@@ تشــات الأمهات : أكاديمية الابداع الأمريكية @@

[ReeMaN]

رد: تشــات أمهات الابداع

هلا اى اسم اتوقع حظج احسن من مدرسة البنات لان موقع الابداع بنين صاير على الدائري الخامس اتوقع سهاله الدشه والطلعه من المدرسه الصبح والظهر اسهل ...... وطبعا يحق لج جوله ثانيه وثالثه والافضل اذا عندهم حفله او نشاط ايون اولياء الامور عشان تسالينهم على كلشي بخاطرج فيه وهم جربي يوم روحيله بالصبح شوفي شلون زحمتهم ....ووليدج ماينلام لان مدرسه غريبه عليه انتى حاولى معاه

 

[حلم الطفولة]

رد: تشــات أمهات الابداع

سلام امهات
اليوم دقو علي التسجيل وقالو ان عيالي اثنين الكبير جريد 5 والثاني جريد 2 accepted
بس الصغير اللي بيروح كي جي 1 للحين على الويتنغ
بس صراحة ما استانست
لان يوم سووا لي تور بالمدرسة ضاق خلقي
وانا اصلا موقعها بعد والزحمة وعدم توفر مصافط مضايقني
واللي ازمني اكثر ان ولدي الكبير قال لا ما ابي الابداع يوم شافها
والحين حدي محتارة ومتضايقة ومتأزمة ومادري شسوي

بالنسبة لامتحان القبول قابلتهم مس بوني الكندية وقعدت مع الكبير ساعة ومع الصغير ساعة الا ربع
يعني طلعت روحي

ورحت اثناء امتحانهم قعدت بالكافتيريا وشربت اسبرسوا وشريت لعيالي اكل - الكبير امتحن اول بعدين الصغير
وبعدين سووالنا استاذ معاذ جولة - اللي اهو الاخصائي الاجتماعي بس ما ورانا كل مكان لان كانت الفرصة والوضع ما كان يساعد
بس ورانا صف واحد من جريد 2 والساحة اللي يلعبون فيها جريد 1 و2
مرات افكر اني اطلب منهم جولة ثانية اشوف كل شي المكتبة والجيم والكمبيوتر وصالة الالعاب

:eh_s(9)::eh_s(9):
مبروووك :stars::stars::stars:

القــبــــووووول :nbvppw::nbvppw:

 

[حلم الطفولة]

رد: تشــات أمهات الابداع

يسوون بالابداع حفلة سنوية لكل جريد
بحيث كل صف يقدم مسرحية او عرض معين ؟

يسوون حق الابتدائي كل نهاية سنه .. << هذا وايد حلو .
غير الشغلات اللي خلال السنه ....... المتوسط تسوي لهم مس اللايف سكيلز مسرحيات .. وتحضر الامهات بالمسرح.
<< شغل عادي اجتهاد الابله والبنات ...
بس بالعموم يسوون شغلات وناسه ....

واذا تبين لازم تروحين مره ثانيه تشوفين من حقج تاخذين تور كااامل !

وتطمني بما إن الاولاد الكبار انقبلو .. راح يعتبرون ولدج الصغير سبلنغ ويقدمونه على غيره اللي ماعندهم أخوه .

 

[حلم الطفولة]

رد: تشــات أمهات الابداع

هلا حلم الطفوله شخبارج ؟ اشلون صاحبة السمجه الديايه انشالله فرحانه انها بتصير مع خواتها بنفس المدرسه

الله يسلمج اليوم يايه ابارك حق مرت اخوي على الشغلات اللي قلتيها عن التغيرات اللي راح اتصير بمدرسة الابداع قالت منزمان قالو هالحجي ولا شفنا شي صارلهم خمس سنين واهمه يتكلميين ععن تجديد المبنى ولا في شي بس بصراحه انا احب الابداع قاعده اشوف اللي يتخرجون منها ماشالله مستوى وثقه بالنفس بس انا شايفه مكانهم واي ضييييييييييييم صج الله يعينها اللي ماعندها سايق
والله يوفق الجميع

صح صاااجه مرت اخوووج ........."" .. بس السنه لما داومنا كانو بانين داخل مبنى البنات مبنى يديد كامل حق الثانوي .. ومغيرين أرضيات الممرات والمداخل في المدرسه .. << فــ إن شالله يكونون جادّين هالمرّه لأن على كلامهم تجديد كامل وشامل !!
ويارب نبدي السنه اليايه بتغييرات إيجابيه << يارب يارب يارب ..........

 

[اي اسم]

رد: تشــات أمهات الابداع

:eh_s(9)::eh_s(9):
مبروووك :stars::stars::stars:

القــبــــووووول :nbvppw::nbvppw:

الله يبارك فيج بعد عمري
ومشكورة على كل ردودج ورسايلج الحلوة

 

[حلم الطفولة]

رد: تشــات أمهات الابداع

العفو..!! .. تستاهل أي اسم كل الخير ..
بس لازم تاخذين توووور .. خلاص القرار النهائي قررب حيل ........................... مو وقته آخر لحظه يكون فيه قرار ثاني
والولد معليج بيستانس حيل .. مونسينهم وايد ترى المدرسه ..
مثلا يحفظون جدول الضرب وللا يتعلمون شغله يديده يسون مكافئات على مراحل وبنهاية الأسبوع حفلة بيتزا أو حفلة آيس كريم أو يودونهم المكتبه يشوفون فيلم كارتون ,,,,..... ,,

وبالنسبه للأنشطه وايد أنشطتهم .. بس آنا مادري شلون على طريقة الاولاد بس أشوف عيال رفيجتي مستانسين الحمدلله .

 

[حلم الطفولة]

رد: تشــات أمهات الابداع

هاي ... وين أم يوسف تاخذ المناوبه بعدي !

تصبحون على خير

 

[حلم الطفولة]

رد: تشــات أمهات الابداع

بليز أي وحده تعرف شنسوي باللنك للمكتبه المدرسيه بليز تقول .. حاولت ماعرفت أدخل. اهوه للدخول وللا اشتراك وللا شنو ؟

 

[OmYousif]

رد: تشــات أمهات الابداع

صباح الخير
Good Morning
Gotten morgen
Bonjour
İyi günler
Buenos días
早上好
بكل لغات العالم اصبح على الجميع
استلمت المناوبة يا حلم الطفولة شكرا على الثقة

 

[دانه الهيرات]

رد: تشــات أمهات الابداع

دانه الهيرات ماشالله خوش فكره اول مره ادري ان الابداع عندهم تسجيل حق اجتماع اولياء الامور يعنى اتنقين الوقت اللي يناسبج ؟؟

اي حبيبتي اتنقين الوقت اللي يناسبج للمقابله سواء العصر او الصبح

 

[ReeMaN]

رد: تشــات أمهات الابداع

حلم الطفوله ودانة الهيرات والله وناااسه انشالله تسمعون كل الاخبار الزينه بعيالكم

اى اسم يالله نقول الف الف الف مبروووك على الابداع والا بعدج مااا مااااا قررتى ومثل ماقلت حلم الطفوله مو وقته تاجلين لازم تستقرين على راي وترا وايد اللي يتمنووون ياخذون مكانج يا اي اسم

 

[اللمسة المخملية]

رد: تشــات أمهات الابداع

اليوم حدي اكتأبت لاني دقيت عالمدرسة وقالولي ان الويتنغ ماتحرك .. واللي فهمته انه ماكو امل

ورحت دسمان.. المدرسة حدها قديمة...!!!!!!!!!!!!!!!!

بس انا جني سمعت ان عندهم مبنى جديد.. تدرون اذا هو حق الروضة والا المتوسط؟؟

 

[حلم الطفولة]

رد: تشــات أمهات الابداع

حلم الطفوله ودانة الهيرات والله وناااسه انشالله تسمعون كل الاخبار الزينه بعيالكم

آمين ياحبيبتي ياريمان كلج ذوق.. وان شالله تسمعين انتي بعد كل خير تحبينه لعيالج آمين .

 

[حلم الطفولة]

رد: تشــات أمهات الابداع

اليوم حدي اكتأبت لاني دقيت عالمدرسة وقالولي ان الويتنغ ماتحرك .. واللي فهمته انه ماكو امل

ورحت دسمان.. المدرسة حدها قديمة...!!!!!!!!!!!!!!!!

بس انا جني سمعت ان عندهم مبنى جديد.. تدرون اذا هو حق الروضة والا المتوسط؟؟

وي .. ,, الله يكتب اللي فيه الخير مخمليه الأمل بالله مو بكلام المدرسه ..
بس دسمان تراها زينه .. لو لا قدر الله مانقبلو بالابداع روحي دسمان سنه وردي نقليهم ..

اليوم كلمت صديقتي ,, وسألتها عن دسمان : تقول عيلها الأكسنت مالتهم جنهم اجانب والكتابه مبدعين فيها .. والانشطه طوال السنه ..
وايد تمدح فيها .. ,,.. والله اعلم.. ,, ( بس هم لا تفقدين الأمل ! )

 

[أوراد3]

رد: تشــات أمهات الابداع

اللموسة المخملية
المبنى اليديد بدسموان حق الثانوي

 

[أوراد3]

رد: تشــات أمهات الابداع

اللمسة المخملية
الكي بورد عندي خربان
آسفين عالبدليات
المبنى اليديد بدسمان حق الثانوي

 

[حلم الطفولة]

رد: تشــات أمهات الابداع

في أحد ؟؟؟
موجودين؟؟
أم يوسف
دانه
دوني
اي اسم
جكورتنا اللي من زمان عنها
؟؟؟
؟؟؟؟
ريمان
؟؟
بنااات ؟؟

 

[اللمسة المخملية]

رد: تشــات أمهات الابداع

وي .. ,, الله يكتب اللي فيه الخير مخمليه الأمل بالله مو بكلام المدرسه ..
بس دسمان تراها زينه .. لو لا قدر الله مانقبلو بالابداع روحي دسمان سنه وردي نقليهم ..

اليوم كلمت صديقتي ,, وسألتها عن دسمان : تقول عيلها الأكسنت مالتهم جنهم اجانب والكتابه مبدعين فيها .. والانشطه طوال السنه ..
وايد تمدح فيها .. ,,.. والله اعلم.. ,, ( بس هم لا تفقدين الأمل ! )

احس انها زينه المدرسة.. المشكلة بالمبنى.. حددددددددددددددددددددده قدييييييييييييييييييييييم

احس اذا وديتي الياهل بينقمت منها...!!!!!!!!!

المفروض يجددود مبنى الروضة مو الثانوي.. :tomato2:

مايدرون ان ولدي يمكن يسجل عندهم السنه :dddds:

وبالنسبة للابداع حتى مارضت تقولي ترتيب ولدي بالويتنغ جم..

----------

الله يكتب اللي فيه الخير..

 

[حلم الطفولة]

رد: تشــات أمهات الابداع

احس انها زينه المدرسة.. المشكلة بالمبنى.. حددددددددددددددددددددده قدييييييييييييييييييييييم

احس اذا وديتي الياهل بينقمت منها...!!!!!!!!!

المفروض يجددود مبنى الروضة مو الثانوي.. :tomato2:

مايدرون ان ولدي يمكن يسجل عندهم السنه :dddds:

وبالنسبة للابداع حتى مارضت تقولي ترتيب ولدي بالويتنغ جم..

----------

الله يكتب اللي فيه الخير..

الله يهديهم مادرو ولد اللمسه المخمليه بيدخل عندهم جان جددو المبنى اكيد :eh_s(6):

ذكرتيني بسالفه بنت صديقتي قبل سنتين ظلت ويتنغ لست لغاية تاريخ 29/8 !! تخيلي !! انتظار لغاية أغسطس ودقو عليها قالو تعالي صار فيه مكان !! .. وقدمت الاختبار وانقبلت
بس مو روضه ابتدائي ...............

 

[اي اسم]

رد: تشــات أمهات الابداع

يوم رحت التور مع استاذ معاذ قالي الفرصة الاولى 20 دقيقة والفرصة الثانية 50 دقيقة اول عشرين دقيقة صلاة حق جريد 3 وفوق وال30 دقيقة الباجية لعب
وان عندكم 7 حصص باليوم
هالشي فرحني يعني الطلبة يشبعون لعب بالريسس
مو نفس الرؤية يا حرام الفرصة الاولى 20 دقيقة والثانية يادوب الطالب يصلي ويرد صفه
اما الحياة فرصتهم الاولى 20 دقيقة والفرصة الثانية 10 دقايق يعني ما يشبعون لعب وبهالمدرستين عندهم 8 حصص باليوم

واللي مضايقني بعد ان الرؤية من اول السنة لي الحين ما ودوا ولدي ولا رحلة
ولا في اي نشاط من اول السنه الى الان الا اليوم العالمي وبس ما في شي غيره
ليييييييييييش