تعبت خلاااااااااااااااااااااااااص مليت من عيالي

[! بنت العاشره !]

اكتب لكم ودموعي :eh_s(16):



والله جد زهقت مليت ما شاء الله عليهم جنوني

ابي اعرف منو مثلي وشلون متحمله

احس اني خدمه 24 على 24



عيالي هواش مع بعض في كل وقت وفي كل مكان وزمان :j013:

مع انهم كبار البنت عمرها 9 والولد 8 والباقي صغاربنت 4 والولد 2




والمشكله معاي في الطلعه وفي البيت وفي كل حته
وهم بكوم وهو سي سيد بكوم يحط حرتهم فيني

والله مرات افكر افتح الباب وارمي نفسي من السياره :eh_s(1):


وهو يطلع بروحه ويرخي اعصابه ويرتاح ولا جى يبيني دايم مبتسمه دايم ريلكس

شلون وهالضغوط علي:eh_s(14):



احس حياتي تعيسه ممله والروتين ذابحني
واللي زايد بعد اهلي في السعوديه والا كان اروح لهم بعض ايام الاسبوع

اقط عيالي عندهم وارتاح


:eh_s(16)::eh_s(16)::eh_s(16):


مليـــــــــــــــــــــت

 

[ZajiL]

الله يكون يعونج

 

[LA TROO7]

الله يعينج

بس اول الحل انج تقنعين نفسج ان هذول عيالج مالهم غيرج وشيلي فكرة تعبت وتعبت ادري صعب بس حاولي

الكبار خلي الولد يطلع مع ابوة شوي او خليه يلهى بلعبه تناسب سنه او فيديو

البنت خل تذاكر تلعب ويا اختها الصغيرة

الصغار قعديهم مبكر عشان ينامون مبكر وترتاحين

اجمعيهم مرة وسولفي عليهم من ذكرياتج لما كنتي صغيرة

خلي البنت والولد الكبار يرعون اخوانهم الصغار

احس بس يبيلج ترتيب شوي معهم

 

[! بنت العاشره !]

مافي فايده يا الغاليه

اذا قعدتهم مبكر نامو مبكر حييييل يشبعون نوم بسرعه

وبعدها قامو الفجر على اربع او يمكن ثلاث

والكبار هم مافي فايده البنت ما تدرس الا اذا انا امسكها ادرسها وتغار تخيلي من اختها الصغيره

والولد ما يحب الاكترونيات شاريه له بي اس بي وبلاستيشن على الطل

حركي هو الله يصلحه


ومشكوووره

 

[كويتيه وافتخر]

الله يبارك لج فيهم
تحمدي ربج عالنعمه اللي انتي فيها اول شيء

المال والبنون زينه الحياه الدنيا

اولا البنت كبيره صادقيها خليها رفيجتج بس نزلي لمستوى تفكيرها وخلي قلبها على قلبج راح تهتم اهي براحتج وتحرص على رضاتج وتشيل كل شيء عنج
والولد الكبير لزقيه بابوه

الصغار اسم الله عليهم رتبي جدولهم وقت لعب وقت نوم وقت رسم وقت يقعدون يطالعون التلفزون
وجذيه ترتاحين

 

[زهر وردي]

سوي لهم نظام لحياتهم ووقت للعب ووقت للدراسة ووقت للنوم وبوقت نومهم انتي ارتاحي شوي

او خلي ابوهم ياخذهم شوي عنج حتى لوساعه يوديهم حديقة العاب بحر اي مكان بس يصدون عنج شوي

وتذكري دايما شتسوى حياتج بدونهم

الله يخليهم ويصلحهم ويهديهم

تحياتي

 

[د.شريفة]

الله يحفظهم كل اليهال جذي
ادعي لهم بالصلاح والهدايه

 

[مذهلة كويتيه]

اااااااااااااااااااااخ يابنت العااااشره والله العظيم نفس الحاله موبس انتي والله مافي وقت لعمري كله لهم وسي السيد يبيج بس تضحين وتلبين طلباته الزوجيه وحتي لوكنتي تعبانه ومرهقه والله مايجي اللليل الا منهد حيلي الله يرحم حالنا ويريحنا ويصلحهم ويهديهم الزمن تغير والجهال صار غير احنا قبل شحلاتنا عاقلين واهلنا مرتاحين من غثانا ولايدرون حتي عن دروسنا والله مرات اطلع مع خواتي وانحاش من البيت بكبره ومايمديني اعيش حياتي ساعتين الا تلفونات وينج نبيج يمه خخخخخخخخخخخخخخخ مافي فكه والله مرات افكر اهاجر بروحي بدون احد هههههههههههههههههههههههههه لاتلوموني الجهال كل شي متوفر لهم بس صايرين يغارون من بعض وهواش وتقولين حلبة مصارعه موبيت وخلاص الحين الالعاب ماروح وياهم مثل قبل _03BA:اقعد بروحي اعيش حياتي واتسنع وتفرك واشوف التي في :dddds:واشوف عمري تقولين كني مبشره :dddds:
واقول لابوهم طولوا بالالعاب لاتردون بسرعه :dddds:

 

[غلاي غير]

الحمد الله على كل حال

يارب نعمه ولك الف الحمد والشكر

ادعيلهم بالهدايه والصلاح

الحال من بعضه

 

[بنت العمدة]

الله يكون في عونك وادعي في كل صلاة ان الله يهديهم لك

 

[ثلاثينية]

الله يعينج
الكل يشكي من هالحال

 

[برونزية رشيقة]

الحل تشركين الولد الكبير في نشاط : مثلا حلقة تحفيظ قرآن بالمسجد التابع لمنطقتكم .. أو نادي الشباب .. أو جمعية إحياء التراث أو جمعية الأصلاح ..................... مادري إحد هالأماكن إللي عندها انشطة مسائية ..

البنت نفس الشي تشترك بنادي للبنات ... يعلمونها حفظ قرآن وتلاوة .. ورسم عالحرير وعالزجاج .. وكمبيوتر .. وطبخات بسيطة ....

الأثنين الصغار : مهمتج تلعبين معاهم يا بألعاب يا تلوين يا تركيب يا تتابعين معاهم توم أند جيري ... وتضحكين معاهم ... وقتج مع الصغار ...

وصدقيني الكبار إذا فكككوا عن البيت ولهوا بالأنشطة بيردون مشتاقين لج وللبيت وراح يكونون صداقات يديدة وراح تتقوى شخصيتهم ...

وهذا سي السيد .... دشي قسم الحياة الزوجية تثقفي شلوووووووووووووون تتعاملين معاه !!!! مو حل هو عايش حياته وكلشي على راسج بروحج !!!!

الحل الكبار : نادي العصر أو المغرب ..

الصغار : تلوين وألعاب و تلفزيون معاج

 

[بسبوووسه]

تعوذي من ابليس

 

[توت عنكبوت]

ادعي لهم دايم بالهداية

وحاولي تشغلينهم عن بعض

 

[alhekma]

نفس الحال الله يصلحهم مرات من كثر ما أزهق من الهواش وما فيه حل أسوي حلبة مصارعه وأخليهم يتهاوشون وإللي يفوز أعطيه هديه.

 

[sara999]

السلام عليكم ويعطيج ألف عافيه ولا تنسين ان الجنه تحت أقدام الامهات عشان شنو ؟؟؟؟؟؟ عشان كل شي علينا وفوق هذا رحومين ولاسباب عده بس انا اذكر هالسبب للموقف المذكور
الموهم.... انتي يا وخيتي لازم تراجعين نفسج وتحطين لج نظام لحياتج وياهم تغصبينهم على راحتج ...
يعني علميهم وجهيهم خليج صارمه وياهم يعني البنت ماشاءالله مرا عمرها 9 لا تعطينها مجال تضرب وتنضرب والاصغر علميه انه رجال وانه يفرض احترامه بطريقه مشروعه واكثر هدوء وان الرجال ما يتصرف جذي عشان تسهل عليج معامله الصغار يشوفون الاكبر ويقلدونهم
وبقولج شي مهم وايد يغفلون عنه الحريم ... السي السيد ترى يمل ويزهق من حرمته والبيت دام حرمته مالها نظام السي السيد يحب الانضباط ويجي يلاقي عياله يحترمون يعض وهادين ويدارونه ويدارون راحته جذي بيتعلق بالبيت وفيج
حاولي لو تحاربينهم ازعلي عليهم لا تكلمينهم والله يتوبون

 

[عاشقة متعب]

اول شي الله يعينج..
ثانيا؛حمدي ربج
ثالثا؛ اشتريلهم دي في دي بلير وسيديات من بونص يهبلون ويوصل البيت وينشغلون فيه
رابعا؛انا والله عيالي اذا ماناموا وتعبوني ..اوصل حدي واوقف.. اشربهم 2,5 ملي من الدوة السري..اكتفيد كولد اند كوت سالت الطبيب والصيدلي مايضر ورفيجاتي كذلك واهو اصلا حق النشله والبرد وعيالنا صيف شتا مراضى
خامسا؛ خليلهم غرفة تلفزيون والعاب وبلاي ستيشن وزحلاقية (ترفيهية من مجاميعه) والنظام انه مايطلعون منها الا وقت الدراسة عالمكتب او وقت الاكل علغرفة الطعام او اذا ملوا عالحديقة..
والله يساعدج .. طولت عليج ,, تقبلي مروري .. واذا نفع رديلي عالخاص

 

[شمع تحترق]

حبيبتي انا دايما اقول ان الشغاله احسن منا كافي ان اذا ما عجبها البيت تنحاش و احنا ما نقدر ننحاش

شوفي يا قلبي الام مدرسه و مثل ما قالوا لج الحبيايب اذا ما رتبتي وقتهم ما راح ترتاحين و الانسان يحتاج للهدوء شوي

عشان جذي مسكي البنت الكبيره على جنب بروحها و قولي لها أنتي الكبيره و المفروض تساعديني على اخوانج لان لو مرضت لا سمح الله بضيعون عشان جذي لازم اديرين بالج على خوانج و البيت انتي الام اذا انا مو موجوده و لازم تخلين اخوانج يحترمونج مو بالطق لا خلينهم لما يبون شي ايون لج لانج الكبيره يعني عززي ثقتها بنفسها و كبريها بعين روحها

و الصبي نفس الشي الكبير و شوفي في وحده منزله موضوع و انا كاتبه لها طريقه اتعامل اعيالها فيها و تري زينه حتي حق البنت الكبيره بس طبقيها بحط لج الرابط

و نومي اليهال مبجر يعني الساعه 8 بالكثير دخليهم فرشهم و خليهم يسبحون قبل النوم عشان ينامون نومه طويله لان السبوح حق الياهل ينومه

لازم ترتبين وقتهم و لا ما راح ترتاحين وهم عشان لما يرد ابو الشباب البيت يلاقيج فايقه و رايقه حقه و هم عشان صحتج حبيبتي تري محد بينفعج و الريل اذا كل شوي بتشتكين له من اليهال و بتخلين البيت جذي فوضي تري بهج و لا تستغربين اذا تزوج لان اهم مو مثلنا يتحملون لا اتيبين طاري اليهال حقه الا اذا في مشكله كبيره او موقف مضحك اشتريه خليه يحب البيت و يحب القعده معاج

و هذا الرابط تري ولدي الكبير بعمر بنتج و قايده معاه الطريقه

http://q8yat.net/showthread.php?t=331025

 

[doooora]

اشغليهم قد ما تقدرين

 

[الحــــــلا كله]

سبحان الله نفس حالت امي اخواني 3 ورا بعض
وكلا طقني واطقك
مره من ككثر ما طفرت منهم البست عباتها وقالت انا بنحاش وبروح عند اهلي
وبجو يا حياتي
بس يوم يومين وردت حليمه لعادتها القديمه


الله يصلحهم ويهديهم
ادعيلهم بالصلاح