تعليم كروشيه بالعربي من الصفر للمبتدئات<< متجـدد

[حبي غير]

بس احس الشغل مافيه ترتيب بالمره

سويت وحده صغيره وكملت من فوق ان شاء لله يكون الشغل تمام

لااااااااااااا مو مضبوط مقتوووولن ياولدي مقتووووول مقتوووووووووول هههههههههههه


لانج مبتدأه لاااااازم تسوين عدد السلاسل اللي بالواجب ما يصير تقللين (ذابحتج ذابحتج ما فيها كلاااااام ههههههه ) علشان ايدج اتعود

لا تنحبطين عاااااادي الكروشيه يبيله اصرار واستمرار لضبط الغرز وتحكم الايد يالصناره والخيط مجرد ما تتقنين الغرز راح تنطلقييين مثل الصاااااااااااروخ بعالم الكروشيه

ابيج تقرين المشاركات من اول الموضوع لآخره لان فيه بنات تقريبا عندهم نفس اغلاطج وانا شارحه تفاصيل الاغلاط

وانتبهي بعد لسلسله الارتفاع اللي تسوييينها ببداية كل سطر لانها مهمه علشان القطعه تكون متساويه عند الاطراف

الحلو فيج اصرارج ورغبتج بالتعلم وهذا شئ مهم لتعلم الكروشيه

 

[حبي غير]

السلام
كيف الحال
تطبيقي

[/url][/img]

ماشالله تبارك الله شغلج حلو

بس عندي ملاحظه بسيطه : السطر الاول الطرف اليمين مو مضبوط

اعتقد انه انتي سويتي عمود باول3 سلاسل ارتفاع احنا بعد ما نسوي السلاسل نسوي عمود بثالث سلسله يعني السلسلتين اللي قبلها نخليهم

اوضحها اكثر الحين انتي سويتي 23 سلسله صوب الخيط اللي فيه الصناره نعد 2 سلسله ونسوي عمود بالسلسله الثالثه السلسلتين اللي اول شئ نخليهم ما نسوي فيهم شئ
اتمني الشرح واضح واذا مو واضح قوليلي علشان اوضحه انشالله

عموما شغلج ممتاز ومسكتج للصناره وتحكمج بالخيط واضح براااافو عليج

 

[عنووووفه]

1- لاحظي ان اهي لما تبدي سطر جديد من جهه تسوي 3 سلسله والجهه الثانيه تسوي منزلقه وبعدين تسوي 3 سلسله
شنو فايدة ال3 سلسله اللي تسويها اول شئ اقولج ال3سلسله يسمونها ارتفاع علشان القطعه تحافظ علي نغس العرض اللي بديت فيه فاذا ما تسوينها القطعه تبدي تكش وتصغر ولاحظي بعد ان اهي لما ترتفع 3 سلسله بالفراغ الاول (الفراغ مقصود فيه اهي ال3 سلسله اللي بالعرض اللي بالسطر السابق) سوت منزلفه داخل الفراغ وبعدين ارتفعت 3 سلسله وبعدين سوت 2 عمود
اهنيه ال3 سلسله ارتفاع اعتبرتها جنها عمود (في بعض الباترونات يقولج ارتفعي 3 سلسله واعتبريها عمود ) باترون البطانيه هذي جذي
2- الغلط الثاني لما تسوين آخر عمود بالسطر بعدها انتي مو قاعده تشبكين منزلقه بآخر سلسله من ال3 سلسله ارتفاع لا حظي ان اهي بعد ما تسوي آخر عمود وقبل لا تلف تبي تسوي السطر الجديد تشبك بمنزلقه بآخر سلسله من ال3 سلاسل ارتفاع هذي مهمه جدا جدا اذا ما سويتيها تصغر القطعه تصير جنج كل مره تنقصين عمود (لا تنسين ان احنا قلنا ان ال 3 سلسله نعتبرها عمود)


مو فاهمه ولاشي من الكلام

انا لاحظت عندي نفس المشكله

اولا السلسه نسويها ف اول الشغل صح ..؟

وين السلاسل اللي تتكلمين عنها

والمنزلقه هي غرزة الحشو ..؟

صنارتي رقم 4

 

[رومي]

السلام عليكم
هذا. تطبيقي للدرس. (2). غرزة الحشو.


طبعاً الصوره الاولى. الغرزه التفت من البدايه فقط. يعني التفاف خفيف. وهذا يمكن لاني شديت بالبدايه ...



​

وهذي صوره ثانيه. وضعت المقص عليه. علشان توضح الغرزه ..

​

وهذي. صوره للتوضيح.









​

اتمنى تكون حياكتي صحيحه انتظر تقييمك يا استاذه. وراح ابدى بالدرس الثالث ان شاء الله .. ​

 

[حبي غير]

السلام عليكم

هذا. تطبيقي للدرس. (2). غرزة الحشو. ​

طبعاً الصوره الاولى. الغرزه التفت من البدايه فقط. يعني التفاف خفيف. وهذا يمكن لاني شديت بالبدايه ...​

وهذي صوره ثانيه. وضعت المقص عليه. علشان توضح الغرزه ..​

وهذي. صوره للتوضيح. ​

اتمنى تكون حياكتي صحيحه انتظر تقييمك يا استاذه. وراح ابدى بالدرس الثالث ان شاء الله .. ​

ممتاااااااااااااااااااااااازه يعطيكي العافيه علي هالشغل الرائع

عادي اهي تلف وياج لا تخافين بس كل ما زدتي عدد الاسطر كل ما افردت وياج يعني لما تلف حيل لا تخافين كملي
يالله ابدي الدرس اللي بعده

 

[حبي غير]

1- لاحظي ان اهي لما تبدي سطر جديد من جهه تسوي 3 سلسله والجهه الثانيه تسوي منزلقه وبعدين تسوي 3 سلسله
شنو فايدة ال3 سلسله اللي تسويها اول شئ اقولج ال3سلسله يسمونها ارتفاع علشان القطعه تحافظ علي نغس العرض اللي بديت فيه فاذا ما تسوينها القطعه تبدي تكش وتصغر ولاحظي بعد ان اهي لما ترتفع 3 سلسله بالفراغ الاول (الفراغ مقصود فيه اهي ال3 سلسله اللي بالعرض اللي بالسطر السابق) سوت منزلفه داخل الفراغ وبعدين ارتفعت 3 سلسله وبعدين سوت 2 عمود
اهنيه ال3 سلسله ارتفاع اعتبرتها جنها عمود (في بعض الباترونات يقولج ارتفعي 3 سلسله واعتبريها عمود ) باترون البطانيه هذي جذي
2- الغلط الثاني لما تسوين آخر عمود بالسطر بعدها انتي مو قاعده تشبكين منزلقه بآخر سلسله من ال3 سلسله ارتفاع لا حظي ان اهي بعد ما تسوي آخر عمود وقبل لا تلف تبي تسوي السطر الجديد تشبك بمنزلقه بآخر سلسله من ال3 سلاسل ارتفاع هذي مهمه جدا جدا اذا ما سويتيها تصغر القطعه تصير جنج كل مره تنقصين عمود (لا تنسين ان احنا قلنا ان ال 3 سلسله نعتبرها عمود)


مو فاهمه ولاشي من الكلام

انا لاحظت عندي نفس المشكله

اولا السلسه نسويها ف اول الشغل صح ..؟

وين السلاسل اللي تتكلمين عنها

والمنزلقه هي غرزة الحشو ..؟

صنارتي رقم 4

عنوووفه ياقمر
الكلام اللي انتي مو فاهمته هذا سؤال من وحده خارج الدروس كانت تسأل عن بطانيه وكنت اوضحلها شلون
عموما انا حاسه ان انتي ضايعه علشان جذي راح نسوي الدرس الثاني مع بعض خطوه خطوه

اولا: سوي 51 سلسله

وبعد ما تسوين بلغيني

علشان نكمل
ولا تنحبطين ترا انا اول ما تعلمت كروشيه كنت اردي من جذي بس بالاصرار كل شئ يصير تمام

 

[عنووووفه]

تم يالغلاا:eh_s(17):

 

[حبي غير]

عنوووفه الحين ابيج تقرين كل المشاركات اللي بصفحه 5 وتقوليلي فهمتي والا لا
وركزي علي فهم الغرزه الخلفيه والغرزه الاماميه وغرزة الboth (اللي تحت الغرزه الاماميه والخلفيه ) ورديلي خبر

 

[عنووووفه]

هذا اللي فهمته وان شاء لله تمام

 

[قوس قزح]

يعطيج العافية

 

[حبي غير]

هذا اللي فهمته وان شاء لله تمام

ممتاااااااااااااااااااز جدا ماشالله عليج فهمج سريع:ggdw: الحين عرفتي الغرزه الخلفيه والغرزه الاماميه ولا تنسين الboth اللي اهي نحط الصناره تحت الغرزه الاماميه والخلفيه

الحين انتي سويتي 51 سلسله

ملاحظه: نسوي كل الحشو بالخطوه 2 بالغرزه الخلفيه (لان هذا السطر الاساسي اللي راح نبني عليه باقي الاسطر)

2- سوي حشو بثاني سلسله - حشو بال 49 سلسله التالييين

خلصي ورديلي خبر علشان نكمل

 

[حبي غير]

يعطيج العافية

مشكوووره حبيبتي كلج ذووق

 

[عنووووفه]

خلصت :eh_s(9):

وحبيت الشكل اكثر من اول حسيته مرتب شوي

للعلم اني كل مره اسوي وحده جديده من وجهة نظري انه تدريب لايدي

صراحه الله يعطيج الف عافيه ماقصرتي :eh_s(7):

ونكمل

 

[حبي غير]

شاااااااااااطره ماشالله تبارك الله
اكيد كل ما تشتغلين اكثر تتدرب ايدج ومع الوقت ايدج تصير سريعه
وتذكري مافيه وحده انولدت اتعرف كروشيه كله تعلم ومارس وانشالله نشوفج محترفه قريبا

نكمل

ملاحظه: نسوي كل الحشو بالخطوه 3 بال both
ملاحظه2: ابيج تحطين علامه علي اول حشو وآخر حشو (يعني تحطين خيط لون ثاني قصير او جلاب ملابس باول حشو تسوينها وآخر حشو تسوينها) شوفي الصوره



3- ارتفعي سلسله - نسوي حشو في اول حشو (يعني نسويها في آخر حشو سويناها بالخطوه2بس لان لما لفينا الشغل كانت هي اول حشو بالسطر الجديد علشان جذي نسميها اول حشو) - حشو بكل غرزه حشو

خلصي وتعاااااليلي

 

[عنووووفه]

تم يالغلا

حسيتها صعبه شوي بس مشى الحال:eh_s(10):

 

[حبي غير]

تم يالغلا

حسيتها صعبه شوي بس مشى الحال:eh_s(10):

الحين :

من السطر 4-----> 24 عيدي السطر3

 

[حبي غير]

الحين :

من السطر 4-----> 24 عيدي السطر3

بس لاتنسين نسوي الحشو بال both

بس بالسطر2 نسوي بالغرزه الخلفيه وباقي الاسطر بال both

 

[طالبة علم 77]

السلام عليكم ،،شلوونكم شخباركم ..بصراحه انا عندي سؤال شنو الفرق بين الكروشيه و التريكو؟!

 

[عنووووفه]

اول شي مافهمت يعني تبيني اعد من آخر حشوه لحشوه 24 وابلش حشوه االسطر الرابع

انا بلشت السطر الرابع مثل الثالث وطلع لي هرم

مو مرتب بس صراحه راضيه عن نفسي

بس هل راح يترتب شغلي مع الوقت

 

[حبي غير]

اول شي مافهمت يعني تبيني اعد من آخر حشوه لحشوه 24 وابلش حشوه االسطر الرابع

انا بلشت السطر الرابع مثل الثالث وطلع لي هرم

مو مرتب بس صراحه راضيه عن نفسي

بس هل راح يترتب شغلي مع الوقت

لاااااااااااا عنوووفه اقصد ب 4---->24 ان السطر 4 والسطر5 والسطر6.......الي السطر24 تسوينهم مثل السطر 3