*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[بريق أنثى]

بناااااااااااااااااااات شلونكم شخباركم

شجعتوني وايد


بنات انا وزني 163

و وزني 72

ابي اوصل 60


ادعولي

باجر بروح حق طالب الشمري

لازم اخليه يتابعني

لان مابقى شي على عرسي وكل ما شريت شي اقول لا !! اخاف اضعف



ياللللللللللللللللله ابي تشجعيكم

الله يوفقك ويسعدك وانشالله تنحفين الموضوع سهل بس يبي له صبر

 

[بريق أنثى]

بنات من موجود فيكم؟

 

[بريق أنثى]

وفقا للتعليمات اورنجينا سدحت سندويش بجبن قليل الدسم +عصير تفاح
وتسمى الوجبة اما
*عشاء متأخر
*سحووور
*فطور مبكر
عاااد تصدقون احس طعمه عادي واكلته بس لاني حاذفة النشويات يااسلام قلت رغبتي عقبالكم او يمكن من التهاب حلقي مدري

 

[دلوعتهـ]

شدعوووه محد فقدني ?

المهم بقول يومي مو مشكله

قعدت العصر وكليت توست أسمر+جبن سلايس وعصير أناناس kdd
بعد ما صليت العشا كليت موزه
الساعه 8 لقيت خالتي شاويه جبد يميييي يميييي غرااااااامي الجبده ?
بعدين رحت لعرس وهناك خربطت شويييي كليت حبة ورق عنب وعصيير برتقال فرييش وقطعة حلا صغيييييره والله وفنجال قهوه معاها

 

[دلوعتهـ]

صج أورنجيه وزني راح أدزه لج الجمعه لان ماعندي ميزان والجمعه بكون عند أهلي وبوزن إن شاءالله

بنات منوو مجربه رجيم النقاط ودي أبدي فيه من السبت

 

[توووووتة الحلوة]

تووووووووت حيااااااج قلبوو ., منووورة التجمع وكلنآ هني نكمل بعض ,, حيآنا الله

يوه يوه ... قل ما تشاء انتي تقصديني انا ... انا اثتحي :eh_s(22): >> بدا الاستهبال ... اتغشمر معاج فديتج

منور بوجودك عنوني :eh_s(17):

توووووووووته
ماعليج شر ان شاء الله ,,
شفييييييييييكم بنات ماتهتمووون بصحتكم ؟! > عيوني بتطلع من مكانها ,,
لآ صج والله مهملاااااات بصحتكم بصوووة مو طبييييعييية
وسلآماااات يالحبيبة خيييييييير إن شاااء الله تبين تاكلين وجبة وحده باليوم ؟؟

قل ما تشاء، مت من الضحك وانا اقرا تعليقج ياحلات روحج، حتى و انتي تزفين عسل. اما بخصوص الوجبة الوحده، الله يكفيك الشر ... عارفة اني مينونة و انا اخذت القرار الاهبل علشان ابي نقص بسرعة. هي كانت لحظة طيش وراحت، الحمد لله رديت لعقلي غصب عني لاني ما اقدر اتحمل الجوع لوووووول

ألحين بعض الدكاترة يقولون قسموهم الى 5 وجبات انتي تبين تاكلين وجبة وحده بس ؟ أصلا أغلب الأنظمة إذا مو كلها تحتوي على 5 حصص من الأكل في اليوم 3 وجبات رئيسية و وجبتين سناك
وترا لاتفتكرين أن الوزن اللي بتنزلينه بتنزلينه من الشحووم لآ ياااحلوة بينزل من العضلاااات و الماي اللي بجسمج ,,

تصدقين قاعدة اقول لنفسي نفس الكلام اللي انتي قلتيه و عارفة ان الوزن اللي راح اخسره عبارة عن الماي اللي بجسمي و شوي عضل لكن ما ادري الظاهر حالات الطيش في ما يخص الدايت لازم تزورني بين فترة و الثانية ... تشتاقلي، انا و هبالي :krkrkr:
لو كنتي تشوفيني ايام ماكنت مراهقة بالثانوي ... ان تقولين هالبنت مو صاحية. كنت اموت نفسي جوع علشان انحف حتى مرة من المرات وصل وزني 50 كيلو صرت هيكل عظمي وامي مسكينة تعبت و ايد وياي الله يغفر لها و يرحمها. باختصار انا اعتبر عقلت عن الهبال اللي اسويه ايام المراهقة. لا تحتاين في امل اني ابطل اجنان هههههههههه

وشنو مكثرة آكل اليوم ؟؟ عسا بس ماكله عيييش ولحم 3 صحون وانا ماادري !!
ياااربي ترفعون الضغط انتو عايفين أنفسكم ؟؟؟؟؟ أهتمووااا بصحتكم والله مابينفعكم شي بدون الصحة ,,

والله انج صاجة، اهم شي الصحة. الظاهر يبلي جلسات كهربا لما تيني حالات الجنان :krkrkr:

ونفس اللي كتبته لـ تفاصيل يمشي عليج من تقسيم الأنظمة
وغيري في أكلج أكلي لج سمك وكبده ودجاج , وقللي من الشاي لأنه يحرق الحديد اللي بالأكل ولاتشربينه مع الوجبة
أشربيه عقب الوجبة بـ ساعتين او 3 ساعات ,,

ودي اغير واكل دجاج لكن علقت على البيض المسلوق لاني علقت عليه ... ايش اسوي:eh_s(10): صار غرامي لدرجة اختي تقولين ما تملين منه

أنا قلت لكم مااحب اللبن ولا الحليب ولا الزبادي أصلامااتخيل نفسي آكلهم مااتقبلهم ومتضايقة من نفسي خايفة مع تقدم العمر يأثر على عظامي وعظامي مافيهم ذيك القوة يعني إلى الحين بس الحمد لله عالأقل أعوض شوي بالبيض و الأجبان , وآكل عناصر غذائية ثانية تعوض شوي مو مثلكم آكل عصافير الآ العصافير تآكل أحسن بعد ,,
ياااربي بنااات شقول لكم , بس يلا أخلي البنات الباقي يزفونكم ,,

مشكورة حبيبتي ما قصرتي ... و عارفة عدل انج تبين مصلحتنا ... الله يجزاك خير

توووته !! حتى أنتى !!
لاااا انتوا يبيلكم عض من الزين عشان تأكلون عدل
ومن صجج انتي تاكلين وجبه وحده في اليوم !!!!!
معلومااتج غلط فدييتج اولا هاي مب صحي لان مستحيل
جسمج ياخذ كل اللي يحتاجه من وجبه وحده !!!
ثانيااا هالنظام يمتن مايضعف .. اولا لان معدل الميتابولزم (معدل حرق السعرات)
يرتفع كل ما تاكلين اكثر يعني كل ما كانت وجباتج اكثر ٥-٦ كل ماحرقتي اكثر
فتخيلي انج بس تاكلين وجبه وحده في اليوم !! ماتحرقيين شي كلش لان
الميتابولزم عندج راااقده، ثانيا اذا تيوعين روحج جسمج يدش في starvation mode
يعني مابيحرق ولا سعره وابشررج الوجبه اللي بتاكلينها عقب ماتيوعين روحج
كلها بتتخزن في الجسم على شكل دهون عشان يضمن ان عنده اكل لم تيوعينه مره ثانيه
فكل الاخصائيين ينصحون انج تاكلين وجبه كل ٣-٤ ساعات عشان تطمنين جسمج
ان في اكل كفايه وان ماله داعي يخزن الاكل .. بهاي ألطريقه تضعفين مب العكسس!
من يوم ورايح ابي اجوف في يومياتج خمس وجبات ولترين ماي واليوم تروحين
المستشفى عشان فقر الدم وتسوين تحليل بالمره عشان اطمن علييج *

مشكورة فديتج على كل اللي كتبتيه و على اهتمامج. انا لما كنت مراهقة سويت دايت قاسي كان وزني 60 بعد الدايت صار 50. المهم نتيجة ضغط الدراسة حطيت حرتي بالاكل صار وزني بعد اقل من سنة 85 كيلو :eh_s(2): السبب زي ما قلتي قلبو. نتيجة الدايت القاسي، صار جسمي ما يصدق ... اذا اكلت يخزن اي شي اكله على هيئة دهون و الى يومج و انا اعاني من الوزن الزايد نتيجة خطأي الاهبل. يعني بدال ماكنت في الستين صرت بالثمانين. اما اذا كان سؤالج " ما تبتي" للاسف ما تبت لكن تقدرين تقولين اني صرت اقل تهور من اول ... نص مينونة و نص عاقلة بخصوص الدايت لازم يجي يوم و اقول شيء مينون لكن الحمد لله الحالة ما تطول، اطول حالة اجنان تقريبا يومين و تروح. تومي ما تلاحظين في تحسن كبرت وعقلت لوووووول

امبيه تذكرت فيه مقطع لزوم تشوفيه
حياة شبابنا في خطر ارجوكم لاتشترونه

​​​ ‏​​‏​​​ ‏​​‏​​​ ‏​​‏​​​http://s1080.vuclip.com/91/98/9198d10bfa533fa660808cfb4a8cc4e6/ba63207/RedBullHealth_9198_w_1.3gp?c=390184483&u=1341127397&s=BNJ3IB ‏​​‏​​​ ‏​​‏​​​ ‏​​‏​​​ ‏​​‏​​​ ‏​​

مشكورة توتو على المقطع. الحمدلله انا ما اشرب الريد بول. بليز اذا تحسنت صحتج خبرينا

اخخخخخخخخ لا والله الدراسه ماتفتح الشهيه لاكن احنا نحاول نشرد من الدراسه وندول اي بديل يلهينا
انا بفتره اختباراتي جذي احب اكل وينزل علي حب الطبخ معني مو طباخه
وينزل علي الاهتمام بالبشره والشعرررر
واصير احب اتمكيج واحب اشوف تلفزيووون اسوي اي شيي عشان اشرررررد من الدراسه :eh_s(2): بس ماكووو فكه

الله يعييييينج صررراحه وعادي اكلي من اكل البيت بس بكميه قليله

ليدي ... انتي نفسي. ذكرتيني بالذي مضى انا كل مواهبي ما تطلع الا ايام الامتحانات لكن من تخلص الامتحانات ما ادري وين تروح المواهب و النشاط :eh_s(10):

اوووووف بنات ملييييييييييييت ابي اضعفففف ابي اصير رشيييييييييييقه

لوووووول ... انا بعد اتحلطم و اقول متى اصير نحيفة. هونيها بالصبر وتهون قلبو

الظاهر لازم نغير هدف قروبنا ...

هدفنا الاول .. نوصل الستينيات ..
وهدفنا الثاني .. نتعود ناااااااااكل اكل صحيييييييييييي ..
وهدفنا الثالث .. ندخل كل المجموعات الغذائية باكلنا اليومي ..

عنواننا الاساسي ... التخفيييييييييييف من الاكل بشكل عام .. والامتناااااع عن الخراابيط اللي تدخل جسمنا بدون اي معنى غير زيادة المتن وفتح شهية عالفاضي و تسوي بلاوي وامراض اللهم كافي الشر ..

بنات بليز وافقوني ... هالكلام كله لمصلحتنا كلناا .. مو بس تفاصيل .. ولا انا ...
اللي تبي تسوي ريجيم وتذبح عمرها ... تحاول تغير من اليوم .. الى التخفييف والاكل الصحي .. غير هذا ما ينفع تكمل احسن لها ولعافيتها ..

مشكورة حبيبتي على كل الكلام اللي قلتيه و انا اكيد اوافقج الراي

باك للبنات ..

دخلنا الخميس يا حلوات .... اليوم .. و باجر الجمعة ... يومين الميزان .. وانطركم عالخاص ان شالله

اليوم راح اسلج وزني ان شاء الله

لا لا لا ... البنات كلهم يحتاجون بعد زف ...

ترى الخيزرانة يمي هاااااا بصير يدتكم الحولة الحين ..

اي والله نحتاج زف علشان نتئدب

ليدي نعوومة ... لا ماك شكن ولا باك ولا كاك .... فواكه وخضار وروب خالي الدسم ومكسرات .. وبس ..
وعوافي عالبيض المفيوح يا ديايات .. لووووووووول

لوووول من اللي يتحجى عنى، انا من عشاق البيض المفيوح ... اورنجيه عن التطنز

تووتة .. الكلام لج بعد يا جارة .. من باجر بشوف بيومياتج كل الاكلات اللي تقوي الدم .. شمندر وكبدة وعصير بقدونس .. لا تقولين موو حلووو .. فقر دم ماااانبي نشوفه في بنات تجمعنا ..

ترى انا اكل سلطة يوميا مرتين في اليوم، السلطة تتكون من خس و خيار وطماطم يعني انا مو مهملة وايد ... مهملة لكن نص ونص ... يعني يجي مني. اما على طاري الكبده الطبيبة تقول لي اكليها نيه ... انا لو اكلها نيه احس اني مصاصة دماء مو ادميه لوووووول

ها يا بنيات .. ان شالله استفدتوا من محاضرة يدتكم الحولة .. سمعوا الكلاااااااااااام زييييييين والا تبون الخيزرانة ؟!!؟!

لوووووول عايشة الدور عدل .. مع احترامي للجميع .. ازفكم عشان مصلحتكم لاني عانيت مثل ما تعانون بس غيرت من نفسي ونظامي صار صحي بصحي .. وما احب اشوفكم تستمرون باللي يضركم ..

ايه اكيد استفدنا ... مشكورة قلبو ما قصرتي على النصايح والمعلومات :eh_s(17):

 

[توووووتة الحلوة]

اليوم

الريوق
موكا = 95 سعره
رقائق الكورن فليكس بالكرز = 90 سعره

الغدا
2 بيض مسلوق مع خبزه متوسطة بر. سلطة وكاس ونص شاي

السناك
ويفر بالشكولاته = 25 غرام
3 تمرات مع قهوة عربية

العشا
بيضة مسلوقة مع ملعقة جبن سايل. خبزه متوسطة وكاس ونص شاي. 1بطاطس مسلوق مع طماطم

السناك
شيبس = 150 سعره

الرياضة
مشيت ساعة الحمد لله

 

[توووووتة الحلوة]

شدعوووه محد فقدني ?

الا حبيبتي، امس اسألت عنج قل ما تشاء و قالت "وين دلوعته فاقدتها اليوم"

و عوافي ما كليتي، مداخيل العافية :eh_s(17):

 

[تفاصيل روح .!.]

اورنجياا

لاا خلي الخيزرانه بعدي والله بنتأدب :eh_s(11):

liloo

من عيوني وان شاء الله ما ازيد انا ماراح اخذ راحتي بقوه لا

بريق

ايه كشف شامل انا متعوده اسوي كشف شهري على نسبه الدهون وفقر الدم وكل 6 شهور كشف شامل بس الحين سويت كيف شامل رغم اني مسويه بشهر 12 كشف شامل بس ماصار معي كل هذا
كان بس فقر دم

دلوعته

بالعافيه يارب

توته عوافي ماكليتي

مطرح مايسري يمري

 

[soosoo1299]

السلام عليكم اقدر انظم معاكم اللحين والا خلاص تأخرت

 

[تفاصيل روح .!.]

السلام عليكم اقدر انظم معاكم اللحين والا خلاص تأخرت

كان ودي والله تنظمين لنا لكن وصلنا للعدد المطلوب و التجمع قفل يابعدي شوفي في تجمعات ثانيه باقي تستقبل اعضاء الله يوفقج وينحفج من غير شر يارب

:eh_s(17):

 

[Orangiya]

صبااااااااااح الورد لكل الوردات الرشيقات ..

كتكوتة ..

حبيبتي سامحيني ما شفت ردج ... مباركين مقدماً الله يكتب لكم الخير والسعادة والهنا دوم ان شالله ..
وسامحينا والله صار عددنا وايد .. والتجمعات الثانية موجودة وايد .. اذا لقيتي شي يناسبج شاركيهم او سوي قروب و خلي البنات يشاركونج .. موفقة ان شالله ..

===

تفاصيل ... حبيبتي والله .. خلج من كل هالدايتات الدايخة ومن اليوم اكلج تخفيف وبس ... وشفتي شلووون السبانخ طعمه حلو ؟؟ تسلم ايدين امج وعوافي على قلبج .. قوليلها كل يوم تسويه لج ^_^ ..

وبشوف يومياتج اكل صحي عشان اوخر الخيزرانة عنج .. هههههه

====

ليدي نعومة ... بعيد الشر عنج .. بس فعلاً لازم الكل يسوي تحليل فيتامين د .. خصوصاً بنات الخليج ..دايماً مغطيات .. حجابات عبي نقاب كفوف .. لان اول مصدر للفيتامين من الشمس .. ما تشوفون بنات الاجانب بس يصير الصيف وتطلع لهم الشمس رووووح عالبحر و تمدد وتشمس و تدهن و كما خلقني ربي لضمان وصول فيتامين د لكل شبر بالجسم .. لووووووووووووووول ...

اذا عندكم حوش او سطح او حديقة مستورة ومحجوبة عن الجيران حاولو كل يوم الصبح تطلعون تتشمسون لبسو شورت وحفر .. و لازم الوقت يكون قبل الضحى يقولون هذا افضل وقت..

حبيبتي ليدي اذا عظامج تعورج تدفي زين و كثري من الحليب .. احتمال داش فيج هوا او تحتاجين كالسيوم ..

اعراض نقص فيتامين د ... ارهاق دايماً خمول تعب دوخة .. بهتان بشرة الويه واصفرارها تقريباً ... سواد تحت العين بشكل كبير ..

===

ليلي~ .. اشحلات اسمج على اسم ام هاري بوتر lily .. لوووووووووووووول > للحين ما صحيت من فلم امس ودي اعيده مرة ثانية واااي احبه لووووووووول ..

سووري نسيت اذكر شنو اكلت .. ريوقي .. سندويتش خضار مشوية مع جبن فيتا .. من دايت كير سنتر .. شفت فرعهم بالجمعية من كنت رايحة وشريته ... وشربت كيوي واناناس ..

الغدا .. حمسة ربيان بالصاج .. ثلاث قطع .. وسلطة .. وحلوى تمر ..

العشا .. شوية فواكه .. وماي ..

وسويت رياضة ساعة الا ربع بالنادي .. المسبح يشوووق ودي اطب فيه بس انا اطلع من النادي مشي للبيت خفت استمرض ..

وعوااافي اهم شي السبانخ كل يوم .. ههههههه


شرااااايكم بناااااااات .. اسم قروبنا دايت البيض المفيوح والسبانخ .. لووووووووووووووووووول

===

بريق .. يعااافيج ربي حبيبتي اي والله اهم شي الصحة والعافية .. اذا ما نحس الحين راح نحس بعد 10 سنين تبين الاعراض الله يبعد عنا كل سوء ومكروه يا رب ..

وننطر نتيجة التحليل ... يلا بنات الكل يروح يحلل شااااااااامل ... شراااااايكم بعد تجديد ثاني .. نضيف خانة نتيجة التحليل في جدولنا ..هههههههههههههه .. لا لا اتغمشر لا تصدقوون .. ههههه

===

دلوعتهـ ... اكيد سألنا عنج بس انتي طولتي الغيبة ... ولازم تشاركين وتتابعين معانا اذا مو كل يوم عالاقل يوم وترك .. وماشالله عليييج تعجبيني كثري من الجبدة زينة حق الدم ...
بس ترى وايد اكلج قليل ... شوي كثري لا تحرمين نفسج كللش ..

ريجيم نقاط او ريجيم حروف .. بليز بلى ريجيمات خرابيط .. والله احسن شي تخفيف واكل صحي .. غيره ما نبي .. عشان ما نوصل هدفنا وفينا فقر دم و نقص فيتامينات و تعب وارهاق .. نبي نستانس بجسم ضعيف وقوي و ويه صحي ..

===
تووته

لوووول حبيبتي اتغشمر معاكم بس صج ناطرة رايج باسم القروب اليديد .. قروب البيض المفيوح والسبانخ هههههههههههههه

وعلى طاري الجبدة واااااي استغفر الله شنو نية ...اخاف تصيرين بيلا وتمثلين الجزء اليديد بدالها مع ادوارد ..... ههههههههههههههه
الجبدة احسن شي يقولون تنوكل من ذبيحة طازجة .. و تكون مشوية عالخفيف دقيقة تحوشها النار وبس ..

>> صج اني اقول لكم هالكلام بس عن نفسي مستحيل اطبقه من صغري ما اكل اي شي يتعلق بالخروف والبقرة لوووووووول

وعوااافي البييض ههههههههههههه.. بس انا بموت من الضحك .. XD

===

 

[ام بوني ونوشه]

بنات ابي رجيم ينزل وزني 3 كيلو بالاسبوع

منو تفيدني

 

[lunetta]

السلام عليكم جميعا ....

يومي امـــــــــس:
الفطور : كافي
الغدا : كافي
العشا : كافي
ماكنت مشتهيه اكل

اليوم صحيت :
الفطور : 1- لبن


والباقي اكمله لكم اليوم

 

[تفاصيل روح .!.]

تفاصيل ... حبيبتي والله .. خلج من كل هالدايتات الدايخة ومن اليوم اكلج تخفيف وبس ... وشفتي شلووون السبانخ طعمه حلو ؟؟ تسلم ايدين امج وعوافي على قلبج .. قوليلها كل يوم تسويه لج ^_^ ..

وبشوف يومياتج اكل صحي عشان اوخر الخيزرانة عنج .. هههههه

ايه بشوف لي برنامج متكامل بس مابعد فضيت له

ايه والله السبانخ كنت خايفه من طعمه بس طلع يجنن ويدينج يارب .., الله يعافي قلبج .. امم مو كل يوم بس يوم ورى يوم عشان ما امل منه

لالالا وش خيزرانه والله توي كليت 3 تمرات >>الخوف مليح

السلام عليكم جميعا ....

يومي امـــــــــس:
الفطور : كافي
الغدا : كافي
العشا : كافي
ماكنت مشتهيه اكل

اليوم صحيت :
الفطور : 1- لبن


والباقي اكمله لكم اليوم

اح بسسس كافي والله تدمرين صحتج كذاا


اورنجيه زفيها تكفين الخيزرانه مو لي لوحدي شوفي وش جالسه تسوي بنظامها

 

[ToOMii]

مساااء الخييير
شلوونكم بنات ؟؟ شخبار الريجيم ؟؟
باجر الميزاان "يماااا" شدواا حيلكم
تفاصييل .. ان شاء الله احسن اليوم ؟
ام الأفلام وينهاا
برررب أقرأاا اللي طافني

 

[lunetta]

تفاصيل وش اسوي من جد مالي نفس الاكل
كبدي قالبه علي مااالي خلق احط اكل ببطني
مع ان امس بطني من الجوع قاعد يوغوغ ويصفر بس النفس عااايفه الاكل

 

[قــل مـا تـشـاء]

بريق أنثى , دلوعه
عوااااافي عليكم ماكليتو
دلوعته كلنا هني نسأل عنج لاتخافين , بس انتي ماتجين الا في نص الليل لووول
تووووووووووووووت
اي اعنيج فودييتج قلبوو اي والله قرار اهبل عندج هوس بالريجيم يعني من اول
لالا انتي مثل ماقلتي يبيلج جلسات كهربا لووول بس لا الظاهر الحالة اللي فيج عادية لانها ماتطول بسرعه ترجعين لرشدج
خلااص عواااافي عليج البيض جان ماتفقسين يوم ههههههههههههه
عوااااااافي عليج ماكليتي بس ماتأدبتي على الشاي وانا مثلج ترا البيض المسلوق احب آكله مع الشاي .,
هلا هلا تفاصيل شلونج اليوم ان شاء الله زينه
سوسو حيااج الله بس مثل ماقالوا البنات مكتفين بالعدد تعالي طلي علينا بين فترة والثانية تتحمسين من هبالنا لووول
اورنجيه شكلج فاصله من امس عالفيلم خلااااص كل شي يذكرج فيهم لووووووول
ههههههههه اسم القروب عجييييييب يبيله والله لوووول
أم بوني ونوشة
وشحقه 3 كيلو بالأسبوع , أنا قاعده اقرا موضوع لواحد خبير تغذية يقول النزول الممتاز هو 3 كيلو بالشهر أو 4 كيلو كحد أقصى
خلي عنج خرابيط 3 كيلو , وسوي رياضة لأن الرياضة هي اللي لها الدور الأكبر في ترتيب الجسم فتبيني أنج ضعفانه وايد ,,
لونيتـــــــــــــــــــــــــأ
هدوني عليها لالا هدوني ,. شنو مالج نفس للأكل !!!! انا اذا صار مالي نفس للأكل تدرين شنو اسوي آكل اي شي يفتح الشهية لو كاكاوة صغيرة والا اي شي اهم شي اغصب نفسي عالآكل الا اذا كنت مريضة فهذا خارج عن ارادتي., شلون جذي وانتي بعد ماصدقتي على طوول خليتي هالشي في بالج وقصيتي على نفسج وقلتي مو مشتهية لااا واليوم مستانسة على الفطور كاس لبن بس ..! صج اهون من امس بس ولوووو غلط المفروض تآكلين
أورنجيآآآآآآآآ يلآ الخيزرانه تفاصيل تعالي امسكي وياي ,

 

[Orangiya]

بااك~

ام بوني ... 3 كيلو بالاسبوع !!!!
ماكو ماكو ماكو ... ماكو نظام غذائي صحي ينزل هالكثر ... خرابيط الريجيمات اللي تنزل اكثر من كيلوين ممنوعة في تجمعنا ...
على هالطاري ... اكو تجمع يبون ينزلون 5 كيلو بالاسبوع !!!!!!!!! .. @__@ ... يارب اشفيهم.


لونيتا ... هذاااااا شنوووو .. فاتحة فرع ستاربكس داخل بطنج ؟!؟؟! كافي كافي كافي !!!!!

تبييين خيزرااانة صح ... يتلج ام السعف الحولة

اكلي خضار ورقية والله مافيها كااالوووري وايد ولااا دهوون ولا شي ...
قومي اشوف جدامي سوي سلطة طاسة كبيرة بقدونس نعناع سبانخ خس طماط زيتون خيار ...
واكلي روب خالي الدسم ..
واكلي قطعة خبزة ..
وسويلج بيضة وحدة او ثنتين اذا ماعندج ادام ..
وعصير طازج ..
والسلام .. شفتي جمعنا كل المجموعات ؟!

ليليي~ ...

اهلييين حبوبة ... اييييييي للحييينيييي فاصلة عليييه ..
وعفية عليج ساعديني عليهم .. ما يمشون الا بالعين الحمرا .. واحنا بعد وياهم لوووول


توومي .. اهلييين ام الدراسة شحوااال الكتب معاج ..
منو ام الافلام ؟ .. انا ؟
ههههههههههههههههه

سكتي لا تخليني اشغل هاري بوتر اطالعه مرة ثانية .. آخ يا قلبي .. لووووووووووووووووول

برب اقوم اتغدى .. واصور لكم غداي ان شالله

 

[قــل مـا تـشـاء]

هلا هلا دكتوره شلووونج شخبااااااارج .,
حيااااااج قلبوو ,,
لونيتآ
ياااعمررري انتي احس الكافي على الجوع هو اللي يلوع الجبد ويسد الشهية ,, كللش بصراحه لوعتي جبدي
كان اخذتي لج ولو زيتوونه والا شي وتغصبتيها اذا اكلتي بتنفتح شهيتج ,
انزين امس تقولين مالج نفس واليوم ليش ماكليتي ؟؟؟!!! شاربة لي لبن جان أكلتي زبادي وحطيتي وياه فواكه والا اي شي
وانتي تداومين بعد شنو ناويه عليه ؟!!! الله يعييييينج الصراحه .,