~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

[حور العيون]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

الباارت روووعـه

شنو مريم ماعندها شغل غير عبدالله ودانه عفيا عليها كل هذا وقت فراغ لووووووووووووول

 

[*toot]

انشالله اليوم انزلكم بارت العصر مثل كل مره ^_^
حور العين .. لووول اي من القهر مفضيه روحها لهم بس \:
انتي الروعه حبيبتي تسلمين :$

 

[MiSs-GnGn]

يسلمــــــــــــــــــــو توووووت على البارت

:wqedqw:

ومشكوره وما قصرتي تعبناج معانا

:eh_s(22):

والقصه خيااااااااال وروووووووووووعه وتينــــــــــــــــــن

:hjy5jewf:​

 

[*toot]

يسلمج ربي حبيبتي
ولو تعبكم راحة :$
تسلمين ياقلبي من ذوقج :$

 

[بنت الكرم]

مشــــــكوووووره على القصه وتهبل وي اعجبتني ثبنكس

 

[*toot]

العفو حبيبتي .. تسلمين :$
وثانكس على المتابعه ^_^

 

[البارونه*_^رونه]

حيااااااااااااتي انتي فديتج يسلموو ع البااارت روعه

وهذي مريموووووووووووووو خير عسى ماشر ؟ ويعدين معاهاا يعني وبعدين

ياااااااااااااااااااااااااي حقووده يه ترفع الضغط

نااطرينج حيااتي

 

[*toot]

تسلمين ياقلبي :$
هالمريم لصقه ماراح تفج عنهم خخخخ

 

[qmr_14]

يااربي مريوم شتبي قطيييييييييييعه ...

واااي قصتج خيااااال وربي رووعه مثلج طببعااا...:nbvppw:


يسلموو حبوبه عالبارتات الزووووغه والله ..

ونااطرينج ..تييك يوور تاااايم ...

:bye22:

 

[cup-cacke]

مساااء الخير توته شلونج شخبارج

حياج عندنا ع الغدا..عازمتج انتي والبارتات:$

 

[*toot]

يااربي مريوم شتبي قطيييييييييييعه ...

واااي قصتج خيااااال وربي رووعه مثلج طببعااا...:nbvppw:


يسلموو حبوبه عالبارتات الزووووغه والله ..

ونااطرينج ..تييك يوور تاااايم ...

:bye22:

حياتي تسلمين :$
يسلمج حبيبتي ... ومشكوره على المتابعه :$

cup-cacke رد:
مساااء الخير توته شلونج شخبارج

حياج عندنا ع الغدا..عازمتج انتي والبارتات:$

مساء النور ياهلا
بخير دامج بخير .. انتي شلونج حبيبتي ؟
لوووووول فوقه

 

[*toot]

بنااات بقول لكم شغله
اليوم بخربها بنزل لكم 3 بارتات انشالله .. ادري بتقولون ليش !
لان مافيهم احداث تشد ف بمشي فيهم بسرعه اما البارتات الي من بعدهم راح تصير لحداث الي بتنصدمون منها
فه يعني من باجر راح تبلش لحداث القويه
والحين انشالله بنزل لكم بارتين وعلى المغرب جذي انزل البارت الثالث

 

[*toot]

-12-

----



اول ماقامت دانه من النوم دقت على دلال عشان تتزهب ...
دانه : هاذي شفيها ماترد ليكون حاطته سايلنت وماتدري عنه ؟
(دانه عيزت واهي ادق على دلال .. ودلال ماترد عليها)
دانه : ماكو غير ادق على عبيد خل يقعدها شكلها ناسيه موبايلها سايلت هالخبله
عبدالله : هلا هلا بهالصوت هلا بلي نورت الفون
دانه : لوووول هلا فيك صباح الخير حبيبي
عبدالله : فديتج انا صباح النور حياتي
دانه : ها وينك بالبيت ولا بالدوام ؟
عبدالله : لابداوم حبيبي ليش؟
دانه : حبيبي عيزت ادق على دلوول ماترد .. قلت ابيك تقومها شكلها ناسيه فونها سايلنت
عبدالله : لادلوول مهي مداومه اليوم
دانه : ليش شفيها ؟
عبدالله : مادري تقول تعبانه
دانه : وي ماتشوف شر انزين خل تروح الطبيب لاتقعد جذي
عبدالله : اي بتروح امي بتوديها بعد شوي
دانه : سلامتها خلاص حبيبي عيل طمني عليها
عبدالله : الله يسلمج حبيبي .. انشالله من عيوني
دانه : تسلملي عيونك .. اوكي عيل حبيبي ماطول عليك اخليك الحين
عبدالله : اوكي حياتي .. مع السلامه
دانه: مع السلامه





قامت دانه غسلت وبدلت وطلعت ....
واهي بالطريج تذكرك كلام عبدالله امس ! قعدت تفكر ... ياربي شلون افاتح امي بالموضوع يارب اني ما ارتبك واخر الاكو والماكو اف والله حدي خايفه .....





وصلت دانه الكليه وقبل لا ادش محاضرتها قعدت مع شروق ....
شروق : عيل دلال وينهي اليوم غريبه مو وياج ؟
دانه : ااي مسكينه تعبانه
شروق : وي سلامتها .. عاد تصدقين احسن لاتي
دانه : حرام عليج ليش تقولين جذي عنها!
شروق : بس ماواطنها مادري شفيها علي حاطه دوبها دوبي كل ماتشوفني تعفس ويها جنها شايفها عزرائيل جدامها موآدميه
دانه : لووووووووووووووول ... وقعدو يسولفون على ماتبدي المحاضره ...

عند سعود وعبدالله بالدوام ...

سعود: ها بو رشود شلون الحب وياك ؟
عبدالله : والله تماام .. ولا ابشرك نويت اكلم امي عنها عشان تخطبها لي
سعود : لالالا لاتقول واخيييرا بنشوفك معرس هههه
عبدالله : هههههههه بسم الله انا قلت نويت ماقلت كلمتها وللحين ماصار شي بس انشالله ناوي اليوم افاتحها
سعود : اي يعني بتقنعني انه امك بترفض او حبيبة القلب بترفض ؟
عبدالله : من نااحية امي ماكو خوف امي اساسا بروحها تحن علي يلا متى تتزوج متى اشوف عيالك .. ذبحتني
سعود: اي من حقها .. يالله الله يكتب الي فيه الخير
عبدالله : امين .. وقعدو يسولفون عبدالله وسعود وقطع على سوالفهم موبايل عبدالله كان الي متصل عليه خالد عبدالله استغرب شيبي داق عقب الي سواه له عين يدق بعد !! بس قرر انه يرد عليه ...




عبدالله : الو
خالد : هلا والله
عبدالله : هلا فيك .. امر شبغيت؟
خالد : بغيت بس تلزم حدودك وتعرف مع منو تتعامل وماطلع رجولتك على مريم
عبدالله : نعم ماسمعت مممكن تعيد الكلام مره ثانيه
خالد : مثل ماسمعت
عبدالله : محد بيلزم حدوده غيرك انت ومريم هال ..... اهي الي المفرووض تلزم حدودها وبعدين تعال انته ماتستحي على ويهك ! تخون مرتك ومع منو مع بنت خالتها ولك عين بعد داق اتهدد شوف الي ماتوصله بيدك وصله بريلك ورنا ورقة طلاقها توصل لها بقرب وقت
خالد : هههههههه ضحكتني شوف اختك بعلقها متى مابي اطلقها راح اطلقها موانتو الي تتحكمون فيني وتفرضون رايكم فاهم حبيبي
عبدالله : ايا الخسيس قتلك بطلقها يعني بطلقها اذا مو بالين بالغصب وراح تشوف بطلقها وريلك فوق راسك وخلك مع هال .... مريم لايقفين على بعض اشكال وصخه مثل مايقول المثل الطيور على اشكالها تقع
خالد : هين يا عبيد يصير خير ... (وسكر الخط بويه عبدالله)
عبدالله يطالع الموبايل ويضحك ( الحمدالله والشكر )




سعود كان قاعد يطالع عبدالله منصدم شسالفه عبدالله كان حدا معصب ومتنرفز ...
سعود : خير عبيد شسالفه !
عبدالله : اي خير الي بي من ورا هالزفت خالد ومريم
سعود مستغرب : وشدخل خالد ريل اختك بمريم !!!!
عبدالله (يتنهد) وقاله السالفه من الاول لي الاخير
سعود : مو من صجك هاذي اكيد موصاحيه او موصاحيه وحده من الثنتين
عبدالله : بعد هاذا الي صار وللحين تحط اللوم علي تقولي انته السبب .. سعود قولي انا بشنو غلطت انا ماعشمتها بحبي ولالعبت عليها كنت وياها واضح من البدايه من اول ماعترفت بحبها لي قتلها انتي معزتج من معزة خواتي مو اكثر ولا اقل .. والحين تقولي انته السبب ويامالك بتشوف هاذي البدايه
سعود : اقول شنو بنت تلعب عليك والله طراق يعدل ملامح ويها .. اذا تمادت اكثر حاول تكلم خالتك او احد من اخوانها ابوها المهم يوقفونها عند حدها
عبدالله : والله مادري ياسعود ماابي تصير مشاكل بين امي وخالتي عشان هالياهل
سعود : والله انا قاعد اقولك الي المفروض تسويه هاذي مو بس راسمه ومخططه على خواتك صدقني حتى انته ودانه راح تتضررون منها ... وانا قتلك
عبدالله : تخسي الا اهي اذا فيها خير خل تقرب بس من دانه وربي ادش فيها اعدام ....


---


خالد من عقب ماسكر الخط بوي عبدالله كان معصب ويتوعد بعبدالله .... هين ياعبيد والله خوش شي هاذا الي باقي انته تهددني وتقولي هالكلام هين ان ماطلعت حرتي وحرة مريم فيك ماكون خالد .....



-----



عقب ماخلصت دانه من محاضرتها دقت على دلال عشان تطمن عليها ....

دانه: الو
دلال : هلا والله دوين شلونج ؟
دانه : تمام انتي شخباج بشريني عنج ؟ رحتي الطبيب ؟
دلال : اي توني راده من الطبيب
دانه : اي شقالج؟
دلال : ماكو يقولي حايشج هوا وعاطني ادويه حق الكحه وبلاعيمي
دانه : ماتشوفين شر حبيبتي والله اليوم يالخايسه فقدتج
دلال : هههه خلاص عيل كل يوم بطيح مريضه عشان اعرف غلاتي
دانه : طاع هاذي مسرع ماتصدق مالت عليج
دلال : ههههههههههه والله مالت عليج انتي
دانه : زين عيل حجيه انا قلت ادق اطمن اشوف شصار عليج
دلال : فديتج والله
دانه : فديتج .. يلا عيل انا توني طالعه من الدوام بس ارد البيت اكلمج اوكي
دلال : اوكي ديري بالج بالطريج
دانه : انشالله .. يلا باي
دلال : بايات ...



----


وركبت دانه سيارتها وكل ماتقرب من بيتهم تحس قلبها تزيد دقاته كانت حدها خايفه شلون بتفاتح امها بالموضوع .. قررت ادق على عبدالله ...



عبدالله : هلا هلا بالزين كله
دانه : هلا فيك
عبدالله : دانو شفيج
دانه : حبيبي مادري خايفه شلون اقول حق امي اكيد راح تشك بشي واخاف تدري وتسويلي سالفه
عبدالله : حبيبي انتي هدي لاتقولين لها اول ماتوصلين البيت نطري تغدي وارتاحي وعيلي من الله خير وتالي روحي كلميها
دانه : اااممم اي صح
عبدالله : لاتحاتين ماكو الا الخير وحتى لو عرفت عن علاقتنا حبيبي احنا موقاعدين انسوي شي غلط انا ابيج بالحلال واليوم قتلج راح اكلم امي عنج
دانه : اوكي حبيبي خلاص انا وصلت البيت
عبدالله : اوكي حياتي بس تكلميها دقي علي وقوليلي شصار ناطرج
دانه : انشالله .. تامر على شي حبيبي؟
عبدالله : اي تعالي تعالي اليوم ناسيه شي
دانه : هههههههههههه مووووااااه
عبدالله : فديييتهااا وفديت الي تفهمها واهي طايره والله ههههه
دانه : هههه ماتيوز يلا حبيبي بااااي
عبدالله : بايات حياتي


دانه سكرت الخط من عبدالله دشت البيت ولقت امها وابوها واحمد وعبدالرحمن قاعدين يتغدون وحدها خايفه كل تفكيرها شلون تفاتح امها بالموضوع


دانه : السلام
الكل : وعليكم السلام
ام دانه ( حنان ) : دانه تبين تتغدين ولا انشيل الغدا
دانه : لايما مالي نفس اكل الحين بروح ارتاح
ام دانه (حنان ) : اوكي
وصعدت دانه غرفتها اول مادشت قطت روحها على لفراش قاعده تفكر بالسالفه شلون تبدي بالموضوع مع امها وشنو راح تقول لها .. اف الله يستر قامت غسلت وبدلت وقررت انها تنام عشان يمشي الوقت بسرعه وماتقعد تحاتي اكثر




----



عبدالله كان يعد الدقايق متى يوصل البيت بس عشان يفاتح امه بالموضوع يدري انه هالشي الوحيد الي بفرح امه ... واول مادش البيت لقا امه ودلال ورنا..


---


عبدالله : السلاام عليكم
الكل : وعليكم السلام
ام عبدالله : تبيني انجبلك الغدا يما؟
عبدالله : لالا ماابي اتغدا الحين .. وراح يم امه وباس راسها
دلال : الللله الله شالحب الي نازل عليك .. والله يعبيد شكله وراك شي على هالحركات
عبدالله : جب انتي يعني امي حرام ابوسها
ام عبدالله : بس عاد خلي اخوج مناشبته بكل شي
دلال : اييي عبدالله العزيز الغالي واحنا لنا الله يلا الله كريم
(عبدالله قاعد يم امه ولامها ويضحك على دلال يسويلها حره بيده ويطلع لسانه لها)
دلال : يما شوفيه شوفيه بدا يتحرش
ام عبدالله : وبعدين وياكم جنكم يهال بس تتناجرون

(وقعدو يسولفون و يضحكون ....)

عبدالله : احم احم بما انه العايله الكريمه تقريبا متيمعه ودي اقول لكم شي
ام عبدالله : خير يمه شصاير!
عبدالله : خير خير بس الي بقوله انا متأكد بفرحكم وبفرحج يما وااااايد
رنا ودلال : اي قول خلصنا بلا مقدمات
عبدالله : انتو وبعدين معاكم على هالقافه والله بقول نطرو بس مافيكم صبر!!
ام عبدالله : يلا يا يما قول وريحني
عبدالله : يما انا نويت اتزووووج

(ام عبدالله ماصدقت الخبر وقامت تيبب وعبدالله والبنات ميتن ضحك)

عبدالله : ههههههههههه يما الله يهداج نطري سيدة يببتي نطري خل انكلمهم ونشوف موافقين موموافقين وقبلها ساليني منو هالبنت
ام عبدالله : وليش مايوافقون والله يابختها الي بتاخذك
رنا : واخيييييرا يعني انزين منو سعيدة الحظ الي بتاخذها انعرفها ولالا؟
عبدالله : امممم تعرفونها ومااتعرفونها
ام عبدالله : يما شلون انعرفها ومانعرفها يعني؟
دلال : عبيد الي بالي صح؟
عبدالله : ههههه اي عليج نور
دلال : وااااي ونااسه
رنا : انتو شسالفتكم تتكلمون بالالغاز فهمونا منو البنت؟
ام عبدالله : عبدالله يلا ترا نشفت ريجي قول منو البنت؟
عبدالله يطالع دلال
دلال : انا اقولكم منو .. عبيد حاط عينه على رفيجتي دانه
رنا : ههههه اثاريك يعبيد منت هين حاط عينك على البنت وساكت صج تحت السواهي دواهي
ام عبدالله : يحليلها والله خوش بنيه وماشفنا منها الا كل خير .. خلاص يما انا اخذ رقمهم من دلال وادق على امها
عبدالله : لالا يما نطري تو الناس خل اقولها تشوف اهلها يعني تقيص نبضهم واردلج خبر عشان ادقين عليهم
ام عبدالله : خلاص تم بس يما سرع بالموضوع ابي اشوف عيالك
عبدالله : ههههههههه انشالله انشالله بتشوفينهم
وقعدو يسولفون ويضحكون وام عبدالله ماكانت شايلتها الفرحه من الخبر الي سمعته من عبدالله وخصوصا انه يبي دانه ودانه خوش بنت وماتنعاب




​

 

[*toot]

-13-

-----



اول ماصعد عبدالله غرفته دق على دانه يبشرها ....
دانه قامت من النوم على صوت موبايلها شافت الي داق كان عبدالله


دانه : الو
عبدالله : دانوو قومي قومي
دانه : شفيك حبيبي
عبدالله: دانو تكفين صحصي شوي بقولج شي بونسج
دانه : شفيك حبيبي؟
عبدالله : حبيبي قلت حق امي وامي مااصدقت خبر قالتلي الحين اخذ رقمها من دلال وادق عليها
دانه : ( مومستوعبه اتحس انها حلمانه ) هههه عبيد من صجككك؟
عبدالله : اي والله عيل اتغشمر بس قتلها نطري تو الناس خل اقولها وتقيس نبض اهلها واذا ماعندهم مانع اخليج تخطبينها لي
دانه : (موعارفه شتقول مستانسه ) فديتك
عبدالله : انا الي فديتج يا ام رشووود
دانه : ههههههههههههههه من الحين!!
عبدالله : ومن هالثانيه انتي ام راااااااااشد .. انزين حبيبي قومي الحين غسلي وروحي شوفي امج وحاولي تكلمينها
دانه : حبيبي امي اكيد نايمه الحين وثاني شي ابوي موجود ماقدر.. على المغرب انشالله احاول اكلمها
عبدالله : حبيبي مااابيج تحااولين ابي اكييييييد
دانه : انشالله من عيوني جم بوراشد عندي؟
عبدالله : ههههههه فديتج يلا كملي نومج وانا بعد بريح شوي
دانه : اوكي حبيبي .. نوووم العوافي
عبدالله : يعافيج يا روح عبدالله .. بااي
دانه : بايات




(دانه سكرت الخط من عبدالله كانت تحس انها بحلم موصج الي قاعده تعيشه موقادره ترد اتنام من الكلام الي سمعته ومن كثر ماهي مستانسه انه عبدالله يحبها صج واكببر دليل انه كلم امه بالموضوع .. طارت النومه من عيونها ..)



----



(دلال ماصدقت الخبر حدها مستانسه اخوها بياخذ رفيجة عمرها ماكانت شايلتها الفرحه واول مادشت غرفتها خذت موبايلها واتصلت على دانه .....)



دلال : الف الصلاااااة والسلااااااام عليك يااااااااا حبيب الله محمد كلولووووووولووووووووووش
دانه : هههههههههههههههههههههه موصاحيه
دلال : ليش ليش موصاحيه والله ماتدرين شكثر مستانسه الود ودي اقوم ارقص وناسه دانوو بتصيرين مرت اخوي قريبا
دانه : ههههههه انشالله بس تو الناس نطري اليوم احاول اكلم امي اشوف ردها شنو موافقه ولالا على فكرة الزواج الحين
دلال : ليش يعني ممكن انها ماتوافق؟
دانه : اي اتوقع احتمال كبير ماتوافق على فكرة الزواج الحين
دلال : وليش ماتوافق؟
دانه : اني صغيره ولازم اخلص دراستي ومن هالسوالف
دلال : امممم لا انشالله توافق وبعدين انتي موياهل عشان تقول تو الناس واذا على الدراسه اكيد عبيد ماراح يمنعج عنها وراح يساعدج وغير هاذا ماراح يقصر وياج بشي لاتحاتين
دانه : والله مادري يادلوول اشوف اليوم اكلمها ويصير خير
دلال : انشالله .. وخذتهم السوالف ومر الوقت ..

-----

دلال : يلا يلا قومي الحين روحي شوفي امج وكلميها ومثل ماقتلج اوكي؟؟
دانه : اوكي الله يستر والله حدي خايفه
دلال : دانو لاتتوترين اكيد جذي امج راح تشك بالسالفه
دانه : اوكي خلاص
دلال : اوكي عيل يلا باي
دانه : بايات ...


----



قامت دانه غسلت وطلعت من غرفتها راحت الصاله لقت امها وابوها قاعدين يطالعوون التلفزيون
دانه (بقلبها ) اف الحين شلون بكلمها وابوي قاعد!!!




ابو دانه : هلا ببنيتي
دانه : هلافيك يبا شلونك ؟
بو دانه : بخير دامج بخير ها شلون الدراسه وياج ؟
دانه : والله تمام
بودانه : متى تبلشون امتحاناتكم؟
دانه : بعد 3 اسابيع انشالله
بودانه : اي يلا شيدي حيلج يبا ماشي؟
دانه : انشالله يبا .. الا يما شصار على احمد وتهاني للحين ماردو لكم خبر؟
ام دانه ( حنان) : لاللحين بس انشالله باجر يردون خبر او الي عقبه الاصول تقول جذي ينطرون جم يوم على مايشاورون البنت
بودانه : الله يكتب الي فيه الخير لهم
ام دانه ( حنان ) : امين
بودانه : يلا عيل اخليكم الحين .. تامرون على شي
ام دانه : سلامة عمرك
بودانه : الله يسلمج ....





( دانه كانت قاعده تفكر شلون تدش بالموضوع مهي عارفه .. حاولت تسولف مع امها عن اشياء واايد يمكن تلقا موضوع يمهد حق الكلام الي تبي تقوله .. وقررت انها دش بالموضوع على طول من غير مقدمات تبي ترتاح وتعرف راي امها ...)


دانه مرتبكه بس تحاول تخفي ارتباكها : يما
ام دانه (حنان) : هلايما
دانه : يما الحين مثلا لو فرضنا احد يه وتقدملي راح توافقون ولاترفضون وتقولون انه توني صغير على الزواج ولازم اكمل دراستي ؟
ام دانه (حنان) : وليش هالسؤال؟
دانه مرتبكه: لا بس حبيت اعرف مجرد سؤال لان ولا مره عرفت رايكم بهالموضوع يعني راح توافقون او تقولون توالناس!
ام دانه(حنان ) : لاتو الناس عليج اول شي اخذي الشهاده وتالي فكري بالزواج والزواج مسؤوليه بيت وريل ماراح تفضين حق دراستج
دانه : اي
ام دانه كانت حاسه انه دانه خاشه شي : ليش في احد مكلمج بخصوص هالموضوع؟
دانه : ها لا بس قتلج يما حبيت اسأل بس لاكثر ولا اقل
ام دانه ماكانت مقتنعه باجابتها ... : اها
وقامت دانه راحت غرفتها كانت تحس انه قلبها بيطلع من مكاانه من الخرعه والارتباك ... قعدت تفكر بكلام امها ماتدري شتقول ..
دانه بقلبها : الحين شلون يعني راح اعلق عبدالله معاي لمن اخلص دراستي !!!
ام دانه من عقب ماسألتها دانه هالسؤال قلبها كان ناغزها انه ورا سؤالها شي ...
(دانو موخاليه وراها شي بس لازم اعرفه)


.. قررت انها تروح لدانه وتحاول تخليها تفتح قلبها لها عشان تعرف شفيها وليش سألتها هالسؤال !



----



(دانه بغرفتها منسدحه تفكر بكلام امها ... قطع عليها التفكير صوت الباب)




دانه : ادخل
ام دانه يت واقعدت يم دانه
دانه كانت مرتبكه ... امها مايت الا وتدري انه فيها شي وتبي تعرف السالفه من اولها لي اخرها ..
ام دانه ( حنان ) : دانه
دانه : هلايما
ام دانه )حنان) : يعني تبيني اصدق انه سؤال بس جذي كان يعني مجرد فضول انج تعرفين ردي؟
دانه : اي يما ماكان قصدي شي ثاني
ام دانه ( حنان) : يما دانه انا امج فتحيلي قلبج قوليلي شصاير في احد مكلمج؟ خاطبج؟ شي شيات؟
دانه : ها
ام دانه ( حنان ) : قتلج فتحيلي قلبج وانا امج واعرفج اكثر من نفسج مهما حاولتي تخشين صدقيني راح اعرف من دون لاتتكلمين
دانه حبت تقول حق امها الموضوع ...


دانه : اخو دلال عبدالله يبي يخطبني
ام دانه ( حنان ) : ودلال اهي الي قالتلج ؟
دانه (جذبت) : اي .. وانا قتلها مثل كلامج انه تو الناس على الزواج
ام دانه ( حنان ) : اي يما زين تسوين لاحقه على الزواج والمسوؤليه اهم شي الشهااده ..انزين قوليلي الصج انتي تعرفينه ؟
(دانه ارتبكت كانت محتااره تقول لها ولا لا ...)
ام دانه ( حنان ) : شفيج دانه قتلج فتيحلي قلبج اعتبريني صديقتج مو امج وقوليلي كل الي بقلبج
دانه : اممم اي اعرفه
ام دانه ( حنان ) : اوكي انا ماراح امنعج منه دام انكم تحبون بعض ويبيج بالحلال
دانه (استغربت من ردة فعل امها كانت حيل هاديه ماعصبت .. واستانست لان اخر شي كانت متأكده منه اهو انها تتفهم هالموضوع) : صج يما يعني عادي اكلمه ماعندج مانع؟
ام دانه (حنان ) : اي يما هاذي حياتج وانتي حره فيها وحره بختيارج لشريك حياتج مابي احرمج واخذ منج الموبايل ولاب والسياره لان ادري في امية الف طريقة تتواصلين وياه بس قتلج انا مابي ادخل بحياتج وخلج قد الثقه الي عطيناج ياها .. واذا صج يحبج وشاريج خل ينطرج .. لان حتى لو تقدم لج الحين لا انا ولا ابوج موافقين بحكم سنج ودراستج توج صغيره على الزواج
دانه (مستانسه انه امها راضيه على علاقتها مع عبدالله ومامنعتها منه وبنفس الوقت متضايقه انهم موموافقين الحين بسبب الدراسه) انشالله يما
ام دانه (حنان ) : انزين يما كلمينه عنه ..
ودانه قالت حق امها كل شي وشلون عرفو بعض وشكثر صار لهم وشلون علاقة عبدالله بأهله من بعد ماتوفا ابوه واخوه يعني قالت كل شي حق امها ماخشت عنها ولا شي .... وكانت دانه حيل مستغربه من ردة فعل امها.. امها العصبيه الي ماترضا بالغلط شلون ترضا بهالشي انه بنتها تكلم وعادي عندها ماتخيلت بيوم انه امها تفكيرها لي هدرجه متحرر ....!!!




​

 

[sweet.sanfoora]

وناااااااااااااااااااااااااااااسةة كلولولولوولووش

يا رب مريم تموت هي وخالد عشان ما تخترب القصة

 

[*toot]

الله يسمع منج

 

[toutiiii <3]

رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

البااااااااااارت مووووووو صج

يعطيييييج ربي الف الف عاافيه حبيبتي

و ان شاء الله ام دانه توافق

و مريم و خالد ان شاء الله نفتك منهم

ناااااااطرييييييينج

 

[خلودهـ]

والله ام دآنه عجبتني فديتهــآ

من جد الله ياخذ مريم وخــآلد مآآلت

ومشكوره ع البآآرت حده يوونس

يلآ نآطرهـ

 

[*toot]

رد: رد : ~ تحديناآ بمحبتناآ شطاآرتكمـ ~ قصهـ كويتيهـ واقعيهـ بقلمي~ ^toot^~

البااااااااااارت مووووووو صج

يعطيييييج ربي الف الف عاافيه حبيبتي

و ان شاء الله ام دانه توافق

و مريم و خالد ان شاء الله نفتك منهم

ناااااااطرييييييينج

الله يعافيج حبيبتي .. اميين الله يسمع منج
يلا انشالله كلها دقايق وانزل لكم البارت

خلودهـ رد:
والله ام دآنه عجبتني فديتهــآ

من جد الله ياخذ مريم وخــآلد مآآلت

ومشكوره ع البآآرت حده يوونس

يلآ نآطرهـ

العفو حبيبتي .. يلا انشالله الحين انزله لكم ^_^

 

[*toot]

-14-

-----




من عقب ما ماطلعت ام دانه من غرفة دانه ...
دانه كانت حدها منصدمه من موقف امها وشلون كانت هاديه وراضيه بعلاقتها مع عبدالله !!!!
هاذا كان اخر شي متوقعته دانه انه امها ترضا بهالشي .. دانه مانطرت اكثر واول ماطلعت امها من غرفتها دقت على عبدالله ...


---

عبدالله : هلا بحياتي
دانه ( حدها مستانسه ) : هلااا فيك حبيبي .. امبي امبي عبيد طافك شصار !!
عبدالله : خير خير شصار !! كلمتي امج ؟؟؟
دانه : اااي امبي ماتصدق تخيل تقولي عادي كلميه مامنعج منه !! هاذي حياتج وانتي حره فيها !!! بس اهم شي خلج قد الثقه الي عطيناج ياها .. امبي عبيد حدي منصدمه كلش ماتوقعت امي بتقول جذي هقيتها بتزفني وبتسحب الموبايل والسياره ولاب وكل شي !
عبدالله : ههههه انزين شوي شوي خل افهم عدل ! قوليلي من اووول مافتحتي وياها الموضوع لي اخر شي بالتفصيييل ....





-------




في بيت ام عبدالله وبالتحديد عند رنا ....

--

رنا كانت قاعده مع امها ودلال .. ورن موبايل رنا شافته كان ( خالد يتصل بك ) ! قامت رنا خذت مو بايلها ودشت غرفتها ..

رنا : نعم !
خالد : نعامه انشالله .. شوفي يا رنا ان ماحذرتي اخوج وقلتيله يوخر عن طريجي ولا ترا والله بيندم
رنا : يعني تبيه يشوف الغلط بعينه ويسكت ! خوش والله
خالد : اهو ماله شغل بمشاكلنا احنا انحلها بروحنا ماله دااعي ادخلينه بمشاكلنا
رنا : لا بيدخل انا مليت وخلاص عفت حياتي معاك ولازم احد يدخل وورقة طلاقي بتوصلني فاهم ولا لا ماابي منك شي كافي الي شفته منك ( وقامت تبجي )
خالد : شوفي يارنا مثل ماقلت لخوووج بقولج .. انا بعلقج بخليج معلقه طلاق ماني مطلق فاهمه واحتمال احط على راسج وحده اذا موعاجبج بعد
رنا ( واهي تبجي ) بطلقني وغصبن عنك الله ياخذك وافتك منك ... وسكرت الخط بويه وقطت روحها على لفراش تبجي .... كل شي سويته له ولا باين بعينه حاطته بعيوني ومغمضه عليه محافظه على بيتي وعيالي ومومقصره وياه بشي ليش جذي تسوي فيني يا خالد ليش تخوني !!! اليهال شذنبهم يعيشون هالعيشه اااخ تعبت تعبت ... وانهارت بجي ...







-----








عند ام دانه ... كانت قاعده تكلم نوره



نورة : هلا يما شلونج ؟
ام دانه : هلا فيج بخير والله انتي شلونج ؟ وشلون ريلج ؟ وعيالج؟
نوره : والله الحمدالله كلنا بخير ..
ام دانه : تصدقين اخو دلال خاطب دانو !
نوره : لا والله ! شنو مكلمينج !
ام دانه : اي والله .. لا ماكلموني بس عرفت من دانو كل شي
نوره : شلون !
ام دانه : ماكو انا شكيت من البدايه انه في شي .. كانت قاعده معاي واسألتني اذا مثلا احد تقدم لها الحين راح انوافق ولا لا ! يعني بنرفض بحكم دراستها وسنها
نوره : اي
ام دانه : انا شكيت فيها انه عندها شي لان ولا عمرها سألتني هالسؤال وشمعنى الحين!! .. المهم رحت لها وقعدت وياها وخليتها تفتح قلبها واعترف بكل شي قالتلي انه اخو دلال يبي يخبطها وانهم يعرفون بعض
نوره : هههههه والله مو هينه دوين .. انزين وبعدين شصار ؟
ام دانه : ماكو قتلها انا ماراح امنعج منه ولا راح اسحب منج الموبايل والسياره ولاب لان اتوقع في مليون طريقة تتواصلين وياه بس خلج قد الثقه الي عطيناج ياها .. وثاني شي اذا صج يحبج خل ينطرج على ماتكملين دراستج لان تو الناس عليج
نوره : اي والله اهم شي دراستها توها على الزواج والمسؤوليه .. بس والله صدمتيني كلش ماتوقعت دانو جذي من تحت لي تحت ههههههه
ام دانه : عيل انا شقول ! بس يلا المهم يبيها
نوره : اي والله ... وتمو يسولفون ....






-----





عند دانه وعبدالله ....



عبدالله : هههههههههه وناسه دوين
دانه : حدا .. تصدق احس براحه لمن قلت حق امي كل شي .. ماكو شي اخاف منه الحين .. اهم شي انه موقاعدين انسوي شي غلط وانك تبيني بالحلال
عبدالله : اي والله .. فديتج انا
دانه : انا الي فديتك حبيبي
عبدالله : بس شلون حبيبي الحين لي متى بننطر يعني
دانه : الله كريم انشالله ننطر شوي على الاقل اكون بسنه 3 مومشكله يعني يبقالي سنه لان مستحيل الحين امي وابوي راح يوافقون .. وامي من نفسها قالتلي اذا صج يحبج خل ينطرج
عبدالله : واايد حبيبي
دانه : لا حبيبي انشالله مووايد الايام تمشي بسرعه وانشالله اخلص بسرعه وتتقدملي ونتزوج
عبدالله : اخيه متى متى حبيبي ابي اعيش وياج
دانه ( مستحيه ) : انشالله حبيبي .. حبيبي ويت عندي خط ثاني
عبدالله : منو ؟
دانه : دلوول اختك ويت اشبكها ويانا
عبدالله : اوكي
دانه : هلا هلا والله
دلال : بسج بسج رضعه
دانه : ههههههه شتبين محتره
دلال : ويهج .. وين الي بدق عيزت انطرج شصار على امج كلمتيها !
عبدالله : احم احم
دلال : وييييع طاع منو اهني
دانه : ههههههههه حدج حدج على حبيبي عاد
عبدالله : يما فديت الي ادافع عني
دلال : ماقول الا مالت عليكم
عبدالله : تبيني ايلج الغرفه الحين امحطج
دلال : ها .. لالا اخوي انته حبيبي بعد قلبي اسفه والله اسفه
عبدالله : اي تسنعي احسلنج
دانه ( ميته ضحك على خبالهم ) وتمو يسولفون لي الييل ....





-----





ثاني يوم الصبح ....

(اول ماقامت دانه من النوم غسلت وانزلت .. لقت امها وابوها قاعدين يتريقون..)

دانه : صباح الخير
الكل : صباح النور
ابو دانه : عجبه اليوم قاعده مبجر ونازله تتريقين !
دانه : لوووول اي امس نمت مبجر
ابو دانه : جان زين كل يوم جذي تقعدين تتريقين نشوفج ! ها يبا متى تعطلون ماخلصتو للحين ؟
دانه :اي يبا خلصت بس ننطر لمتحانات بعد سبوع انشالله انبلش
ابو دانه : الله يوفقج انشالله
ام دانه : امين .. شدي حيلج عاد
دانه : انشالله ..
ام دانه : بو احمد ترا ام محمد دقت علي وقالتلي انه تهاني موافقه
دانه : صج !! ونااسه
بو دانه : لا يلا الحمدالله خلاص عيل ادق على بو محمد ونتفق وياه على يوم
دانه : واحمد درا ولا للحين !
ام دانه : لا ماقتله للحين بس اي من الدوام انشالله افرحه
ابو دانه : الله يوفقهم انشالله
ام دانه: امين يارب ...





----





في بيت ام عبدالله ....



ام عبدالله كانت داقه على اختها (ام مريم ) ...
ام مريم : هلا والله هلا بختي وينج ماتبينين مادقين ماتسألين !
ام عبدالله : والله على بالي بس تدرين مشاغل هالبيت والله لاهيه انخلص من شي يطلع شي ثاني اول مافضيت دقيت عليج
ام مريم : حبيبتي والله الله يعينج .. شلون لعيال كلهم انشالله بخير ؟
ام عبدالله : والله الحمدالله كلهم بخير .. وانتي شلونج وشلون ابو مريم ومريم انشالله كلكم بخير؟
ام مريم : والله بخير دامكم بخير
ام عبدالله : باركيلي يوخيتي واخير عبدالله قرر يتزوج
ام مريم ( استانست عبالها بيخطب بنتها بس سوت روحها ماتدري ): لااا زين زين عالبركه ومنو بياخذ !
ام عبدالله : والله كل هالمده حاط عينه على رفيجة دلال دانه وامس قال لنا .. والصراحه خوش بنت ماشفنا منها شي جمال ودلال وسنع مشالله واهم شي رفيجة دلال من عمر
ام مريم ( تضايقت ) : لااا زين الله يوفقهم
ام عبدالله ( حست انه اختها تضايقت لمن درت عبدالله منو بياخذ .. بس كل شي قسمه ونصيب ) : امين





----




عند دانه ...
كانت قاعده بغرفتها شابكه .. رن موبايلها ( شروق يتصل بك)

دانه : اهلن اهلن
شروق : جب جب ولا كلمه
دانه : ليش ليش شدعوا
شروق : اي ماتسألين مادقين بس اانا الي ادق عليج
دانه : ادري اني قاطعه ومادق ولا اسأل بس والله كنت لاهيه
شروق : ماااشي مااشي بصدق .. انزين شعندج الحين؟
دانه : لوووول موبكفيج .. ماكو والله بالبيت ماعندي شي
شروق : انزين شرايج نطلع ؟
دانه : اوكي .. بس وين ؟
شروق : مادري اي مكان نقعد بكفيه نتمشا المهم نطلع حدي ولهانه عليج ومن زماان موطالعين مع بعض
دانه : اي والله صح من زمان موطالعين .. خلاص اوكي الحين ابدل وايلج
شروق : اوكي حبيي اول ماتطلعين قوليلي
دانه : اوكيك .. يلا باي




​