تجمع نادي لافام الخالدية...حياكم :*

[UM M&M]

لوووول

لا مو انا

انا لابسه اسود ..

اليوم كنت معاهم بالكلاس بس دشيت متخر شوي لاني كنت امشي

 

[تــوتــه]

هههههههههههههههههههههه
بعد ما ثبت المره تقولين مو انتي :d


عاد هالكلاسات ولا مره دخلتهم .. شنو احسن شي ؟

 

[كويتية أنيقة]

راح اتكلم بصراحة وكل وحدة لها رايها والتجربة الشخصية الي مرت فيها في النادي الاصابع موسوة حبيباتي
* بنسبة حق النفسية هذا كلام صحيح وصار معاي من الموظفة الاردنية الي هناك الاحنطاوية يااللة ترد السلام علي واذا سألتها سؤال تنقعني علي ماترد علي وطالعني بنص عينها جني قاعدة اطر منها .
*بنسبة حق الفحص تصدقون للحين ما فحصت كل ما اسال متي تجي الاخصائية تقولي ان شاء اللة يمكن تجي الصبح واجي الصبح ما في احد واجي العصر نفس الشي واقول حق الموظفة تقولي مادري يمكن باجر ان شاء اللة وهكذا .
*وبنسبة للرقص الشرقي في وحدة كويتية اسمها ابتسام تهبل واسمها الفني شكيرا كلاسها يونس تهزج هز و تعرقين من كثر الرقص والحركات مثل التمارين .
*بنسبة للكلاسات بصراحة لما دشيت كلاس الاستبس ما راعت المدربة اني ممبتدئة وتوني اتعلم الحركات ولا علمتني شي ولا اهتمت ولاطالعت حتي فيني كملت مع الي تعرفهم بس 3 بنات وطلعت من الكلاس منحرجة منها .
* بتكلم عن البفية مالهم من يصير الساعة 3أو 2.30 ما في شي فية لاماي ولاعصير ولا حتي قهوة والي يجي العصر ما في شي مسكر وبطل الماي 200فلسوعصير البرتقال1 دينار والاكل اللة يزيد النعمة .
*بنسبة للمدربات الاجهزة حبوبات وايد .:ggdw:

 

[dream]

للــــرفع ..

 

[بنت بابا جابر]

على فكره النادي بشكل عام وايد زييين

 

[UM M&M]

بنات بسألكم

الايروبكس شامل رسوم النادي العادي

يعني عادي ادش ولا يبيله رسوم ؟؟

 

[dream]

بنات بسألكم

الايروبكس شامل رسوم النادي العادي

يعني عادي ادش ولا يبيله رسوم ؟؟

الأيروبيكس .. صف من الصفوف يتضمن سعر الاشتراك ..

 

[كويتية أنيقة]

على فكره النادي بشكل عام وايد زييين

أي صح النادي زين بس فية شوية شغلات تبط الجبد:eh_s(14):

 

[entaa taib]

السلام عليكم .... انا صارلي اسبوعين مشتركه بس عندي ملاحظه على الكلاسات اللي يغث فيها ان كل مرا توقيت وكل مرا يطوفني كلاس
بس بشكل عام النادي حلو ومريح ونظيف

 

[dream]

السلام عليكم .... انا صارلي اسبوعين مشتركه بس عندي ملاحظه على الكلاسات اللي يغث فيها ان كل مرا توقيت وكل مرا يطوفني كلاس
بس بشكل عام النادي حلو ومريح ونظيف

عدددددل كلامج أنــا ماصارلي جم يوم مشتررركــة ..

واكتشفت العيوب التالية :

1- البرنامج يالله يسلمونج يــاااه ومحد يشرح لج .. !
عكس جامبينز اتذكر دخلت غرفة الفحص واستلمت تقريري سيدة رحت المدربة عطتني البرنامج وعلمتني كل شي !!

2- الفحص متواضع حده !! بس اللهم الطول واوقف على جهاز !!

2- اللوكرات والرقم السري وايد منهم عطلان ويعلق !!

3- مافي خدمة كوي وتعليق الملابس عكس جامبينز حتى الاحظ عضوات لافام يعلقون عبياتهم برى علشان ماتتعفس

4-مافي تقيد بالكلاسات ( يعني المدربات على كيف كيفهم ) مرى الكلاس يبدي امبجر مرى متأخر .. المفروض يكون في كلاس لنفرض الساعة 1 اتمرين على القاعة اتلاقينها فاضية !! شي عجيب وغريب .. شنو هالاهمال ..؟

5- دروس السباحة عددددهــاااا بسيط ومتواضع وين أيامك يا جامبينز المدربات موجودات 24 ساعة بالحوض !!

6-مايوزعون نسخ لجدوال الكلاسات .. ما ادري شالقصة !!

7- باختصار شديد .. ماراح اجدد اشتراكي والصراحة برد على جامبينز

 

[entaa taib]

عدددددل كلامج أنــا ماصارلي جم يوم مشتررركــة ..

بعض المدربات .. المفروض ادرس كلاس معين لوووول الاقي قاعة التدريب فاضية !!

واكثر من مرى اتصير يعني على كيف كيفهم ..

والشي الثاني مافي تقيد بالوقت ؟

مرى يبتدون امبجر مرى متأخرررر ..

صراحة هذا عيبهم بس يعتبر عيب شرعي .. النادي اهم شي فيه الكلاسات .. وقاعدين ننحرم من هالشغلة !!

خو النادي ما نقدر نقعد فيه 5 ولا ست ساعات اقصاها 3 ساعات وبالقصب ..

انا ان شاء الله اذا خلص اشتراكي ماراح اجدده خلني على جامبينز واااايــد احســن !!

اييي والله صاجه اتصدقين انا صارلي اسبوعين ومادشيت غير كلاسين امقزرتها على الاجهزه والسباحه​

 

[dream]

اييي والله صاجه اتصدقين انا صارلي اسبوعين ومادشيت غير كلاسين امقزرتها على الاجهزه والسباحه​

me 2

والله ساعات اتحسف اني اشتركت بعدين اطالع الايجابيات اقول مايخالف ..
الايجابيات : من باب العدالة والانصاف

1- النادي اقرب بالنسبة لي

2- صغير وملموم

3- نظيف

4- سالفة الشورات عاجبتني .. الشاور مقسم تقدرين تاخذين دش وفي نفس الغرفة تلبسين ملابسج .. احلى شي .. بالجامبينز لازم اطلع من الشاور بعدين اروح اللوكر بعدين اخذ اغراضي بعدين ارد غرفة تبديل الملابس .. لافام احسن واسرع ومالاداعي تنقلات ..

5- المدربات نفسيتهم حلووووة وطيبين وكله يبتسمون .. بس لو يشتغلون بضمير صج حسافة !!

بس هم ماراح اجدد اشتراكي .. جامبينز احس على الاقل اني محللة افلوسي وحدددده مستفيدة والكل قالي ضعفانة وامبين على جسمج !!

لافام دايمن اطلع منه محبطة احس ضيعت وقتي وفلوسي واحس مو مستفيدة !!

 

["النووور"]

هاي بنات شلونكم
انا ناوين أشترك ان شاءالله الاسبوع الياي اذا الله كتب
واااااااااااااايد متشجعه حدي مشتهيه نادي
انا اشتركت مره من قبل بس منزمان قيل 5 سنين يمكن! يعني قبل لاتزوج ههههه
بس النادي كان عادي جدا متواضع

وصارلي جم شهر خاطري أشترك وأول شي فكرت فيه شامبينز
بس عقب قلت حرام أشترك فيه وانا ماني عارفه روحي عقب الزواج واليهال ألتزم ولا لأ؟!
فقررت أشترك بلافام بس شهر أجرب نفسي وأشوف التزامي
واذا حسيت نفسي قادره ألتزم راح أجدد اشترتكي 3 أشهر بس عقب رمضان
يا بلافان ياشامبينز

نطروني بنااااااااات ياييتكم الاسبوع الياي ههههه

 

[dream]

فقررت أشترك بلافام بس شهر أجرب نفسي وأشوف التزامي
واذا حسيت نفسي قادره ألتزم راح أجدد اشترتكي 3 أشهر بس عقب رمضان
يا بلافان ياشامبينز

تفكير سليم و100%

حبوبة .. انتي الحين راح تشتركين النادي لمدة شهر

اذا جربتي وارتحتي على النادي تقدرين في خلال 10 أيــام !!

ديري بالج (10 أيام ) تقدريــن اتجدديــن الاشتراك لمدة 3 أشهر وتدفعين 100 دينار ثانية فقط

بس حبيت تستفيدين من هالميزة ترى مكتوب بالعقد بعد

 

[روح مغليهآ]

درييييم زين قلتيلنا انا كنت بسجل بلافام وكنت محتاره ودي جامبين بس احاتي الزحمه اهو صج زحمه والا لأ في جامبين؟

 

[dream]

درييييم زين قلتيلنا انا كنت بسجل بلافام وكنت محتاره ودي جامبين بس احاتي الزحمه اهو صج زحمه والا لأ في جامبين؟

هلا والله حبوبــة ..

انا اشتركت العام ( جامبينز القديم ) الصراحة زحمة زحمة ..

من حيث دخلة الجابرية + المصافط + النادي

غير طبعا المسافة .. واااايد ابعيد علي ..

القديم الحين ارفعوا اسعاره ..

الاشتراك بشهر 150 دينار لكن الـ 3 أشهر 300 دينار !!

بس تبين الصراحة اذا تبين الاستفادة روحي جامبينز ..والله انا كنت ادش اكثر من كلاس رقص شرقي وايروربيك واتلاين دانس لا يوغا بعد !!

لافام ماني عارفة احصل كلاس واحد !! كالعادة امر القاعة فاضية !!

والله نصيحة روحي جامبينز سواء اكان القديم او اليديد ( حللي افلوسج )

انا ان شاء الله بس يخلص اشتراكي بـ لافام بروح جامبينز او اي نادي سنع غيره !!

 

[Miss.EnGiNeErA^_^]

امممــ شكليــ بس ادرشــ سبااحهــ.....

بســاأل اهماا يعلمون السبااحهــ ولا لأ.... ولابس تماارين بالمسبحـــ....


لان انااا ادرس بالجامعهــ...ووحيل قريب منيــ..^__^

 

[روح مغليهآ]

مشكورة دريم حبيبتي

 

[dream]

امممــ شكليــ بس ادرشــ سبااحهــ.....

بســاأل اهماا يعلمون السبااحهــ ولا لأ.... ولابس تماارين بالمسبحـــ....


لان انااا ادرس بالجامعهــ...ووحيل قريب منيــ..^__^

اي نعم حبوبة يعلمون سباحة ( دروس تعليم سباحة) وعندهم ايروبيك ماء ..

اذا عندج وقت مري عليهم وسأليهم اذا تقدرين تشتركين بس سباحة ؟؟وخذذذذي نسخة من الجدول علشان اتعرفين الأوقات اللي اتناسبج على حسب فصولهم

 

[Miss.EnGiNeErA^_^]

مشكوره ..~ع المعلومهــ,,,

بس اناا ابي تماارين مااتضعفـــ...^____^..

مو نااقصهــ....>___<...

بس اللي اعرفهــ...انه الرياضه تفتحــ الشهيه