تطلقتي من ريلج الي تحبينه شصار فيج عقب؟

[ga6wa90]

لا حبيبتي من صجج تفكرين بالطلاق عشان هالسالفه

تحجبي منها ترضين ربج ومنها ترضين زوجج بنفس الوقت ومالج الا الاجر

وعادي الرياييل كلهم جذي تييلهم عرات يتغيرون ويردون

الله يسخره لج

 

[فـراوله]

يمكن هذا سبب من ربج الله حطه لج عشان تتحجبين عالطوول

مو تحطينه وتشيلينه

قولي حق زوجج أنا بلبس الحجاب عالطوول خلاص عشان ربي أول شيء

مو عشان أبووك

وما راح أقطه بلتزم فيه

شوفي شنو رده على كلامج

 

[يبيلك قلب مايتعب]

السلام عليكم


شوفي حبيبتي الوحده قبل لا تدخل الحياه الزوجيه لازم يكون في مخباتها كتاب اسمه الصبر ؟


تعرفين شنو كتاب الصبر ؟؟


انا اقولج : لازم تصبرين على امور وايد علشان تقدرين تعيشين ..

حبيبتي الحياه الزوجيه مو سهله وكل وحده متزوجه لابد تحصل لها مشاكل بس الشاطره اللي تصبر وتعرف تحافظ على بيتها ومع

الوقت الريال بتغير وتعودينه على طبعج .. علشان جذي لازم تصبرين وتنازلين ... لاتقولين شنو اتنازل ؟؟

غصب تتنازلين علشان ماتخسرين بيتج وريلج و بالمستقبل عيالج ..


لايطري على بالج الطلاق بهذي السالفه ..

يمكن الله بلاج ان ريلج فرض عليج الحجاب سبحان الله ماتدرين يمكن الله يحبج علشان جذي يبيج تتحجبين ..

ادري بتقولين صعبه لانج مومقتنعه فيه بس مع الايام راح تحبينه ولا راح ترتاحين الا حجابج على راسج ..


الله يهديه لج ويسخره تسخيره العبد لسلطانه ..

بالتوفيق حبيبتي وطمنينا عليج ...

 

[سمسومه]

تحجبي ولا طيعين أهواء الدنيا ... تتحسفين باجر على هالنعمه

ترا والله الدنيا ماتسوى و محنا عايشين على طول بهالدنيا مردنا للحساب و العقاب و الله مافينا شدة العقاب أحنا اضعاف

أخذي كلامه بحسن نيه و بتلاقين كلامه عين العقل ... وخليها نيتين دام إن يايلج هذا الشهر الفضيل

طاعه لربج أول وثمه طاعه لزوجج ... تحجبي و كلنا راح انباركلج إن شالله ... صدقيني يبيلج الخير ... ولا تخلين الشيطان يقص عليج و يغلبج و خليه على طول على راسج يعطيج حشمه و فخر إنج لا بسته صدقيني حلو الستر ...

ربي ايوفقج و يجمع بينكم على الموده والرحمه يارب

 

[ام كوشه منكووشه]

رد : رد: تطلقتي من ريلج الي تحبينه شصار فيج عقب؟

حبيبتي اول شي قولي الا اله الا الله صدقيني انتي مكبرة المشكلة وهي صغيرة وحلها بسيط جدا شوفي مشاكل بعض البنات هني وتهون عليج مشكلتج
ثانيا الطلاااق شيلي من بالج لانه مو هو الحل واساسا ماكوو مشكله باجر راح تتحسفين وقت الصجية صدقيني

ثالثا انا اللي فهمته ان ريلج موفارقه معاه شخصيا انه انتي تحجبتي والا لا عادي عنده لانه هو خذاج جذي بس هو واجه مشكله انه ابوه مو عاجبه انه مرت ولده مو متحجبة ورريلج شي طبيعي يبي يرضي ابوه يبين له انه شخصيته قوية عشان جذي يحن عليج لبسي الحجاب جدام ابوي لانه لاقي ضغط من ابوه وهو وده يطلعج بصورة حلوة جدام ابوه انج تسمعين كلامه وتسوين اللي يبيه صدقيني هذا تفكير الرياييل عندنا بس انتي هونيها وتهون ولا يصير راسج يابس والاحسن انج تتحجبين وترضين ربج وريلج وتمسكي بريلج واذا على اطباعه الثانيه ماي يخالف يتغير شوي شوي وحب سنتين لا تضيعينه بسهولة

والله يكتب لكم اللي فيه الخير:eh_s(8):

انا من راي اختي سنفوره:eh_s(2):

 

[^^المهره^^]

استخيري حبيبتي
وعسى الله يهديج للي فيه الخير والصالح لج

 

[ديانا سبنسر]

لبسي الحجاب واتركيي وسواس الشيطان شنو مهلة واقتنع اصلا انا اشوف البنات المحجبات احلى واكشخ من السفور مع احترامي للجميع طيعي ربج وريلج وانتي الربحانة

 

[بولندية]

اهو غلطان بالبداية لان كان المفروض يقولج ان يبيج تتحجبين ومو حلوة بصراحة موقفه جذي يقولج تحجبين جدام اهله ومن وراهم انتي مو متحجبه اساسا سوري على الكلمه احس ما عنده كلمه


لا تفكرين بالطلاق اوكي لان شتضمنين راح تاخذين واحد احسن منه؟؟

يمكن يي لج واحد حجر؟؟

ولا دين يحجبج غصبن عليج

انا اللي اعرفه الوحدة تسمع كلام ريلها حتى لو زواجها تقليدي

شلون عيل لو كانت ماخذته عن حب !!

 

[أم كادي]

تصدقين نفس قصة وحده احبها عشان ابو يقول انه متدين لا عقب تطورت الامور قام يعايرها باهلها واي شي يدور الزله وطلقها بس الله رزقها باللي احسن منه
الله يهديه

 

[haya20]

مشكورين وربي يعطيكم العافيه انشالله بحاول بس ماادري مابي احطه وفكرتي بس جدام ابوه والله ودي اقتنع فيه بالعكس يحظها المتحجبه .صاجه اختي بولنديه هاذا الي كرهني فيه شنو يعني جدام ابوه ومن وراه عادي صح جنه ابوه يمشيه صح الواحد يطيع اهله ويرضيهم بس مو جذيه

 

[haya20]

تصدقين نفس قصة وحده احبها عشان ابو يقول انه متدين لا عقب تطورت الامور قام يعايرها باهلها واي شي يدور الزله وطلقها بس الله رزقها باللي احسن منه
الله يهديه

ايييي انا قلب علي قبل والله واحد ثاني ماكو منه وسمح حده الحين استغفر الله على اقل شي قلب علي وكبر السالفه ومنفس24 ساعه ويعصب على شغلات تافهه والله وانا نوعي هاديه بس مادري شفيه

 

[جـــواهر]

وااااااااااااااااي شفيج حساسه لهدرجه ؟
تصبري حبيبتي ترا والله الرياجيل يبيلهم صبر وطولة بااال لان دوام الحال من المحال
وتحجبي سوي اللي يبي شنو خسرانه ؟؟
بترضين الله وزوجج ..
والله يسخره لج

 

[&& دعاء &&]

ما لج الا الصبر
والله يهديه لج ....

 

[Mrs_Orchidia]

انتوا توكم يدد على بعض .. حتى لو صارلكم سنة .. لابد من هالخلافات اللي تصير موجودة بينكم

شخصيًا احس الموضوع ما يسوى تطلبين الطلاق على شانه .. ليش ما تتحجبين؟ لا تتحجبين عشانه او عشان ابوه

تحجبي عشان ربج و الاجر على الله .. احسني النية لله ... و ان شاءالله الله بيعوضج خير




صبري على زوجج .. ترى الطلاق مو سهل و طريج المحاكم طويييل و العشرة اللي بينكم ماراح تهون عليج مهما كبرت و كثرت مشاكلكم



و اذا حسيتي نفسج ملزمة على الطلاق .. قبل لا تسوين اي شي صلي صلاة الاستخارة و الله يكتب لج كل خير

 

[softlady]

يا قلبي طول عمره الطلاق اخر الحلول مو اولها

تبين اساعدج تاخذين قرار ؟؟

فكري لواعوذ بالله انج تطلقتي

قولي انا الحين مطلقه

وعيشي بخيالج حياتج كمطلقه

شتسوين ومنو يتشمت فيج واشلون تتزوجين واهو اشلون بيعيش

وبعدين قرري بناءا على افكارج

انا اختج تحمليني بهالكلمه

احس انج شوي مافيج صبر والزواج يبي تحمل مسؤوليه

 

[haya20]

مشكوره قلبي ربي يعطيج العافيه

 

[haya20]

يا قلبي طولعمره الطلاق اخر الحلول مو اولها

تبين اساعدج تاخذين قرار ؟؟

فكري لواعوذ بالله انج تطلقتي

قولي انا الحين مطلقه

وعيشي بخيالج حياتج كمطلقه

شتسوين ومنو يتشمت فيج واشلون تتزوجين واهو اشلون بيعيش

وبعدين قرري بناءا على افكارج

انا اختج تحمليني بهالكلمه

احس انج شوي مافيجصبر والزواج يبي تحمل مسؤوليه

حبيبتي مشكوره بس مو هاذا الي حادني للطلاق طبعه الي تغير علي وايد انا طبعي صبوره والله وايد يتني منه شغلات بس بكلمه من ابوه قلب علي شبسوي بعدين

 

[kuwaitya_zoGaa]

شوفى حبيبتى انا من رايي تصيرين هاديه ... وقولى له انتوا لما خطبتونى اهلك يدرون انى سفور شاللى تغير الحين ؟
واهلك بيوصلهم خبر لانى اذا طلعت الناس بتقول لهم وبتسألهم ذيك الساعه انته بتصير بموقف بايخ
وخلى عنج الطلاق

 

[::كيك وعسل::]

الله المستعان
,,,,

 

[رووعـه]

رد : تطلقتي من ريلج الي تحبينه شصار فيج عقب؟

الله يهديه يارب ويسخره لج


وبعدين المشاكل الي بدت بينكم بس بسبت الحجاب ولا اشياء ثانية

ولاتقارنين حياتج بحياة غيرج

وانتي حسي بريلج شوي محتار بينج وبين ابوه ومدامه معصب جذي ويخيرج بين الطلاق والحجاب اكيد ابوه يحّن عليه ويخيره بينه وبينج

ومو بس انتي المقهورة ترا ريلج اهو الي متعذب بسالفه وجان ماتغير 360

والله يعينكم ويوفقكم يارب

واذا تحبينه صج بتسمعييين كلامه

واستخيري ولاتحطين فكرة الطلاق في بالج وبعدين زوجج ماغير
موقفه لانه قالج ابوه يبيج تتحجبين ومن اكثر ماهو متضايق ومحتار يقولج بس جدامه تحجبي
وسايسي ريلج وكلمية واذا مصمم تحجبي بعد شتسوين
والله يهديكم يارب