*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[دلوعتهـ]

يومي

الريوق موزه
الغدا مجبوس دجاج من هيلث كومباني
العشا مع حمولتي كليت شوي حمص وحبتين فلافل مع سكانتين جاي

سوووري بنات ترى ما أقرا ردودكم بس أكتب يومياتي وأطلع
ادعوولي بالامتحانات

 

[b7h]

موضووووعي عن السعرآت بحيث تكون مرتبه الردود تحت بعض ششآركوآ

http://www.q8yat.com/showthread.php?...8#post28748308

 

[توووووتة الحلوة]

:eh_s(10):
ايه افا عليج لازم نرحب ولو >> بتجلدها توته
ايه والله فديتكم الله لايغير علينا :yaaaaaarb:
الشكوى على الله بس بحاول قد ماقدر هالاسبوع ما اخذه عشان اقدر الاسبوع اللي بعده اخذ رشيقه الاسبوع اللي بعد :yaaaaaarb:
هههههه كلن يهددني لاخلاص ماراح اسوي دايت لبن وتمر >>ايه تشوفوني مطيعه
اورنجيا لاتحطين صوره ام السعف قسم بالله تخوفني
توته بالعافيه عليج ماكلتيه

توتو لاتحاتين مااح اجلدج ... انا مسالمة لدرجة ان القطة تاكل عشاي >> ايه هين كثري منها لووول

امين يارب، الله لا يغير علينا

تركي الالقاب على جنب اهم شي صحتج و انج تنزلين حتى لو نص كيلو << طيب علمي نفسج بالاول، يداوي الناس وهو عليل ههههه

ايه ترى انا و ارنجيه راح نسولج فلكه اذا سويتي ريجيم التمر و اللبن ... ما عندنا تفهم ... طريقتنا في التأديب هي الخيزران هههههه

صباااح الورد والجو البدييييع رشيقااات~ ..

والحب الصج ما يطلع قبل الزواج .. ولا حتى اول ايام الزواج ... اول الزواج مجرد اعجاب واحترام ... الحب الصجي يطلع بعد 5 سنين عن تجربة المتزوجات .. طبعاً مو كلهم .. هههههه


حلو كلامج اورنجيه، قاعدة استفيد من كلامج بخصوص الزواج علشان اعرف المراحل اللي راح امر فيها مع شيخ الشباب >> عاد ان شاء يكون فعلا يستاهل لقب (شيخ الشباب )

توتة

شالسالفة بس تدخلين نص الليل ؟ اخاف انتي في النص الثاني من الكرة الارضية لووووووووول

لووووول، اورنجيه ما تيوزين، عن التطنز ، لا حبيبتي انا دوامي يبدا في اخر الليل من يحرسكم، اخاف عليكم من الذيب ياكلكم >> يوه مسويه فيها امنا الحنونه لووووول

وتسلمييين حبيبتي الله يبارك فيج والله لا يحرمني من تشجيعكم ^_^ ..
لوووول تقرير المدرسة .. احنا ما التزمنا الا بعد ما حطينا لنا جدول وعقوبات و مكافآت والله كل هذا يحفزنا اكثر ..

انا حابة حييل فكرة الجدول لدرجة اني اقعد افكر فيه من يوم الاربعاء :krkrkr:

وصح لسانج اهم شي رشاقتنا تكون دااايمة .. مو بس شهر شهرين ونرجع دبل اللي فقدناه .. والله يوفقج ان شالله تصيرين احلى رشيقة بالعرس ..

احم احم، شكرا على كل هذا الاطراء يا عزيزتي برتقالة ... اه لو تعلمين كم انا خجولة جدا >> الاخت اقلبت عربي فصيح ... تحسب انها اشتركت في دبلجة مسلسل مكسيكي ههههههه

كل الكلام اللي قلته نتيجة خبرتي الطويلة في علم الحمية تصدقين من عمري 13 الى الحين 27 و انا اسوي دايت لكن بعد تقريبا سنة ارد اللي خسرته لكن هالمرة خلاص، ابي رشاقة طول حياتي ان شاء الله. الله لا يعوقني بشر و اوصل للي ابيه و الاهم اني احافظ عليه.
مشكوة على الدعوة قلبو، ان شاء الله اكون احلا وحده بالعرس

وزييين سويتي تركتي ريجيم تمر ولبن .. الله يهديهم بس خليهم هم اللي راح ياكلونها بعد جم شهر اذا وصلوا وزنهم و تركوا التمر واللبن وقاموا ياكلون الاكل العادي ..راح يرجعووون دبلااااات تربلاااات بعد !!
وليش الدمار النفسي هذا .. اشوف اكل احبه واتحسررر ما اكله واغصب نفسي عالتمر !!!!!

ايه والله انج صاجة بكل كلمة كلتيه، هالرجيم دمار نفسي و بعد الواحد ما يتركه يرد دبلات، يعني خساره جسدية و نفسية للاسف

وعاشت ام البيض .. ههههههههههه .. انزين ليش ما تاكلين ادام ثاني .. لحم دياي سمج ربيان ... التنوع حلو والله

واااي اشتهييت ربياااااااااااااان غرامي .. بقول حق امي تسويلي على يوم ..

يوه وبعدين معاج انتي والطنازة، ما تيوزين يعني اما سالفه التنوع قل ما تشاء قلت لي مرتين غيري لكن ايش اشوي ما اقدر اهد البيض المفيوح ... صارت بيننا مو علاقة حب علاقة عشق هههههه
ما امل منه و لا اشوف غيره و ما احس بالشبع الا معاه ... حشى هيروين مو بيض
اورنجيه ترى انا ما امزح بسالفه البيض، من صجي اتحجي ... انا اعشقه و ما اقدر اهده :krkrkr:

وخلاص ماراح احط صورة ام السعف بس اذا شفت اي وحدة تخرب الريجيم علطووول احطها لها .. ههههههه

اورنجيه بلييييز حطي صورتها للي ما تاكل عدل بعض البنات، ياكلون اكل عصافير. قولي لهم الريجيم ما يعني الحرمان و اني اجوع عمري >> اشفيج قلبو قولي لهم انتي ... ليكون ما عندج لسان لوووووول

ان شالله ماكو مغريات عالسفرة .. الله يستر ... لي بااااك بعد ما ارجع ..
سي يووو ~

اتمنى لك سفرة سعيدة يا عزيزتي افندية يوه قصدي برتقالة ههههههه
اراك قريبا

الفطوووووووووووووووووور
كوبان من الماء المنعش
الغداااااااااااااااااااااااا
صدر دجاجه ميته بدون ملح مسلوقه طعهما يصحي المجنون ويجيب الضايع ويقوم النايم يارب لك الحمد+سلطه من غير ملح

بريق الحين تعتبرين ان كاسين ماي ريوق، و الا الغدا ايش هالحرمان بليييييز ارحمي روحج. امس كان عندي جولة ميدانية بالقسم كان ادش موضوعج و اقرا يومياتج ... ايش هذا قلبو ... قلبي عورني، انتي كلش ما تاكلين، اكلج مثل العصافير ... لا العصافير تاكل احسن منج. و انا لي فترة اقول ايش فيها البنت تشتكي من اليوع، ليكون معندها ارادة :eh_s(10): لكن الحقيقة اصبحت ظاهرة امامي عيني الان :eh_s(2): ... انتي لا تاكلين بشكل جيد. سمعي اذا ما اكلتي زين ترى راح اشيش ام السعف و الليف عليج :eh_s(14): اتمنى كلامي وصل. قلبو الريجيم ما يعني الحرمان والتجويع

أنا بعد زينه لي الرياضة واايد وتساعدني في نزول الوزن ,,
اي مزكمه اليوم من الظهر وانا ارتب الشقة شفت روحي كأني باذله مجهود كبيييير مع انها حركة خفيفة وحتى وانا أتغدا كأني قاعده اركض .,
يلا شكلي مابسوي اليوم مع اني قايله مابتركها بس يلا ان شااء الله بكره
أمس سويت وتوه بادي فيني الزكام بس خلصت رياضة راااسي بينفجر بس زين انه خف لحاله الحمد لله

سلامات قل ماتشاء، خطاج السوء ان شاء الله. ديري بالج عدل على روحج هالايام، ترى الواحد مو زين يهمل نفسه اذا صار عنده انفلونزا

يوميآتي .,

الفطور
برتقالة و سبانخ وشاي
وأكلت 3 حبات تمر
الغدا
شوي سمك وخضار وخبز ونص برتقالة
العشا
تفاحة
الماي شربت لي الحين تقريبا 6 كاسات الباقي بشربهم قبل ماانام .,

حبيبتي، انتي زينة اليوم، ما اتوقع :eh_s(10): ايش يعني العشا تفاحة، التفاحة تعتبر سناك مو وجبة. انتي اللي تنصحيننا و تقولين لنا اكلو ثلاث وجبات وسناكين باليوم تسوين جذي. لاااااااا ما اصدق. الظاهر ان الزكام خلى مخج يفصل. قل ما تشاء، ترى انتي اذا قلتي لي نصايح اطبقها ... ما يصير ابلتي تخطي لوووووول
لكن معذورة يمكن الزكام خلا نفسج مسدودة :eh_s(10):

قل ماتشاء عليك باالعافية
العشاء سلطه+عصير برتقال

بريق، وبعدين معاج مع التجويع. مايصلح جذي،راح تتعبين جسمج و نفسيتج .اورنجيه بلييييز الخيزرانه

تعرفين انا جالسه ادور واحد ما اسمن اذا تركته فقالو افضل شي التخفيف هو اللي مايرجع الوزن دبلات بس بما ان اكل البيت كله مقلي وخرابيط واني انا لازم اخذ برنامج لو اعدل فيه شفت ذا احسه اقنعني وحده كاتبه بالاسبوع الاول نحفت 4 والثاني والثالث ولا كيلو بس عادي 4 مقنعه وناس كاتبين 8 كيلو بالشهر واللي كاتب 6 بالشهر بمعدل كيلو ونص كل اسبوع حلوو

توتو، حطي في بطنج بطيخه صيفي و سوي ريجيم التخفيف، ماكو احسن منه وعن تجربه اتكلم. اذا تركتيه مايرجع وزنج بسرعة ... يصير صعب ان وزنج الزايد يرجع

 

[توووووتة الحلوة]

[u[/u]
توته الحلللوة .,
*ايييي ماكو مابنتخرج من التجمع الا جميع لوول حتى لو خلصتي بس بنسجل حضور وغياب ترآ ههههه
*ويبيلنا نشد على انفسنا بالرياضة شوي ., أنا يتني فترة جذي اسوي رياضة ساعه كامله عالدراجة وصار جسمي واااااااو < بس لي الحين قاعده اسأل نفسي شلون تحملت اسوي عليها ساعه كامله متواصله لووووول ., يلا ان شاء الله اسوي ساعه الا ربع عالسير والربع عالدراجة والرياضة اي انا قلت جذي بسوي شوي شوي وياها لمنه تصير عندي لياقة بالجسم وتالي اوصلها ان شاء الله لو نص ساعه مو شرط ساعه .,
*قمت استحي منج تسلمييين حبيبتي عالكلآم الحلو يلآ الحلو مايطلع منه الا الحلو ., لكـ (f)
*ان شاء الله تصيرين رشيييقة الأسبوع الجاي ياارب .,
,,,,,,,,,,,,,,,,,,,,,,,,,,,,,,,,,,,,,,,,,,,,
بنات يااااااااارب كلكم الأسبوع الياي تصيرون رشيقات أقل وحده تنزل كيلو ياارب > أنا أهم شي أنقص مايزيد حتى لو نص كيلو ., خااايفه لأ أعلق عالـ 73 حالي حال تومي وأورنجيآ .,

ان شاء الله راح اسوي اجتماع قريبا مع نفسي علشان نتناقش انا ويها بسالفة الرياضة و اذا ما وافقت راح اجلدها، لا تحتاين :krkrkr:

يوه ... يوه ... فديت اللي يستحون انا، ما ادري :eh_s(10): يمكن ما اكون رشيقة الاسبوع الظاهر اني اكثر و حده تاكل بالتجمع بالنسبة لاكل البنات ... اللي اكلهم مثل اكل العصافير

قلبو لا تحتاين ان شاء الله ماراح يعلق وزنج، من تجربة اذا الواحد قام يحاتي وزنه، الجسم يعند و لا ينزل
ان شاء الله الاسبوع الياي يكون وزنج 72 قولي يارب

 

[توووووتة الحلوة]

اليوم

الريوق
ما تريقت

الغدا
2 بيض مسلوق مع خبزه متوسطة بر. سلطة و كاس شاي

السناك
ويفر = 21 غرام

العشا
قطعة متوسطة مكرونة بالباشميل مع 1 بيبسي و سلطة

السناك
ويفر بالشكولاته = 120 سعره

الرياضة
مشيت ساعة والحمد لله

بنات، انا ملاحظة اني اكثر وحده تاكل في التجمع مقارنة فيكم

 

[تفاصيل روح .!.]

توتو لاتحاتين مااح اجلدج ... انا مسالمة لدرجة ان القطة تاكل عشاي >> ايه هين كثري منها لووول

امين يارب، الله لا يغير علينا

تركي الالقاب على جنب اهم شي صحتج و انج تنزلين حتى لو نص كيلو << طيب علمي نفسج بالاول، يداوي الناس وهو عليل ههههه

ايه ترى انا و ارنجيه راح نسولج فلكه اذا سويتي ريجيم التمر و اللبن ... ما عندنا تفهم ... طريقتنا في التأديب هي الخيزران هههههه


توتو، حطي في بطنج بطيخه صيفي و سوي ريجيم التخفيف، ماكو احسن منه وعن تجربه اتكلم. اذا تركتيه مايرجع وزنج بسرعة ... يصير صعب ان وزنج الزايد يرجع

ايه فديتج حاسه بطيبتج انا لدرجه انج بتسوين لي فلكه :eh_s(2): كلهم مستقويين علي :eh_s(2)::krkrkr:
انزين انا بهتم بصحتي بس اذا تبين الصراحه انا من طلعت من بطن امي ما اكل شي صحي حتى التمر ماكليته الا يمكن من شهرين اول في رمضان افطر على كاس مويه ماكنت احبه بس الحين تشطرت

انتو بس خلو الخيزرانه بعيده عني وبتشوفون كيف بتسنع >> خايفه منهم :bbbiu:

ايه انا اذا عطيت نفسي مجال للتخفيف لعبت بحسبه الدايت واظمن لج اني بعد فتره برجع لج دبل فانا جالسه ادور دايت قريب من التخفيف على الاقل يرتب اكلي ويكون صحي :ggdw:


وبالعافيه عليج اللي كليتيه

وبعدين تعالي من قال انج اكثر وحده تتكلمين !!

لانك تجمعين الردود كلها برد واحد بس لاحظي حنا وش نسوي طول اليوم احسبي ردودنا وردودج

انا شكلي بقلب نومي عشان اصير اشوفج :eh_s(10):

 

[ياشايل الظبى]

قوه بنات
اسفه هالاسبوع ماحطيت وزني لان مانزلت
وصابني احباط وقررت اربط الحزام
وفعلا مـِْـِْن السبت باديه بقوه والميزان بدي يتلحلح شوي معاي
والاسبوع الجاي احط وزني
يومياتي مـِْ♡̨̐ـِْن يوم السبت لي اليوم
حليب بجنزبيل مع توست بمسحه جبن
والغدا سلطه وزبادي
والعشا يا سلطه يازبادي
واخذ سناك بين الوجبات برتقاله او يوسف افندي

ويارب انزل نزول حلو هالاسبوع

 

[تفاصيل روح .!.]

قوه بنات
اسفه هالاسبوع ماحطيت وزني لان مانزلت
وصابني احباط وقررت اربط الحزام
وفعلا مـِْـِْن السبت باديه بقوه والميزان بدي يتلحلح شوي معاي
والاسبوع الجاي احط وزني
يومياتي مـِْ♡̨̐ـِْن يوم السبت لي اليوم
حليب بجنزبيل مع توست بمسحه جبن
والغدا سلطه وزبادي
والعشا يا سلطه يازبادي
واخذ سناك بين الوجبات برتقاله او يوسف افندي

ويارب انزل نزول حلو هالاسبوع

​

الشروط للجديدين ./
- يفضل الدخول يوميا او يوم ورى يوم لكتابه اليوميات ..
-التخبيص ممنوع ..
-تحري الصدق بكتابه اليوميات لان اولا واخيرا الفايده لك ..
- تعبئة نموذج الوزن - الطول - الرجيم المتبع - الرياضه ..
-الالتزام بالرياضه ..​

- الالتزام بارسال الوزن اسبوعيا لـ Laidy n3ooma وذلك في الايام التاليه ( الاربعاء - الخميس - الجمعه) ..

​

اخليتي بشرطين من الشرووط انا قلت رايي من كم يوم واذا بنات القروب موافقيني بالراي اعذرينا :eh_s(7):

 

[ريم خانم]

مرآحب
لفت نظري موضوع رجيم النقاط وانا بنفسي جربته شهر ونزلت 5 كيلو حلو وسهل وتاكلين الي تبين بس لازم تعرفين نقاطك انا كانت نقاطي 20 واغلب الايام مااوصلها كامله يعني 18 19 واكون شبعانه وزني كان 80 وبشهر وصلت 75 بس مدري ليه تركته وصرت اخفف ونزولي صار بطيء جدا راح ارجع له ان شاء الله ..
واهم شي بنات النوم بدري هو الي يساعدك بالرجيم وموفقين

 

[تفاصيل روح .!.]

طيب ريم انتي كنتي تتبعين رياضه وقتها ؟

وهل ممكن من رجيم كيميائي احول عليه على طول اخاف اسمن لاني كل الرجيمات اللي اتبعتها اغلبها كيميائيه فاذا وقفت الدايت يوم زدت كيلو

وشوفي هذي اللي لقيتهم احس 3 بشهر قليل مرا

* من وزن 115 وفوق معدل النزول من 10 الى 12 كيلو بالشهر

* من وزن 100 الى 90 معدل النزول من 9 الى 7 كيلو بالشهر

* من 85 الى 75 معدل النزول من7 الى 5كيلو بالشهر

* من 70 الى 65 معدل النزول من 4 الى 3 كيلو بالشهر

*من 65 الى 55 معدل النزول من 3 الى 2 كيلو بالشهر

 

[Orangiya]

صباااح الامطار والغيووم والجو اللندني العجيييب ... ياااحبي للمطرررر .. وناااسة الدش امس بليل مع البروق والرعود .. كان ودي امسك الشامبو وانزل تحت المطر اتسبح هههههههههههههه ..

سوري بنات امس ما دشيت عالليل .. بعد ما كنت بيت ابوي وعالعصر النادي والمغرب جمعية .. رديت البيت ارتب عالسريع ونومت اليهال و تابعت الحلقة الاولى من lie to me .. و دختتت ونمتتتت ..

::++::++::++::++::++::++::

دلوعتهـ ...

الله يوفقج ان شالله بامتحاناتج ... اكلج كلش مو صحي .. وانتي بفترة امتحانات .. يبيلج ام السعف يعني من صباح الله اناديها ؟!

كثري سوائل واكلي جوز وكشمش زين للذاكرة وقت الامتحانات ... ولا تنسين الفواكه بليز~


::++::++::++::++::++::++::

تفاااصييل ..

خلاص هونت من الفوتوشوب .. بروح اودي لابتوبي اي محل يحط لي الاصدار كامل مع جم برنامج احتاجه ..

وورحت النااادي امس .. ساعة ونص عالاجهزة ليما حسيت اني دخت فوقفت وقعدت اشرب ماي ... ما قدرت اسوي اكثر من هالساعة ونص .. بس يلا نعمة ..

واليوووم جهزت ملابس السباحة تشوقت قلت راح اطب المسبح اليوووم ..ونااااااااسة ...
يعني اليوم ماكو اجهزة .. بس سباحة لمدة ساعة كاملة ..

وصاجة بتحصلين ام السعف في كل صفحة .. توني كنت بحطها حق دلوعته .. بس بعطيها مهلة دامها في فترة امتحانات ..

وافا عليج ما خبصت ..

يومي امس ..
ريوق .. شابورة وشاي اعشاب تبعنا ..

غدا .. كليت شيش طاووق خالي وطماط مشوي .. وقفشة عيش وحدة ..
بعدها اكلت كيييك ملفووي ماااااااااقدر اقاومه غرااااااااااااامي ...

بس وراه علطول النادي فاعتبره احترق لوووول .. بعد النادي شربت قشر قهوة زنجبيل نعناع ..

العشا .. حبتين كيوي وتفاحة خضرا ..

::++::++::++::++::++::++::

بريق ..

شفيج يا حلوة ما تقدرين ردنا انا وتفاصيل عن موقع الدارداركوم ... والله سهل مافيه عقد ولا صعوبات ... دخلي فتحي مشاهدة اونلاين وبس~ ..

هههههههههههههههههههه ضحكتينيييي عالدياية الميتة .. الله يخس ابليسج ...عاااادي تحطين لها بصل وثوم وتواابل ماااايضر ولا يزيد وزن !! البهارات كلها بودرة مافيها كالوري ...
وحمسيها بقفشة زيت زيتوون وحدة ثنتين مااايضر !! وبعدها حطي بقدونس مفروم فوقه راح يشيل كل ريحة الزفر واشحلاته يطلع ..

ويااااااااااريت اسوي داونلود الاكلة الفلانية من النت اللي تعجبني صورتها .. برنت من الطابعة وجاهزة للاكل .. لووووووووووووووووووووول

وشهيتيينيي عالمعموووول .. يشبه اللي امي تسويه رهييييييييييب ... الله يبعده عنااا بس كله سمن ودهن وسكر وووو !!

::++::++::++::++::++::++::


ليليي~ ..

لوول اهم شي سؤال مكنسل .. حسستيني اني اجاوب عن ورقة امتحان هههههههههههه
اليوم بس بروح ساعة سباحة ... ^_~

وعواافي الشوربة .. انا كلش ما احب الباذنجان ولا استسغي طعمه وين ما كان >_< ..

وماشالله اكلتي فطاير والباجي مشفر يعني اكلتي بلاااااوي .. ماااشي راح يكون العقاب عقابين .. هههههههههه

وحره عليج ما خربتها بغداي امس بيت ابووي .. انا قوية انا هيهيهيهي

وتسلمين حبيبتي الله يخليج انتي بعد حق زوجج واهلج يارب ^_~ ..

وماشالله يومج وايد حلو ... كيب ات اب ~ .. بشوفج السبت نازلة كيلو ونص بالكثير !

::++::++::++::++::++::++::


ليدي نعومة ..

سلامتج حبوبة .. حاولي تنامين شوي وحبة بنادول و اكو فكس خاص لصداع الراس من صيدلية بووتس .. مادري اذا عندكم .. تمسحينه على جبهتج ومع شوية تدليك يمشي الحال ..

::++::++::++::++::++::++::


تفاصيل ..

حلو الدايت اللي حطيتيه .. جربيه اسبوع شنو وراج .. لووووووووووول .. ماشالله عليج كل اسبوع دايت ..
بس شكله زين في تنوع بالاكل .. بس ياويلج اذا ما اهتميتي بصحتج اكثر ! ام السعف جاتج .. !!

::++::++::++::++::++::++::


دلوعته ..

ملاحظتج كلش ماكو سوائل شالسالفة !!!! ناوية تصيرين صحراء الربع الخالي جااااافة من الماي !!!!!!!

::++::++::++::++::++::++::


تووتة ..

اهلييين حارستنا .. هههههههه

حبيبتي آمين ربي يرزقج بالزوج الصالح ان شالله ...
وفعلاً راح تلاحظين هالشي .. اول الزواج اوكي ايام حللللوة وايد .. بتشوفين الزوج احسن من روميو ماشالله عليه .. تدلع وطلعااات واسوااق وتمشي عالبحر و احلى المطاعم والفنادق ..
بس لان الزوجين مختلفين حيل كل واحد ياي من بيئة وبيت غير .. فشوي يمكن تصير اختلافات بالكلام ... او ممكن تتطور الى شوية مشاكل
وهالفترة احتمال تطول .. على ما كل واحد يتعرف عالثاني عدلللل لدرجة اي نظرة او كلمة او حركة يفهمها الثاني علطول .. يصيرون مثل توأم الروح وهذا هو المعنى الحقيقي حق (زوجيـــــــن) ..
طبعاً هالفترة تكون بعد الخمس سنين ..

بس اهم شي في العلاقة الزوجية .. اي مشكلة .. اي خناقة .. اي كلام جارح .. ضروري ينحبس داخل قفص الزوجية وبس .. ان طلع الكلام حق الام او الاخت او اهل الزوج ... كل واحد بيفهم الشي على هواه وتكبر المشاكل اكثر ...
حل المشاكل بين الزوجين فقط لا غير .. الا اذا كانت المشكلة حيل كبيرة او معصية يسويها الريال لا سمح الله ..
ولا ننسى ... جهاد المرأة حسن التبعل. والصبر مفتاح الفرج
....

احس وايد قرقت لووول سوووري ... ولا تفكرون اني عيوووز عندي خبرة بالزوااج .. ترى والله للحين ما كملت 5 سنين زواج .. بس اللي قلته بالضبط شفته ينطبق على وايد حريم اعرفهم .. والحمدلله انا اطبق كلامهم والحياة ماشية .. ^_~

***

ياويلي .. من عمرج 13 وانتي تسوين ريجيم !!! خلااص المفرووض الحين انتي قمة الرشااااقة بعد هالسنيين .. حرام تخربين تعبج كل مرة .. و المشكلة ماعندج كرشة ولاااااااااادة ... هذي بروحها قصة !!

والله يخليلج عشيقج البيض المفيوووح لووووووووووووول ... حبيبتي والله ما اتطنز بس ماقدر ما اضحك عليكم هههههههههههههههههههه

ولا تخاافين شفت دلوعته تحتاج ام السعف .. بعطيها مهلة واحط لها الصورة !!

وفهمتيني غلط عالسفرة ... كنت اقصد سفرة الطعام .. مو سفر طيران .. ههههههه فهمتي شي ..

وصح كلامج على بريق .. شنو هذا بس ماي عالفطور !! لا هي بعد تحتاج ام السعف !! بنااات جهزوا نفسكم للعقاب يوم السبت اللي ما تاكل عدل

::++::++::++::++::++::++::


يا شايل الظبي ..

حبيبتي حتى لو كان وزنج ثابت .. المفروض تدخلين و تكتبين شي عشان نعرف انج حابة تكملين معانا .. لاننا نمسح الاسماء اول بأول اللي ما يشاركون ...

وجااان قلتي ان وزنج ثابت عشان نعطيج وسام دبدوبة الاسبوع .. حرام خذته تفاصيل .. المفروض من نصيبج يا دبدوبة !!

وقواج الله .. نعطيج مهلة اخيرة السبت الياي ... اذا الاسبوع الياي ما تلتزمين اسمحي لنا نمسحج .. وآسفين على هالشي ..

 

[بريق أنثى]

توتة
الغالية ابي انحف بسرعه ولاني اكلت كثير السبت وادري انه غلط وهذا اللي يخليني انفجع واخربط واكل ضايق صدري ابي انزل بسرعه شفت الميزان اليوم زاد كيلو لان الخميس تعبانه اكلت والجمعة مفتوح والسبت جاني وحش الطعام
يعني 3 يام خربطه زاد كيلو عليك باالعافية انا ملاحظة ان انتي تأكلين شوكولاته وشبسات وشو نوع الشبيس اللي تحبين؟
اورنجينا
دوم الضحكة الله يسعد قلبك أي دجاجة ميته اجل حيه هههههههههه قلت بكتب بشوف رد البنات وبالنسبة للموقع بشوف اليوم امس مافضيت

 

[تفاصيل روح .!.]

صباااح الامطار والغيووم والجو اللندني العجيييب ... ياااحبي للمطرررر .. وناااسة الدش امس بليل مع البروق والرعود .. كان ودي امسك الشامبو وانزل تحت المطر اتسبح هههههههههههههه ..

سوري بنات امس ما دشيت عالليل .. بعد ما كنت بيت ابوي وعالعصر النادي والمغرب جمعية .. رديت البيت ارتب عالسريع ونومت اليهال و تابعت الحلقة الاولى من lie to me .. و دختتت ونمتتتت ..

::++::++::++:
صباح الشموس والسماء الصافيه والجو الصيفي الحار :bbbiu:

عندكم مطططر ؟؟!!!

انا اعشق المطر بهبال العب مثل اليهال احس اني اصغر 10 سنين لورى اصارخ وانطط واشياء وايد اسويها :eh_s(22):



:++::++::++::


تفاااصييل ..

خلاص هونت من الفوتوشوب .. بروح اودي لابتوبي اي محل يحط لي الاصدار كامل مع جم برنامج احتاجه ..

وورحت النااادي امس .. ساعة ونص عالاجهزة ليما حسيت اني دخت فوقفت وقعدت اشرب ماي ... ما قدرت اسوي اكثر من هالساعة ونص .. بس يلا نعمة ..

واليوووم جهزت ملابس السباحة تشوقت قلت راح اطب المسبح اليوووم ..ونااااااااسة ...
يعني اليوم ماكو اجهزة .. بس سباحة لمدة ساعة كاملة ..

وصاجة بتحصلين ام السعف في كل صفحة .. توني كنت بحطها حق دلوعته .. بس بعطيها مهلة دامها في فترة امتحانات ..
..........,,,.........,,,.........,,,,............

اي والله وديه لمحل افضل احس بيجيج الشيب منه ..,

حتى انا لعبت رياضه العصر على تحدينا :eh_s(9): انا الصبح لعبت ساعه ونص بس العصر مالعبت الا ساعه لان جمبي عروني قووه فوقفت اليوم اذا جيت من العلاج الطبيعي بدري بتمرن
..........,,,.........,,,.........,,,,............
وافا عليج ما خبصت ..

يومي امس ..
ريوق .. شابورة وشاي اعشاب تبعنا ..

غدا .. كليت شيش طاووق خالي وطماط مشوي .. وقفشة عيش وحدة ..
بعدها اكلت كيييك ملفووي ماااااااااقدر اقاومه غرااااااااااااامي ...

بس وراه علطول النادي فاعتبره احترق لوووول .. بعد النادي شربت قشر قهوة زنجبيل نعناع ..

العشا .. حبتين كيوي وتفاحة خضرا ..

::++::++::++::
بالعافيه على قلبج اللي كليتيه

++::++::++::




تفاصيل ..

حلو الدايت اللي حطيتيه .. جربيه اسبوع شنو وراج .. لووووووووووول .. ماشالله عليج كل اسبوع دايت ..
بس شكله زين في تنوع بالاكل .. بس ياويلج اذا ما اهتميتي بصحتج اكثر ! ام السعف جاتج .. !!

::++::++::++:
ايه حلوو ههههههههههههههه شفتي قايله لكم مابقيت دايت ماجبربته كل سبوع شي لي رحله طويله جدا مع الدايت بس خايفه اوقف كم شهر وارد دبل جالسه احاول ارجع لنظام تخفيف بس ماعرف انتظم فيه فقلت ممكن يحل الازمه

:++::++::++::


يا شايل الظبي ..

حبيبتي حتى لو كان وزنج ثابت .. المفروض تدخلين و تكتبين شي عشان نعرف انج حابة تكملين معانا .. لاننا نمسح الاسماء اول بأول اللي ما يشاركون ...

وجااان قلتي ان وزنج ثابت عشان نعطيج وسام دبدوبة الاسبوع .. حرام خذته تفاصيل .. المفروض من نصيبج يا دبدوبة !!

وقواج الله .. نعطيج مهلة اخيرة السبت الياي ... اذا الاسبوع الياي ما تلتزمين اسمحي لنا نمسحج .. وآسفين على هالشي ..

تشوفين اورنجيا :eh_s(11)::eh_s(11)::eh_s(11):

طلعت مظلومه :eh_s(14):

هين مزاعلتكم الله يسامحكم :bbbiu:>> محد معاقبج انتي معاقبه نفسج

 

[بريق أنثى]

بنات طفشت ومليت كاره وزني وكاره حبي للاكل
احس بصراع بين الرجيم وبين الاكل
طفشت حدي ضايق صدري ع الكيلو اللي رجع
وكلها اسبوع ونص وتجي الاجازة واكيد جمعة واكل ومطاعم وحلا وطلعات وانا اوووف منقهرة بقووووة كله مني ابي اسد شهيتي انا السبب لاني اخرب لو ماخربت كان نزل وزني ماعندي إرادة كلش والمشكلة هالقلب من بديت الدايت وضرباته سريعه حتى مااعرف انام لو الامر بكيفي كان سكنت في فندق وحبست نفسي عشان مااشوف الاكل واطلب بس اكل الدايت
مالي خلق كلش يع وزني 65 متحطمة حدي ودي انام وانام وانام وبس والقهر يخلوني اطبخ الغدا
اليوم ماطبخت يعني بدل العذاب عذابين
انا احب الاكل ومااقدر اقاومه وهذا الاسبوع الثالث لي في اشياء كثيرة نفسي فيها مدري ودي بشي يعدم الشهية عدااام
ياارب لك الحمد والشكر
افكر اشتري حبوب تحرق الدهون بكلم الصيدلاني وبشوف وش يقول ابي انزل 7 كيلو احسهم فوق رأسي ووع الزيادة عندي من تحت ياارب لك الحمد والشكر ​

 

[ام بوني ونوشه]

مافي احد فقدني كلش الحين ابجي

 

[ام بوني ونوشه]

امس سويت رجيم التمر بس اخذت معاه حليب خالي الدسم موذاك الزود مع اللبن


والحمدالله عدا اليوم ع خير















واليوم بعد رجيم التمر وباجر بإذن الرحمن

وباقي الاسبوع تخفيف

 

[بريق أنثى]

مافي احد فقدني كلش الحين ابجي

حياك تعالي معنا وينك غايبه؟

 

[ام بوني ونوشه]

عندي امتحانات دعواتكم

 

[قــل مـا تـشـاء]

بريق أنثى ,,
الله يعاافيج حبيبتي وأنتي أكلي عدل الله يخليج ويعافيج
تفاصيل ,,
اي اوك بس خليني أصحى من الزكام البارحة صارت فيني حرارة وواليوم صحتي مو أوكي 100% ., الله يعافيج حبووبة
بالنسبة للريجيم اللي حطيتيه اي يشبه ريجيم السعرات الحرارية بس هاا حاولي تسوين موازنة بين الأشياء اللي تاكلينها
لأنه كل شي مسموح فـ مثلآ لآتفرطين في استخدام الحلويات وتنسين العناصر الغذائية الثانية ., أنا ماادري عن النسب اللي المفروض ناخذهم يوميا من كل عنصر غذائي فـ إسألي أورنجيآ .,
بخصوص ريجيم النقاط يا حبيبتي والله حتى لو 3 كيلو بالشهر مو قليييييل مو قليل مو قليل يعني بالـ 3 شهور 9 كيلو نعمه الحمد لله رب العالمين ويبين على الوحده الضعف والنحافة
دلوعته ,,
عوااافي عليج ماكليتي وياليتج تاكلين عدل بعد انتي حبووبة وأحنا قلنا بطلوا الريجيم بمآ أنه عندكم إختبارات
أدمنتك ,,
مشكووورة عالموضوع حبووبة بس مافتح عندي ,, ان شاء الله ينقل خطيبج للشرقية عن قريب ,
تووووته الحللوة ,,
الشر مايجييج يا قلبي ., هاليومين بآخذ أوف من الرياضة البارحة تعبت وايد ماادري شلون جتني حرارة وغصب اليوم قمت من النوم لو مو الصلاة جان ماقمت لوول
من ناحية الريجيم هههههههههه تصدقين عاد ماادري شاللي فيني أحس أنكم عاديتوني أنتو اللي ماتاكلون أنا آكل أكثر منكم البارحة بيني وبينج متت من الجووووووووع من بعد التفاحه وقلت باكل لي لو قطعة جبن جذي بدون خبز ولا شي بس ماكليتها خفت تزيد وزني هههههههه ,, تووبه آتعشى على تفاحة باكل لي عشا بدري جبن والا بيض والا حبيب الألب سبانخ لوول أو حتى لو نوعين فاكهة أحسن لي .,
وبالنسبة لنظام التخفيف انتي صاااجة لأن نصير ناكل كل شي فعادي ماكو ذاك الاختلاف اذا وقفنا ريجيم متعودين على نوعية الأكل
ياااااااارب الله يسمع منج حبيبتي ويصير وزني 72 الاسبوع الجآي .,
عوااافي عليج حبووبه ماكليتي وخليج جذي لآتتنازلين لآعن الوجبات ولا عن السناك ولآ تخافين حتى أنا آكل بس ماادري شفيني هاليومين استخفيت من شفت روحي مانقصت الاسبوع اللي طاف الا 600 جم وشفت البنات ماياكلون قلت بس مع الخيل يا شقرا ههههه
ياشايل الظبي ,,
حبيبتي حتى لو مانزلتي والا ارتفع وزنج مافيها شي لي كتبيتي لنا هني ترا أحنا نبي الالتزام ويانا مو بالمزاج شفنا وزننا ماينزل اختفينا ., وهو الوزن جذي ساعات يثبت وتالي ينزل ..,
أتمنى أنج تلتزمين ويانا والا البنات بيتخذون إجراء بخصوص اللي ماتلتزم حبوبه .,
ريم خانوم .,
مشكووووورة حبيبتي على طرح تجربتج وعلى نصايحج ,, وإن شاء الله أطلع عليه بعد فترة لأني مقررة إذا وصلت الوزن المطلوب بتبع نظام السعرات الحرارية أو النقاط عشان أثبت وزني فيه .,
أورنجيآ ,,
هلا هلا حبيبتي
هههههههههه توقعتج تقولين بتحطين الشامبو على الأرضية وبتتزحلقين ويا المطر ههههههههههههههه
نومتي اليهآل عشان الفيلم يا أم الأفلام لوووول ,, بس صج تاخذين جو اذا صرتي بروحج ,,
نعمه الحمد لله رياضة ساعه ونص ماله داعي تزيدينها لآتخافين بتضعفين وان شاء الله تصيرين بطلة الأسبوع الياي
ليش اخترتي سباحه اخاف عليج جان مايدشج برد .,
يومج أمس ممتااااز زين تآكلين اللي تبينه وتسوين رياضة حلوو ومافي تخبيص عليج بألف عافية حبووبة
آهاا من جذي استغربتي من الباذنجان أنا أول احبه مع حمسه ومو ذاك الزود بس الحين احببببه بكل حالاته > والله شهيتيني على حمسة الباذنجان أحسه يهبببل بالذات فالشتا ,
أما عاد تخبيصاتي اول امس ههههههههه عآدي عآدي راح الأكل وماكو زياده حبوووبة لأني بالأساس الفطور والغدا اللي اكلته مو ذاك السعرات اللي فيه لأني حيييل تحمست من الجدول والمنافسة صارت في داخلي قوية وسويت رياضة بعد بس من جت الساعه 8 ونص بالليل انعزمت وراحت الأحلآم اهئ
ايييي اثبتتي انج بطللللله ., وعواافي عليج
اييييه ايييه حكم حكم اورنجيه ., وصااجه مثل ماقلتي وازيد عليج المفروض الزعل بين الزوجين مايطول لي اليوم الثاني يفضل في نفس اليوم يتصافون قبل ماينامون أحسن لهم ويرتاحون ولا يشيلون بقلوبهم
ورجاااء خااص لكل زوجين مثل ماقالت اورنجيآ أي خلاف المفروض مايطلع حدود البيت ولآ أحد يعرف عنه لأن أنتو الزوجين بتنسون مع الأيام ويمكن يصير هالموقف تافه ومضحك بس اللي حواليكم ماينسونه سواء أهلكم أو أصدقاءكم .,
وبيتم اللي بين الزوجين أكبر من أي خلآف ثاني فـ إذا صغرتوها بتصغر وإذا كبرتوهآ بتكبر > هالنوبة قلب الموضوع عن الحياة الزوجية لووول
,,,,,,,,,,,,,,,,,,,,,,,,,,,,,,,,,,,,,,,
أنا ألحين قمت أحس بتعب شوي :eh_s(11):

 

[قــل مـا تـشـاء]

بريق أنثى .,
شفييييييج شهالنفسية المحطمة قلنا لج سوي تخفيف للأكل بس
أو سوي لج نظام السعرات الحرارية أو حتى النقاط أحسن لج .,
وسوي نظامج 3 وجبات رئيسية و 2 سناك والله أحسن لج عشان ماتملين ولا تتعبين
بس بما أنه السمنة عندج من تحت فيفضل أنج تبتعدين عن الحلويات والسكريات والشيبسات والدهون لأن هذي هي سبب سمنة الأرداف
وبعد تكثرين حركة وتسوين رياضة ., ياحبيبتي الدايت والله مو حرمااان الدايت هو تغيير من العادات السيئة اللي احنا نسويها ومو حاسين فيها .,,
أتمنى أنج تسمعين الكلام ماتجوعين نفسج لأن الجوع العدو اللدود للنظام الغذائي ., وإن شاء الله ينزل وزنج بصحة وعااافية حبووبة
أم بوني ونووشة ,,
حبووبة لآتزعلين بس نعرف أن هالأيام هي أيام الإختبارات وحتى الريجيم المفروض ماتسوونه لأن المذاكرة يبيلها جهد وآكل عدل مو جوع , بس حاولي تخلين أكلج مفيييد وصحي وركزي عالفواكه والخضار في السناك .., وابتعدي عن السكريات والغازيات ,,
الله يوفقج في إختباراتج بس لآتقطعين في يوم الميزان ,, أيام الميزان عندنا تغيرت صارت يوم الجمعة والسبت ..,
وحيياااااج الله قلبووو .,