تحبين الطبيعي و تستخدمين الفازلين؟!! ليش التناقض؟!!

[المرتاحة]

جل فازلين البتروليوم قليل استخدمه لكن اللوشنات مالته تهبل استخدمها

حياج اخيتي

مشكوره على المرور :eh_s(17):

 

[الـــغـــلآ]

^
نفس السؤال شرايج بجرجنز

 

[المرتاحة]

الله يجعله بميزان حسناتك يااارب

يزاج الله خير اخيتي

حياج الله :eh_s(17):

 

[shy rose]

يعطيييييييج الف عااااااااااافيه
لكن مالنا غنى عن الفازليييييييين < لوووول:eh_s(7):

 

[المرتاحة]

مشكوووره حبيبتي


بانتظار خلطاتج

العفو حبيبتي

وان شا الله اذا حصلت فرصه انزل موضوع عن كريماتي اللي اسويها

ومشكوره على المشاركه :eh_s(17):

 

[المرتاحة]

فعلا معاج حق .. الفازلين يسد المسام بس مع هذا نستخدمه ..

انا جربت زبده الشيا كانت روووعه بس خلصت وحنا طبيعتنا نفضل الشي الجاهز اسهل واريح ...

وحتى لو فكرنا نغير بعاداتنا .. هبه وتالى نرد مثل اول


بحاول اخفف من استخدامه .. واجرب الزيوت الطبيعيه


وتشكرين على هالمجهوووود .. موضووعج اكثر من روووعه ..

طبيعي الناس راح تستخدم الفازلين لانه متوفر بكل مكان و ثانيا لانه ارخص من زبدة الكاكاو و زبدة الشيا الخام

اكيد الطبيعي يفرق وايد بالاستخدام لانه ما فيه شي ضار و يعووض الجلد بالدهون والاحماض الامينيه اللي فقدها و يغذي الجلد بالفيتامينات بينما الفازلين صح يرطب بس يأذي البشرة ويضرها ولو تلاحظين عقب ما تغسلين الفازلين البشرة تصير جااااافه لانه منع الجلد من انه يكون الزيوت الطبيعيه اللي جسمنا يفرزها هذا هو الفرق بين الفازلين و الشي الطبيعي ..فرق السما عن الارض.

لا حبيبتي اذا عزمتي انج تتركين المصنع و تستخدمين الطبيعي ترى راح تستمرين عليه لانه نتايجه مذهله و خاصة اذا انتي من النوع اللي تهتم وااايد ببشرتها و يهمها تغذيتها


العفو حبيبتي الله يسلمج :eh_s(17):

 

[المرتاحة]

انا استخدم زيت زيتون اصلي قبل النوم

وتظهر نتايج زيت الزيتون اذا مسويه تقشير للبشره
او مستخدمه ديرما رولر

يصير الوجه يلق لق

طبعا لابد من استخدام الزيت قبل النوم يعني ظلام واول ما تصحين الصبح تغسلين وجهك زين


وشكرا لك حبيبتي على الموضوع

الله يهنيج بالنتيجه اختي

بس ترى عادي تستخدمين الزيت في الضوء او في النهار بس تقعدين في البيت و ما تتعرضين للشمس.

و البطل اللي تحطين فيه زيت الزيتون لازم يكون غامج نفس اللي بالصوره او تحتفظين فيه بمكان مظلم علشان الفيتامينات و المواد الفعاله ما تتكسر بفعل الضوء

وطبعا استخدام الكريم وقت النوم لانه اهو الفترة اللي تتغذي فيها بشرتنا بصورة فعاله

مشكوره على المشاركه

 

[اصيلة]

حبيبتي ليش مستغربه انه الفازلين فيه نسبة سمية مع هذا يبيعونه

اهم كانوا يستخدمونه بس مع تطور العلم و الدراسات بيين معاهم جذي.. ترى المعلومه هذي من زمان صرحوا فيها

في منتجات فيها سموم و مازالت تنباع

عندج الكريمات اللي عند الحواي اللي فيها نسب زئبق و رصاص

و كريم الهيدروكينون اللي يصرفونه بالصيدليات يسبب سرطان ومنعته بريطانيا و بعض الدول الاروبيه بس مازالوا يبيعونه عندنا

انا عطيتج امثله

وان شا الله ربي يبعد عنا اللي يضرنا

ثانكس على المرور

مستغربه لان امهاتنا و جداتنا من زمااااان يستخدمونه و ما ضرهم شي

و كذلك الخدامات اللي بالبيوت من عمر و اللي ما عندهم الا الفازلين و تدههههههن فيه لما يطيح حيلهم و ما صار فيهم شي

يعني على مر تقريبا 40 سنه ما شفت فيهم شي و ما صارت فيهم امراض و لا هم يحزنون هذا من الناحيه الاجتماعيه


اما من الناحيه الطبيه بسألج ليش لحد الحين يسوون الفازلين و اللي نسميه الفازلين الطبي اللي علبته بيضاء و هو يصرف

من قبل المستوصفات الحكوميه و المستشفيات ؟؟ و ليش الصيادله بنفسهم يسوونه بيدينهم للمرضى ؟؟ و يحددون له مده معينه

لصلاحيه انتهاءه ؟؟

و هاذي بعض الاقتباسات عن الفزلين و مكوناته

there are many ingredients. Among them butylene glycol, caprylic/capric triglyceride, carbomer, cetyl alcohol, clyceryl stearate, dimethicone,
disodium edta, distearlydimonium chloride, dmdm hydantoin, ethylene brassylate, a great big bunch of ingredients in alphabetic order until you get down to
water, and xanthan gum.

هو مركب من فصيله الشمع ويستخلص من البترول (احد نتائج التكرير )
يستعمل في كثير من الادويه مثل المراهم واللبوسات وفي صناعة كريمات الوجه والشعر ويستعمل مع مركبات اخري لتغير من صفاته الفيزيائيه وقد يستعمل منفردا بمواد عطريه او بدون وكذلك في الصناعه فالشحم ماهو الا فزلين غير بقري (صناعي) وهو ليس ضار اذا كان نقي لان استعملاته كلها خارجيه اما زيت البرافين هو مركب فزليني ذو درجه انصهار منخفضه ويستعمل كشربه ملينه

و الكريمات اللي قلتي عنهم و اللي يحتوون على الزئبق و الرصاص هاذي كريمات ممنوعه اساسا من دخول البلاد لخطورتها على صحه الانسان الداخليه و الخارجيه و مانعينها وزاره التجاره و الصناعه و لكن للاسف تسرب


و كريم الهيدروكينون مشتق من عنصر الهيدروكينون

و بالعكس عنصر الهيدروكينون هو عنصر فعال مثل العناصر الطبيه الاخرى لعلاج العديد من الامراض و الامراض المستعصيه اللي ما يعالجها الا هو مثل الروماتيزم


و يستخدم ايضا كمنتج تجميلي لعلاج البقع الداكنه في البشره و تفتيحها و لكن يجب ان يستخدم بنسب ضئيييييييييله و لا تتجاوز تقريبا عن 2%

 

[فركيته]

شاكرة لج اختي الكريمه وانا معاج 100% بكلامج عن الفازلين لان طبيبة جلديه قالتلي لا تستخدمينه وايد لان اهو مشتقات بتروليه , وماكو احسن من الطبيعي الله يحفظج ويخليج لاهلج بس قوليلنا شنو الاشياء الطبيعيه عشان نسويها .والله يعطيج العافيه

 

[غنآآآتي]

صح كلامج يا قلبي ويا حلو زيت الزيتون موطبيعي لمعه ونظارة وليونه
الله يرزقج بلي تمنينه يا قلبي

 

[مهرى 999]

مشكور لكن ابي منك سوال مهم وشلون اتاكد من ان زيت الزيتون اصلي لاني اثق مافي احسن للبشره من زيت الزيتون

 

[المرتاحة]

عاد آنا ماأستغنى عنه لريووولي
مشكووره حبيبتي
انزين شرايج بمنتجات جرجنز ؟

الله يسلمج اخيتي

والله بالنسبة لمنتجات جرجينز مادري عنها

لاني ما استخدمتها

بس بقولج معلومة عن الكريمات بشكل عام سواء كانت جودتها عالية و اسعارها غالية او الرخيص منها

اغلب مكونات الكريمات اهو الماي و المادة الطبيعيه اللي هي الفعاله يكون اشويه لانها تكلفهم وايد

اعطيج مثال اذا لقيتي كريم بزيت الزيتون صح يكون فيه زيت زيتون بس بكمية قليله و يكثرون فيه الماي و المواد المضافه من مواد حافظه و ما الي ذلك

 

[Wild Cat 007]

ياريت حبي لو تقولين لنا عن وصفاتج والله بخاطري اسوي بس ما اعرف و البنات اللي ما يقتنعوون بالكلام اقولهم جربوا تحطون كريم عادي من الجمعيه بالايد و الايد الثانية حطي زيت زيتون و لما تقومين الصبح من النوم شوفي منو اللي ترطيبه اقوى ؟ طبعا الطبيعي بس مو معناته ما نستخدم الكريمات مولية مادري هذا رايي ومشكووورة صاحبة الموضوع

 

[المرتاحة]

مستغربه لان امهاتنا و جداتنا من زمااااان يستخدمونه و ما ضرهم شي

و كذلك الخدامات اللي بالبيوت من عمر و اللي ما عندهم الا الفازلين و تدههههههن فيه لما يطيح حيلهم و ما صار فيهم شي

يعني على مر تقريبا 40 سنه ما شفت فيهم شي و ما صارت فيهم امراض و لا هم يحزنون هذا من الناحيه الاجتماعيه

اختي هالكلام هذا ما تساليني فيه انا.. تقدرين تسالين فيه اللي سووا الدراسه و لقوا ان المنتج هذا يؤدي الي السرطان واهم راح يجاوبون على تساؤلاتج باجوبه دقيقة ومقنعه

لكن انا بجاوبج بالنسبه لتحليلي و على حسب خبرتي المتواضعه
ان نسبة سمية الفازلين اهي 3 من 10 يعني نسبتة قليلة بس مو معناته انه ما يأثر اهو اكيد ياثر بس بصورة قليلة واكيد على كثرة استخدامه على المدى البعيد راح يطلع تأثيره
بس يمكن في ناس اجسامهم قويه و تقدر تقاوم المرض علشان جذي ما يطلع عندهم. هذا بالنسبه لتحليلي استنادا على المعلومات اللي عندي.






اما من الناحيه الطبيه بسألج ليش لحد الحين يسوون الفازلين و اللي نسميه الفازلين الطبي اللي علبته بيضاء و هو يصرف

من قبل المستوصفات الحكوميه و المستشفيات ؟؟ و ليش الصيادله بنفسهم يسوونه بيدينهم للمرضى ؟؟ و يحددون له مده معينه

لصلاحيه انتهاءه ؟؟

و هاذي بعض الاقتباسات عن الفزلين و مكوناته


اما بالنسبة لجوابي على سؤالج هذا..انا نفسي ما ادري اهم ليش مستمرين باستخدامه .. ساليهم وشوفي شنو هو ردهم..
انا لو تكون عندي سلطة اني اغير نظام المستشفيات واقدر اصدر قرارات جان حذفت الفازلين بالمحرقة واستبدله بزبدة الكاكاو عاد بتلاقين المرضي كل اشويه يطلبون منه ههههههههه







و الكريمات اللي قلتي عنهم و اللي يحتوون على الزئبق و الرصاص هاذي كريمات ممنوعه اساسا من دخول البلاد لخطورتها على صحه الانسان الداخليه و الخارجيه و مانعينها وزاره التجاره و الصناعه و لكن للاسف تسرب

مادري والله انهم مانعينها وبعدين انا استغرب اشوفها مسطره بارفف العطارين وتنباع عادي ولا جنه صاير شي.. المفروض وزارة التجاره تلاحقهم واذا مسكوهم يخالفونه مخالفه شديدة


و كريم الهيدروكينون مشتق من عنصر الهيدروكينون

و بالعكس عنصر الهيدروكينون هو عنصر فعال مثل العناصر الطبيه الاخرى لعلاج العديد من الامراض و الامراض المستعصيه اللي ما يعالجها الا هو مثل الروماتيزم


و يستخدم ايضا كمنتج تجميلي لعلاج البقع الداكنه في البشره و تفتيحها و لكن يجب ان يستخدم بنسب ضئيييييييييله و لا تتجاوز تقريبا عن 2%

وبالنسبه للهيدروكينون في تجارب مسوينها على فيران المختبرات (مكرم القاريء) ولقوا انه يسبب لهم سرطان و على هذا الاساس خافوا من هذي الماده تحسبا

علشان جذي اسمحت أدارة الغذاء و الدواء بامريكا fda انهم يستخدم بس بنسبه تتراوح بين 1 و نص الي 2% ما تزيد عنها وان النسبه اذا مازادت عن 2% يعتبر أمن و على فكرة ترى بعض الدكاترة بامريكا ما ينصحون ان الواحد يطول باستخدامه يعني لفترة معينه و يقطعونه

بس في بريطانيا و بعض الدول الاوربية منعوه منعا تاما


و بالنسبة لوجهة نظرى انا عندي قناعه ان الشي اللي كثيره ضار شي طبيعي ان قليله يأثر يمكن مو بصورة كبيرة بس الاكيد انه بيأثر فالابتعاد عنه بالمره يكون احسن

و مشكورة اختي

 

[متغليه لعيونه]

يسلمووووو
الله يعطيك العافيه
ماننحرم منك ومن تميزك

 

[LuLiTa]

انا اشووف انه كل شي له فوايده و مضاره سواء كان طبيعي او صناعي ,,,اهم شي الاعتدال

 

[المرتاحة]

شاكرة لج اختي الكريمه وانا معاج 100% بكلامج عن الفازلين لان طبيبة جلديه قالتلي لا تستخدمينه وايد لان اهو مشتقات بتروليه , وماكو احسن من الطبيعي الله يحفظج ويخليج لاهلج بس قوليلنا شنو الاشياء الطبيعيه عشان نسويها .والله يعطيج العافيه

الله يسلمج حبيبتي

وان شا الله بس ادعي لي عسى الله يقدرني و احط لكم طريقتي اللي تسوون فيها من الزيوت كريمات ثقيلة او حتى لوشنات خفيفة

الحين في من الناس و الاجانب بصورة كبيرة قاموا يتوجهون للآشياء الطبيعية العضويه Organic سواء من كريمات او حتى الاكل لانها ما دش في تكوينها اي شي مصنع كله طبيعي بطبيعي

 

[المرتاحة]

صح كلامج يا قلبي ويا حلو زيت الزيتون موطبيعي لمعه ونظارة وليونه
الله يرزقج بلي تمنينه يا قلبي

مشكوووره حبيبتي على الدعوه الحلوه

وشي اكيد ان الطبيعي لا يعلى عليه

 

[to0taa]

ما قصرتي يعطيج العافية عاد انا كله احط علا براطمي بس تووووبه
انصدمت بصراحة
و مشكورة مره ثانية جزاج الله خير

 

[دنيا الغموض]

واااااااي ربي يجزاتس كل خير
وربي استفدت حييييييل
ماشاءالله
طيب الجليسوليد كيف؟؟