تجمع مَوآليِدْ ديسمبّر 2011

[نـعـومـه]

شكشوكه


ولهناااا عليج طلي علينا

فديتها فطوم هههههه تونس بنتي جذي بتحاول تطلع من الدرايه ماشاءالله تمسك الطاوله وتشيل عمرها عشان تطلع بس للحين ماقدرت الله يستر بس وبنتي ماتطق وايد بس اتل الشعر !! تشوف اي احد فال شعره تمسكه اتله ماشاءالله عبثيه

وييي حبيبتي شكلها الهوشه من الخدم وتنقل الحجي !!!؟؟ الله يعينكم بس حاولو ادورون اذا تبون بجنوب السر متروس بيوت للاجار والقرين بعد متروس دورو وسألي صديقاتج وان شاءالله تلقون

والله يسهل عليكم

 

[نـعـومـه]

مواصله

ماعليه شر حمود








ملاقه امس طلبت كيكه حق بيت اهل زوجي عشان سلامه بنتي اخر شي قالو مافي يمعه اللي بروح المخيم اللي مزرعه !!!! طاحت الكيكه بجبدي

قلت مالي الا بيت اهلي اوديها مع انه عددنا شوي بس شسوي

 

[!الجادل الصعب!]

فلافل الحمدلله احسن وكان حايشها تسمم من مطعم هي واخواتها مساكين ..بس ربي ستر

 

[نـعـومـه]

الجادل


وين تتواصلين مع فلافل؟؟؟؟

مسكينه تسمم وحامل هذي مشكله اكل المطاعم

 

[كريستالة قطر]

مرحباً ديسمبريات اشلونكم ؟؟؟

وييه شكشوكة هوووون ،، أشوف التجمع منور ،،، حبيبتيً اشلونج وشلون العيال ؟؟؟ والله يبارك فيج حبيبتي ،، ويعدي هاللمرا اللي عيونه متطلع من مكانها من هالنساة ،، أن شالله بتلاقين الشقه الليً تريحج ،، والله يوفقج بدراستج ويوفقج ربي جربت حمال وعيال ودراسه صج تعب ،، الله يكون بعونج ،، وتلقين الشقه قريب ،، حبيبتي فطومه الله يخليها لج ويحفظها ،، فديتج سلمي ع أغلى لو تتواصلين معاها وقولي لها ولهنا عليها خلها تدخل ع الأقل ، وانتي كل ما تحسين فضيتي دخلي طمنينا عليج والله يسعدج ويوفقج وين ما تروحين


نعومه ومواصلة / اشلونكم فديتكم وعيالكم إشلونهم ؟؟؟

الجادل / الحمدلله طمنتينا ع فلفوله الحمدلله ،، الله يسهل لها ويهون عليها يا رب ،،


الجو عندنا برا دافي وداخل موت موت حر ورجعنا ع المكيفات ،،. وأمس الخميس رحت العزبه واليوم ما طلعت انهد حيلي أحس أني مسافره ،، الطريق شوي طويل بس انا ما أتحمل طول الطريق ،، ع الأقل غيرت جو ،، ودرنا بسياراتنا شوي مع رفيجاتي والله لو درى زوجي بيقطع راسي ،،، ونسيت أني حامل ،، وغير الطريق وعر وكله حصا ،، الحمدلله نبهتني رفيجتي الثانية ونزلت من السيارة ،، صج أني مسبهه،، وكافي أخذ مثبتات وابر ،، الحافظ الله ،، بس صج صج وناسه ،، بعد الاختبارات العيال يومياً انا هناك ،، وأجازه عيالي تاريخ ١٨ من هالشهر وبعدها أجازه تقريبا شهر ،، بخليها كله في العزبه ،، ع الأقل اليوم يعدي بسرعه ،، بس أبي هالشهر بس هالشهر يعدي لانه نص شهر يناير بدخل الرابع اهنيه بفتك من النساه ،،،

عمور مستأنس ع التخطي والله يحفظه ما يبي يقعد وتعلم يضرب ،، ويعصب بسرعه ،، يحليله ،،


مواصله / اشلون بناتج وشلون بنتج اللي عاملتيها بعينها أن شالله أحسن وشلونهم مع الدراسه ؟؟؟
نعومه / الحمدلله يا رب حفظ لج جوري الحمدلله يا رب ،، الله يخليها لج ويحفظها ،، ويرزقج ع رأسها أخو يونسها ويفرح قلبج

 

[مواصله]

الحمد لله كرستاله بخيير دامكم بخييير

حتى احنا عندنا اجاز منتصف العام 10ايام بعد شهر تقريبا

اخ ولد صغير من جماعتنا يصير ولد خال امي عمره

11سنه صدمته سياره لما كان يلعب بالسيكل ماله فرمته ومات على طول الله يصبر قلب اهله

حدي متضايقه ومتأزمه لا واللي صدمه نحاش

 

[نـعـومـه]

كريستاله

الحمدالله جوجو بخير بس تقهر صايره ماتبي تاكل بروحها ضعيفه الله يستر شكلها بتضعف اكلها قل بس انا تعبت من سالفه الوزن قلت حق روحي خلاص يبا كلت وايد ولا شويه مابي اعور قلبي اهم شي صحتها

وناسه عطلتكم مبجر احنا توالناس شهر ١ عطله الربيع



مواصله

الله يرحمه يارب البقيات تخوف

 

[كريستالة قطر]

مرحباً ديسمبريات اشلونكم ؟؟؟

مواصله / عظم الله آجركم ،،، صج صج شي يعور القلب ما اللومج ،،،

نعومه / صاجه والله لاحظت هالسن ما ياكلون بالذات لو ع وشك المشي ،، نفسيتهم في الأكل تقل ،، اهم شي نعومه كل يوم كل يوم حبه فاكهة أو عصير ،، واهم شي تعطينها فيتامين دال يقوي مناعة جسمها ،،، ولا تغصبينها لو ما تبي عطيها بعد ساعتين ،، يمكن تجوع ،،، والحليب اهم شي لها ،، ويمكن بنوتج طبيعتها رشيقه وما تأكل وايد خليها ع راحتها وانتي لا تحطينً ببالجً،، اليهال تعب ،،

 

[نـعـومـه]

كريستاله

اي وانتي الصاجه اهيه رشيقه هههههههههه

مابقه شي على ميلادها مادري شسوي بسوي بس بيت اهل زوجي اهل امي ماقدر صارلنا ظرف واهل ابوي بس اذا مشت بأذن الله بكت عليها نون واسبوع الياي بيبلها كيكه على سلامتها

محتاره اكت عليها نون وكيكه على سلامتها مره وحده ولا انطر لما تمشي

شربكه ها ههههههههه

 

[نـعـومـه]

وعلى سالفه الجو

احنا عندنا براد بس امبيه للحين مايه البرد البرد !!!!

 

[ام الحوراء زينب]

وحشتوووووووووووووووني كلكم
نفسيا كالعاده زيرو
وقبل يومين انفجعت بخبر وفاة زوج رفيجتي وهم اهي ويانا بالمنتدى نور الدنيا 88
الله يرحمه
علاوي اسم الله عليه قام يمشي شوي ويطيح
طبعا كالعاده كله بالمستشفى من شهر 9 لي الحين واهو يعاني من صدره وكحه
مايقول الا دادا وحجي ومساكين انا وابوه ابجورات لووووووول


شلونكم عيالكم شخبارهم

 

[اللولو الغالي]

السلامۘ عليكمۘ ورحمۘة الله وبرگاته��
شلوووونكم بنـْْ♡ـْْات
حدي مقصره معاكم

شخباركم
تابعت بعض الصفحات ‏​​بَـßÊـسّ تعبت وماقدرت اكمل
كرستاله الف مبروك والله يهون عليج

نعومه حمدلله على سلامة بنيتج

بنـْْ♡ـْْات كلكم لكم وحشه


بنتي تمشي وتركض هههههههه شكلها نكتتته
وقبل جم يوم كان عيد ميلادها

 

[نـعـومـه]

زوبا

لولو

وحشتووووناااا

عاد ردو طلو مو مره وتروحون





زنوب

ادعي ربج والله يسهل امورج

مايشوف شر علاوي نفس ولد رفيجتي كله صدره يعوره الله يشفيهم

عورتي قلبي جنه هالنك مار علي !!!!! الله يرحم زوجها يارب هم في وحده من البنات زوجها توفى صارله ٦ شهور حزتها يتلي صدمه لانها تكتب مواضيع وتسولف عن زوجها بالمنتدى اخر شي توفى الله يرحمه ويارب يصبرهم

 

[نـعـومـه]

لولو


الله يسلمج ومبروك مشي بنتج

شخبارج بعد وين عالغيبه

 

[كريستالة قطر]

مرحباً ديسمبريات ،، اشلونكم ؟؟؟

اللولو وزوبا يا هلا ومسهلا والله أنكم منورين التجمع ،، زوبا عظم الله آجركم وآجر رفيجتج ،،، انتي شلونج وشلون علاوي حبيبي ؟؟؟

اللولو / الله يبارك فيج حبيبتي ،، عقبالكم كلكم كلكم يا رب ،،، حبيبتي بنتج مبروك ع المشي وكل سنه وهي طيبه ،،، اشلون ولدج أن شالله أحسن ؟؟


دخيل الله كل ما تلاقون فرصه طلوا علينا والله كلكم واحشينا وبريق وقمورا واغلى وكل بنات تجمعنا

 

[كريستالة قطر]

نعومه ومواصلة والجادل ،، اشلونكم حبيباتي وشلون عيالكم ؟؟؟

اللحين قاعده أدور إبرة الترجيع وخبروني عن مستشفى الاهلي شكلي لي روحه ما اقدر أتحمل النساة تعبت تعبت والله كأني في عالم ثاني ،،، الله يعديها ع خير اليوم الأسبوع التاسع والله أني مستأنسة اللحين فيً الشهر الثالث ،، وعندي موعد ولا رحته سونار ودكتوره النسا أخذ ابره التثبيت الجرعه الثالثة صج لاعت جبدي ولحد اللحين ما فتحت ملف في مستشفى ،، لازم افتح ملف عشان حالتي تستدعي متابعه ،، الله يكون بالعون

 

[نـعـومـه]

كريستاله

الله يعينج شكلها نساتج جايده !!!؟؟؟

مالومج كنت اتعذب من النساه وخاصتا من السياره اوووف كنت ادوخ ولوعه موطبيعيه

 

[مواصله]

هلا بنات عذروني احاول اقرا ردوحكم بس ماقدر اركز كلنا نفسيتنا تعبانه ومتأزمين على عمي حبيبي ربي يشافيه ويعافيه

حالته تعبانه ومبنجينه بنج كامل واجهة الانعاش كلها مركبه عليه رحت طليت عليه اليوم وانتظرنا ساعه وشوي لما جابوه من غرفة العمليات مسوين له قسطره تسحب الماي من الرئه ودخلت عليه قطع قلبي مب في الدنيا وشكله مايسر لا عدو ولا حبيب الله يقر عيونا وعيون عايعياله ومرته برجعته للبيت

حبيبي عمي انسان مبتلى توه شباب تبهدل مع هالامراض كلى وسكر والحين جرثومه بالدم

يارب ياحبيبي شافيه ولا تفجعنه فيه

 

[نـعـومـه]

مواصله

اسأل الله العظيم رب العرش العظيم ان يشفي عمج ويعطيه الصحه والعافيه

 

[مواصله]

امين يارب العالمين ربي يمن عليه بالصحه والعافيه وعلى جميع مرضى المسلمين

استغفر الله خبر مب حلو وصلنا امس وحده من بنات عمنا ولدت وتوفت بعد ولادتها صار معاها نزيف واهي عندها مشاكل بالدم
ياقلبي توها صغيره بالعشرينات وعيالها صغار ربي يىحمها ويغفر لها ويصبر اهلها على فرقاهاآ
تكون بنت اخت الممثل عبدالمحسن النمر