تـجمع طالبات الصف ~ الــعـاشــر ~ (2012-2013)

[A5tsloom]

بنااات منووو عندها درووس الانقلشش حق عاشر وكلاماتها
تسدحها لنا م عليكم اممر

خايفه من الانجليزي

 

[Phlox]

ماشاءالله شالحممممآسس ..
عساه بس دووم مو اول اسبوعين و خلاص !

المهم حبيباتي موفقين يا رب انا إن شاءالله ب 11 علمي !
مريت حبيت اقولكم جم شغله ما وسويتها و تحسفت اني ما سويتها !
و نزل معدلي ..

أول شيء حبيبتي سيلو1998 ..
نظام المتوسط خلاص راح ..
كل شيء بورقه
تجويد و سبب النزول و التسميع ..
ف احسن شيء لما تحفظين بعد الدراسة سمعي لنفسج على ورقه ..
و موفقين يا رب ؛*

’,

قبل لا ابد بلستت نصايحي الذهبيه طبعاً
بقولكم شغله ,,
الي تقولج عاشر سهله جذابه و الي تقولج عاشر صعبه جذابة
ما بكون مثالية و اقولكم سهله للي يدرس و صعبه للي ما يدرس ..
الذكي يعررف يريح نفسه بدون لا يتعب بزيادة ..
مو يعني ما ادرس اول بأول , لأ !
لكن ..
اعرف نقاط ضعفي عشان اعرف انظم وقتي و اعرف الاولويات لشنو ..

بقولكم مثآل ,
انا اعشششق الرياضيات اححححبه حححيل راحه نفسية عندي اذا امتحاني رياضيات و اكككككره كككره الاجتماعيات ايام الفاينل اخلي له يومين او 3 عداوه انا وياه ..
رفيجتي عكسي بالضبط تخيلو ان تدرس للأمتحان الرياضيات قبله بـ 3 او 4 ايام ..
والله ايام الفاينل والله تدرس للرياضيات طول ايام الدراسة للفاينل تدرس الصبح ماده و بليل رياضيات من كثر ما اهيا ما تحبه , اما الاجتماعيات ماشاءالله لا إله إلا الله تدرسه بيوم و عادي عندها !

- هل هذا يعني ان انا ذكية و اهيا لأ ؟
لأ طبعاً !

بس انا كنت اكتفي ان احل التطبيق و يظل ثابته وياي المعلومه , فكنت بس اراجع اخر الاسبوع
على المسائل ويا المدرس !
أما اهيا كانت ترد يوميا تدرس له تدرس مره ثانية و تحل التمارين مره مرتين عشان تقدر تفهمه
انا كنت إذا علينا اجتماعيات ارد احفظ الي عطتنا اياه الابلة بنفس اليوم ما أأجله لاني اعرف نفسي لو اجلته بينزل معدلي لاني بطيئئئئئئئئئه بالحححفظ
اما اهيا كانت ما تبطله لما ترد البيت بس اخر الاسبوع تحل اللاصفي و تقرا الي خذوه طول الاسبوع !

* ب هالطريقة انا عرفت قدراتي , عرفت ايام الففآينل شنو تكون أولوياتي للدراسة , و شنو اكثر ماده تحتاج اني اخذها على فترات عشان ما امل منها و شنو اركز عليه بوقت الفراغ عندي و ادرسه ..
طبعا هالحجي ينطبق على كل المواد مو بس مادتين !



’,


نبدأ بالنصآيحي الذهبية احم احم :eh_s(22)::

1- اذا ردو نظام المليفي نصيحه لكم كلكم الشططططاره لا تطلعينها بالصف هاا حبيبتي
صيري نفس مآيكل ب إمتحانج مو بالصف .. ديربالكم ترى البنات ما يعطون خير ..
مو يعني تصيرين صنم لكن خير الامور اوسطها و بذات انتو ثآنوية هآ و العين حق حبيبتي و جدامج سنتين ..
اول الايام اثبتي وجودج عشان الابلة بعدين شوي هدي و خليج تكانه مو كل شوي رافعه ايدج
بذات اذا حسيتو البنات عيونهم عليكم ديربالكم .. عن تجربه والله

اما اذا ما ردو نظام المليفي اييييدج يويلها اذا نزلت لان الكل يكون يشارك و يبي درجات و تمصلح عن الابلات ..

2 - الاوراق الصفرا الي تتلزق خليها وياج دايماً ..
لكل المواد حطي جم ورقة بأول كل مذكرة بذات للمواد العلمية .. " كيمياء , فيزياء , احياء "
و هم العربي و الاجتماعيات اذا قالت الابلة معلومة كتبي بالورقة و لزقي بالدفتر ..
حتى لو ما قالت اكتبوها انتي كتبيها و لزقيها فوق بورقة الدرس ..

- بالكيمياء ؛ الابلات يسوون جداول مقارنات ساعات تقول اسإله من نماذج مو بالمذكرة
كتبيهآ و حطيها فوق ..

- الفيزياء ؛ نفس الحجي الي فوق و ساعات رسمات بيانية مو موجوده كتبيها , و هم ساعات
تشرح المسأله بشكل مبسط حححييل كتبي وراها بالاختصارات غير الي بالكتاب ..
و اسإلة الكتاب الي اخر كل فصل هم حلوها و ودوا لها ناقشوها قبل الامتحانات ..
اذكر كنت اخذ اسأله من مذكرة جمعية المعلمين و اروح لها اقولها ابلة شنو اجابة و لا الاجابة صح ولا لاء و شنو الاجابة النموذجيه ..
ليما ملت مني و قالت لي : اي ده ده ما بيقيش بالامتحان روحي و المشكلة الاجابة بتذكر ان الي بالتقويم بس انا ما كنت منتبههه لها و الابلة براسها مو عارفتها :krkrkr:

- الاحياء : الفل مارك ب هالماده الكريهه الي ما احبها سههل حححيل ..
كتبي الي كاتبته الابلة على الصبوره بأوراق صفراء , و اسئلة المذكرة و رسمات الكتاب
و كان الله غفور رحيم

- العربي : بدروس النحو كنت اذا قالت الابلة اي شي لو معلومة بسيطه او شي قديم بالنحو اكتبه ب هالاوراق و احطه فوق بالدرس او اي مكان بالدفتر المهم تشوفه !

^ترى تكبرون بعين الابلة تحسج مهتمه اذا كل شي كانت قايلته بالصف لاحظت انج مسجلته عندج
و تمدحكم عند البنات


3 - الانقلش ؛ اذا قعدت الابلة تردد وياكم الكلمة كتبيها تحت او فوق الكلمة بالمذكرة بالعربي
مو الترجمه لا , طريقة نطقها بالعربي يستانسون على هالحركات بذات الوافدين !

4 - نومة العصر تتكنسل من الاساس او بس نامي بالضبط ساعه خلصتي غدا الساعه 2 و نص حطي منبه 3 و نص بس ! و الدراسة دايماً تبدأ بالاربع
او شيء الواجبات , ثآني شي تحضير الدين و الاجتماعيات *يفضل يكون بدفتر40 ورقة كله ..
و بعدين نبدأ من المواد الي انا ضعيفه فيهم لي الي ما احتاج حيل مراجعه فيهم

5- اهم اهم اهم شيء , طبعاً بنات الثانوية القميلات الحلوين ما يصبرون عن لبيلو الاحمر
الي بتوت ولا الفراولة
الي تبي تكبر بعين الابلة هالشيء تنساه ..
ابلتي العربي مره شافتني حاطته وانا صج كانت شفايفي متشققه و ما عندي غيره الشفاف عن اخوي و مضيعه و مااحب فازلين
و خذيته وياي ان كل شوي احط عشان ماابي زيادة ينشفون و كان فراولة يعني مو الي حيل يحمر
قطتها اشككككره بوجهي .. يا مها انتي زيوهو و انا كنت فكراكي مش كده ..
بنفس الوقت مسحته قلت لها اسفة ابلة ماادري بس متشققين و مااحب فازلين و ما عندي شفاف < عيآره :eh_s(22): !



ادري نصآيحي معيوده فوق تليون مره بس حبيت اعيدها مره ثانية عشان تحسون
ان صج انا تحسفت ان ما التزمت فيهم طول السنة و في بعد اشياء و البنات ما قصرو ..
المهم يا دميلات ..
لا تضيعون عااشر من ايدكم لا تضيعونها لا تضيعونها حاولي كثر ما تقدرين تكون نقاطج 9 ..

عسى الله يوفقكم , و نشوفكم مهندسات و دكاااتره يا رب ؛*:eh_s(8):​

 

[MALAK97]

مشكؤوؤرة يا الوناسةة + mahooy ماقصرتوا ربي يوؤفقكمم ثأإأنكسس

 

[زهرة ووردة]

مشكوره (Mahooy ) ما قصرتي والله يعطيج الف الف الف الف عافيه ع النصايح الي على قولتج (ذهبيه ) وصج فعلا ذهبيه =)

بس حبيبتي بغيت اسألج عن النقاط شنو يعني
(حاولي كثر ما تقدرين تكون نقاطج 9 .)

 

[سّرآبْ]

بنات دفاتر المدرسه تاخذون جم واحد ؟

 

[Phlox]

حبيباتي و لو هذا واجبنا ؛***
المهم نشوف النسب الحلوه <٣٣

حبيبتي زهره ووردة

ههههههه حبيبتي يعافيج ..
سمعي حبيبتي النقاط ب عاشر ١٠
نسبتج الي تجيبينهاىاهيا نقاطج
يعني لنا مثلا كانت نسبتي اخر السنة ٨٩.٩٥
المعدل التراكمي ٨.٩
بس لو كنت اخذه مثلا ٩٣
بكون ٩.٣
و جذي فحاولو يكون ب ٩٠ مجموعكم و هم ب ١١عشان المعدل التراكمي يكون فوق ٢٥
جذي تضمنين اذا شديتي حيلج بعد ب ١٢
نسبة باذن الله حلوه

و عساها سنة خير علينا كلنا ؛**

 

[جنان ربي بانتظاري]

بنات دفاتر المدرسه تاخذون جم واحد ؟

انا بنت اخوي اكبر مني بسنه
يعني عارفه وضع عاشر

قالتلي حق كل ماده دفتر
وكتبت الطلبات عندي بورقه

بس ما بغيت اشتري عشان اجووف طلبات الابله
اذا حبه اقولج اشقالتلي ماعندي مشكله :eh_s(15):

 

[زهرة ووردة]

​

​

مشكوره mahooy توني فهمت

 

[جنان ربي بانتظاري]

يعطيج العافيه مهووي

بس بغيت اسال

مثلا : انا ماخذه بالفتره بالتسعينات ونهايه السنه ماخذه 89

راح اتفيدني االفتره ولا وجودها وعدمها واحد ؟؟!!

ان شاء الله وصلت سوالي عدل :$

 

[Phlox]

اخر السنة يعني مجموعهم كلهم على بعضهم
اهم الشي الي بيطلع اخر السنه
اهوا الي بكون مجموعج التراكمي
طبعاً احنا لي الحين ما ندري بردون نظام المليفي ولا لاء
جان زين ما يردوونه لان النظام القديم
يجبرج تدرسين اول باول

 

[MALAK97]

بنات دفاتر المدرسه تاخذون جم واحد ؟

والله يمكن اخذ واحد بسس وبنطر طلبات الابلات ولا انتوا شنو رايككمم؟!

 

[q8sara_]

m a h o o y

يعطيج العافيهةة حبيبتي
وموفقهةة يآ رب =$$'

 

[GoldenBird]

m a h o o y

مشكووووورة وايد على النصايح و ان شاء الله راح أطبقهم انزين شنو نظام المليفي القديم يعني قصدج الامتحانات القصيرة ؟

 

[Phlox]

كويت ساره_

حبيبتي اجمعين يا رب ..

قولن بيرد ..

اي نظام المليفي الي كان بس امتحان فترة و نص السنة
ماكو امتحانات قصيرة
كان وقت الامتحان تصير هوايل اغلب البنات مؤجل
عكس النظام القديم الي كله امتحانات قصيرة
وقت الامتحانات تكونين مرتاحه لان يجبرج تدرسين اول باول عشان القصير

 

[زهرة ووردة]

بنات انا عن نفسي راح اشتري دفتر حق كل مادة لان البنات اعتقد فهمونا شنو الدفاتر المقررة حق كل مادة ^_^

 

[مفضوخن قلبي]

m a h o o y

فديتج مششكورهه ع النصايح
بس حسيت رعب :"( عاد خلقةة مفضوخن قلبي >< وخايفهه من عااششر :"( بس الله يسستر
ما قصصرتي واذا احتجنا شي بندرعم عليج
​

 

[الوناسة]

up

up

 

[(عسل وقشطة)]

بنات حبايبي لاتخافون عاشر سهله حق الي يدرس
انا بختصر عليكم الكلام
لان الي قبلي ما قصروا
بتكلم عن كذا مادة المهمات طبعا
الانجحليزي
المادة دسمه ويبيلها تركيز
او السنه يبولكم مدرسه تفهمكم القواعد عدل مدل
والست بوك عشان يصير سهل لازم لازم لازم لازم
تفهمين الدرس وتطلعين الاسئله انتي و تحفظين الاسئله الجاهزة هذا اكبر غلط كنت اسويه وهذذا اييعني
والاكلمات لازم تحفظين معانيهم عدل مدل لانج راح تتوهقين بالامتحان اذا ما حفظتيهم
والقصه انصحكم تقرونها من الحين عشان تثبت بمخوخكم
والقران اكيد قالولكم الطرييقه
اما المواد الثانيه مادري عنها
بس انصحكم تخلون الخبال والتهربين والسوالف الماصخه وتراجعون على الاقل كل اسبوع مادة عشان لاتزهقون
وحطوا ببالكم انكم قدها وانكم راح تاخذون اعلى الدرجات
والله يوفقكم
وادعولي

 

[(عسل وقشطة)]

وعن الدفاتر
العربي 100
الانجليزي 80
الرياضيات 100 او اتوقع جنه عندكم كراسة تدريبات اذا مو غلطانه
الاحيا 60
الاسلاميه60
الكيمياء 80
الفزياء 80
الاجتمعيات دفتر اجتماعيات المقسم
وبس

 

[**BESTGIRL**]

بنات من وين بتشترون اغراضكم