تصـويت لاحسـن دكتـور لـتفخ الخدود بالكـويت ؟! حيـاكـمـ

[عيون كحـال]

هـــــــاي بنـات


شلونـكم


الموضوع بايـن من عنـوانـه :wqedqw:

نبي نسـوي تصـويت لاحســــــن دكتـور لتفـخ الخدود

عشان كلنـا نستفيـد

ويالله نبي همتكم يااحلى منتـدى _03BA:


والله يوفق كل وحده ترد علي :yaaaaaarb:

 

[عيون كحـال]

انا امدحوولي صالون ساس

ودكتوور عادل قطينه

يالله بنااااااات وانتوا منو تقولون ؟؟؟

 

[inlove_i]

انا شفت مره وحده بالسفر والله مره جبيره تقريبا ولدها عمره بالثلاثينااات وربي عبالي مرته !

لا تشوووووفون البشره و تافخه شفايفها شويه وخدودها رووووعه تحسينها فريش وصغيرونه وبشرتها وااااو

عاد امي قعدت تسولف وياها بالطياره وجذي طيحوا الميانه جان تقولها امي اخاف ضايقنا ريلج جان تقول وي هذا ولدي @@

جان تقولها امي امبيه مو مبين عليج عبالي مرته ما شاء الله ويهج صغير جان تقول لامي انا كل شغلي عند د.طلال العلي صراحه روعه !


انا جربت عند د.جمال الحربي مو حلو اشكره مبين اني تافخه ماعجبني صراحه الحين لمن خف طلع وايد حلو شكلي

بس لمن يروح ودي اتفخ يا عند طلال العلي يا عماد النجاده


ونشوف تجارب البنات

 

[نور الكويت$$]

الدكتور ما ادري شنو الحربي
نص بنات الجامعه تافخين عنده

 

[أم حوور]

دكتور حسن ندا 24559666سوت وحده عنده وشكلها وايد تغير للاحسن طبعا لان ويها وايد كان ضعيف وصارت وحده ثانيه

 

[زري منثور]

انا سعوديه ماعندي خلفيه

ان شاء الله البنات يخدمونك

 

[الكيكه دندن]

أنا ما اأيد عمليات تفخ الخدود لان بصراحه الكل بعد هالعلميات صاروا يشبهون بعض والمشكله اللي تبالغ وايد يصير شكلها شيييين ومو شي جنها الضفدع الشجاع

موفقين​

 

[^-^قطــــــوه^-^]

الدكتور لاري جد شغله حلو وحده طبيعييييي

 

[Q8stylle]

د.جمال الحربي

 

[عيون كحـال]

لا انا شايفـه وحده من اهلنـا تافخـه خدودها امبيه شي مو طبيعي

مو مبين عليهــــــــــا تفخه خفيفه بس

بس ناس يقولون مسويته بطيبه وناس يقولون بالراشد

 

[دنيا جديده]

وحده من جماعتناا نفخهاا يخررررع يمه كرهت النفخ يمكن الضعف اهون من هالنفخ

 

[عيون كحـال]

بنــــــــات قولولـنــــــــا

منو احسن دكتور

 

[SeDuCTive]

ماعرف بالكويت

 

[إنسانه بكل حالاتي]

أنا تفخت عند لاري بصراحه تفخه ناعم ومرتب بس العيب إنه نصاااااااب إستغلالي والتفخ بسرعه يروح أقل من شهرين أو شهر ويهي فش وراحت فلوسي
بنات إللي تفخو عند الحربي جم كلفكم ؟

 

[عيون كحـال]

الحربي يقولون الحين ماقام يسوي تجميل اللي تعرف تقولنا

 

[أمانيQ8]

عيون كحال وخري عن التفخ بالصالونات نسيتوا اشصار بالممثله الكويتيه سونيا مادري شسمها اللي طلعها خالد عبدالجليل
خليكم على الاطبه ابرك والله امدحولي مستشفى المواساة عند دكتور اشرف
وامدحو شغل الحربي بس اذا بطل شي ثاني

 

[إنسانه بكل حالاتي]

للرفع

 

[رغوة لوكس]

يبنات تفخ الخدود لتجميل حرام
د. عبدالرحمن بن أحمد بن فايع الجرعي
عضو هيئة التدريس بجامعة الملك خالد
السؤال

ما حكم عمليات نفخ الوجه، أي تسمين الوجه؟ علماً بأني سألت أكثر من طبيب وأكدوا لي أنها لا تضر؛ فهي عبارة عن إبرة موضعية.

الجواب
الحمد لله والصلاة والسلام على رسول الله، وبعد:
فعملية نفخ الوجه وتسمينه أرى أنها تدخل في تغيير الخلقة المنهي عنه، فتكون ممنوعة؛ لأنها تعطي الشخص شكلاً وخلقة غير خلقته الحقيقية.
لكن لو كان عند الشخص مرض أدّى إلى تشويه وجهه فلا بأس باتخاذ العلاج الذي من شأنه أن يعيد وجهه إلى حالته الطبيعية فقط، وبشرط ألا يترتب على ذلك العلاج ضرر.
والمرجع في تحديد الضرر هم الأطباء المختصون الثقات. والله أعلم.


نفخ الخدود كثر الكلام فيه كأنه حلال وتجي وحده من الاخوات توصي البنات على الطبيب الفلاني لانه بيغير لها خلقتها على الشكل اللي يعجبها وهذي راح تاخذ ذنبها وذنب كل اللي يستفيدون من كلامها

لايغركم التشبه بالكافرات لانهم لو ما نفخوا خدودهم مااحد قلدهم فلا تحطونهم قدوه لكم

قال صلى الله عليه وسلم ((لتتبعن سنن من كان قبلكم حذو القذة بالقذة حتى لو دخلوا جحر ضب لدخلتموه))

فانتبهوا يااخوات فاليوم حنا على الارض وبكره تحت الارض

هدانا الله واياكم

 

[موت الحمر]

و الله انا عرف وحدة تافخة ويهها و الحين صارلها سنتين و ما سوت صيانة و لا مرة من كثر ما ان الشغل نظيف لانه انتو عارفين المفروض كل 6 اشهر لازم صيانة بس هذه الحمد لله ما سوت صيانة

الله يسلمكم سوته عند اسماعيل ندا اللي بدار الشفا فنااااااااااااان

 

[عيون كحـال]

اول مره اسمع باللي بالشفاااا

والمواساه


منو سامعه عنهم