قوه كويتيات
أحب الطبيعة واحب كل شي طبيعي حتى لو تشوفون الصورة اللي حاطتها تهبل تهبل يا حلو المكونات الفريش حلوه و تشرح الصدر :eh_s(7):
تعرفون الملكة الفرعونية كيليوباترا
ترى كانت مو جميلة بس عنايتها بنفسها بالمكونات الطبيعية من حليب و عسل وزيوت طبيعية واسرار و مواد يتعنون ايبونها لها من آخر الدنيا علشان تحافظ على جمالها و شبابها بصورة صحيحة, وصاروا يضربون فيها المثل في الاغراء والجمال حتى قامت تسحرهم و تبهرهم من جمال بشرتها و صفاءها والسبب هي المكونات الطبيعية اللي تستخدمها.
ترى حتى جميلات هوليوود يستعمولون وصفاتها ,
صراحه تعجبني عنايتها و حرصها على حفاظها على جمالها الطبيعي.
انا عطيتكم نبذه عنها بس علشان استفتح موضوعي
----------------------------------------------
في مقوله مشهورة في أواسط الناس اللي يحرصون على استخدام المنتجات الطبيعية
"What goes onto your skin, goes into your body"
والترجمه بالكويتي ههههه "اللي ينحط على جلدج راح يدخل داخل جسمج" أبيكم تحفظون المقوله هذي زين زين و مابيكم تنسونها لأنها مهمه لصحتكم اذا صج انتوا هامتكم صحتكم و ما تبون تفرطون فيها.
*الجلد حسب شرح العلماء مثل الاسفنجه اي كريم او زيت تستخدمينه يمتصها الجلد و طبعا على حسب وزن الجزيئات اللي تدخل بمكونات الزيت تدخل الي العمق اللي يوصله لها وزنها.. ترى في مكونات تدخل الجسم و تمشي في مجرى الدم لجسمنا
انا احب القسم هذا واستفدت منه لكن عندي ملاحظات على بعض الاشياء اللي اشوفها هني و قلت اسوي مواضيع و بين فترة و فترة بنزل ملاحظه لانه صج صج اتضايق لما اشوف في بنات يستخدمون مواد استخدام غلط او انهم يستخدمون اشياء تضرهم.
بنات انا من زمان احب الشي الطبيعي و عندي هووس بشكل كبير اني اتعلم وافهم مفعول كل مكون من المكونات اللي بكريماتنا اللي نشتريها من السوق سواء كانت غاليه او رخيصه ووايد ساعدني تخصصي اني افهم طريقة تفاعل المكونات مع جلدنا بصورة علمية لآني انا ما اقتنع بأي كلام الا لما يكون تحت اسس علمية مدروسه.
و من جم سنه انحشت عن المنتجات المصنعة اللي بالسوق والجمعيات وقمت اسوي كريماتي و الشاور جل حتى معطر الجسم (Body mist( بيدي لدرجة اني اتعنى واطلب المكونات من بره كلها مكونات طبيعية انا اخلطها بيدي وبمقادير مدروسه لاني ما احب اخبص و احط عباس على درباس<<على قولة يدتي هههههه
وصج بنات لاحظت بشرتي وايد وايد فرقت عن اول
المهم انا مابي اكثر سوالف و بحاول اختصر لكم الموضوع
وبقول لكم معلومه عن الفازلين(Petroteum jelly( اللي ما يخلى منه اي بيت ولدرجة اننا نستخدمه للبيبي لانه في بعض منتجات الاطفال
طبعا انتوا اكيد عندكم خبر ان الفازلين من مشتقات النفط وانه ماده مصنعه (غير طبيعية) وانا حابه اذكركم ابمعلومه يمكن تكونون ناسينها
* اهو يصنف تحت مسمى الزيوت المعدنية البتروكيمياوية (Mineral oil) و يدش تحت هذا المصنف شمع البرافين و زيت البرافين (Paraffin wax & Paraffin oil) والفازلين طبعا
*هذي المنتجات سامه يستخدمونها لانها رخيصه مقارنة مع المنتجات الطبيعة , الدراسات العلمية استنتجت انه يسبب السرطان ومنعوه بعض الدول الاروبية
و شغله ثانية احب اقولها عنه ان الفازلين لما تستخدمينه راح يضرج , اشلون؟! انا اقول لج:
1- يسكر المسامات الموجودة في الجلد
2- يمنع خروج السموم اللي تطلع عن طريق الجلد بواسطة العرق
3- يسبب جفاف الجلد لانه يمنع الجلد من انه يفرز الزيوت الطبيعية اللي يفرزها جسمنا بشكل طبيعي كحمايه و ترطيب.
* درجة السميه 3\10 (3 من 10)
يمكن انتوا حابين الفازلين و البرافين بس نصيحه مني لا تستخدمونه كلش و اذا صج انتي مو قادره تستغنين عنه خففي من استخدامه
او تقدرين تستبدلينه, و ترى على فكرة في وايد بدائل طبيعية للفازلين و مفيدة و مفعولها طبيعي و حلو و ما تضرج كلش ملش اللي اهم
* زبدة الكاكاو *زبدة الشيا *زبدة المانجو و الافوكادو ... الخ الخ الخ
او انج تستخدمين الزيوت الطبيعية مثل زيت الزيتون, زيت جوز الهند او زيت السمسم او زيت الجوجوبا ... الخ الخ الخ
و ابي منكم دعوه حلوه ان الله يوفقني
وان شا الله اذا الله عطانا عمر اكتب لكم او اعلمكم اشلون اسوي كريماتي الطبيعية واوريكم موادي و بعض اسراري :eh_s(8):
أحب الطبيعة واحب كل شي طبيعي حتى لو تشوفون الصورة اللي حاطتها تهبل تهبل يا حلو المكونات الفريش حلوه و تشرح الصدر :eh_s(7):
تعرفون الملكة الفرعونية كيليوباترا
ترى كانت مو جميلة بس عنايتها بنفسها بالمكونات الطبيعية من حليب و عسل وزيوت طبيعية واسرار و مواد يتعنون ايبونها لها من آخر الدنيا علشان تحافظ على جمالها و شبابها بصورة صحيحة, وصاروا يضربون فيها المثل في الاغراء والجمال حتى قامت تسحرهم و تبهرهم من جمال بشرتها و صفاءها والسبب هي المكونات الطبيعية اللي تستخدمها.
ترى حتى جميلات هوليوود يستعمولون وصفاتها ,
صراحه تعجبني عنايتها و حرصها على حفاظها على جمالها الطبيعي.
انا عطيتكم نبذه عنها بس علشان استفتح موضوعي
----------------------------------------------
في مقوله مشهورة في أواسط الناس اللي يحرصون على استخدام المنتجات الطبيعية
"What goes onto your skin, goes into your body"
والترجمه بالكويتي ههههه "اللي ينحط على جلدج راح يدخل داخل جسمج" أبيكم تحفظون المقوله هذي زين زين و مابيكم تنسونها لأنها مهمه لصحتكم اذا صج انتوا هامتكم صحتكم و ما تبون تفرطون فيها.
*الجلد حسب شرح العلماء مثل الاسفنجه اي كريم او زيت تستخدمينه يمتصها الجلد و طبعا على حسب وزن الجزيئات اللي تدخل بمكونات الزيت تدخل الي العمق اللي يوصله لها وزنها.. ترى في مكونات تدخل الجسم و تمشي في مجرى الدم لجسمنا
انا احب القسم هذا واستفدت منه لكن عندي ملاحظات على بعض الاشياء اللي اشوفها هني و قلت اسوي مواضيع و بين فترة و فترة بنزل ملاحظه لانه صج صج اتضايق لما اشوف في بنات يستخدمون مواد استخدام غلط او انهم يستخدمون اشياء تضرهم.
بنات انا من زمان احب الشي الطبيعي و عندي هووس بشكل كبير اني اتعلم وافهم مفعول كل مكون من المكونات اللي بكريماتنا اللي نشتريها من السوق سواء كانت غاليه او رخيصه ووايد ساعدني تخصصي اني افهم طريقة تفاعل المكونات مع جلدنا بصورة علمية لآني انا ما اقتنع بأي كلام الا لما يكون تحت اسس علمية مدروسه.
و من جم سنه انحشت عن المنتجات المصنعة اللي بالسوق والجمعيات وقمت اسوي كريماتي و الشاور جل حتى معطر الجسم (Body mist( بيدي لدرجة اني اتعنى واطلب المكونات من بره كلها مكونات طبيعية انا اخلطها بيدي وبمقادير مدروسه لاني ما احب اخبص و احط عباس على درباس<<على قولة يدتي هههههه
وصج بنات لاحظت بشرتي وايد وايد فرقت عن اول
المهم انا مابي اكثر سوالف و بحاول اختصر لكم الموضوع
وبقول لكم معلومه عن الفازلين(Petroteum jelly( اللي ما يخلى منه اي بيت ولدرجة اننا نستخدمه للبيبي لانه في بعض منتجات الاطفال
طبعا انتوا اكيد عندكم خبر ان الفازلين من مشتقات النفط وانه ماده مصنعه (غير طبيعية) وانا حابه اذكركم ابمعلومه يمكن تكونون ناسينها
* اهو يصنف تحت مسمى الزيوت المعدنية البتروكيمياوية (Mineral oil) و يدش تحت هذا المصنف شمع البرافين و زيت البرافين (Paraffin wax & Paraffin oil) والفازلين طبعا
*هذي المنتجات سامه يستخدمونها لانها رخيصه مقارنة مع المنتجات الطبيعة , الدراسات العلمية استنتجت انه يسبب السرطان ومنعوه بعض الدول الاروبية
و شغله ثانية احب اقولها عنه ان الفازلين لما تستخدمينه راح يضرج , اشلون؟! انا اقول لج:
1- يسكر المسامات الموجودة في الجلد
2- يمنع خروج السموم اللي تطلع عن طريق الجلد بواسطة العرق
3- يسبب جفاف الجلد لانه يمنع الجلد من انه يفرز الزيوت الطبيعية اللي يفرزها جسمنا بشكل طبيعي كحمايه و ترطيب.
* درجة السميه 3\10 (3 من 10)
يمكن انتوا حابين الفازلين و البرافين بس نصيحه مني لا تستخدمونه كلش و اذا صج انتي مو قادره تستغنين عنه خففي من استخدامه
او تقدرين تستبدلينه, و ترى على فكرة في وايد بدائل طبيعية للفازلين و مفيدة و مفعولها طبيعي و حلو و ما تضرج كلش ملش اللي اهم
* زبدة الكاكاو *زبدة الشيا *زبدة المانجو و الافوكادو ... الخ الخ الخ
او انج تستخدمين الزيوت الطبيعية مثل زيت الزيتون, زيت جوز الهند او زيت السمسم او زيت الجوجوبا ... الخ الخ الخ
و ابي منكم دعوه حلوه ان الله يوفقني
وان شا الله اذا الله عطانا عمر اكتب لكم او اعلمكم اشلون اسوي كريماتي الطبيعية واوريكم موادي و بعض اسراري :eh_s(8):
التعديل الأخير:
