك السفلي حطلي ثاابت عاادي اما الفك العلوي ما ينفعله ..
طبعا المتحرك احطه طوول اليوووم ما عدا وقت الاكل اشيييله
الموعد اللي طااف كاان 20-8 وطبعا انا بهاليووم شلت التقويييم يعني توني شايلته
وموعدي الياي بعد 6 اسابيييع تقريبا بعد العيد برووح واخر موعد مادري بس يبيلي سنه احطه وانا سامعه الاحسن تحطييينه سنتين يعني حاولي ماتقطعينه عشان مايردوون اسنانج
وكنت استخدم فرشه ماركه Gum يووم كنت حاطه تقويمي وللحين استخدمها
وكلفي العلاج 1,300 تقريباا

وصج وقت الشد والعواار اشربلي شي بااارد اول ماطلع من العيااده على طوول الضاحيه اشرب عوار قلب

وبس

 

[احلى حلوه]

هلا فيج حياتي بنت عطا نورتي الموضوع بمرورج الطيب كل يوم دشي عرض:dddds:

المملوحه ان شاء الله يفيدونج البنات الي عندهم خبره او المجربات

GoDDeSs حياج الله حبيبتي
وناسه خلصتي من التقويم الثابت الف مبروك وعقبال المتحرك ...شلون شكل اسنانج الحين! مثل ما كنتي تبينهم ولا احلى
, وبغيت اسألج عن المتحرك يعور ولا اخف من الثابت عواره ؟؟وفي شد يعني كل شهر تروحين تشدين مثل العادي ولا لا ؟؟<<غشيمه بالمتحرك

 

[زهقاانه]

يااااي يالتقويم انا اختي مركبته من 1/2/2003 مسكينه مسويته بالحكووومه ومرااجعااته كل 3 اشهر الى على 2006 فكها تغييير والله وتبجي وتروح لمرااجعتها الى دكتورها مخربه ورااايح فيها وشلنااها على طووول ودينااها عيادة الثريه الي بالفرواانيه وركب لها تقويم من الاول وصاادف زواااجها واهي بتقويييم هااك يالنفسيه عااد دكتوره جنه اسمه مشيل لبناني ماافي الا هو بالعيادة متخصص للتقويم وامس الحمدالله شاالته صج مو متقبليينها تعودنى عليها بالتقويم 6سنوااات تقويم حسبي الله على عيادة الاسناان الحكوميه مااشاءالله شفنى بناات مرااجعااتهم على طول وسناانهم اتغير فقلنى ليش اروح للخاص

عاد اعتقد ان سعره على 500 ماادري 600 دينااار واهو يركب لج مثل الجسر او سيم اضعيييف دااخل الاسناان تقعد معاااج فتره عشاان مااتلجأين للمتحرك ومااترد الاسنااان وماايبين ولا حسيت فيه الا يوم سألتها عن المتحرك قالت لا ورتنياااه

عاد انا ان شااءالله بسوي عندهم تنظيف وتبيض ان شااءالله الحين عندهم عرض التنظيف والتبيض على 130 دينار

 

[GoDDeSs]

هلا باحلى حلوووووووه اسناني مثل ما ابييهم الحمدالله وايد وايد تغيرت اسناني للاحلى طبعا
والمتحرك ابد ابد مااااااايعور اصلا ولا يشد لا تحاتييين اصلا احطه ولا جني حاطته حتى استغربت قلت اخاف يردوون اسناني مو قاعد يشد بس طلع اهو جذي مايعور لا تحاااتييين

المملوووحه .. اذا ما حطيتي المتحرك بالمده اللي قالج عليها الدكتور يردون نفس قبل ولا جنج حاطه شي وبنت خالتي صارت فيها هالساالفه كانت حاطته بحكوومه شالته ومستاانسه فييييه واسنانها ردووا حلوييييين ,, يه وقت المتحرك ماحطته ولا يووووم واهيا عندها بروز شوي بالفك السفلي ,, مع الاياااام ردت ضروسها نفس ورد البرووز لانه ماحطت المتحرك كلش ,, والحين ردت حطت تقويم بخاااص وقاعد تعدل اسنانها فديروا باالكم من هالسالفه واصلا الدكتور قايلها حاولي تحطييينه كل وقت عشان مايردوون بس لازم تلتزمون بالوقت اللي قالكم عنه الدكتوور

 

[احلى حلوه]

هلا وغلا فيج زهقانه امبيه والله صج عذاب الله يعينها طوووولت بالتقويم انا قالي سنه ونص واعد الايام عشان اشيله وافتك..

GoDDeSs حيااااتي الله يبشرج بالخييير كنت احاتي المتحرك سامعه انه يعور ويذبح بس طمنتيني بكلامج فديييييتج

 

[GoDDeSs]

هلا حبيبتي انا حسبالي بعد يشد اول شي ومره جذي اول ماحطيت المتحرك مايشد اسناني رحت ثاني يووم للدكتور قتله دكتور اخاف حركته شي واخترب قااالي عادي

بس مشكلته ريييييييييحته خااايسه لووووول

رفيجتي حطته قبلي قالتلي لازم تفرشينه وعلى مااا تطلعيينه حق الاكل وتردين تحطيينه لووعه جبد

انا حسبالي كانت تبالغ وقلت يمكن حلجها خاايس لووووووووول ولمن جربته صج لازم تفرشينه بين وقت ووقت

 

[احلى حلوه]

اهم شي انه ما يعور مو ناقصين عوار
واذا عاللوعه نتحمل بعد امرنا لله