*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[تفاصيل روح .!.]

ام الفارسه .. مشكوره غلاي وانتي كذلك

تفااصيييل .. ههههههههههه هالحيل راح فيها مابقى شي ماشده
*الله يسمع منج يااارب من بؤك لباب السماااا مع أني حاسه أني ....
ههههههه اي اذا طلعت النتايج وانا مبيضه ألويه بسوي بارتي انا وياج
لووول ليش عاد ترا انا حتى الرياضه ناويه اسويها مابقطعها وكلها 10 دقايق
وخمس دقايق اطل علليكم اطمنكم أني عايشه ليحين ههههههههههه
ايييه عليج والله ان شاء الله ماتحتاجين أني اعالجج يوما ما
وبإجر تكتبين لي تقرير مفصل عن روحتج للمستشفى وشنو قالوا لج *

لا تقولين جذي ان شاء الله باقي

حبيبتي تفائلي بالخير تجديه :yaaaaaarb:

ايه ايه بنسوي بااارتي اصلا لانها بتبيض اوجه انا متفائله خير :eh_s(15)::eh_s(15)::eh_s(15):

اوك طلي مابنقول لا بس هاه 5 دقايق مو اكثر

يمكن يطيب خلااص ماله داعي اروح يسحبون دمي وانا محتاجته :bbbiu:

 

[ToOMii]

متفائلة انا =] وان شاء الله خيير
عاد نبي كيك وكولا و ابي ناتشووز وو ابي باستا
لا لا وعد خمس دقايق
هههههههههههههههههه ضحكتيني ادري محتاجته
بس تقدرين تسوين غيره اكلي بقدونس وسبانخ وبتعوضين
*

 

[Orangiya]

عدناا بعد ما كملت توايلايت للاخييير ... وااااااااااااااااااي دماار اعصاب عالاخييير كل شوي اغطي ويهي وودي اصرخ .. !! جايك حده بايعها وداخل يساعد بالولادة خووش والله اخرها تنفس صناعي ههههههههههههههههههههه ..

ابييييييييييي الجزء الاخيييييييييييييييييرررر توهم يبدون يمثلونه للأسف .. T___t

الحين برجع حق هاري بوتر الجزء الاخير ما شفته لووووووووول .. شرايكم من اقول لكم مشغوولة... عرفتوا بشنو .. ههههههه


تفاصيل .. افا عليج اضبط دور بيلا ما يبيله شي .. بس حلاته بنفس الجزيرة اللي هم فيها لووووووووووووول ..

وان شالله مع الرجيم ليما اوصل هدفي يكون جسمي نفسها .. ياااااي ..
وان شالله بعد يطول شعري نفسها .. ما احب القصير .. تحسفت قصيته السنة اللي طافت .. يلا يطول ماعليه


تومي عاااشت دكتورتنا .. يلا شدي حيلج وان شالله تتخرجين وتنسين معاناة الدراسة والمواد الدسمة الغثيثة .. ^_~ ..

دلوعته ... يحليلج تقولين فديت اليهال .. عبالج برااااءة .. عيل ما سمعتي الهوايل اللي يسوونها او سوالفهم اللي يتكلمون فيها تقولين عيال جامعة مو روضة .. .. يما يخرعون عيال هالوقت .. ههههههههههههههههه

لونيتا ... التطنيش مو دايماً يحل المشاكل حبيبتي ... ديري بالج نصيحة .. ترى في رياييل كلما تنطشينهم كلما يبعدون عن الحرمة .. يقولون هي ما تعطيني ويه في غيرها يعطي ويه .. ويحبون الريال المتزوج عمى فيهم ..

وكلما تكونين نكدية و زعولة كلما انحاش منج !!!
الرياييل مثل الياهال .. تقصين عليه بككاو يستانس .. هذا الريال .. تدلعي عليه ودلعيه يستانس ..

بعد شنو في ردود .. واي سامحوني بنات بس شسوي توايلايت خذا عقلي .. ههههههههه

بريق جنه سألتي عن الكروش ؟ ههههههههه سؤالج نكتة ..
انا كرشتي مالت ولادة الحمدلله عذري معاي .. لووووووووووول ..

نسيت شنو طافني بعد .. وايد تتكلمون ماشالله .. هههههههه


)()()()()()()()()()()(

يومي كان ..

ريوق .. ريد بيري كلوقز وحليب قليل الدسم
غدا / عشا نفس الوقت .. قبل المغرب .. شيش طاووق وشوي تبولة وفتوش .. وشوي شبس .. وعصير اناناس .. وروب خالي الدسم .
سناك .. 3 حبات كيوي .. وشاي الاعشاب

رياضة آيربك .. ربع ساعة يمكن .. >_> .. المفروض اكثر ..

 

[تفاصيل روح .!.]

متفائلة انا =] وان شاء الله خيير
عاد نبي كيك وكولا و ابي ناتشووز وو ابي باستا
لا لا وعد خمس دقايق
هههههههههههههههههه ضحكتيني ادري محتاجته
بس تقدرين تسوين غيره اكلي بقدونس وسبانخ وبتعوضين
*

وبعد نبي بييسي وفوتشيني وبيتزا

واذا تعديتي 5 دقايق عليك عقاب انك تدرسين زيااده في ايام الاوف >> يعني دراسه في اوقات الراحه

مدري والله ماودي بس الله يهديني :yaaaaaarb:

 

[Orangiya]

توومي ... نااايس صرتي تاكلين البوريج .. ( اوتميل و حليب) ... شلون طريقتج بطبخه ؟ لان في وايد طرق يسوونه ..

وبعدين شنو سالفة البيبي .. من ورانا انتي وتفاصيل يما منكم .. ههههههههه .. الحمدلله ماعندي بلاك بيري ولا احبه .. بس احبه بالاكل لووووووول ..

تفاصيل مو بكيفج .. لازم طبيب ترى حالتج اقولج نفس اللي قالته عمتي .. ضروري تروحين .. حتى لو مجرد فحوصات .. والله يحمينا ان شالله من كل مكروه ..

وما قلتي حصلتي سيريال حق cs5 .. ؟ .. ..

 

[ToOMii]

اوررنجييه .. الجزء الرابع تشووويييق لأبعد الحدود
بس عموما انا قاريه الكتب فاعرف شنو بيصيير
شرايكم احرق عليكم الجزء الاخير لووول
مادري متى بيكملون من الاخير ابي اجوفه اليوم قبل باجر
لم ينزل بسهر ذيج السهره بطالع فيها كل الاجزاء لوول متفرغه
*عاد الفيلم الوحيد الغثيث هاري بوتر مادري شلون اجوفونه
اذكر بنت خالي سحبتني عشان نجوف الخامس اللي يازعم قبل الحرب
الفيلم فااااااضضضضيييي مافيه احداث بس سوالف وناس تراكض لوول
مادري ليش مكلفين على عمرهم وسووه من اساس xD
عن نفسي شعري طويل نفسها بس ناقصني الجسم هههههه
الله يضعفنا بصحه وسلامه ياااارررب
ونتي الصاجه هالجييل يخررع اليهال الصغار يعرفون اكثر منج لوول
وعليج بالعافيه اللي كلتيه بس تعالي شبس قصدج فرأيز ؟؟
لااااه ناويه على روحج انتي

تفاااصيييل .. فوتشيني شنو لوول !! اييي ونبي خبز بالثوم
هههههههههههههههههه تونا نقول محد يعاقب الثاني
بعدين تعالي مب على كيفج تروحين يعني تروحين لوول
لا بس صج اذا رجع لج مره ثانيه بتروحين صح ؟؟

 

[ToOMii]

اورنجييه .. ايي عششقيي الاوتميل من بديت الريجيم وانا أبلعه
ولا قبل ما اعرفه الا لين ييت اسوي الشوربه لووول مادري عادي ينوكل بروحه
الله يسلمج قبل كنت اسويه بالماي .. بس ماتذكر بالضبط جم المقادير بس كنت احط
الماي والشوفان على الفرن وساعات ادخله الميكرويف شوي يتماسك وعقب احط دارسين
او رازبيري .. الحين اسويه بالحليب بما أني ماتذكر المقادير خرفت من عندي لوول
نص كوب شوفان وكوب حليب واحط فوقه اي فروت متوفر وسكر مال ريجيم
على طاري السيريل ،، كتبي بقوقل وبيطلعون لج وااايد عاد جربيهم بالدور
لين مايضبط معاج واحد منهم

 

[تفاصيل روح .!.]

اهلين اورنجيا

شوفي وش لقيت هينا http://www.dev-point.com/vb/t165982.html

ايه ياما وياما وراكم بلاوي بس ماعلمناكم صح تومي

اورنجيا الحين انا جالسه اكل خس قايمه قاعده اكل خس كأني ارنب اصبري يمكن اطيب


تومي فوتشيني مكرونه تشبه الباستا بس اختلافات بسيطه

اوك ماراح اعاقبج بس انتي اكيد ماراح تدخلين اكثر من 5 دقايق صح

ايه اكيد اذا رجع بروح

 

[تفاصيل روح .!.]

ارونج

عطيني مركز رفع مايصغر الصور بس بسرعه لاني بطس انوووم

 

[ToOMii]

ياما تحت السواهي دواهي هههههههه
اييي اوكييي عررفته خلاص بنييب كل شي خاطرنا فيه وبناكله
*لا ابددن ماني داخله الا دقيقه وشي مب مطوله
عفففيه ع الشطووره

 

[دلوعتهـ]

فدييييت الكويت وأهلها والله :eh_s(22):
مشكووره حبي والله يوفقج بعد
حلووو تخصصج عاد انا كنت ابي أصير مدرسه بس عقب كنسلت
وزين انج بتشتغلين ويا اليهال ،، كيووووت حددهم احسن من المراحل الثانيه

حياتيييي أنتي أفداج كلي:eh_s(7):
أجمعييين يارب اي أنا أموووت فيهم وأحب أتعامل معاهم

 

[ToOMii]

وإنااا بعد بروح انام عشان اقعد من الصبح اذاكر
يالله تصبحون ع خير واحلام سعيييده
اجوفكم باجر بإذن الله

 

[تفاصيل روح .!.]

تومي ثواني وشيكي على الخاص

برسلج قبل انام اوكيك

 

[تفاصيل روح .!.]

اورنجيا ارسلت

تومي كمان جالك مسن

يلا باي

تصبحون على خير

 

[Orangiya]

توميي .. اهاا انتي من متابعين الكتب .. انا للاسف اول كنت اقرا الحين كلش ماكو وقت .. وياويلج ان حرقتي ههههههههه ..
الاوتميل مثلي توني بديت اكله وللحين ما تعودت على طعمه احس ينقصه شي مادري شنو ...انا اسويه بالحليب والدارسين ..

والفرايز شوي اكلت منه .. عاتي عاتي .. لووول رقعيها ..

تفاصيل ... من قال الخس زين للدم ... الاحسن والاقوى سبانخ و بقدونس والخضرا الورقية الغامجة .. نعناع ريحان بقل بربير رشاد كزبرة كرفس هندبا جرجير الخ ..

واااااااااااي شهيتيني عالفوتوتشيينيي غراااامييي احبه ...

وشفت الصور ودزيت الكومنت ..
مي تو سليب تايم سي يو تومورو .. تصبحين على خير

 

[توووووتة الحلوة]

توته بالعافيه قلبو

والف شكر لك على النصائح والرابط

لا شكرا على واجب حبيبتي :eh_s(17):

بناااااااااااااات ترى من صجي بضيف خانة المقاسات ... يلا كل وحدة تعطيني مقاسها .. خو مو عيب .. مثل ما تقولون وزنكم جم قولوا مقاسكم جم ..
ما قلت صوروا ملابسكم لووووووووووووول ..

ههههههههه، الله ياخذ ابليسج موتيني من الضحك.
تامرين امر، انا مقاسي 14. و مشكورة قلبوو على كل المجهود اللي تسوينه علشانا بالرغم من انج ام و زوجة، الله يعينك ويقويك.

@تووتة @

يسلموو~ عالنصايح عاد انا احب عصير الجوافة بالحليب ... من زمااااااااااان ما شربته ..

الله يسلمك. انا كلش ما احب لا العصيرات و لا الفاكهة للاسف بالرغم من انها مفيدة حييل

 

[توووووتة الحلوة]

اليوم

اكلت وجبة وحده لاني ما اني مشتهيه الاكل

2 بيض مسلوق ... غرامي طبعا. خبزه متوسطة بر. كاس ونص شاي و سلطة

السناك
بوب كورن = 120 سعره كاس شاي
شيبس = 100 سعره

بعدها اكلت ويفر صغير و تمره وحده

للاسف اليوم خربطت لكن بكره راح التزم اكثر

الرياضة
مشيت ساعة، الحمد لله

 

[قــل مـا تـشـاء]

مراحب بنات
لاتخافون قريت تعليقاتكم بس برد عليكم بالليل اذا ماطلعت وشكلي مـا بطلع لان الاربعا وزني فأخاف اذا طلعت آكل لووول اصلا مايحلى الأكل الا بالطلعة
ولاتحلى الطلعة الا بالاكل ههههه
تكملة يومي
سناك حبة فراولة
الغدا نص كاس قهوة الفانيلا نتفة كبدة
العشا
شوي معكرونة حمرة وكللللش طلعت ناشفة بس الحمدلله انهم اكلوها لوول عوافي علينا
وحبة سمبوسة وربع سندوتش كودو وعصير
الحلا هههههه قطعتين صغار حلا وقهوة وشاااي
وعوااااافي يارب علينا وعليكم والله يستر من وزني لا يزيد
خاطري في رمان هههه بس ماباكل هالحزة
سييو ياحلوااات

 

[بريق أنثى]

صباااااح الخيرات والمسرات
فطوري كان
حليب خالي الدسم
بعدها شاي أخضر
وبس ​

 

[تفاصيل روح .!.]

اورنجيا

لاني احب الخس فلما سمعتك تقولين الخضار الورقيه طيران على المطبخ اجيب خس
كل يوم اقول بعمل لي سبانخ بس اخاف من طعمها واهون
النعناع احبه مع الشاس اما الكزبره والريحان ماطيقهم
والجرجير مع ليمون فقط
والباقي ماعرفه

ايه وصلني
وانتي من اهل الخير


توته

بالعافيه يالغاليه

حاولي تقللين من هالخرابيط وتاكلين وجبات تفيدج افضل


liloo

بالعافيه

مشاء الله سمبوسه وكودو وحلا وشو كمان

يماما الميزان بعد باكر :eh_s(1)::eh_s(14):

بريق

صباح النور

بالعافيه عليك