تعالوا شوفوا النصب بعيينه !!!

[دلوعه زوجها]

السلام عليكم ورحمه الله وبركاته

اول شي ياااااااااااااااااارب يرزقنا كلنا بالحمل ونشوف عيالنا بين ايدنا وماتطوف هالسنه إلا وكلنا حمل اللهم امين

انا اراجع عند دكتوره ماجده اليتامي و قبل فتره رحت حق طبيب ثاني وقالي سوي منظار علاجي يمكن يفيد معاج احسن ماتستعجلين وتسوين انابيب وانتي توج صغيره خليها طبيعي احسن

المهم دقيت علي عياده ماجده سألت بجم المنظار قالولي ٥٣٠ انا طبعا انصدمت من الرقم ماتوقعتها جذي غاليه جان ادق علي مستشفي الراشد واسألهم جان تقولي ب ١٩٠ وفي حالات ناخذ عليهم ٢٦٠ تخيلوووووووووو

عاد انا قررت اني اروح واحول ملفي حق الراشد واااايد ابرك منها بس يابنات بسألكم منو احسن دكتور او دكتوره بالراشد ؟

ابيه انا للحين مو مصدقه انها نهيبه جذي وانا طايحتله مراجعات وابر وسونرات عندها والله مصت دمي يمكن ب ٧ شهور فوق الالف مابين ابر واشعات وادويه وكله كلام فاضي مافاد معاي وراسها والف سيف إلا اسوي طفل انابيب مع انه الدكتور قالي تقدورن تيبون طبيعي بس يبيلها صبر واتكال علي الله سبحانه وتعالي

وياااااااااااااارب مانحتاج حق اطبه ونحمل كلنا هالشهر واولنا اختنا ضي الايمان ياااااااااااااااااااااارب

 

[اكسبلانكا]

مادري حبيبتي انشالله البنات يفيدونج بس ما حبيت اطلع من غير ما ارد عليج ولو بدعوه
ربي ايسرلج امورج ورزقج ويرزقني معاج وباجي بنات منتدانا بالذريه الصالحه عاجل غير آجل يارب العالمين

 

[كويتيه مذهله 87]

كل الدكااتره جذي


بس انا شخصيا ما احب الرااااشد

ربي يرزقج هالشهر طبيعي ياارب

 

[دلوعه زوجها]

ياعمري والله يرزقج انتي بعد ويرزق كل البنات المحرومين امين يارب العالمين

 

[. رايا .]

حسافة
عاد أنا سويتها عند فوزية القطان اب 500

 

[Hello_kitty]

حبيبتي شكثر صارلج متزوجه؟؟ جربتي التلقيح الصناعي؟؟ شنو المشكله اللي عندكم عشان اهي مصممه على الأنابيب؟؟

ونصيحه وهالكلام اردده حق اي بنت قبل لا تروحين وتفتحين ملف بالرشاد استخيري اكثر من مره ان الله يسر امورج معاهم اذا فيهم خير لج

وان يدليج على احسن دكتوره ما تتعبين معاها بالعلاج وتككون سبب في حمالج

 

[mosta7eel]

الله يرزقج الحمل الطبيعي
بس مثل ما قالو خواتي استخيري
وسالي ليش الفرق بالسعر جذي
شنو الفرق بي الاثنين

 

[دلوعه زوجها]

مشكورين ياقلبي علي ردودكم وانا حتا ذوجي مو راضي يخليني اغير ماجده يقولي حتا لو غاليه اهي احسن وحده بمجالها
الله كريم ان شاء الله قادر يشفينا كلنا اللهم امين

Hello_kitty شيكي الخاص حبيبتي رديت عليج

 

[miss_uk]

حبيبتي نصيحة من مجربة والحمدالله انا اللحين عندي بيبي وان شاء الله الثاني بالطريج

انا فريت الكويت والعالم بالعلاج
نصيحة منظار انسي لا تفكرين وهذا كلام اكبر الاستشاريين بالعالم موو دكتور خريج ماستر مادري من وين

المنظار ممكن ما تعالج وممكن تسوي مشاكل والتصاقات بالمستقبل

انا اول مشواري جربت منشطات لين شبعت وما حملت وكل الدكاترة اجتمعت انة علاجي المنظار الا لما سافرت برة قالي الانابيب حلج وقالي لو عندج شيء مثل بطانة ولا التصاقات الحمل يعالجة من غير اي تدخل علاجي

الحمدالله وفضلة سمعت كلامة ودعيت والحمدالله حملت وولدت

عاد بعد ولادتي حملت من اول شهر علاج بالكويت لانة مثل ما قال احتمال الحمال عالج

اي شيء جراحي خليه آآآآآآخر الحلول
بعدين لو هالدكتور فاهم شلون يقولج توج صغير على الانابيب حبيبتي نسبة النجاح تزيد مع صغر العمر وتقل بالعكس وهذي دراسات عالمية

هذا مادي يبيج تسوين عندة باي طريقه

هذا رايي وانتي كيفج

 

[دلوعه زوجها]

حبيبتي والله مشكووووره وماتقصرين وصج صج خرعتيني ماراح اسويها ابدا وبرد اراجع عند ماجده وان شاء الله خير

والله يهنيج بالبيبي ويرزقنا انا وكل خواتي هني بالقسم امين يارب العالمين

 

[miss_uk]

مشكورة حبيبتي وان شاء الله تبشرينا ونفرح لج

انا اعرف بنات ادمان منظار لأنة اهو اذا شال شيء ارد مرة ثانية ويمكن اكثر

فا كل سنة يسوونها الله يشفيهم

حبيبتي الاستغفار والقرآن علاج مو طبيعي مع علاج الدكتور

 

[da7doo7y]

والله النهيبة بكل العيادات الخاصة والله يعينى على مصاريفهم لين الله يرزقنا الذرية الصالحة يارب