تعبت حيل من دنيتي

[om-3azo-83z]

صدقيني مبين عليه هذا دام ما يبي يلزم بعيال ناوي على بلوه حيييييل يسحب بفلوسج تلاقينه يخليهم رصيد و اخرتها ياخذ وحده يحبها و يتزوج و اييب منها عيال و انتي مسكينه طيبه ساكته و راضيه

 

[نونه المنكوشه]

حبيبتى عسى ربى يفرج همج ويرزقج من حيث لاتحتسبين بس مايسير اتخلينه ياخذ معاشج خليج قويه شوى ترى بهالزمن الطيب يستغلونه انا ماقول صيرى خبيثه بس كونى طيبه + قويه لاتخلين احد يستغلج حتى لوكان زوجج اواهلج والله يوفقج

 

[لمى...]

تنرفزين الصراحة ليش ياخذ تعبج راتبج شهالسلبية

حبيبتي صج الحمدلله عالصحة والأكل والشرب بس الحياة مو بس جذي

دافعي عن حقوقج اللي ياخذ فلوسج جذي مامنه آمان أبدا بكرا بيتزوج بفلوسج

قهرني ريلج حييييييييييييل وقهرني استسلامج اكثر

 

[*lavandula*]

شصاااار
خاطري اعرف شسوى يوم كنسلتي البطاقه
نصيييييحه اجلي موضوع الحمل حاليا لين تعرفين مايته
توش صغيره لاتبلشين عمرش بيبي نصيييييييحه

 

[ام عثمانو]

صارت مشكله كبيره وانا بروح بيت اهلي بس تعبت تعبت من تكبره وعنجهيته لازم يعرف حدوده خلاص كافي استسلام حلاص انا صحيت
وانا اللي قلت له ترا كنسلت البطاقه ومحد يقص راسي اللي ركبه واللي تبي تسويه سوه وانت رايحه بيت اهلي قال باللي مايحفظج انا تسوين فيني جذي
قلت انااا ؟؟ انا شنو سويت ماقصرت معاك بشي انت الي حارمني من كل شي
قال اقوووول كرمينا بسكوتج احسن .. ورحت بيت اهلي وابوي بيقعد معاه وبيتفاهم

 

[جلكسيه اس 3]

زين اتسووين فيه
ترا ماعنده شي واضح قالج اكرمينا بسكوتج لان اصلا ماعنده شي يقوله
وانتي لاتعطينه ويه ابد اهو الغلطان مو انتي

 

[*lavandula*]

ماعليش منه
المثل يقول لاتبوق لاتخاف
انت على حق