رد: تجمع مواليد (ديسمبر) و??(يناير)
انا امس حسيت بطني متصلب على جهه اليمين وعبالي ايد الجنين مضايقني
رحت لطوارى الهادي سوت لي الدكتوره سونار جان تقول هذا راس الجنين فوق هو اللي مضايقج مع اني دخلت التاسع للحين مالف
قالت اذا صار اسبوع مالف بندخلج ولاده ونحاول نلفه اذا لف طلق صناعي ونولدج بسرعه واذا مالف تسوين عمليه بنفس الوقت لانا نخاف مع محاولات اللف يلتف الحبل السري على رقبه الجنين
انا ماادري خوفتني الدكتوره معقوله مايلفونه واذا مالف يحاولون بعد جم يوم
يعني محاولتهم بس وحده
سالتها عن الحبي والسجود والمشي قالت لا تسوينه كلش لانج قاعده تثبتين رجول البي بي في الحوض ماتساعدينه انه يغير وضعه
عاد كلش الحين مااقدر امشي بسرعه اتعب واحس حيييل ثقيله بشكل مو طبيعي
ياربي سهل ولادتنا اجمعيين
