*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[بريق أنثى]

انتي صادقة بس اتكيسل بسوي طريقتك بكره بس تعالي من غير زيت صح

 

[تفاصيل روح .!.]

ايه بدون زيت عادي اصلا مايلصق ولا شي

خلك من النظرات والروابط دوري اكلات صحيه

 

[Laidy n3ooma]

اليوم الريوق شاي

الغدا شوربه مع تمرتين

وبرد انام >>>>> كسسسسسسسسل مو طبيعي

 

[بريق أنثى]

اليوم الريوق شاي

الغدا شوربه مع تمرتين

وبرد انام >>>>> كسسسسسسسسل مو طبيعي

بالعافية عليك من جد برد وكسل ناوية ارتب بغرفتي وامشي بس بنام لاني دخت واذا صحيت يصير خير

 

[بريق أنثى]

اكحل عيوني قبل لا انام فديتهم ليتهم بس يجلسون ع اسناني
اول مااخلص بسوية والا باليوم المفتوح وشو يصبرني

http://forums.3roos.com/showthread.php?t=595004

 

[قــل مـا تـشـاء]

أم فجر .,
بخصوص اني امشي على ريجيم ودي بس تالي احس اني مابلتزم بالأكل الروتيني ., يلا اهم شي وزني يتحرك وينقص لو ميتين جرام
تفاصيل .,
*ماعليه مانت دبدوبة هالأسبوع بس انتي شفتي الصورة اللي حطيتيها في الوسام ياللهول ههههههههه بسم الله الرحمن الرحيم ., يلا ان شااء الله ماتاخذينه الا هالمرة بس ,, وزيييين كلييتي اللي بخاطرج علييييج بألف عاافية ولا توزنين مالج عقاب اسبوع الجاااي .,
*عيل طلعت الصورة ذوق اورنجيآ ههههههه يلا ماعليه يمكنها تاخذه الوسام اسبوع الياي > والله خوفي يصير لي الوسام ههههه
*لالا عقااابج خليه لج انا عقابي غير انا اليوم احتمال مااسوي رياضة بعد > شين وقوي عين هههه لا صج لأني مزكمة امس بعد كنت مزكمة بس سويت واليوم اذا حالتي الصحية تسمح بسوي واذا لآ اعفوني
*قوااااااااج الله حبووبة عالريااضة لالا انا تحمست الحين وبسوي ياضة اليوم بس مو مثلج انا ان كثرت سويت ساعه الا ربع .,

ليدي .,
*اهااا يلا استانسي بالاجاازة وروحي دوري لج فستان ويااااااارب يجي اليوم اللي يصير واااسع عليج .,
*عوافي عليج الشوربة بس لاتييبين العيد خلي الشغالة يمج ههههههه ودامنج مامره طبختي مالي شغل لي ماعجبتج .,
بريق .,
*ههههههههههههههه حلللوة وحش الطعام ., انتي لو تسوين لج ريجيم صحي وتاكلين مثل الناس مايجي لج الوحش .,
* الله الله على المعموووول ههههههههه
اورنجيآ .,
*جم تسوين ياضة بالنادي ساعة ؟ > سؤال مكنسل لأنج جاوبتي عليه
*الشمندر شاريته من فترة بس توووني ادري انه حآلي .ّ قلت يمكن ماله طعم يلا يبيلي اجربه اليوم والا بكره
*ههههههههههه على الشوربة ترا حتى انا قلت باذنجان .! خفت تصير مره بس عقب ماسويتها لا طلعت حلوة ماتميزين طعم الخضار اللي فيها وخليت البهارات هي الغالبة عليها .,
*هههههههههههه لالا البلعه غيير البارحة بقول لج شنو اكلت اكلت شوي فطاير و ... الباقي مشفر
*العقاب سوري ماسويته هههههههه > قوية عين لوول لا صج ماسويته اذا قدرت الليلة بسوي رياضة ساعه الا ربع مثل امس
*عوااااافي عليج العزومة ويااااااارب تخربينها مثل ماخربتها أالبارحة أنا ههههههههههههه > شريرة بس حتى لو خربتيها بتخربينها في النهار تقدرين تتصرفين مو أنا بالليل .!
والله يخليج لج حبيبج والمحروس قووزك .,
*وصااااااجة مثل ماقلتي الحب ما ايي الا بعد فترة من الزواج مع العشرة الطيبة .., واللي قبل كل هذا مجرد إعجااااب لآغير .,
توته الحلللوة .,
*ايييي ماكو مابنتخرج من التجمع الا جميع لوول حتى لو خلصتي بس بنسجل حضور وغياب ترآ ههههه
*ويبيلنا نشد على انفسنا بالرياضة شوي ., أنا يتني فترة جذي اسوي رياضة ساعه كامله عالدراجة وصار جسمي واااااااو < بس لي الحين قاعده اسأل نفسي شلون تحملت اسوي عليها ساعه كامله متواصله لووووول ., يلا ان شاء الله اسوي ساعه الا ربع عالسير والربع عالدراجة والرياضة اي انا قلت جذي بسوي شوي شوي وياها لمنه تصير عندي لياقة بالجسم وتالي اوصلها ان شاء الله لو نص ساعه مو شرط ساعه .,
*قمت استحي منج تسلمييين حبيبتي عالكلآم الحلو يلآ الحلو مايطلع منه الا الحلو ., لكـ (f)
*ان شاء الله تصيرين رشيييقة الأسبوع الجاي ياارب .,
,,,,,,,,,,,,,,,,,,,,,,,,,,,,,,,,,,,,,,,,,,,,
بنات يااااااااارب كلكم الأسبوع الياي تصيرون رشيقات أقل وحده تنزل كيلو ياارب > أنا أهم شي أنقص مايزيد حتى لو نص كيلو ., خااايفه لأ أعلق عالـ 73 حالي حال تومي وأورنجيآ .,

 

[Laidy n3ooma]

صدااااااااااااااااااااااااااااع مووو طبييييعي من الرجييييم

كلت قطعه صغيره باستا من الغداااا مو قاااااادره

باجر واللي عقبه عندي امتحان مب قادره ادرس له

 

[قــل مـا تـشـاء]

ليدي الله يعييينج حبوووبة
اكل لج بندوول وروح ادرسي .,
يلا فترة ويارب تعدددي على خيران شااء الله

 

[تفاصيل روح .!.]

ليدي

بالعافيه عليج ودامه بتعبج كذا خليه بالاجازه لاتدمرين وضعج الصحي فتتاثر دراستج على طول واكبر دليل الحين انج صدعتي وماتقدرين تدرسين
خليج على نظامج اللي قبل واذا خلصت الاختبار يصير خير

بريق

شنو قصه الروابطط يعني حالفه عليهم الا يخربون الدايت ؟!!

ليلوو
فديتج محد رافع معنوياتي غيرج رغم اني حاطه الوسام باقي تقولين لي منتي دبدوبه الاسبوع >> شوفو تعلموو بسسس من امس تتشمتون فيني :eh_s(2):

ههههههههههه اما الصوره حاله ثانيه يمكن هي اللي خلتني اخربها امس واكل كب كيك

الله يعافي قلبج الله مالي عقاب :eh_s(9):>> بتروح تفكر وش تسوي عشاء

ههههههه شفتي ان اورنجيا مجرمه :eh_s(10): ماعليه اي وحده يصير لها تهديه لاورنجيا الرسول عليه الصلاه والسلام يقول (( تهادو تحابو )) :eh_s(15):


اهم شي شين وقويه عين خخخ سوي رياضه والله افضل انا اصلا مايمتني الا الجلسه والا طبيعه اكلي قليل فلازم اتحرك واليوم الحمد لله سويت رياضه مرتين وعسى دوم يهديني ربي :yaaaaaarb:

لا اجل مادمتي مزكمه وتعبانه لاتسوين شي لج اجاززه انا الايام اللي قبل ماسوي شي ابد لاني كل ماتحرك احس بصداع بس اليوم الحمد لله تمام وانتي اليوم لاتسوين شي :eh_s(17):

 

[قــل مـا تـشـاء]

هلا هلا تفاصيل شلونج ., قواااج الله قلبووو عالرياضة .,
أنا بعد زينه لي الرياضة واايد وتساعدني في نزول الوزن ,,
اي مزكمه اليوم من الظهر وانا ارتب الشقة شفت روحي كأني باذله مجهود كبيييير مع انها حركة خفيفة وحتى وانا أتغدا كأني قاعده اركض .,
يلا شكلي مابسوي اليوم مع اني قايله مابتركها بس يلا ان شااء الله بكره
أمس سويت وتوه بادي فيني الزكام بس خلصت رياضة راااسي بينفجر بس زين انه خف لحاله الحمد لله

 

[بريق أنثى]

قل ماتشاء
سلامتك ماتشوفين شر خلص مني وجا الزكام عندك لازلت اكل مضاد وعسى بس مايزيد الوزن
ليدي نعومه
سلامتك من الصداع وقفي رجيم يعني حبكت الرجيم عندك اختبار خلاص لاحقة عليه وخذي لك حبه اكلي تمر اكيد السكر عندك نازل
تفاصيل
اسكتي من شوي كنت الخ بس تعوذت من ابليس خلاص وع طول فكرت فيكم قلت فشلة امس واليوم بقولون ذي تلعب مش راعية رجيم والحمدلله عدت النزوة
​

 

[تفاصيل روح .!.]

هلا هلا تفاصيل شلونج ., قواااج الله قلبووو عالرياضة .,
أنا بعد زينه لي الرياضة واايد وتساعدني في نزول الوزن ,,
اي مزكمه اليوم من الظهر وانا ارتب الشقة شفت روحي كأني باذله مجهود كبيييير مع انها حركة خفيفة وحتى وانا أتغدا كأني قاعده اركض .,
يلا شكلي مابسوي اليوم مع اني قايله مابتركها بس يلا ان شااء الله بكره
أمس سويت وتوه بادي فيني الزكام بس خلصت رياضة راااسي بينفجر بس زين انه خف لحاله الحمد لله

هلا بج ياغلاي

والله بخير فديت قلبج .., انتي اشلونج ؟

الله يقويج :eh_s(15):

ايه انا سمعت ان اللي يوميا يلعب رياضه واكله عادي ينحف

ياحياتي سلامتج يارب وبعدين اذكر مرا في مقطع صوتي من مقاطع دشتي قال ان شغل البيت لمده ساعه يحرق من 300 - 500 حسب الجهد اللي باذلته

يعني اكثر من اللي يحرقه مشي السير :rerrerek:

اشربي عصير ليمون وبرتقال وايد زين وحليه بملعقه عسل

الف عافيه عليج ولاباس

برييق

ايه انتبهي ترى من شروط القروب ماتخبصين يومين بالاسبوع لانه يأثر في نفسيات باقي الاعضاء

يعني خبصي بس بيوم واحد واعتبريه اوف >>تفاصيل ياقويه :eh_s(15):

 

[بريق أنثى]

طيب تفاصيل الله يصبرني امرتي ع خير
بنات ابي اطبق النظام هذا روعه وينزل الوزن مش رجيم لا علاج بالماءلان عندي ضربات قلبي قوية


http://forum.brg8.com/t42337.html

 

[قــل مـا تـشـاء]

بريق حبيبتي الشر مايجيج قلبوو ., اي يروح من وحده ويجي لوحده ههههه
تفاصيل الحمد لله بخير اليوم شغلتي انا اتشووو هههههه > العطاس شكلها رياضة لوول
واااو حللو بصراحة حتى لو 300 سعرة بس
يبيلي أطلع لي شغل كل يوم من تحت الأرض ولو انه شغل البيت مايخلص لوول
اييييييه اييييييه على التخبيصات هههه يلا ان شاء الله مااخبص الحين انا الى يوم الجمعة لأنه الأوف مآلي ..,
,,,,,,,,,,,,,,,,,,,,,,,,,,,,,

 

[قــل مـا تـشـاء]

يوميآتي .,
الفطور
برتقالة و سبانخ وشاي
وأكلت 3 حبات تمر
الغدا
شوي سمك وخضار وخبز ونص برتقالة
العشا
تفاحة
الماي شربت لي الحين تقريبا 6 كاسات الباقي بشربهم قبل ماانام .,

 

[بريق أنثى]

قل ماتشاء عليك باالعافية
العشاء سلطه+عصير برتقال

 

[تفاصيل روح .!.]

بريق

والله اني مدري عني وعن هالنظام بس انا اساسا اشرب يوميا الصباح لتر ونص على الريق بسس لحد الحين اعاني من التهاب مفاصل اليم بسبب الروماتيزم :bbbiu:

ليلوو

ايه نضفي بيتك حطي حرتك فيه وتنحفين وبالعافيه عليك ماكليتي

 

[تفاصيل روح .!.]

بنات هذا الدايت لي كم شهر كل يوم افتحه بموقع حواء بس خايفه اسويه واليوم لقيته رد لوحده في كويتيات

وش رايكم فيه تتوقعون انحف عليه ؟

المهم لو نحفت اكيد بيكون صحي :rerrerek: لان كل شي مسموح فيه لكن بكميات حسيته يشبه السعرات صح

انا شفت هذا الموضوع بمنتدى مدري ليه احسه اسهل ومفهوم

دليني اختي هل هوه صحيح

السلام عليكم ورحمة الله وبركاتهـ


اخواتي الغاليات


كان نفسي انزل لكم هالرحيم من اول يوم استخدمه


لكن قدر الله وماشاء فعل

كنت دايم مشغوله بالجامعه


وتلبيه لرغباات كثير من البنوتات طلبوووه مني قرررت انزله


طبعا هو اللي خلاني الرابحه الكبرى بالمساابقه " لأول مره بحياتي اربح مسابقه هههههههههه "



كنت ناويه انزل تجربتي الكامله من " 102 الى 67 "

وتجربة اختي من " 93 الى 66 "


بس مو هالأيام بعطلة العيد ان شاء الله

لأن علي اختبارات كثيره هالأيام .. والموضوع تجااارب سنه كامله " رياضه - اعشاب - رجيمااااات "


وكل رجيم بحط مقدااار الوزن اللي نزلته بأسبوووع



لكن الحين بحط بين يدينكم " كنـــــــــــــز "


أتمنى انه يحذف كل الرجيمات بمفضلتكم ... وتستمروووون عليه " طوووووول العمر "


وماتدخلون منتديات السمنه يااااااااااااااااااااااااااارب




" كنزي "

نزلت عليه بالمساابقه .. اول اسبوع من 75 الى 71 ... 4 كيلو مع المشي


ثاني اسبوع مع بعض التخبيصاات وبدون ريااضه " لأني كنت تعباانه " نزلت 2 كيلووو


ثالث اسبوووع وقفته ابي اشووف كاني بزيييد مثل اول ولا لا

ولازدت ولا ربع كيلووووووووو


رابع اسبوووع نقصت كيلويييييييين بدون رياااضه


بعدها زدت " شيء "معين الحين بقوله لكم


وصاار وزتي ثاااااااااابت .. مرااات ينزل 500 جرام بس ارجع ازيده " لاني عريضه والضعف علي مو حلووووو ابد "

انا عاجبتني النحافه بس خطيبي الله يهديه بلشه مايبي عصااقل هههههههههه



المهم


الرجيم مثل ما بنات مجموعتي عارفين خذته من " عمــــــي " بعد قلبي عمي حبيته كثير سبحان الله << ليه الأول تكرهيته ؟؟ هههههههههه


النظام مو هو اللي مخترعه

بس حااط لي جدووول غذائي على اساس هالنظام

وهو اخصائي تغذيه قديييييييييييم له 10 سنوات متقاعد



بنته نحفت على هالنظاام 34 كيلوو في 3 شهور تقريبا



الله يساامحها ماعلمتني عنه الا بعد سنه من المعاناه ... تقول ابيييك تعرفين قيمته خخخخخخ

وانا طول الوقت احسب انها ضعفت كذا من غير شيء


واختي عصبت بعد لأن وزنها كااان حلووو لما علمتني بنت عمي عنه

وانا رحت طواالي لعمي وحبيت رااسه خخخ وخذيت منه جدول غذائي مثل ماقلت لكم




مالكم بالطويله << اكثر من هالمقدمه ؟؟؟


هالرجيييييييييم ابي اهديه لمجموعه وقفت معي بأيام الرجيم الله لايردهااا


حبيبة قلبي : شهوووووده

والغاليات : بونيتا - فيفي - سوير - ام عبدالرحمن

وفانتسي اللي تأخرت عليها يااقلبي .... اعذريني مع هالجامعه الزفت



وكثير ما اتذكر الاسماء الحين اعذروني << سهرانه




المهم الرجييييييييييييييم معرووووووووووووووووف قددييييييم اتوقع


اسمه " رجيـــــــــم النقااااط "



تختارون عدد النقاط اما " 18 او 20 او 22 "


انا اتبعت 20 .. وبنت عمي 18 "


المهم هذا جدول النقاط فيه اهم الأكلااات .. انا خذته من النت وقارنته مع الجدول اللي عطاني اياه عمي مع بعض التعديلات طلع نفسه

وطبعا كل وحده تسوي لها جدول غذاائي على مزاجها المهم مااتتعدى النقااط اللي فوووق


============================== ========

كأس عصير الفواكه طبيعي......... 1نقطة
5/1 رغيف أو 2 توست ............. 2نقطة
كأس حليب منزوع الدسم جزئيا......1 نقطة
كأس حليب + ملعقتين قهوة من الكاكاو......1.5 نقطة
1 زبادي طبيعي 0% دسم .............2 نقطة
1 بيضة مسلوقة.............2 نقطة
1 موز.......... 1 نقطة
6 ملاعق أكل من الكورن فلكس......2 نقطة
1 كرواسون.......4 نقاط


صحن خس+خيار+فطر+طماطم+فلفل أحمر+ علبة 100غ تونة بدون زيت....يعني 4 نقاط
صدر دجاج مشوي بدون جلد 100غ ......... 2 نقطة
4/1 دجاجة مشوية بدون الجلد....5 نقاط
4 ملاعق كبيرة من المعكرونة، الأرز، القمح أو اللوبياء البيضاء......2 نقطة
ملعقة قهوة من الجبن المبشور......1 نقطة
عجة بيض ببيضتان+ 1 ملعقة قهوة زيت........5 نقاط
بطاطا حسب الرغبة بدون إضافات.......2 نقطة
شريحة خبز أسمر+خس+طماطم+ علبة تونه طبيعي 80غ 3.5........ نقطة
100غ من التونة بالزيت........4 نقاط
شريحة بفتيك .........2.5 نقطة
120غ من السمك أو جمبري ......2 نقطة
شريحة لحم ديك رومي.......2 نقطة
10غ من الشكولاطة.......1 نقطة
15 حبة كرز أو نصف مانجو.....1 نقطة
15 حبة عنب أو برقوق 100غ..........1 نقطة
3 حبات تمر.................1 نقطة
برتقالة او إجاصة.........0 نقطة
ملعقة قهوة من الزبدة............1 نقطة
ملعقة قهوة من القشطة.......1 نقطة
ملعقة قهوة من العسل......0.5 نقطة



المشروبات: عصير الخضار والطماطم عدد نقاطه صفر
عصير الفاكهة : التفاح والبرتقال نقطة واحدة
عصير الليمون والكوكتيل 1,5 نقطة .


النشويات: بطاطس مسلوق أو مشوي متوسطة الحجم نقطتان
عدد 5 ملاعق رز أو عدس أو ذرة أو مكرونة نقطتان
عدد 7 ملاعق كبيرة بطاطس مقلية 4 نقاط
قطعتين شابورة أو 4 قطع بسكويت نقطة واحدة.



الأجبان: جبنة قليلة الدسم او فيتا نقطة واحدة
جبنة بيضاء 20 % دسم نقطتان.


الفاكهة : الشمام والبطيخ الأحمر اللي هو الحبحب و البطيخ الأصفر اللي هو الخربز


الحلويات:
قطعة كيك صغيرة 6 نقاط


الحليب : كوب حليب خالي الدسم أو كوب لبن خالي الدسم أي منزوع فنقطة واحدة
كوب حليب قليل الدسم أو لبن كامل الدسم نقطتان .


الخضار: الكوسا والخس والجزر والخيار وجميع أنواع الخضار صفر .


اللحوم: مقدار 100 غرام سمك نقطتان
مقدار 100 غرام لحم أو دجاج 5 نقاط .


الطعام الجاهز: قطعة بيتزا 6 نقاط
لحم بالعجين 4 نقاط
كروسان باللحم المفروم 8 نقاط
ساندوتش شاورما 9 نقاط
فطيرة لبنه بالزعتر 3 نقاط
عدد 4 قطع ورق عنب 5 نقاط
عدد 2 حبة فلافل ( طعمية ) كبيرة 5 نقاط
بروست الدجاج ربع دجاجة 8 نقاط
صحن تبولة متوسط الحجم قليل الزيت 3 نقاط .

============================== ====



وقبل ماتبدين ... نقيدي بـ 3 شرووووط :

- شرب موويه دافيه مايله للحراره على الريق """ واذا تبين تنزلين اكثر اشربي بعد كل وجبه مويه دافيه وربي رووووووووعه """

- المشي 45 دقيقه باليوم ضرووووووووووري ... ماعدا ايام الخميس والجمعه راااحه """ اشتري كتااب جوروج كروز 8 دقائق لبطن رشيييق رووووووووووعه ينحت بطنك .. طلعت اعظام بطني بعد 5 اسابيع .. وانا اللي كرشتي نااطه شبر خخخخ """

- توزنين كل ســــبت فققققققققققققققققققققققققققققق قققققققققققققققققققققط << 100 خط على فقط



ونصيحتي تبتعدوون عن الشوكليت والدهووون والنشوياات البيضااا بهالفتره ... اذا وصلتي للمثالي اكليهاا وزيدي عدد النقاااااااااااط مثلي علشاان تحافظين على الوزن مو تنقصين !


واذا تبين هالأشياا اكلي براحتك !.. انتي نازله نازله ... لكن بدووونها اسررررررررررررع << عن تجربه


عندي نصااايح واشياء كثيره بس الحين السواق بيجي برووح محاااضرتي ...

بأذن الله بالموضوع اللي بنزله بالعيد راح اكتب لكم كل شيء



بالتوفيييييييق لكم


وتأكدوا وعلى ضمااانتي ... " أنكــــــــــــم بتنزلوووون ... يعني بتنـــــــــــــــزلوووووووون "


ما أبي منكم الا دعوووه ان الله يسعدني وينولني كل اللي في بالي



جوووجوووو ​

 

[بريق أنثى]

تفاصيل انتي كل رجيماتك دلع واكل جربيه اذا نحفتي سويته لانه ونااسه اكل

 

[تفاصيل روح .!.]

تعرفين انا جالسه ادور واحد ما اسمن اذا تركته فقالو افضل شي التخفيف هو اللي مايرجع الوزن دبلات بس بما ان اكل البيت كله مقلي وخرابيط واني انا لازم اخذ برنامج لو اعدل فيه شفت ذا احسه اقنعني وحده كاتبه بالاسبوع الاول نحفت 4 والثاني والثالث ولا كيلو بس عادي 4 مقنعه وناس كاتبين 8 كيلو بالشهر واللي كاتب 6 بالشهر بمعدل كيلو ونص كل اسبوع حلوو