تجمــع المتأخـرات بالحمـل بسبب الــزوج حيــاكم

[االوفيه]

بنات بقولكم عن علاج جربه زوجي لأن تحليله فيه ضعف حيل بالحركه
رجال يبيع عسل مخلوط بأعشاب لكل شي عنده والحمدلله الحين تحليله زين حيل

 

[بلبله سعوديه]

سلام عليكم عزيزاتي والله اخر دوره جاتني بتاريخ 25-10 وسويت حليل حمل في البيت بس خط واحد وللحين مانزلت الدوره عمري 45 ممكن تفيدوني ياقلبي

 

[share82]

الوفيه

ممكن رقم او عنوان صاحب العسل

الله يجزاك الجنه ...

 

[share82]

الله يرزقكم بابنات
ويرزق كل منتظره
وانا معاكم

 

[شوق الطفولة]

لي 7 سنوات الحركة عند زوجي ضعيفة سبق وعمل عملية دوالي بس التحسن بطي جدا
الله كريم
الله يشفينا وازواجنا ويرزقنا ياااارب

 

[شوق الطفولة]

يشلونكم بنات

زوجي عطاه الدكتور علاجين اهما

trental 400 mg

هاذا صورته

http://www.farmaplus.com.ve/images/product/product_1585.jpg

stress tabs with zinc.

هاذا صورته

*http://up.rabe7.com/get-4-2010-w60rt0ks.jpg

من تعرفهم او شأفتهم وهل جابو نتوجه او تحسن

هو فيه ضعف بالحركة وشبه مايتحركون وتشوه

زوجي يستخدمها وكويسة بس التحسن بطي العدد تمام بس الحركة باقي ضعيفة
الله يرزقنا ويفرح قلوبنا ياااارب

 

[فيونكا 2010]

الله يرزقنا جميعا بالذريه الصالحه يارب

انا صارلي ٣ سنين متزوجه وزوجي عنده العدد قليل جدا

اكل عسل فتره ٣ شهور بس

والحين قاعد لا علاج ولاشي

الله يعينا يارب ويرزقنا باللي فيهالخير لنا عاجلا غير اجل

امين

 

[malyw9ef]

مساء الخير بنات

انا من قريت الموضوع شجعتوني اتكلم لاني صارلي سنتين ساكته

انا توني صغيره عمري ٢٥ كنت اقول تو الناس بس احس الحين صحيت

لان الناس بدت تتكلم ،،

مشكلتي زوجي نفسيته اكس احس بديت اكره ضعفه احس انا القويه اجامله واقوله لا في الف حل وحل

من تزوجت لاحظت عنده مشكله ما ينتصب عنده ورخو حيل سامحوني ع الجرأه بس انا نفسياً تعبت لا اهو راضي يفتهم ولاني قادره اتكلم

خلال هالسنتين سويت فحوصات كل شي سليم وكل ما اروح لدكتوره تقولي انا شنو بيدي اسويلج اذا زوجج رافض يعالج ورافض يراجع ورافض يعترف

حاولت فيه سايسته لين بطيتها وقعدت اترجاه سمع كلامي قبل شهر وشرطت عليه انا اروح معاك واجنتكلم مع الدكتور بكل صراحه لا تستحي مني ولا تستحي من الدكتور واذا وجودي بيضايقك روح بروحك بس حاول يعطونك ادويه وحبوب اقتنع بكلامي وراح من وراي لمستشفى السيف ورجع قالي عطاني حبه اسمها سنافي قلت اوكي خنجرب المهم ما نفعت معاه خير شر ،، سكت وواسيته وقعدت اقوله عادي تو الناس نجرب شي ثاني المهم ساااااااااكت ما يتكلم
فقعدت اقوله يا بابا ترا النفسيه اهي اللي تتحكم ولازم تريح اعصابك لا تفكر وتحاتي خلك هادي سكت سكت قبل امس حاول ومع حبة السنافي لكن هم نفس الشي ما صار شي بالفراش ،، قلتله عادي هذي يمكن نفس يمكن عين انا قاعده ارقي نفسي واقرا حتى سورة البقره حفظتها من حاجتي للصبر وان ربي يفج هالبلوه اللي مادري شنو سببها ؟؟
امس صدمني بكل بروود يقولي شوفي يا بنت الناس انا مابي اراجع وماكو فايده حتى لو سافرنا وعالجت لان العيب مني تبين تقعدين معززه مكرمه و على راسي ارضي بحالتي وارضي اني ماراح اراجع ��
واذا بتردين لاهلج وتشوفين نصيبج الله يوفقج قلتله طبعا لا لانه ولد عمتي ما اقدر اتطلق شفيك انتا قال ليش خايفهةوانتي اساسا ماتبين تعيشين معاي بدون عيال يبا يسلم راسج خايفه من الفضيحه انا مستعد اكتبلج ورقه ان انا فيني عيب وانج مافيج شي ��
صدمني ضعفه ويأسه قلتلهواطلع برا مابي اتكلم معاك ويحلها الف حلال ولي الحين ما احاجيه كارهه شوفته كل ما شفته تذكرت اليأس اللي فيه
اكيد بتقولون ليش تفكيره جذي ؟؟
اهو عمره ٢٧ مريض بالسكر من كان صغير ويطق ابرتين باليوم
انا مادري شسوي فيدوني والله قاهرني لاني دايما احس عقلي اكبر منه وانا اللي اصبر واجامل واسكت واهو مو قادر يسيطر ع روحه قولولي شالحل ��

وجزاكم الله الف خير

 

[االوفيه]

مرحبا
انا صار لي 7 سنوات متزوجه وكان زوجي ضعف بالحيوانات المنويه والحركه وبعد الحيوانات المنويه مشوهه وضعيفه
والحمدلله مشاكل واجد راحت مع العلاج بس باقي الحركة والحين ياخذ علاج لهالشي ...
وانصح اختي " حلمي الأمومه " انهم ياخذون من هالرجال العلاج وهو دكتور اعشاب ...

 

[االوفيه]

بإذن الله أعطيك الرقم بس خل زوجي يرجع إنشاء الله من الدوام
استمروا بالاستغفار والدعاء " اللهم يا أول بلا بداية ويا آخر بلا نهاية "

 

[malyw9ef]

محد اهتم و رد علي

انا وحيدة امي وابوي يعني مالي غيركم خوات ينصحوني

بليزززز قولولي شالحل

 

[حبي زوجي فديته]

حبيبتي اللس عمرج 25 سنه اول شي حبيبت اقولج للله يرزقج ويعوضج سنوات الحرمان يااااارب شوفي حبيبتي لازم نيقنين ان لكل داء دواء ولازم تصبرون ولازم تستغفرون ووتروحون مكه واول شي تسوينه اكفلي يتيم بنية الرزق وعسي ربي سقر عينج بشوفة ضناج الهي امين وشوفي حبيبتي لازم يروح يسوي تحليل مني ولازم يسوي سونار حق الخصيه خليه يروح عند استشاري شاطر اسمه احمد الكندري ويسوي سونار يمكن فيه دوالي ولاشي جذي وعليج بالرقيه الشرعيه كل يوم عليج وعليه وحطب البقره وصلي النوافل واتركي الاغاني واتركي النكيمه وحسني اخلاقج مع الناس وخليه ياخذ عسل من الفايز اللي مجمع واره بالجهرا وعندج دوا اسمه بروكسيد بلس حق الزياده الحيوانات المنويه وخليه ياخذ فيتامين إي وزنك ورويال جيلي وحق الانتضاب دوا اسمه اكتغ باور حالة ريلج نفس حالة ريلي مافي انتصاب قوي لدرجه صارت فيني حاله نفسيه ولازم يمشي نص ساعه باليوم عالاقل وصج لاينسي الحجامه عند محمد البناي لازم يلتزم لو سنه بهالبرنامج وام شالله نشوفون اللي يسركم صج ولاتنسين الخضراوالاكل الصحي مره سمج مره لحم مزه حليب يعن الاكل الصحي ويارب اللله يعوضج خير يااارب ةاي تطور قوليلي ومابي غير دعوه الله يرزقنابتوم يغوضوني خير

 

[االوفيه]

رقم اللي يعطيك العسل واتمنى يفيدك بإذن الله وينفعنا ويعطينا ويعطيك وجميع المسلمين
" الله يعطي لو يبطي "

 

[لوووولا]

​

1- كم سارلج متزوجه
6 شهور ونص
​

2- شنو السبب الرئيسي في عقم الزوج ( ضعف او انعدام)
عندو ضعف في القذف وارجاع ​

3- اي دكتور راجعتوا وهل تحسنت الحاله او لا
دكتور واحد في السعودي الالماني اسمو محمد رضوان

4- كم وزنج وكم وزن زوجج
انا 59 وزوجي 85
​

ومبروووك علي التجمع​

[/quote]

 

[الاهله]

مالي وصيف الله يرزقج يارب ويرزقني احنا خواتج ياعمري

 

[&هند&]

عسى الله يشافي ازواجنا ويرزقنا الذريه الصالحة ،،،

 

[غروه]

يا ودود يا ودود
ياذا العرش المجيد
يا مبدئ يا معيد
يا فعالاً لما يريد
أسألك بملكك الذي لايرام
وعزك الذي لايضام
وبنور وجهك الذي ملأ أركان عرشك
وأسألك بقدرتك التي قدرت بها على جميع خلقك
وأسألك برحمتك التي وسعت كل شيء
لا إله إلا أنت
ان ترزقـــــــــــني أنا وأخواتي بالحمل الثاااابت التام 9 اشهر

 

[&هند&]

اميييييييييييييييييييييييييييييييين ،،،،

 

[malyw9ef]

مالي وصيف الله يرزقج يارب ويرزقني احنا خواتج ياعمري

تسلمين يا قلبي مشكوووووره عالدعوه الحلوه

والله يرزق الكل يارب

 

[بحرانيه حلوة]

السلام عليكم
شلونكم خواتي
انا عن نفسي تعبت من المراجعات والاطباء ودفع فلوس مالها اول الحين رحت وحده طفل الانبوب تودين صوره بطاقتج المدنيه وصوره بطاقه زوجج وعقد الزواج وتقرير عن حالتج من مستشفي خاص من المستوصف كيفج واذا ما عندج مسؤولتهم ماتقصر الدكتوره رائده الفضلي الله يجزاها خير حيل تساعد يقبلون اي واحد ماعنده عيال واذا عنده طفل واحد والحين فتحت المجال حتي للي عندها طفلين انهم يتعالجون ويصير عندهم اسره اكبر المهم بعد هذا تسوون تحاليل الزوجين للفيروسات والزوجه تسوي تحليل ثاني يوم بالدوره وبعد ٣ اسابيع يسوون مقابله طبيه ياخذون فيها معلوماتكم والهستوري مالكم يومها اللي عندها فحوصات وتحاليل واشعه صبغه وتحليل المني مال الزوج توديهم معاها وبعدها يبلشون علاج حق تلقيح صناعي ويكررون المحاوله واذا مانفع يسوون انابيب واكو ناس من اول مره يسوولهم انابيب علي حسب الحاله واتمني انكم استفدتوا واللي عندها اي استفسار انا حاضره اتمني اخدمكم بعيوني لان مريت بالمرحله وتعبنا من تكاليف العلاج الله يعز ديرتنا علاجهم متوفر بس للاسف اتجهنا للخاص وخلينا الاجانب هما المستفيدين من هالشي