*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[ToOMii]

شلوونج الحين ؟؟ خف الالم ؟؟

 

[تفاصيل روح .!.]

تفااااصيل ماتشوفين شر حبيبتي
قلعه الريجيم اهم شي صحتك انتبهي على نفسك حبيبتي كل شي الا الصحه والعافيه مايعوضها ولا شي بالدنيا

لا الجسم ولا الجمال ولا الفلوس تعوض عن الصحه والعااافيه هذي نعمه من رب العالمين
انتبهي على نفسك وحاولي هالفتره تسوين شوربه خضار اكلي خضره كثير وفواكهه عشان الكلى
اكلي سبانخ فطاير عشان دمك اكلي كبده كثري بالسلطه طماط اشربي عصاير طبيعي جزر مره كويس
اكلي زبادي اللي يجي مع الفواكهه اشربي البان او خليهم يسون لك شوربه دجاج مع خضار
اشربي حليب زنجبيل مرره كويس انتي وقفي ريجيم خلاص كم يوم ثم ارجعي تخفيف كلي من كل شي حبيبتي التخفيف زين احسن من الرجيم وماتشوفين شر يالغاليه مره ضايقتيني عليك ماتوقعت انك تعباانه وانا اقول امس وينك ؟؟؟ اثرك تعبااانه

بناااات انا اقول خلونا نعفي هالاسبوع عن تفاااصيل الين ترجع عافيتها
يعني تستثنى تفاصيل من الوزن والعقاب هالاسبوع وش رايكم ؟؟؟؟؟؟؟

الشر مايجيك

فديتك ان شاء الله كلها كم يوم وارجع لكم احسن من اوول

وبشيك على يومياتكم وبرد بس ماراح اكتب يوماتي لاني وقفت بس عاد اذا مثل ماتقولين بتعفوني من العقاب اكون جد شاكره لكم خايفه اكون اول وحده تتعاقب

تفاصيل الله يجزاك خير اجل اكيد البايسن مثله
ناكل سموم ونشوب بلاوي ولا ندري الله يحفظنا كثر الخبيث عندنا بالسعودية

ايه بس البايسن اهوون انا اول ادمان على كم نوع بس الدايت فرق بيننا :bbbiu:

تفاصيل اجر وعافية إن شاء الله وتغذي عدل في هالأسبوع

الله يعافيج ويخليج يالغاليه خلاص صرت مؤدبه اكل فواكه :eh_s(7):

اييي شفت حسبي الله على هالنظام معليه حبي اجر وعافيه
الدكتور هاوشج ؟؟ معليه حياتي خايف عليج وعلى صحتج
خصوصا عقب هالبلاوي اللي طلعت من بعد هالدايت
الحمدالله انج بخير ولا مادري شنو بسوي بروحي
اي فديتج وقفي الدايت وانتظمي مع الادويه بلييز وطمنيني عليج
برساله عقب ماتروحين الموعد الاسبوع الياي وان شاء الله تكونين احسن
وبعدين تعالي مايصير تمتنعين عن البروتين جسمج محتاجه بس مب وايد
اككلليي بروتينات مب تقولين خلاص مابي ، عضلاتج من وين تتغذى !!
عااادي فديتج خل يزيد جم كيلوو لم تصيرين احسن نزليهم بدايت صحي
وبعدين ولايهمج بخربط لين مايصير وزني نفسج ونرجع انزلهم ويا بعض
وعلى طاري المقطع أبوي رواني اياه في البي بي سوااا لنا دراما تركيه امس
خصوصا ان اختى الصغيره إدمان على الريد بل عادي تشرب 7 في اليوم
عطانا محاظره شطوول وعقب حلفنا ان مانشربه ولا اي مشروب ثاني

الله يعافي قلبج

يلا كلها مكتوبه انا من كم شهر اشوف النظام واصد عنه مدري ليه الا بعد تجمع شقيقه النعمان جد ججد تحممست يوم كملو اسبوع واللي نحف 2 واللي نحف 3 قلت بس جاني من الله خلني اسويه

ان شاء الله حبيبتي تجيج اخبار تسرج بس انتي شدي حيلج بدراستج ولاتحاتين

اممم الزبادي ساعات يعدونه من البروتين >> احلفي ياشيخه

بحاول بس اليوم وباكر ما اضمن لك لاني من سبوعين بس بروتينات وبعد اللي صار صج كرهته بس بحاول

ههههههههههه اوك خربطي بس ترا انا وزني الحين بالستين واخاف ارد 70 عاد لو ارد 70 بقطع الدايت على الاخخر :eh_s(4)::eh_s(14): انتي اذا بتخربينها معي خربيها بس ترى بنخرب بحدود انا اليوم كل ما جيت اكل مضاد او شي اكل قبله تفاح او يوسفي وقبل شوي كليت روب
بس فكره حلوه نخلي اوزاننا نفس بعض ونبدا سواء دخلت مزاجي

عاد موقت لليوم وباكر لاني بس باقي احس بعوار بمعدتي واخاف يرجع قوي فجالسه اكل اشياء خفيفه والزبادي صج احسه يبرد الالم يمكن لانه بارد

ايه بدلي الريد بول بالبايسن اقل ضرر والا خليك على الكوفي والعصيرات بسس

واكرر لاتهملي وجباتك

 

[تفاصيل روح .!.]

ايه يجي ويروح لاتحاتين اكل زبادي ويخف لانه بارد فيبردها

وش اخبار مذاكرتج

 

[ToOMii]

لا الزبادي مو بروتين :| !!!!!
اكلي ديج رومي اخف وأحلى ويضعف
تعالي تفاصيل ليش ماتاكلين بيض مسلوق ههههههههه
ادرري فديتج تجربه مره بس والله ضروريه لجسمج لازم تاكلينها
ايي أحلى فكره لوول ولايهمج اذا متنتي وايد بخرب انا شوي
بسسس شنوو بالسر عشان اورنجيه ماتسمع وتزفني لووووول
لا حلفت مابشرب مشروبات طاقه بعد اليوم ببدل الريد بول بشاي اخضر
لان فييه كافيين وبالمرا يضعفني .. ان شاء الله فديتج بحاول اكل وجباتي

 

[ToOMii]

المذاكرره مرض استغفر الله
الحمدالله أني مبديه مذاكره من قبل مب توي
ولا جان عادي انتحر الحين لان موادي حييل دسمه

 

[ام بوني ونوشه]

مرحبا يا احلا قرووووب

انا مخففه وايد بس بدون رياضه بنتي مريضه وماعندي وقت

انشالله هالاسبوع يكون وزني نازل كيلو او كيلوين يارب

 

[بريق أنثى]

هااي بنات
قل ماتشاء احس اني تعودت ع قل الاكل وماعرف التخفيف ياااكل اكل او امسك ماعرف مثلا اكل شي حلو وماانفجع
تومي شخبارك ع طااري المذاكرة انا بالاياام الاختبارات يطق الوزن فوق لان احط حرتي بالاكل
تفااصيل جربي قشر الرمان زين للمعده مع العسل يرروح طعمه المر

 

[تفاصيل روح .!.]

ماحب اغامر بالديك الرومي مرا غامرت وشريت مورتديلا معلب وصار طعمه شين وبعدها كرهت شي اسمه مورتديلا مع ان خواتي يمدحون اللي يجي مبرد يقولون حلو مرا بس اخاف
تدرين من زمان عن البيض يمكن من 4 ايام خلاص البيض اصلا ماكرهته فممكن اكله بوجبه من وجبات باكر بس مقلي مو مسلوق

ههههههههههههههههههههههه

اورنجيه لا ماعليج موب داريه مايمديها تقرا كل الردود لووول


ايه كذا احلى من اول اقولج كذا بلاها هالمشروبات صح اني احبها بس انصدمت من السعرات اللي فيها
وعفيه عليج لاتنسين وجباتج


ايه تجيب الهم بس ماعليه حاولي تذاكرين وتلعبين على نفسج يعني انج تحبين المذاكره عشان ترسخ المواد بسرعه

الله يسسمح اممرج يارب ويسهل لج امورج

 

[بريق أنثى]

ام بوني حتى انا سويت بس مرتين ريااضة
بنات تعبانه اللوزة عندي اليمين تعوور طايحه وجاني التهاب بالحلق اكيد من الزباادي لاني اكله باارد​

 

[تفاصيل روح .!.]

ايه بريق بجربه ان شاء الله بس حاليا مافي البيت رمان

ممكن اذا اليوم صرت احسن اروح اشتري اكل دايت واخذها معه او اذا حسيت اني مافيني حيل بقول لابوي وهو يعرف هالاشياء غالبا يجيبها من دون ماروح

 

[تفاصيل روح .!.]

بريق لالم الحلق او الزكام عصير من الليمون مع البرتقال وملعقه عسل

هذا بتجربه شخصيه

 

[بريق أنثى]

اي بسوي لي وبخليه دافي بس ماودي احط عسل عشان السعرات وبعد عن تجربة خل التفاااح ملعقه مع كاس ماي دافي وملعقه عسل تحفه بخلي امي ترفع لوزتي تعووور

 

[ToOMii]

ام بوني ونوشه .. ماتشوف شر بنيتج وان شاء الله تكونين نازله

بريق .. اهليييين وتعالي ليش ماتبين تقولين جم عمرج ؟؟
معليه بريق لإنج توج مبديه دايت بس مع الوقت بتتعودين
وبتقدرين تضبطين حالج جدام الاكل .. لووول لا انا العكس
من كثر ما اذاكر ماعندي وقت اكل بس هالمره احس شهيتي مفتوحه
في الحالتين الله يستر لووول

نصي الثاني .. اصلا اللحوم اللي اتيي معلبه ماقدر اكلها
الا اذا ويا حمسه اذا بروحها مادري شلون يصير الطعم بسس
ترا الديج الرومي لذذيييذذ .. اي اكلي بيض بس لا تصورين ههههه
لا خلاص بسمع الكلام وباشرب شي صحي ومافيه سعرات وايد
ثاانكسس ع الدعوه العسسل منج

وو مم ماعندي تجربه فهالسوالف انا من امرض ركيض ع الادويه لوول ماعرف للطب البديل

 

[lunetta]

بناااات مادري وش في وزني ثابت على 67 وكم غرام من بدايه الاسبوع
قرب يوم الجمعه وماتحرك ولا غرام وش اسوي ؟؟؟ ضاق صدري

 

[ToOMii]

غيري الدايت او روتين الرياضه

 

[om_fajer83]

ماتشوفين شر تفاصيل اشوي اشوي اهم شي الصحة

 

[om_fajer83]

الفطور توستين مع جبن وعصير برتقال
الغدا عيش اشووووووووي مع كباب خضار
فواكه + قطعة حلا
العشا اومليت بيض + خبزة عنووونة + شوربة خضار
ماي
لعبت عالغزال
وبسوي تمارين بطن ان شا الله

 

[قــل مـا تـشـاء]

هايو بنات
تومي ماعليه قسمي وجباتج واكلي ., وزين اختباراتج بس اسبوع شدي حيلج ., واكل لج شي مفيد لي يعتي مو خرابيط .,
لووووول لآ الشغل الدسم واللي مايتأجل خلآص انتهى بس باقي الأشغال الروتينة اليومية ., نسيطر عليها نسويها في وقت مايكون أحد هني في التجمع .,
تفاصيل عفيه عالشااااطرة , اي تغذي عددل واكلي حتى لو يرجع 70 لاتخافين اذا صارت صحتج اووك بتنزلينهم إن شاء الله
بريق أنثى شربي لج اشياء ساخنة وبكره على الريج شربي ماي حار زين للوز ., ابتعدي عن البارد لآتاكلين ,,
ام بوني ونوشه حبيبتي حتى انا لي اسبوعين ماسويت رياضة والحمد لله اهم شي وزني يتحرك مو ثابت
بس من اليوم الحمد لله بسوي باذن الله ماعليها شر بنتج ,,
حياااكم بنات اورنجيه وينهــــــا .,
وشيوخ مابينت جم يوم , وأم فجر طمنينا عنج شلون يومج .,

 

[قــل مـا تـشـاء]

عوااااافي عليج ام فجر ., وشلون وزنج يتحرك أو لا هالفترة .,,

 

[om_fajer83]

قل : ان شا الله اذا رحت موعدي السبت اعلمكم