تعالوا سمعوا اخر مستجدات الحقير ابو الحقاره كلها شسوا !

[sosowaty]

الله يعينج

 

[نوال الزعبي 1]

والله انا شايفه انج انتي وياه عقدتم اولادكم كل واحد فيكم يفكر بكرامته ونسيتم الاولاد انتي عارفه شنو اخوانج يضربون ريلج قدام اولاده هل تعتقدين ان اولادج يرضون ترا مايرضون انه يضربج ولا يرضون انه ينضرب مادام سالفتكم جذي اجل لاتنصدمين اذا اولادكم طلعو مدمنين مخدرات واذا تطلقتم ترا بالتزيدون الطين بله وراح ينحرفون اكثر واكثر الله يهداكم بس

 

[Mjnont '3lay]

الله يهون عليج

 

[@ DLOO3TAH@]

الله يعينج

 

[علقمه-المفلوعه]

ياحياااتي والله صج ضاق خاطري الله يعينج ياقلبي جربي ماتتركي الاستغفار كللش ولاحول ولا قوة الا بالله ولا منجى من الله الا اليه بيفيدوووج بحيل الله حيييييل .
شي ثاني اغلللب الحريم مجربات لمن تبي تحاجيه قولي:
دخلت عليك بلا اله الا الله ولجمت فمك بلاحول ولا قوة الا بالله سوي سيرش عن هالذكر وتتاكدي من حجيي
وخلي الطلااااق اخر الحلول عشان يهالج بس والا هو موكفو

 

[زوجي توأم روحي]

شوفى انا ما اعرف مشاكلج معاه

بس الحق ينقال

من قالج لا تاخذين اليهال غلط انج عاندتيه وحاولتى تاخذينهم غصبن عنه

العناد ما يفيد

وانتى بجذى كبرتى المشكلة

واذا قالج بطلع براسج الشيب

انتى اللى طلعى براسه الشيب وعيشى حياتج وطنشيه واعتبريه مجرد كادود عليج انتى وعيالج

حطى اعصابج بثلاجة علشان تعيشين مع واحد مثله

 

[غدووور الكويت]

الله يفرج همج

 

[++MesK++]

الله يعينج حبيبتي و يهديه لج

 

[مرايم2009]

تكفففففففففون يالي تنصحونها تقعد مع واحد مثل هذااا ليييش ؟

هذا مومنطق نهائيا واحد مريض وموصاحي مثله وجودها معاه راج يمرضها ويعقد اعيالها​

 

[om.googi]

اهو ماسكج من ايدج اللي تعورج ( عيالج ) عشان جذي يبيج تقعدين بالبيت ويخلي كلمته ماشية عليج ويعور قلبج عليهم

بس اذا انتي قوية وبتفتكين منه صج روحي لبيت أهلج واخذيهم بأي وقت يكون برا البيت
واذا معاند وحنجها مالج الا المحامي وأنصحج بمحامي العايلة
( طلال البديوي ) شاطر وهب ريح وياخذلج حقج في ( حال عاند او ما بغى يطلق بهدوء )

والمحامي اصلا من تعطينه تقارير راح يعلمج بكل شي شنو لج وشنو عليج والأضرار والمنافع المترتبة على رفع قضية الطلاق .. وموفجة

بس سالفة ( أييب اخواني يعلمونه وتوصل سالفة للطق مو حل نهائي واذا مفكرة تخوفينه فا اهو ماد ايده عليج يعني ما همه احد يطقه ) ..
طالبي بحضانة عيالج أول شي وأي شي عندج عليه قوليه للمحامي ولا تخشين اي شي .

هالزمن محد ينفعج الا نفسج ,, ولا تحرين نفسج باجر قولون وضغط وسكر ووراج عيالج منو بيهتم فيهم من بعد ابوهم اللي ماله فايدة بس اسم بالبطاقة ..

ديري بالج ع صحتج ويخليلج عيالج وبنتج العنونة ​

 

[قاهره عذالي]

بنات ترا الموضوع قديم والمراه خلاص الله هدا زوجها وانحلت امورها

ليش رفعتوه هذا الموضوع اعتقد من قبل الصيف

 

[يكفيني حنانك..]

الله يكون بعونك صراحححه مدري وش اقول الله يفرجها عليك ويسخره لك يارررررب

 

[ألماس من داماس]

اشلون تقعد ويا واحد طقها جدام عيالها ؟!
انتو واعيين لحجم الموضوع ؟
التعب النفسي أشد وأقوى من التعب الجسدي ... !!
إمساك بمعروف أو تنتهون بالحسنى .. استغفرالله
الله يكون في عونج وياخذ حقج منه ... مآكو غير القآنون

:rerrerek::rerrerek:

 

[SWiiiRZ]

الله يهون عليج يارب

 

[غـــلا...]

اقعدي بيتج اححققققريه صح بتموتين قهر واتحملي غصب مو عشانه بس علشان عيالج مارااح يرتاحون الا بيتهم بكرا الكل يتضايق منهم حتى لو كانو اهلج الله يعنك ويهديه ويسخره لك ياااااااااارب

 

[مهرهـ]

يختي انت تعاندينه!!
يعني انت جذيه حلتيها
اذا مو راضيه عن وضعج اكسبيه حاولي ساحلي
وترا انتي اللي خلتيه يمد ايده الرياجيل مايعاندون !! وانتي حطيتي عمرج بهالموقف
شتبين بالمحامي
ياماما اذا ماتبينه اطلعي من حياته بهدوء ليش الفضايح
فيه ابوج او اخوج الكبير
احسج متخبطه بقرارج وتصرفاتج عشانج معصبه وبعدين مهما كان لاتكتبين عن زوجج بهالطريقه بالمنتدى مهما كان في عشره
وتذكري هذا ابو عيالج ولا اعتقد بيرضون امهم تكتب بهالطريقه عن ابوهم
انتي متضايه معصبه منفطر قلبج بس الامور ماتنحل جذيه ولاتعالجين امور وانتي متنشنه
تعوذي من الشيطان وادحري الشر وفكري عدل
ترا الاهل مايتقبلونج انتي وقوقش هالجهال لايغرج ترا الوحده محد يتقبلها مع اطفال حتى لو اهلج
واعتقد اخوج الكبير مو ذاك معاج
تذكري ناري زوجي ولا جنه هلي
بنت المطر انا دايم اشوف مشاركاتج واحسج انسانه واعيه وراكزه ماعتقد انج ماتعرفين تتصرفين
حاولي تحقنين هالوضع لاتدخلي اهلج
والله والله تقدرين لو تبين هالضيم هذا يصير سعاده
رجالج اتوقع زين والدليل يحاول معاج ارجعي وارجعي
حاولي تشوفين شنو مشكله زواره اعيالج لبيت امج!!
احس في شي غامض
وبعدين ماتسوى السالفه انا ادري انها تراكمات بس حاولي تلمين المضوع الطلاق مو هين وخاصه عندج اعيال
لاتخربين بيتج بيدج
وعسى ربي يسخره لج ويهديكم لبعض

 

[nezgha.85]

لا حول ولا قوة إلا بالله الله يسهل عليج امورج إن شاء الله​

 

[عفت طآريك]

مو مجبوره تعيشين هالعيشه بيت اهلج اشرف لج ..
ومنتي مقصره مع عيالج .. وعيالج مو بحاجه ابوهم دام هذا تصرفه
وخري عنه لين الله يهديه ان شاء الله ويرد لج ,

الله يوفقج والله يكون بعونج
​

 

[بــــدره]

يعل ايده الكسر


ان شالله تكون انحلت مشكلتج يارب

 

[اسراب الطيور]

الله يسخره لك ويحنن قلبه