تجمع مواليد سبتمبر (9) 2013

[.. Ro3a ..]

اشباه مالج الا تفصلين شي ناعم عند الخياط
او شوفي العربيد يمدحونه اللحين وحده تقولي ان
دراريع الحريم بانستقرام عندهم بالعربيد
انا والله ما راحت له ولا شفت شغلهم بس بمره يمكن افصل شي ناعم اذا سيرت ع حمولتي

 

[حوريه ...]

اشباه
ماتفصلين بالعربيد
ترا شايفه شغل حريم اللي بالمعارض بالعربيد
واذا لقيتي شي زين بعد قولي لنا

بنات ارض المعارض فاتح اللي بمشرف هالحين والا لا
نهاية الاسبوع بجي

 

[Aloe Vera]

اشباه


انا اشفط احس صدري فيه حليب و يابس يس مايطلع وايد بالشفط
والحمدلله فيني حليب
بجرب اشفط اليوم و ان شاء الله خير

 

[حوريه ...]

بنات جهه الخياط تحت توجعني ولما لمست المنطقه من برا لاحظت جهه اكبر من جهه يعني اللي توجعني اكبر
مادري منتفخه او من الخياط صارت كذا او من شنو شايله هم شلون احفها لانها توجعني
احد صار معه مثلي

بنات الخبره ردوا علي

 

[Moo14oon]

الوفيرا جربي باجر وشوفي


اليوم وديت ولدي المستوصف
له يومين ماخرج اوكي عادي بس
الغازات اذبحته وريحه اوف كل شوي ابدله
تعبان حبيبي ماينام ويصارخ فجاه المهم
قالت هذي بس غازات عطتني ماي غريب وقطره لخشمه
وفحصت على صدره جان تقولي صدره محسس
بعطيه كمام مره وحده بخار المهم لما طلعت وقلت زوجي
عصب توه صغير لا مافي كمام!


طبعا اي سستر تشوفه عبالهم تطعيم
وقاسوا وزنه وسالوني جم عمره يما خفت
على ولدي عاد والله اشوفه صغير يمكن الجيس
مخليه متبتب لما قلت لهم بس 20 يوم قالوا سو فات
اسم الله عليه يكفينا شرهم

حبيبتي
اناكانت. بنتي تعاني طول سته شهور وعانيت معهاوصج. ريحه غازات تبط راس
مسكينه.
انتي شكلج تعطينه بسسس. طبيعي
ششوفي عطيه رضعه حليب. صناعي وزيدي على قياسه حليبه نص قفشه
على نفس قياس ماي وبيطلع. كل اللي بطنه هالحركه سويهالضروره فقط كل يوم وترك وادعيلي

 

[Aloe Vera]

حورية


انتي قصتج قصة مع هالخياط
انا ماعرف اتصرف بدون استشارة الطبيبة
نصيحتي لج روحي الطبيبة و لا تضيعبن وقت زيادة
مابقى شي على طلعتج

 

[Aloe Vera]

اشباه


تدرين الحمدلله شي زين ان ولدج شكله اكبر يمكن لان ولد
و تم معناته تغذيته زينه
بس سالفة الامساك و الغازات صعبة مسكين الله يشافيه
انا لو منج اوديه دكتور اطفال
احس المستوصف مو مال بيبيات صغار
يوم عمر بنتي الكبيرة سنة مرضت وديتها المستوصف بس خوارة مايعرفون يتصرفون مع الصغار
و من عقبها وانا ما اودي الا حق عيادة الاطفال برويال حياة عالاقل دكاترة تخصصهم اطفال

 

[Aloe Vera]

اي صج اشباه دراريع العربيد اذكر اختي مسوية عندهم حلوة و اسعارها زينه
و هم اختي شارية دراريع روعه نظام dress من التراث الهندي وااايد حلوين و ستايل و حيل رخاص

 

[حوريه ...]

الو فير
انا كرهت الحمل والولاده بسبة الخياط

وع الدكتوره مشوار ساعه ونص رايحه ساعه ونص راده

قلت اشوف خبرتكم يمكن احد مر عليه نفس الشي

انا مو مخوفني الا يكون خراج بس

 

[حوريه ...]

انا للحين استخدم الميبو واغسل بالارطا بس

 

[Moo14oon]

انا للحين استخدم الميبو واغسل بالارطا بس

حبيبي غلط تغسلين باعشاب وجرحج وخياطج مابرا يلتهب بس خليج على اشيا طبيه والمره مرهم مضاد وميبوا

 

[حوريه ...]

حبيبي غلط تغسلين باعشاب وجرحج وخياطج مابرا يلتهب بس خليج على اشيا طبيه والمره مرهم مضاد وميبوا

لاحبيبتي الخياط التئم ورحت للدكتوره وشالت اللي برا
وانا باقي 3 ايام واطلع من الاربعين

 

[أمـ مبارك]

اشباه المطر

سلامة ولدج


بس عطيه قطرة بيبي قاز 10 نقاط بليل

وشوفي النتيجه الحلوه







وعن الدراريع الناعمه انا مثلج مالي خلق فراره



ولا لي خلق للتفصال


والله يسلمج رحت للبلوكات فريت فيه يلوع الجبد


لكن لقيت محل الغرقد الذهبي ( شحليله )

ولقيت عندهم دراريع جاهزه خياط كويتي شحلاتهم شوي عليهم والوحده 10 دنانير

بس صج حلوات ومايفشلون وناعمات وذربات اخذت منهم 4 دراريع

 

[أشبـاهـ المطـر]

روعه مابي افصل لان طلاعتي بشتا وانا ماعرف للخام شتوي
وماعندي موديلات


مون مافهمت طريقتج انا اعطيه صدري بس ماعطيته صناعي

الوفيرا صاجه ذكرتيني بتراث الهندي اخذ مره كانوا صيفيات
ان شلء الله الحين عندهم شتوي
وعن دكتور الاطفال صاجه تبين الصح انا كنت اطلع لي عذر ابي انحاش من بناتي ههههه
بس يوم نحشني زوجي وداني المستوصف حسافه المره الجايه بنحش نحشه سنعه

ام مبارك الله يسلمج والله اعطيه قاز ثلاث مرات باليوم
وماكو الله يشافيه يارب احتمال استعمل التحميله او اسوي لع رضعه تمره
لانه تعبني مخلي رضاع ومصاصه له من المغص
الحين الغرقد الذهبي هو نفسه شحليله شحليله اعرفه

 

[أشبـاهـ المطـر]

حوريه وقفي الارطا لاتستعملينه خلاص
انا ماسوي الارطا الا مرتين قبل لا اطلع انتي من زمان تستعملينها
وعادي كلنا اول مره نحاتي وطبيعي بتكون شوي منطقه الخياط غيًر
عن الجهه الثانيه لاتحاتين انتي باذن الله مضبوطه ويمكن تحتاجون كي واي
هههههههه

 

[Aloe Vera]

حورية


دقي عالدكتورة و كلميها مو شرط تروحين لها ممكن تعطيج اسم الدوا بالتلفون لان خياطج وايد طول المفروض مافيج شي الحين

 

[أمـ مبارك]

هلا اشباه اي اهو شحليله

بس ان علامه الدراريع مكتوب الغرقد الذهبي وبعض اجياسهم مكتوب الغرقد الذهبي وشحليله







بنات امس حطيت لزقه مانع الحمل والدم النفاس موقف معاي من خمس ايام والحين نزل دم !!!!!



تتوقعون وخيه النفاس !

وطيب شلون عن لزقه المانع ؟؟


توهقت مدري شسوي

 

[Aloe Vera]

ام مبارك


مادري دقي عالصيدلية و سأليهم
او دقي عالدكتورة احسن لج

 

[حوريه ...]

اشباه
مو يقولون الارطا اخر ١٠ ايام
شلون مرتين انتي ؟؟

 

[حوريه ...]

الو فيرا
هي قالت لي بيطيح وحتا سالتها لو صار جماع وماطاح قالت عادي لانه التئم
لا وابشرج اليوم طاحت عقده وخيط مادري من وين لوووووووول