@@ تشــات الأمهات : أكاديمية الابداع الأمريكية @@

[asarasar]

رد: تشــات أمهات الابداع

السلام عليكم بنات، الي كاسرين خاطري الأولاد ماعندهم أنشطة مثل البنات ولا شي يونس حرام معاملينهم كأنهم
بالثانوية

 

[اي اسم]

رد: تشــات أمهات الابداع

السلام عليكم بنات، الي كاسرين خاطري الأولاد ماعندهم أنشطة مثل البنات ولا شي يونس حرام معاملينهم كأنهم
بالثانوية

لا لا تقولين انا بنقل عيالي للابداع السنه الجاية وكل يوم اسولف لهم عن الانشطة اللي يسوونها بالابداع والرحلات بس معلوماتي اغلبها من مدرسة الابداع للبنات واللي ما قصرت حلم الطفولة وباقي الاخوات بتزويدي فيها

الحين تقولين ما في انشطة اخاف اعيالي ينصدمون
بلييز ارجو الرد بالتفصيل
عيالج اي جريد - طبعا الصبيان
وشنو الانشطة عندهم الرحلات الحفلات ومن هالسوالف
ارجو انج ما تبخلين علي بالرد وجزاج الله كل خير

 

[اي اسم]

رد: تشــات أمهات الابداع

دانه الهيرات حبيبتي ابي ردج بعد
قولي لي عن الانشطة اللي بالابداع للصبيان انا ولدي رايح ان شا الله السنة الجاية للابداع جريد 5 واهو متوقع انها وناسة -رحلات وحفلات بيتزا بارتي وعزايم - وفري درس وكريزي هات دي وكريزي هير دي ومن هالسوالف
فودي اتاكد هالاشياء موجودة والا لأ لانه متعود على هالنوع من الانشطة واخاف ينصدم اذا ما في هالاشياء وانها بس عند البنات لاني حسيت من كلام الاغلبية ان السنع والوناسة والانضباط عند البنات
ادري انا اذيتكم بأسئلتي وكلكم ما قصرتم معاي وخاصة حلم الطفولة بس صراحة مالي غيركم اسأله
وابي ولدي بمدرسة يستقر فيها لي الثانوية ويستانس
ارجو انج تردين علي وجزاج الله خير

 

[اي اسم]

رد: تشــات أمهات الابداع

سلم حلومة شلونج
ترى هالرد الحين بكتبه يمكن للمرة الثالثة او الرابعة
الانترنت كان عندي حده بطئ زهقني زائد ان المنتدى كان حده زحمة
كنت اكتب الرد وادزه ويطلع لي السيرفر مشغول

المهم
رحنا الابداع يوم الخميس اللي طاف وسوينا الجراند تور مع الاخصائي معاذ
شفنا صفوف جريد 5 ولاب الكمبيوتر والمكتبة والساحات والجيم

ولدي الكبير استانس لما شاف ملعب كرة القدم الحشيش الصناعي واستانس لما درى انه ماكو طابور
على طول اللي يوصل يروح صفه

ولما درى ان المكتبة بس فيها قصص انجليزي استانس لانه ما يحب قصص العربي المليقة على قولته
يقول اول بالبيان كل القصص العربية عن الاسد والارنب والثعلب

والحين بالرؤية القصص عن الشخصيات الاسلامية ( مسكين مل :0bee2e8d89: )

صادفت روحتنا الانترناشينال دي بالمدرسة بس احنا رحنا على الساعة وحدة فتقريبا كل شي كان خالص
لما دشينا الجيم شفنا الركن الكويتي الخيمة والسدو والقهوة
وعجبني ولد شفته بالشارع مسوي روحه ليوناردو دافنشي ولابس لاب كوت ملطخ بالوان وكبوس وماسك لوحة الموناليزا - شكله كول خاصة مع الكبوس اللي لابسة ومطلع منه شعره جنه صج فرنسي

المهم نعود لمحور حديثنا ولدي الكبير عموما استانس من المدرسة بس الصغير لأ
خاصة لما شفنا صبيان صغار يمكن جريد 2 او 2 عندهم رياضة ويلعبون كرة سلة مع الاستاذ
تخيلي 24 طالب يلاحقون كرة السلة على ملعب كرة السلة اللي جنه من قار ما انتبهت صراحة
بس صراحة خفت شكلهم شلون متجمعين على الكرة ويلاحقونها يعني اسم الله عليهم لو واحد يطيح كل الباجين يطيحون فوقه
الحصة حسيتها فوضى والاستاذ كان مفروض يقسمهم مجموعات
المهم لما زوجي شاف هالمنظر قال الصغير يقعد بالحياة على الاقل المدرسة عدد الطلبة فيها قليل وولدي الصغير بعد اخترع صراحة ومن قبل كان قايل الابداع مو حلوة الريسس زحمة
فانا الحين مخي راح ينبط من التفكير :080402ask_prv:

اودي الكبير الابداع والصغار بالحياة
والا ارجع الكبير البيان والصغار بالحياة
والا اخلي الكبير يستمر بالرؤية والصغار بالحياة :gr4uu:
ادري اذيتج :tomato2: يمكن لو تقدرين تدخلين ايدج بالشاشة وتطلع من شاشتي وتزنطيني جان سويتيها وريمان معاج تساعدج
انا نفسي ودي ازنط نفسي
ومشكلة زوجي بس اناقش معاه الموضوع يعصب ويقول انتي كل يوم لج راي اذيتينا
اتصدقين لو في مستشار تربوي اكاديمي يقيم المدارس ويعرفها كلها بعيوبها وميزاتها جان رحت له

اييييييييييييي
شسوي افضفض لج يا صديقتي
شرايج ؟؟؟؟؟

 

[اي اسم]

رد: تشــات أمهات الابداع

بغيت اعرف لحد اي جريد الهوم روم تيشر اتدرس العلوم والانجليزي والماث
متى يعني يصير للماث والساينس مدرسة مستقلة؟

 

[حلم الطفولة]

رد: تشــات أمهات الابداع

اللي عندها أولاد تفيدنا بالأنشطه والرحلات للبنين ....... ومشكورين.

 

[اي اسم]

رد: تشــات أمهات الابداع

يالله بانتظار امهات الصبيان احلى الجياكر ودانه الهيرات وام يوسف وغيرهم من الخوات
ومشكوورين جميعا مقدما

 

[اي اسم]

رد: تشــات أمهات الابداع

وينج حلومة ما قلتيلي متى يصير للماث والساينس مدرسة مستقلة؟ باي جريد
وميرسي مقدما

 

[nouna82]

رد: تشــات أمهات الابداع

السلام عليكم

بنتي ستار اوف ذا ويك و بكرمونها الاحد بالطابور اللي بساله يصير انا اروح او لا ؟؟؟.

 

[OmYousif]

رد: تشــات أمهات الابداع

حبيبتي اي اسم انا ولدي توا pre kg
ما اقدرافيدك
بس بالنسبة للروضة في رحلات و في كرنفال و ايام مميزة
الابداع فعلا مبدعة

 

[ReeMaN]

رد: تشــات أمهات الابداع

اى اسم امس سالت بنت خالي عن الانشطه ولدها بالابداع اتقول في وايد انشطه لهم وماتدري اذا نفس انشطه البنات او لا بس اتقول تقريبا كل شهر عندهم شي وتمدحهم وولدها وايد مستانس من المدرسه .... انشالله البنات يشاركون اكثر

 

[+بسبوسة+]

رد: تشــات أمهات الابداع

هلا بالحلوين...

انا من قلت اني اتابعكم بطلت اقرى!!

ههههههههههههه

الظاهر صكيت نفسي عين_03BA:


انا ريلي مخلي لي مسألة اختيار المدرسة للعتاوية سوري اقصد الكتاكيت...

بس امس فجأة قالي...انتي متأكد الابداع اسلامية؟؟؟؟:eh_s(1):

انا اعرفه اهو دين...يعني نهائي مايبي موسيقى ولا خرابيط...

انا قلت تقريبا وبسألك عن التفاصيل...

ها اشرايكم؟؟

صراحة المدارس الي اسلامية صج احس قلبي منقمت منها...
احس التدريس عندهم عربي...(ونعم بالعرب:68_asmilies-com
والي مخليني ابي مدرسة خاصة مابي احد يزف ولدي..
انا قلت القرآن اشركهم باي نادي او يجيب لهم مدرس يحفظهم زيادة

شالراي؟؟؟؟؟

 

[حلم الطفولة]

رد: تشــات أمهات الابداع

اي اسم : من سادس يصير المدرسات تخصصيات .. يوم بنتي بسادس كان وحده تعطي ماث وساينس , وثانيه تعطي سوشل وانجلش
بسابع كان وحده تعطي علوم ,, وثانيه رياضيات وثالثه انجليش وسوشل ..

نونا : إي روحي معاها الصبح ولا تتأخرون عن الطابور .. ودي كامرتج يخلونكم تصورون .. يصير تروحون انتي وابوها

ريمان : صاجه تقول صديقتي عندهم شغلات اتونس بس ماجاوبت شنو .. بسألها وأرد لكم خبر

بسمه : ماكو مادة موسيقى نهائيا .. أكو مشرفة أنشطه تحافظ على أن لاتكون الأنشطه فيها مخالفات شرعيه : ( بنت الشيخ جاسم مهلهل )

بس يبقى الستايل الأمريكي .. له بصمته بشخصية العيال ..
الأولاد وايد حارصين عليهم دينيا ... دخليهم وانتي متطمنه .

 

[اي اسم]

رد: تشــات أمهات الابداع

اشكركم ريمان وام يوسف وحلم الطفولة على الفزعة والرد
ما قصرتوا
بس الطابور بالابداع يومي والا يوم واحد بالاسبوع
لان الاخصائي معاذ مال ابتدائي الصبيان قالي ما في طابور

بس اذا ما في طابور متى يوزعون الستارز والشهادات ؟؟؟

 

[Creative]

رد: تشــات أمهات الابداع

بنات شلونكم
والله انا منبطه جبدي من الابداع وحابه اشكيلكم
تخيلوا مسجله ولدي حق KG-1 علشان يكون مع اخوانه دقوا علي وقالولي انه ما اجتاز اختبار القبول ولمن سألتهم عن السبب مره الناظره تقولي ان اهما يفضلون الياهل اللي يعرف انجليزي وولدج ما يعرف مع انهم يدرون انه أول مره يدخل المدرسة أنا مسجله هالمعلومه بأوراق التسجيل وهم اللي لازم يعلمونه عيل ليش أنا مدخلته الابداع ؟! لا ومبين ان الناظره مو قاريه ملفه عدل لأنها تقولي اهو كان بالبيت ولا بحضانه ؟ ومرة تقولي اهو عايد الامتحان لأنه ما نجح بالأولي فقلتلها انتي غلطانه لأنه أصلاً ما دخل الامتحان الأولي بالمره لأنه شاف ولد يصارخ ويبكي قبله فخاف وبكى مثله فقالتلي الأبله اخذيله موعد ثاني.
وقلتلها انه من بين أوراق التسجيل اللي وقعناها انه الياهل تختبرونه بروحه بدون ولي أمره واذا ولي الأمر يبي يدخل لازم يبلغهم من قبل وأنا ما طلبت هالشي ، بس انتو كل مرة تقابلون أربع يهال مع وجود أولياء أمورهم ، ترد علي اهي والأخصائيه بعد بكل برود ويقولون: اي ما في مشكله ؟!!!!!
ومن صوب ثاني الأبله اللي قابلته تقولي لا ما شاء الله عليه جاوب على كل الأسئله بس احنا رفضناه لأنه مو اجتماعي ، بذمتكم هذا سبب !!!!!!
اصلاً قلتلها شلون تحكمين على الياهل من أول مره ؟ وبعدين في ناس كبار موجودين معاه ، أكيد الياهل راح يقعد بمكانه وما يتحرك وبعدين مو كل اليهال نفس الطبع أنا عيالي نفسهم يختلفون عن بعض في منهم الاجتماعي ومنهم لأ وهو أكثر واحد اجتماعي
أنا اللي أعرفه انه المقابلات تكون علشان يعرفون الياهل طبيعي أو من ذووي الاحتياجات الخاصة ، ولا شرايكم ؟
والناظره تقولي دخليه سمارت كيدز فقلت لها انه ما عندهم روضه ، قالت انا متأكده انه عندهم لأنهم تابعين حق الابداع ، ولمن سألتهم قالولي احنا بس Pre-K ، رديت وقلت حق الناظره انه ما عندهم قالتلي انتي دخليه واحنا السنه اللي بعدها ناخذه على أساس العمر ويدخل KG-2 بعد ما نقابله !! فرضاً لا قدر الله ما قبلوه شلون أوديه مدرسه ثانيه أكيد راح يقولون لي ما درس أولى روضه ؟؟
كل وحده فيهم تعطيني سبب غير عن الثانية !!
وطبعاً اللي أعرفه انه ألحين كل المدارس الأمريكيه خلص تسجيلهم ، بالله عليكم تعطوني حل والله ضايق خلقي

 

[حلم الطفولة]

رد: تشــات أمهات الابداع

هلا كرييتف ... شهالسالفه الله يهديهم .. طيب مافكرتي ترفعين كتاب للإداره .؟؟؟ .. رفعي كتاب للإداره من حقج حبوبه.
عموما اختي أولا ..أرحب فيج بشا الابداع معانا .. وبقسم أولياء أمور الطلبه ..
وثاني شي حبيبتي ولا يهمج .. مرتقى لإعداد القاده وايد يمدحونها وحتى أولى روضه فيها أكيد .. ومستواها يضاهي مستوى اولى روضه الابداع .. دخليه فيها وتوكلي على الله وان شالله خيره .

 

[اي اسم]

رد: تشــات أمهات الابداع

انا اقول دخليه الحياة للخليفي اختي كريتيف ان شا الله عندهم مكان والسنه اللي وراها انقليه للابداع..بعد شتسووين الشكوى لله
انا قالت لي وحدة من اولياء الامور انها سمعت موظفة التسجيل تقول ان هالسنة الادارة اجبرتهم يقبلون كل الطلبة اللي جايين من سمارت كيدز فتلخبطت حسبتهم وقلت الشواغر عندهم واهما ما كانو متوقعين هالشي ويمكن هالضغط خلاهم حيل يشددون باختبار القبول ويدورون الشارة عشان يقولون مرفوض
وسبحان الله عسى ان تكرهوا شيئا وهو خيرا لكم

اكيد متضايقة ومحد يلومج بس الحين لازم تستعجلين وتشوفين الخيارات اللي عندج قبل لا يمر الوقت
والله يكتب اللي فيه الخير

 

[حلم الطفولة]

رد: تشــات أمهات الابداع

هلا أي اسم .. فيه تسجيل للحين بالحياة ؟؟
كتبي لموضوع ام يوسف اللي منزلته يديد. مشكوره .

 

[اي اسم]

رد: تشــات أمهات الابداع

والله مو متاكدة بس ان شا الله احط رقمهم للافادة

 

[حلم الطفولة]

رد: تشــات أمهات الابداع

:ch12::stars: