ترك السياره .. شنو رايكم !

[دلـــع]

السلام عليكم ورحمة الله وبركاته ..
خواتي العزيزات .. حطيت هالموضوع بقسم المتزوجات حتى اجد رأي المتزوجه قبل الآنسه ..
انخطبت والمتقدم لي انسان زين ولكن شرطه اني اترك السياره ما يبيني اسوق .. وانا صارلي تقريبا 6 سنين اسوق احسه صعب اتركها .. واهو قال ما بخليها تحتاج اي شي بوديها وين ماتبي ..
خواته يقولون لي يمكن مع الايام لي تزوجتو بتقنعينه انتي بطريقتج !

ولكن مادري شنو تشورون علي​

 

[mahawe]

من وجهة نظري مثل ما الريال له شروط أنتي بعد شرطي علية وخلي الشرط بالعقد ان في حال أهوة رفض يوديج مكان ولا تحجج بشي وأنتي محتاجة الطلعة أنج تسوقين السيارة .
ويمكن تقدرين أنج تقنعينة بعدين لان الريايل ماينعطون ويهة الحين سيارة باجر وظيفة لين يقظي على شخصيتج مولية.

 

[BubbLe87]

جان زين ريلي يقولي هدي السيارة لول
لاني اكره السواااااقة
كلميه و قوليله اذا انت مشغول و انا مضطرة اروح لا تمنعني

 

[مريم القلاف]

بعد زين خليه أهو أوديج ويبج أريح ​

 

[BlueDazy]

سؤال بسيط...انسان يشاركج حياتج أو وسيلة نقل (سيارة)!!!
توكلي على الله...

 

[miss swan]

مادام هذا شرطه يعني ماراح يتغير عقب
وليش تعبين نفسج واحتمال يتغير واحتمال لا
​

 

[om Firas]

عادي اذ ماراح يقصر معاج واهم شي شرطي عليه
اذا ماراح يخليج تسوقين اهو لازم يتحمل مشاوريج
الله يوفقج ويسهل امورج

 

[opera]

رااااااحه

انا ريلي ما شرط هالشرط بس الحين اي مكان بروح يوصلني ماعدا الدوام وصج صج مرتاحه .. فلا ترفضين عشان سالفت سياره ..

لا ويضيق خلقي مرات اذا قالي روحي بسيارتج ما اقدر اوصلج :|

احسنلج صدقيني بتحسين نفسج ملكه


وقاعد اقوله بعد يوصلني الدوام بس مو راضي وعليه انا بشرق واهو بغرب دوامنا :\

 

[ام فتوته]

صراحه مادري حنا الحريم وش نبي اذا قالو لاتسوقون قلنا
موبكيفه واذا قالو سوقو قلنا بيفتكون منا ومن مشاويرنا
الزواج حياه استقرار مانقيسه ع ها الاشياا
رأيي عليك باالاستخاره

 

[نعوووووومه]

اب اب

 

[مشتاقة الى الله]

تكفين ديري بالج هالشروط هذه ما وراها غير

سيارة اليوم
وظيفة بكرة
والي بعده ماكو طلعه

الحين اذا احتجتي للسيارة وهو مو موجود عندج بالله عليه شتسوين؟ انا ما احرضج عليه بس ديري بالج حاولي تقنعينه باسلوب لطيف الحين وان ما صار وصليتي استخارة وحبيتيه فتوكلي على الله وحاولي بعد العرس تقنيعه مرة ثانية اهم شيء هالشرط ينذكر بالعقد

والله يوفقج يارب

 

[رنا 2012]

تهون عشانه

 

[عسل مرت قيمر]

مادري كل وحده وطريقة تفكيرها


شوفي نفسج انتي


اتوقع بعدين لازم في اوقات بينشغل ويمكن انتي تحتاجين تخلصين امورج


انزين ماسألتي شنو السبب؟؟
دليش مايبي تسوقين شلمانع؟؟

 

[lala2]

السلام عليكم
شوفي صدقيني الحين يقولك كذيه وبعدين مع الوقت راح يمل خصوصا ان عندك ليسن
بكون مشغول اوتعبان وبقولك روحي علي سيارتي وشوي اذا الله رزقكم بمولود وكثرت المواشير عليه بقولك بخليك تسوقين بس للضرورة وشوي مع الايام بهدك تسوقين علي كيفك
اكثر الازواج بالاول بتحكم بس الرجل الكويتي ماتحمل المسوولية
انا ماكنت اسوق لما تزوجت
وبعدين اشتغلت وقال انا اوديك واردك عقبها تعب من الروحة والردة وبعدين سمح لي اسوق وقال بس للدوام وشوي الولد فيه حرارة اتصل عليه ويكون بالديوانية يقول ها وديه المستوصف قريب وبعدين تطورنا للجمعية واهلي واهله والسوق ومدارس العيال وكل شي
والان بعد هذة السنين زين ما اوصلة انا بعد دوووامة
حبيبتي الرجال الكويتي مملوووووول ماله خلق شي ومو انا بروحي اغلب اللي اعرفهم كذيه
فالحين استخيري توكلي علي الله ولاتقطعين نصيبك والخيرة فيما اختارة الله ماتدرين وين الخير
والله يوفقك ويرزقك الزوج الصالح اللي يعينك علي دنيتك واخرتك يارب

 

[أم الفناتك]

الرجل مع تقدم العمر تتغير افكاره وشرطه عادي اذا ريال زين وافقي علييه

 

[Gifts&Occaions]

امبي شكو شفيها تسويقين سيارة شهلعقلية

 

[Hello_kitty]

انتي صارلج ست سنين تسوقين..شنو السبب ما يبيج تسوقين؟البنات في بيئتهم ما يسوقون؟او طبعه شكاك مثلا؟

لأن طلبه غريب!!ا

نصحج تعرفين السبب ترى السواقه تعز الوحده وما تخليها تحت رحمه احد وتنطر احد يوديها واييبها

وفي مواقف تصير وظروف مو بكل وقت يقدر يقضي مشوايرج او احيانا يتملل اشلون بيخليج تطلبين من فلانه وفلانه يوصلونج؟

حلو الريال يقوم في مرته بس خلي سيارتج حق الأوقات الطارئه عالأقل

 

[قطوووة]

امبيه للحين في ناس تطلب هالطلب !!!!!!!!!!!



انا عن نفسي مااتخيل مااسوق


بصراحة الكلام وقت السعه شي ووقت الصجية شي



باجر اعيش تحت رحمة مزاج سي السيد
طلعه الجمعية والسوق واي شي مهم بالحسرة وييييييع لالالا

 

[مكتومه]

سبحان الله .. و احنا ننننحن ومتشفقين ع السواقه با السعوديه .. عشان نرتاح ولا نذل عمرنا وننطر احد يودينا ولا يجيبنا .. واللى يسوقون يبون ازواجهم توديهم ويرتاحون .. ليتني اسووق .. ما اظنها مشكله .. ها ذاااحنا عايشين ما نسوق

وتزوجنا ما صار لنا عائق صج انه السواقه اريح بس ما تتوقف الدنيا عشانها.. اذا الى خاطبج زين وكلي امرك لله ومااظن مع الايام بيمنعج خصوصا ان انتومتعودينع السواقه.

 

[انونا]

اذا الريال زين وافقي


بالعكس احسلج والبنات ماقصروا