تعطير الجسم بالمسك

[نوناتي حياتي]

مرحبا بنات:eh_s(17):

انا قريت اهني بالمنتدئ عن طريقه تعطير الجسم بعد الشور

انا نبشر مكعبات من القرشي وانقعهم في ماي ورد؟؟ صح جذي والا في شي بعد ؟؟؟

وعندي سؤالين
الاول / اانا بشرت مكعبتين مسك وحطيت عليهم نص علبه ماي ورد مانخلطو مع بعض المسك صار فوق والماس تحت ؟! :eh_s(22): ليش الكميات اللي حطيتهم غلط؟؟

الثاني/ اسويلي كميه واحطها وكل ماسبحت رشيت جسمي والا مع كل سبوح اسويها ؟؟


وبانتظار ردودكم ومشكورين:eh_s(8):

 

[نوناتي حياتي]

الماس == الماي اقصد ماي الورد

 

[أم*سلمان]

آب

آب

لعيونج

 

[manoooram]

up up up up up

 

[نوناتي حياتي]

شدعوه بنات ماحد يعرف

 

[خيال و مطر]

اول شيء شنو نوع المسك الي شرتيه لأن اذا مسك العروس وهو المسك لتعطير الجسم
جواب السؤال الاول لَا الكميه مؤ غلط و عادي بس اهم شي ان كل ما رشيتيه على جسمج تكون ريحته واضحه
جواب السؤال الثاني سوي كميه و كل ما تبين تتسبحين رشي على جسمج
و اي سؤال أنا حاضره

 

[نوناتي حياتي]

حبيبتي مشكوره ع ردج

وهذي صوره المسك اللي اقصده انا بشرته
جذي قصدي فهمتي علي؟

 

[الروح تهواه]

حبيبتي مسك المكعبات لا تحطينه على جسمجججججججججججججج
ديري بالج ترا
مسك المكعبات ينحط بالكبت ... بين الملابس وبس ! لإنه مو مسك طبيعي ( فيه مواد شمعية ) وفيه ناس يسببلهم حساسية ومو زين ابدا حق الجلد

المسك اللي حق الجسم وريحته تهبل >> المسك الأبيض واهو اول ما تقوليله جذي راح يعطيج ياه >> اهو سائل أصلا ما تحتاجين تجهزينه ولا شي
التولة ب15 دينار شي جذي
المسك الأسود اللي أهو مسك الطهارة ينحط بعد الدورة >> على مكان سريان الدم والتولة ب 90 بعد ( انا ما استخدمه صراحة ) لأنه يقولون ريحته مو شي

ريحي نفسج وييبي المسك الأبيض او مسك العروس يهبلل
اياني واياج تحطين مسك المكعبات على جسمج وبشرتج
اللهم بلغت اللهم فأشهد ...

 

[نوناتي حياتي]

الروح تهواه مشكوره حبيبتي عالتنبيه !!! وانا صج مادري توني استوعبت اني ماسألت لمن شريته راعي المحل اهو حق شنو بالضبط؟!!!

انا صراحه لمن بشرته صغار حيل عرفت ريحته بالضبط نفس بودرات المسك شاريته من تاجره اهني وكاتبه انه للمنطقه الحساسه وآمن !!!!

انا صراحه كتيت علئ جسمي بعد تروشت ولمن نمت انغمت من الريحه اول ماقمت سيده سبحت انغثيت من الريحه قلت يمكن لاني حامل واصلااكره العطور !!

 

[نوناتي حياتي]

بنات المسك يعني بس للكبت والملابس ماله استعمال ثاني ؟!

 

[أدعج غنج]

حبيبتي مسك المكعبات لا تحطينه على جسمجججججججججججججج
ديري بالج ترا
مسك المكعبات ينحط بالكبت ... بين الملابس وبس ! لإنه مو مسك طبيعي ( فيه مواد شمعية ) وفيه ناس يسببلهم حساسية ومو زين ابدا حق الجلد

المسك اللي حق الجسم وريحته تهبل >> المسك الأبيض واهو اول ما تقوليله جذي راح يعطيج ياه >> اهو سائل أصلا ما تحتاجين تجهزينه ولا شي
التولة ب15 دينار شي جذي
المسك الأسود اللي أهو مسك الطهارة ينحط بعد الدورة >> على مكان سريان الدم والتولة ب 90 بعد ( انا ما استخدمه صراحة ) لأنه يقولون ريحته مو شي

ريحي نفسج وييبي المسك الأبيض او مسك العروس يهبلل
اياني واياج تحطين مسك المكعبات على جسمج وبشرتج
اللهم بلغت اللهم فأشهد ...

صح كلامها ...البنات الله يهديهم عبالهم المكعبات للجسم
هذيل بس للملابس والكبت وهالسوالف ...

 

[&موناليزا&]

عزيزتي رفع لعيووووووووونج

 

[أحلى قصة]

اب اب