تعالو شوفوا هدية بنت حماتي ....لو مو الحشيمة

[وردة الكاميليا]

السلام عليكم​

والله مودري من وين أبدي الكلام آنا الي أعرفه لما تغدرين الوحدة سواء ولادة أو صوغة تغدرج صح ولا آنا غلطانة لا ومو بس هدية لا وفلوس بعد وأقل شي أوجب فيه 50 لي 200
آنا طبعا أقصد حمولتي والزبدة بعيالي الله يحفظهم ما شفت منهم شي يفرح القلب حق الجنة ييبون كاكاو وآنا الي بعمري ما بخلت عليهم الكاكاو آخذه معاي بلزوارة مو أوجب فيه
والله يا بنات ببجري حماتي جابت لي صحون بلاستك للبيبي بعلبة شكبرها حتى انحرجت جدام أهلي
وبنت حماتي أساس الموضوع جابت لي بدلة من ملوت أخوها عشان حماتي اولدت قبلي بجم شهر والحين أقول لكم اشلون عرفت
أول ما طلعت البدلة من البوكس حسيتها مو يديدة مو مشكلة بس البدلة وايد صغيرة وولدي ما شاء الله عليه كمل الشهرين ما عليه قلت خل أروح ماذركير أبدلها والصًدمة


















البدلة موديلها مال العام والفلبينية اتضحك وتقولي من وين جايبتها هاذي مالت العام وسعرها بالتنزيلات 1,5 والله صدمة
لو انتو مكاني شتسوون؟

والله يا بنات اني حاطًتهم فووووووق راسي ويمكن الغلط اهني
آسفة طوَلت عليكم بس صج محترًة




على فكرة السالفة صار لها فوق 4 اشهر بس مو قادره أشيلها من راسي:krkrkr:​

 

[دلع86]

عاااااااااااااااادي صارت عندنا مناعه من هالسالفه وايد نااااس جذي مايعرفووون يوجبووون ويفشلووون بالهدايا الي اييبونها يعني ياتييبيون شي سنع ولا بلاها

والله انا اختي شتسوي الي تييب لها هديه تفشل ولا مبين انها مالت احد ثاني ولا مستعمله تخشها ولمن تصييير مناسبه حق البنت الي يايبه الهديه تردها لها لووووووووول

بس انا استحي اسوي هالحركه

 

[الأميرة الحزينة]

يمعوودة طنشي ياما بتشوفين .. انا مرت اخوي مرة يايبتلي بولادتي تبانين مسوين عليهم سييل تخيلي وبجيسهم حتى مو مغلفتهم
وانا لمما ولدت بس الورد اللي وديته ب30 دينار تقريبا ددبدووب وردي عووووود وماسك ورد جوري حاضنه غيره الهدايا وشوفي اهي شيابت بس عادي لما ولدت ودديتلها ككاو وبس ..

 

[ماركة انثى]

عادي طوفي حبوبه


اللي يقدرج قدريه واللي مايقدرج طنشيه وارتاحي ​

 

[جولينار]

احيان تحز بالخاطر هالمواقف


بس انتي سوي اللي عليك ولا تنتظرين جميلة احد

 

[(((امورة)))]

عادي حياتي انا توني ولادة تخيلي حماتي معطية امها هديت ولدي عشان تصرف فيها وحمواتي الباقيات ولا جابو لي شي لا وزيدج من الشعر بيت حريم احمويني ولا وحدة جتني وانا اللي كنت اروح واوجب بس محد وجبني بس حلفت بعد ما اوجب اي احد من اهل زوجي

 

[آنا من دونك أندمر]

بنات والله احسن شي اللي بتوجب تصير كووول >> قولي شلون؟؟ >> شلون

سواء زايرة وحدة والده .. وحده مريضة .. وحده راده من السفر .. إلخ..

الهدية خليها دايما بوكيه ورد وحلو.. >> والله من صجي

مو تقولون فشلة ما فشلة

أما اذا شخص موجبج ومحترمج.. >> لا والله أعطيه عيوني

 

[وردة الكاميليا]

مشكورين حبيبات قلبي هوًنتو علي اشوي وسالفة حريم حمواني يبيلهم موضوع من 5 صفحات

 

[المرتاحة]

الله اعلم يمكن ما عندهم المبلغ

وكل واحد يوجب على مقدرته المالية و لا يضغط على عمره

او يمكن معتبرينج وحده منهم مو غريبه او يمكن ما يعرفون ينقون هدايا وايد احتمالات بس انتي لا تكبرينها براسج

كافي انهم زاروج و تحمدوا لج بالسلامه و الباجي خليه على الله

 

[*بنت غير*]

حبيبتي أهم شيء قومتك بالسلامه وإذا على هديه حمااتك أعذريهاا يمكن ماعندهاا فلووس أو ماكانت حااطه في باله إن بتزورك بهالوووقت ووسعي صدرك وريحي عمرك وعيشي حيااتك موووفقه

 

[لكـ الغـلا]

آمبي @@@@
وليش متعبه قلبج وحآره عمرج
طــآآآآآآآآآآآآآآآف
طنشي يمه طنشي ولا تنطرين من آلناس شي << آخذيها قاعده .!!

 

[جذابه بنت ذيابه]

حبيبتي .. اهم شي رد الجميل ..

ولا تنطرين شي من احد ..؟ يا الغلا

 

[ام زاكي]

انا اعرف وحده زوجها مايرضى لها تجيب هدايا حق احد واهي مو موضفه ولا يعطيها زوجها شي يكفي انها تشيل منه هدايا حق احد
فبتبدي نفسها وعيالها على المواجب
التمسو للمؤمن سبعين عذر

 

[miss_jamsheer]

والله مادري شقولج طااااف كافي انهم زاروج وخلاص اذا عالهديه مااعحبتج عطيها حق اي فقير او بيت زكاة او اي احد صج اتحز بالخاطر انتي توجبين وحالتج حالخ وماتاخذين الا الغالي بس شتسوين راح تصادفين وايد جذي ناس

 

[كليـ دلعـ]

لاتتضايقين حبيبتي

العيب موفيج

كل مافي الامر ان نفوسهم دنعه!

مره ثانيه لاتوجبينهم واهم موكفووو

ونفس مايابولج يبيلهم

ولاتعطينهم اكبر من حجمهم

 

[BiiShOoO]

طنشي شبتسوين بعد

 

[وردة الكاميليا]

أحترم راي كل وحدة ردَت علي وجزاكم الله خير يا حبيبات قلبي

 

[نشيج الروح]

ما تقصرين على هالهدايا الي تعطينها لهم ... وهذا كرم منج ... بس الناس مو مجبورة تييب لج هدية بقيمة الهدية الي أنتي تشترينها لهم ... ولا من حقج تتشرهين ... لأن الي سويتيه لله ومو للناس ولا غصب .... لا حبيتي تدخلين بايدج هدية أو خالية أنتي حرة بالنهاية الناس بستانس بشوفتج والي بايدج يزيد من فرحتهم لكن ما يمحيها ...
وممكنن مو حلوة الواحد اييب هدية مستعملة ... لكن عادي لا ياب هدية بسعر رخيص ... أو ياب كاكاو ... ما فيها شي ...يزاهم الله خير أنهم ذكروني وزاروني وتحمدوا لي بالسلامة ...
وإن شاء الله المرة الياية اييبون لج هدية أكبر وأحلى بس لا تشيلين بقلبج والي تسوينه لا تنسين أن لله

 

[nono93]

سووووووي خير وقطي بحر
ادري موووووقف خااااااااايس


انا اقول واجهيهاااااااا
قولي لها

وي فلانه طلعت البدله صغيروووووونه

ورحت ببدلها اضحكت الفلبينيه تقووووووول هذي مالت العام

وانتي قوليها بضحكه قولي خلاص بخشها لولدي الثاني ان شالله

>>سويها وراح تتفشللللللللللللللللللللل<<

 

[امل يائس]

ان لم تستحي ففعل ما شئت