تعالوا لكل بنت وحيدة امها ماعندها خوات تدخل ندردش

[miss thrba]

اي لاحظتي لووول


والله مو مني من الملل



انا من دخلت هالمنتدى كله لون اسسسسود


بس ما ادري شنو يايلي



العمر كله حبيبتي ..

 

[Miss.6Mo7]

لووووووووووول .. عسى ـآ أيآمج تكون عكس هاللون ياااااارب

 

[miss thrba]

أجمعيــن يآآرب ..

 

[بندوله مصدعه]

هاااااااااي يا حلوين
حتى انا وحيدة الماما والبابا
واصغر وحده بين 4 صبيان
وعمري 20
وحاسه بكل اللي تقولونه

 

[Miss.6Mo7]

هاااااااااااااااياااااات حبيبتي ...

والعمر كله يااااااااااااارب .. زين جآوبي ع سؤال حبيبتي مسسسس وقولي لنآآ شلون علاقتج مع أبوج وأمج ؟

 

[miss thrba]

هلا والله بندوله مصدعة

حيآآج الله حبيبتي بين خواااتج ..


والعمر كله ..

 

[miss thrba]

هلا حبيبتي مسسسسس ..

امي تهبل ماشاءالله تنحط على الجرح يبرى ..


بس ابوي ماكو علاقة بينا اللهم سلام وعليكم السلام اهو خلق هالجو بينا وحتى مع اخواني علاقته جذي

طفولته كآآنت وايد غيير فـ الحاجز حيل كبير بينآآ

مع اني بطفولتي كان حيل معآآي ما ادري شنو اللي تغير واستحي منه وايد

واابوي فيه طبع مو حلو لا تروح ولا تييون وهالشي يضيق الخلق زياده والله يعين

 

[softlady]

هاااي بنات اشلونكم


بالعافيه عليكم وتقبل الله طاعتكم


مس بسألج شنو هذا الي بتوقيعج

 

[Miss.6Mo7]

مـس .. الله يخلي لج أميمتج يارب .. لا تلومينه والله الزمــن أقشششششر !!

softlady .. هذآ السكوير عندنآ بالإدآريه شرايكم فيه ؟؟..
إنتي وين تدرسين :$

 

[softlady]

من صجج !!

هذا وييييييييين بالكويت ؟؟

ما اتوقع !!

انا اشتغل وخلصت من زمان الحمدالله

 

[Miss.6Mo7]

أهآ .. الله يوفقج ياااااااااارب .. لوووووووووووووووول شكو وين بالكويت
هذآ عندنآ بكليتنـــآآ .. جد جد كليتنــآآ ع المغرررب شي مو طبيعي !!
جم عمرج ؟ < ماخليت وحده ماسألتهـآ جم عمرج لووووووووووووووووووول

 

[ياااقوته الكويت]

السلام عليكم يااحبايبي

ام فهوودي

حبيبتي شلونج؟ والله عورتي قلبي ..والله يرحمهم ويخليلج اميمتي وولدج وزوجج وان شالله تلقين العوض فيهم يارب

وكلنا اهني خواتج لا تضايقين ولا شي.. واي شي متعبج ! مالج الا تكتبينه اهني وكلنا لج .. ويارب يبعد عن الضيج .


برونزيه نعومه كتكوته

الله يخليلج اخوانج ويحبب زوجج فيج اكثر واكثر

والحمدالله ان الوحده اذا تزوجت تلقى الزوج يصير لها الاخ والاب والصديق ويمكن هالشي يخفف شوي

من احتياجنا لوجود اخت حوالينا



فديت روحي

تدرين ذكرتيني بشي ..!!!

قبل لا اتزوج بفتره طويله مرت علينا انا وامي حاله جااااااااافه جدا !! قل ارتباطنا بعض والسوالف وكل شي والله تغير

وصرنا ما انتحمل من بعض كلمه ومرات يمر علي يوم او يومين بدون ما انتشاوف تخيلي!!

ووايد تأثرت وتعبت نفسيا وكنت اطلب رضاها ..بس كنت اشوف ان عادي عندها ييت او رحت!!

لكن من تزوجت وعرفت معنى الامومه .. عزمت اقرب لها وارد لامي حبيبتي لان هالحال متعب

خاصه لما تشوفين ان اللي المفروض لج يرووح لغيرج ( حنان الام )

وقعدت ويااها وتصارحنا وبجيت تحت ريولها ..وسألت ليش يما؟ ليش بعدنا؟ ليش هالجفاف بينا؟ ليش احساس الغربه وانتي يمي؟

ليش احس اني يتيمه وانتي موجوده؟!!!!!!!( ربي يخليهاااا لي )

واكتشفت اني انا السبب !!! تخيلواا !!! انا كنت معيشه نفسي بتعب وضيج وكله من رااسي!!

وقالتلي يومها اني انا بعدت عنها وصار اهتمامي بدراستي وكليتي وزوجي واني ماقمت اقووولها كل شي

واني استغنيت عنها برفيجاتي وطلعاتي والنت اللي مجابلته !!

وصحيح كلامها انا بعدت !!! يااااااويل حالي... ياارب رحمتك

بستها وتساامحت منها .. وتصاالحنا ولله الحمد لكني عرفت ان امي تغار علي !! ( مو غيره مرضيه )

لكن مهما كان بنتها وحيدتها وطول الوقت راسي براسيها اكيد بتغار علي شوي...

فما ادري راجعي نفسج وردي لامج وروحي صارحيها وكلميها وربي ان شالله يصلح حاالكم حبيبتي


Softlady

النور نورج ياقلبي ونووور خواتنا الحلوين.. وتسلمين يااقلبي

من صجج لا توصين خلاااص كل شوي بطل عليكم <<<< الله يعينكم!!


Miss thrba

هلااااا يااقلبي .. تدرين بس ذكرج لنكي يفرحني والله

والعمر كله ان شالله .. واغلب الاباء جذي لا تييون لا تروحون لا تأخرون ماله داعي !!!

عااادي تكت ايزي ... وموفقه خير

 

[Miss.6Mo7]

وعليكم السسسسسسسسسسلآم يآهلا ..

شلووووونج ؟؟

 

[عزوتي محمد]

هلا هلا هلا لكل وينكم وبرد عليكم وتعالو ليش ياحلوات ماردوتوا على اللى مؤظفة تقول وين \وتعطىنا سوالفها بدوام البنات اللى معاها شلون فاهمينها اولا\يالله نبى نسولف

 

[عزوتي محمد]

ياااقوته نورتي يا قلبي الله يحفظلج عيالج واخوانج ويطول بعمر الوالده يارب

وكل يوم نبي نشوفجبينا تسولفين وتفضفضين


ام فهود حبيبتي نورتي يا قلبي ولاتضايقين روحج الله يخلي لج فهود ويسخر لج زوجج يارب


عزوتي ومس طموح اشلونكم حبايبي

ياقلبى واحبج بالله احس انج صاحبة اطيب قلب خليج معاى بهتجمع ولكل البنات خليكم معاى و ياخواتى شاركونى بسولفكم خلونا خوات نسولف ونسال ونضحك

 

[Miss.6Mo7]

عزوووووووووتي .. نكي مس طموح

 

[عزوتي محمد]

مشكوره يالغاليه علي الاهتمام بس ما ابي اجذب وانا صايمه واقول اني بخير والله اني من قريت ردج نزلت ادموعي صج زوجي مو مقصر بس يبقا ريال علي طول مشغول الوحده منا تتمني اتروح مع خواتها سوق والا مطعم بس الحمدالله علي كل شي عاد تصدقين ان عندي خوات زوجي 5 بس كلش مو صوبي كثر ما حاولت اتقرب منهم ما يبون شغلهم معاي رسمي ومن بعيد حتي بجمعاتهم ما يفكون انهم يعزموني معني والله علي طول اوجبهم بس الله يصلحم ما يدقون الا اذا يبون شي لا ومرات بعد يقولون حق زوجي ما يدقون علي
ضيقة خلقكم علي هالصبح ميخالف سامحوني وعذروني

ياحياتى والله برد بس علق المنتدى ياحياتى مشكورة الانج رديتى وامسحى دموعج والله انا اختج وكل البنات بهتجمع الانا كلنا نفس الوضع ويارب يسخرلج فهد وابوه وياحياتى والله مرات اطلع السوق مع امى وهى كبيرة وتتعب والله ارجع وانا ماسويت شى وابكى لين اتعب ابكى اولا عليها لانه كبرت شوى وعلى حالى مالى احد بهدنيا انت خوات زوجج واقول لى خوال وخالات وبناتهم ولابحياتى شفتهم مابى اكمل لانى نسيت من زمان العزوة وبعوضها فيكم وخوات زوجج ادعى من قلبج الله يحنن قلوبهم عليج وحاولى ولاتايسىن من رحمة الله وانا استانست لما فضفضتى ولاتقولين ضيق خلقكم كلنا خوات ونحب بعض واحبج بالله وكملى على مدار الساعة نسمع بعض

 

[عزوتي محمد]

عزوووووووووتي .. نكي مس طموح

ياحياتى ياحلو النك وراعيتة وسمعينا سوالفج شسويتى لتجهيزات العيد _03ba:

 

[عزوتي محمد]

هاااااااااي يا حلوين
حتى انا وحيدة الماما والبابا
واصغر وحده بين 4 صبيان
وعمري 20
وحاسه بكل اللي تقولونه

ياحياتى والله والله يخليلج اخوانج عزوتج وبعد الحين كلنا خواتج وكلمينا عن نفسج ياقلبى

 

[sweet lady]

بناااااااااات الله يخليكم انشالله لاهلكم وعيالكم بصراااحه الموضوع عجييييييييب والله من قريت العنوان شدني ودخلت بس معاناه الله يبعدها انشالله من بعض العضوات اللي قريتها حبيت اشاركم الله يسعدكم انشالله ويرزقكم ويبعد عنكم الاحزان والله وانا اقرا دموعي تسييييل ااااااااااااه ماادري شقول .................................
انا الحمدلله عندي خوات واخوااان ,,,,,,,,, ادري داشه غلط واشكر صاحبه الموضوع