""تجمــــع مسافراات أوربــــا 2012""

[>الحنان كله<]

بااااااااك بنات
شخباركم
ان شاء الله طيارتنا اليوم الساعه 5 الفجر
ضايق خلقي بخلي ولدي ودي يكون معاي طول اليوم حاطته ع قلبي مابي اخليه
خط سير الرحله ويتضمنه طيران داخلي
كويت باريس طيران داخلي لميونيخ زلمسي ميونيخ كويت
رحلتنا وقتها حيل قصير اسبوع واحد بس
باريس 3 ايام زلمسي 2 وميونيخ 1 وان شاء الله نرد بالسلامه
راح نعتمد برحلتنا ع التكاسي بحكم ان المده قصيره مانبي انضيعها اب القطار والمحطات والمترو
اي سؤال انا حاضره ...
ملاحظه :هذي سفرتي لطلعة نفاسي مأجلتها 8 شهور هههههههههه بس العوض ولا القطيعه
اشوفكم ع خير

 

[_زينه_]

مساء الخير

بنات تعرفون خياط زين يفصل قمصان ناعمه للسفر ؟

 

[_زينه_]

تروحين وتردين بالسلامه الحنان كله

وعلى ولدج نفس الحاله

 

[عزاااه]

بعكس يورباك حلوه لجهال فيها شخصيات نفس ديزني يتمشون انا الكبيره استانس مابالكم الجهال

 

[#ريما#]

مرحبا بنات
شلونكم
ان شاءالله تروحون وتردون بالسلامه
انا ان شاءالله سفرتي شهر 8 سويسرا وفرنسا
وعدد الايام بفرنسا اكثر عشان جذي قلت بطلع الفيزا من السفاره الفرنسيه طبعا شنغن بس ابي رقم مندوب يخلصها لي
الي تعرف مندوب ثقه ياريت تعطيني رقمه وشكرااا حبيباتي

 

[عزاااه]

ريما ماعرف جنه مكتب القبس يسويها لج

 

[#ريما#]

مافي احد غير القبس ؟؟

 

[عزاااه]

ريما مدري اذا في غير القبس

 

[red flower]

صباح الخير

 

[عزاااه]

صباح النور

 

[red flower]

عزااه شلونج
شرايج امن احلا زلامسي او انترلاكن

 

[red flower]

عزااه في انترلاكن موجوده المطاعم التركيه والوجبات

 

[عزاااه]

والله كلهم حلوين بس انترلاكن احلى فيهم مطعم تركيه شورما فيها مطاعم هنديه عيوش بعد

 

[red flower]

عزاه مصرف 1000 دينار حق اسبوع انترلاكن اكل ورحلات مع بنزين سياره كافي

 

[zain-bh]

صباح الخير

عزاه االله يردج سالمه
انا قربت سفرتي عقب 3 ايام انشاء الله والله يسهل ضايق خلقي على بنوتي حبيبتي

شلون الجو في زلامسي بشرينه

 

[^ دانة الزين^]

الله يسهل عليج زينه

واذا على بنتج لا تحاتينها الله يحفظها

بنات شنو سعر البنزين باوروبا جم يبيله ميزانيه؟؟

 

[om norha]

انشاءالله عزاه راح أنسافر شهر ٨ انترلاكن
عندج خبر أشلون الجو هالحزه؟

 

[عزاااه]

رد فلور اسبوع كافي الف بس حطي احتياطي معاج سبحان الله

 

[عزاااه]

زين جو الحين والله بارد علينا مطر حلو بس في بروده لازم جاكيت شهر ٨ اتوقع مايحتاج جاكيت

 

[وآحشنــي زمآنـك]

ان شاء. الله احنا اخر شهر 6

رحلتنا. زيورخ - زلمسي - فينا


بليز الي معلومات عن زيورخ